Bahru-bayt

[Aliya]

Nigohingiz dildan o'chirolmasman,
Sog'inchni yurakdan ko'chirolmasman.
Ertaga kech bo'lar - yeta olmasman,
Bugun sizni bir bor ko'rishim kerak...

[Gulchehra Ibragimova]

Сообщение от Aliye BlackANGEL

Bugun sizni bir bor ko'rishim kerak...

Кузак хонамгача бостириб келди.
Ташқарига чиқдим. Хазондан қочиб.
Умрим тугаяпти. Келгин.Кел энди.
Ёв енгган шаҳардай юрагим очиқ.

Куз боғлар бошига не иш солмади,
Ана, дарахтларнинг сўнгаклари - чўп…
Сенга айтадиган сўзим қолмади,
Сенга айтадиган жимликларим – кўп…

Усмон Азим

[Romiy]

Сообщение от Gulchehra Ibragimova

Сенга айтадиган жимликларим – кўп…

Покшиор инсонлардин таралдинг бу дунёға,
Ҳар узвинг соғдур шукр айла ул кибриёға.

Йўлунгни билиб юрғил бу ҳаётда доимо,
Тоат-ибодатда бўл ҳамиша ул худоға.

Не тилак орзу бўлса сўр дуойи хайр айлаб,
Ҳеч қачон муҳтож бўлма ул бандаи гадоға.

Тутуб шариат йўлини дилни сафо айла,
Айлағил сабру таҳаммул ҳар қанча балоға.

Пок аждодларинг номини сан булғама асло,
Ҳаста Ромий, бепарво бўлма фикри уқбоға.

[Gulchehra Ibragimova]

Сообщение от Romiy

,

Ҳаста Ромий, бепарво бўлма фикри уқбоға.

Аҳли дил маърифат сиридан огоҳ,

Ўзни унутиб, Худо билан ҳамроҳ.

Саодат истасанг тилингдан, эй дўст,

Тушмагай ҳеч "Ло илоҳа иллалоҳ".


Абусаид Абдулхайр

[Romiy]

Сообщение от Gulchehra Ibragimova

Тушмагай ҳеч "Ло илоҳа иллалоҳ".

Ҳавойи нафсға учраб,хоби ғафлат бирла тобора,
Жаҳон тарихидин маҳрум биздек бўлмасун,ё Раб.

Диёрин тарк этиб ёвға, кезиб оламни саргашта,
Китоби ибрата марқум биздек бўлмасун, ё Раб.

Чекиб дарди фироқин севгили қавму қариндошин,
Ҳамиша маъюсу мағмум биздек бўлмасун, ё Раб.

Аламдин сийна чоку, нори ғурбатда жигар бағри,
Куюб, эриб мисоли мум биздек бўлмасун, ё Раб.

Комил Абдуллоҳ Андижоний - Тошқин.

[Nigora Umarova]

Bekorga sohildan arqonni uzding,
Qayiq changalida-qo'ymagan dunyo.
Hali sen bilmaysan, sohil azizmi,
Sohilga suyangan loyqali daryo?

Qaragin, suvdami yo ko'kda abr?-
Bu holni qancha yech-qoladi tugun...
Ehtimol sohillar oqayotgandir,
Ehtimol daryolar turgandir turg'un.

Sohildan uzilding-vaqt bilan o'ynab,
O'ylading: daryoda-gardunning charxi.
O, balki vaqt yurmas daryolar bo'ylab,
Yerdan falak sari oqadir balki.

O'zingni asragin, armonlar haqi!
Zaminning xatarnok rejasi puxta.
Ortingdan shovullab kelarkan ta'qib,
Pinhon tosh umringga qo'yadi nuqta.

Alvido! Alvido, sha'n birodarim,
Qaytsang kutolmayman seni qirg'oqda.
Yulduzlar gulxani yoqmoqqa-tanim
Tubsiz cheksizlikka oqib bormoqda.

Holbuki, bilmayman-qayda yakto yo'l,
Yuksaklik pastdami yoki falakda.
Ucharkan, zamindan xavotirim mo'l,
Jonim alag'dadir, jonim alag'da.

Alvido! Ufqqa qara: tarixchi
Moziy sharpasini qog'ozga bitdi:
"... Biri - ko'kchi edi, biri - dengizchi,
Ammo ikkovin ham qaro yer yutdi..."

Usmon Azim

[Gulchehra Ibragimova]

Сообщение от Nigora Umarova

Ammo ikkovin ham qaro yer yutdi..."

Usmon Azim

Икки қадам нарида чорлар жаҳанам,
Икки қадам берида имлайди илинж.
Ўша илинж домига илинган сочим,
Сочларим учида жоним-жаҳоним.

Вужудим муаллақ, аросат руҳим,
Икки қадам нарига етмас овозим,
Икки қадам берида
чақирмас ҳеч ким..

Фарида Афрўз

[albatros]

Сообщение от Gulchehra Ibragimova

чақирмас ҳеч ким..

Mayli-da, kimgadir
Yoqsa,
Yoqmasa,
Ularga qo`shilib
Yig`lasharmidik.
Biz baxtli bo`lamiz
Xudo xohlasa,
Xudo xohlamasa
Uchrasharmidik…

M.Yusuf

[Nigora Umarova]

Сообщение от albatros

Uchrasharmidik…

M.Yusuf

Kishi aybing desa, dam urmag'ilkim u erur- ko'zgu,
Chu ko'zgu tiyra bo'ldi o'zga aybing zohir aylarmu?...

Nizomiddin mir Alisher Navoiy

[albatros]

[QUOTE=Nigora Umarova;580611]

Chu ko'zgu tiyra bo'ldi o'zga aybing zohir aylarmu?...[QUOTE]

Uyda yotibman-u,
Sezib turipman,
Ko`kda kelayotir
Qushlar qaytishib.
Xayrlar yog`dirib
Qanotlaridan,
Xasta shoiriga
Vido aytishib.
Bor, mening uchun ham
Ularga qo`l qoq –
Lola, lolajonim,
Lolaqizg`aldoq!

M.Yusuf.