Ҳикматли сўзлар

[barlos]

Келса агар хонанг узра ғариб меҳмон,
Бор нарсангни олдига қўй, бўл меҳрибон.
(Маҳмуд Қошғарий)

[pipicron]

Оффтоп:

Касаллик тарихидан кўчирма...

Мана бир неча кундирки тобим йўқ. Болалигимда қаттиқ кулганимдан қувонч касалини орттириб олган эканман. Вақтида даволатмаганимни оқибати, мана ёш ўтган сари тез тез шодлик қўзғалиб безовта қилиб туради. Қани энди дунё ташвишларидан бўшаб бемалол бир оз дам ололсанг... Қайда?! Барибир бирор бир ташвиш топилади-да, касалингни ҳам унутасан.
Касалини яширсанг истимаси ошкор қилади. Минг карра хақ сўз. Ўтган хафта дўстлар билан чойхонада бир улфатчилик қилгандик. Бир оз тўрига чиқиб олган эканманми, миямга хурсандчилик ўрнашиб қолибди. Ўтиб кетар деб эътибор бермадим. Иш билан овора бўлиб унутгандек бўлдим. Хафта охирига бориб бир кучайдию, йиқитди қўйди. Шу бахона бўлдию ишхонадан рухсат олиб ҳали у дўстимни шифохонасида, ҳали бу дўстимни қабулхонасида маслахат олиб юрибман. Психологга боришни маслахат беришди. Бордим. Бормаганимга қўйишмади. Мана натижа: Шодлантирилган Бахт Саодат Синдроми. Хушим бошимдан учай деди. (Биров эшитса борми, нақ жиннига чиқаради).
Хуллас бўлар иш бўлди: жон керак бўлса жонингни жабборга бераркансан. Мана бир неча кундан бери куним мева ва сабзавотларга қолган. Нонуштага қовун ва тандирдан янги узилган ширмой нон, тушликка тарвуз ва бошқа мевалар, кечки овқатга эса олма, нок ва цитрус мевалар. Янаям хурсанд бўламан, сутга чўмилтиришмаганига. Лекин барибир сал ўзимни тортаман: ҳар қандай дорини ҳам соғлиққа таъсири бор дейишади. Врачга билдирмай секин ҳамшира қиздан сўраб билиб олдим: бунақа муолажа таъсирида кайфият кўтарилиб кетиш хавфи бор экан. Бир марта хатто шундай бўлибди ҳам, ўзим сезмабман.
Тавба, одамларга ҳам хайронсан. Иссиқ жон, ҳаммада ҳам дард бор. Ҳамкасбларим ҳам хонамга тез тез кирадиган бўлиб қолишди. Эмишки, бу касаллик ўта юқумли ва бир оғиз гапдан ҳам юқармиш. Хатто котиба қизни севганига турмушга чиқиб кетганини ҳам мени дардимга боғлаштиришиб миш-миш тарқатишди. Хатто киши билмас карантин ҳам эълон қилишибди. Хамма киши билмас бирин кетин мехнат таътилига чиқиб кетишди.
Мана, бугун ҳам бир ўзим ҳамма учун ишлаб ўтирибман. Ҳаммани мижози мени олдимда: бирига у кам, бирига бу. Мижозлар билан бўлиб дардимни ҳам бир оз унутаман. Лекин ишдан бир оз чалғидимми, тамом: қувонч ёки шодлик безовта қила бошлайди. Дам олиш кунлари хам ўзимга бирор иш топишга харакат қиламан. Акс ҳолда Шодлантирилган Бахт Саодат Синдроми яна авж оладию, каминани яна осмону фалакда кўрасиз. Кеча интернетдан бир хабарни ўқиб ташвишга тушиб қолдим: бу дард виртуал йўл билан ҳам юқар экан. Нима бўлганда ҳам эхтиёт бўлган яхши.
Дарвоқе, хабаримни ўқиганингиздан сўнг ўзингизга бир эътибор бериб қўйинг: юзингизда табассум аломатларини кўрсангиз ёки кайфият кўтарилишини ҳис қилсангиз тезда мутахассисга учрашинг ёки менга мурожаат қилинг. Бошдан ўтган табиб дейишади.

(С) 04-10-2011

[Jabbor]

Qadimda ezgu ishlarni ko‘p qilishardi, lekin gapirishmasdi. Keyin ham qiladigan, ham gapiradiganlar keldi. Endi esa faqat gapirishmoqda.
Umar ibn Horis

Ishonmagil maddoh, so‘zamollarga,
Zarracha naf uchun seni madh etar.
Bir kuni murodin hosil etmasang,
Ikki yuzdan ortiq ayb sanab ketar.
SA’DIY

[pipicron]

Мехрга зор инсонларда мехр шу қадар кўпки, бир заррасини тотиб кўриб хам тўясиз, хам зор бўласиз. (с)

[Jabbor]

Сообщение от pipicron

юзингизда табассум аломатларини кўрсангиз ёки кайфият кўтарилишини ҳис қилсангиз тезда мутахассисга учрашинг ёки менга мурожаат қилинг. Бошдан ўтган табиб дейишади.

Дардни берган давосини хам берсин дейишади. Хабарингизни ўқиб кайфиятим кўтарилиб, юзимга табассум югурганини ҳис қилдим.

Сообщение от pipicron

Нонуштага қовун ва тандирдан янги узилган ширмой нон, тушликка тарвуз ва бошқа мевалар, кечки овқатга эса олма, нок ва цитрус мевалар.

Бу дориларни овқатдан олдин ишлатиш керакми ё кейинми?

[Shokir Dolimov]

Сообщение от Jabbor

Бу дориларни овқатдан олдин ишлатиш керакми ё кейинми?

Ўрнига

[barlos]

Яхши назар билан қара ҳар кимга,
Либоси чиройли ё хунук дема. (Муиниддин Жувайний)

[barlos]

Яхши назар билан қара ҳар кимга,
Либоси чиройли ё хунук дема. (Муиниддин Жувайний)

[pipicron]

Jabbor, Сизда хам касаллик аломатларини кўраяпман. Бир неча кун пархез қилинг. Агар ёрдам бермаса демак ШБСС сизга хам юққан. Изоляторга олиш керак.


Shokir Dolimov, Сиз бу дардни бошингиздан ўтказган кўринасиз. Дорилрни фарклай оларкансиз.

[Tulqin Eshbekov]

Бирор ишни ёлчитмаган одам ҳақиқий ишлаётганларнинг ишини тушунмайди, тушунса ҳам кўролмайди...