Кун мавзуси

[Colorado]

Сообщение от Kahramon Jalilov

Bugun soat 1, 1-30 lar atrofida O'zbekiston va Qirg'iston chegara atroflarida 5-6 balli uzoq muddatli yer qimirlashi sodir bo'ldi. Ba'zi ahborot agentliklarini habar berishlaricha yer qimirlashining episentri Farg'ona vodiysidan 42 km narida joylashgan Botkent (Qirg'iston) shahrida kuzatilgan. Bu yer qimirlashi O'zbekistonning markaz viloyatlariga ham o'z ta'sirini o'tkazgan...

Оффтоп:

Азизим, расмий эмас, уз курган билганларингизни езинг, илтимос. Наманган тинчми? Синглим, жиянимдан катта хавотирдаман.

[Gulchehra Ibragimova]

[QUOTE=Colorado;583648]

Сообщение от Kahramon Jalilov

Bugun soat 1, 1-30 lar atrofida O'zbekiston va Qirg'iston chegara atroflarida 5-6 balli uzoq muddatli yer qimirlashi sodir bo'ldi.

Ҳақиқатдан ҳам даҳшатли силкиниш бўлди..Менимча бу яқин орада бизнинг ҳудудда бунақаси хали бўлмаганди..бўлмасин ҳам!
Ҳовли уйлардан кўра баланд уйларда ёмон бўларкан..Ҳамма одам кўчада,яқинларига телефон қилган, ҳол сўраган.. ваҳимада..Худога шукр талофатсиз ўтиб кетди..Юракларга бир ғулғула солди-да, ўзиям!

Эрталаб автобусдаям, метродаям ҳамма шуни гапиряпти...

[Anvar Atakhanov]

Сообщение от Colorado

Наманган тинчми?

Наманган тинч, Аллохга шукр! Талофат йук, лекин узиям... Болаларни ташкарига олиб чикишга улгурувдикхамки тухтади.

[Bobir Samadov]

Кеча яга ер кимирлаган Водийда....

[Gulchehra Ibragimova]

Буюк ва муқаддассан Мустақил
Ватан!


Мустақиллигимизнинг 20 йиллиги олдидан

Халқимиз ўзининг энг улуғ, энг азиз айёми- мустақиллигимизнинг 20 йиллигини кенг нишонламоқда. Бу гўзал байрам қалбларимизга чексиз фахр-ифтихор, кўнгилларимизга сурур бахш этади.

Ота-боболаримизнинг асрий орзулари ушалган мазкур тарихий кун юртимизнинг барча шаҳару қишлоқларида кенг миқёсда, улкан шодиёналар билан тантана қилинмоқда.

Мустақиллик-энг улуғ, энг азиз неъмат. Озодлик, ҳуррият, эркинлик. Бу олий тушунчаларни юракдан ҳис қилиш, англаб яшаш саодатдир.

Мустақиллик- халқимиз учун эркин, бахтли ва фаровон, ҳеч кимдан кам бўлмаган ҳаёт ҳаёт кечириш имконини бергани, юртдошларимизнинг барча соҳаларида ўз истеъдод ва қобилиятини тўла намоён этиши, ҳуқуқ ва эркинликларини рўёбга чиқариш учун беқиёс имкониятлар яратгани билан қадрлидир.


Халқимиз Ўзбекистон Мустақиллигини ижтимоий-маънавий хаётнинг барча жабҳаларида муносиб кутиб олишга катта тараддуд кўрмоқда. Бунёдкорлик қурилишлари она юрт чиройига чирой қўшмоқда.

Янги иншоатлар, қўшма корхоналар, йўл ва кўприклар хур ва озод халқнинг нималарга қодирлигини намоён этиб, одамлар онгу шууридаги ўзгаришларида истиқлолимиз шарофати бўй кўрсатмоқда.

Шу жумладан Халқ таълими вазирлигига қарашли Республика болалар Кутубхонасида ҳам Мустақиллигимизнинг шонли 20 йиллигини муносиб кутиб олиш учун алоҳида тайёргарлик ишлари олиб борилмоқда. Муассаса атрофлари ободонлаштирилиб, дарахт ва гул кўчатлари экилган. Паноларга турли чақирув шиорлари осилган.

Мазкур санага бағишлаб олим ва ёзувчилар билан Конференция ва турли учрашувлар ташкил этиб келинмоқда.

Бугун Кутубхонада ХТВ қошидаги «ZiyoNet» бўлимининг ходимлари, Етакчи мутахассис, Ўзбекистон Ёзувчилар Уюшмаси аъзоси, шоира Гулчеҳра Шаҳобиддини қизи ва Биринчи тоифа мутахассиси Раънохон Хўжаева, "Туркистон" газетаси мухбири Акбарали Худойбердиевлар Ўзбекистон Республикасининг 20 йиллиги муносабати билан «Шу азиз Ватан барчамизники» мавзусида китобхонлар билан давра суҳбати ўтказдилар. Давра суҳбатида Кутубхонанинг барча ходимлари иштирок этдилар.

Шоира Г.Шаҳобиддин қизи ўзининг «Шу азиз Ватан барчамизники» номли маърузаси билан бирга Ватан ва юрт тинчлиги ҳақидаги ўз ижод намуналаридан ўқиб, иштирокчиларни бахраманд этди.

Учрашув давра суҳбати асносида савол-жавоблар тариқасида ўтказилиб, қатнашчилар томонидан фикр-мулоҳазалар билдирилди. Мазкур лавҳалар ушбу ижодий учрашувдан олинган.

[Shokir Dolimov]

Кун қизиган. Назаримда, бугун ишда кам деганда бир пақир кўк чой ичдим-ов. Уйга эртароқ қайтиб, йўл-йўлакай бозорга кириш, янги узилган (свежий ) шафтолидан харид қилиш, ундан етарлича компот қайнатиб, шанба-якшанбани бир амаллаб ўтказишга аҳд қилдим (хотин йўқлиги учун ё ҳа, деб ўзимга чой дамлашга эриндим, ё бир асар таржимасини давом эттиришдан чалғигим келмади). Ҳой, форумдошлар! Бирон-бир тавсия-маслаҳат берсангиз-чи, нима қилсам бўлади? Бир пақир чой ичсам, бир ёрим пақир бўлиб чиқиб кетяпти-ку?!

[Anvar Atakhanov]

Сообщение от Dolimov

Ҳой, форумдошлар! Бирон-бир тавсия-маслаҳат берсангиз-чи, нима қилсам бўлади? Бир пақир чой ичсам, бир ёрим пақир бўлиб чиқиб кетяпти-ку?!

Ичманг, биз хам юрибмизку бир томчиям сув ичмасдан, ифторгача етиб олсак бугани:-))

[OmoN]

Сообщение от Dolimov

Бирон-бир тавсия-маслаҳат берсангиз-чи, нима қилсам бўлади? Бир пақир чой ичсам, бир ёрим пақир бўлиб чиқиб кетяпти-ку?!

Бунақа пайтда сув ичавериб қориш ҳам шишиб кетади. Лекин томоқ қақрайверади. Бир пайтлар далада ишлаб юрганимизда сувга озгина туз солиб ичардик. Ёрдам берарди. Синаб кўриш на свой страх и риск

Оффтоп:

Сообщение от 3dman

Ичманг, биз хам юрибмизку бир томчиям сув ичмасдан, ифторгача етиб олсак бугани:-))

Халқимиз ажойибда

[OmoN]

Бугун "Пахтакор-79" ҳалок бўлган кун. Пахтакорчилар бутун Ўзбекистонни йиғлатиб кетган кун.

Ҳалок бўлган футболчилар

Ўзбекистонда хизмат кўрсатган мураббий Идгай Тазетдинов
Халқаро тоифадаги спорт устаси Владимир Федоров
Ёшлар ўртасидасида Европа чемпиони Михаил Ан
Спорт усталари:
Олим Аширов
Равил Агишев
Виктор Чуркин
Сергей Покатилов
Николай Куликов
Юрий Загуменних
Владимир Макаров
Константин Баканов
Александр Корченов

Спорт усталигига номзодлар:
Шуҳрат Эшбўтаев
Владимир Собиров
Сирожиддин Бозоров

Жамоа маъмури: Мансур Толибжонов
Жамоа шифокори: Владимир Чумаков

Фотомухбир Сергей Архиповнинг хотираларидан:
http://www.uff.uz/news/sections/uzbek/29009

- Фалокат шанба куни юз берганди. Якшанба куни бу ҳақда бутун республика хабар топганди. Сешанба куни эса "Правда Востока" газетасида таъзия изҳор қилинганди. Сўнгги йўлга кузатиш маросими муддатини ҳеч ким аниқ айтмаганди. Биз Тошкент билан доимо алоқада бўлиб турганмиз. Ўзимизнинг шаҳар спорт қўмитаси раҳбарияти билан гулчамбарлар тайёрлагандик. Ортиқча ажиотаж кўтарилмаслиги учун пахтакорчиларнинг ҳокларини 18 август куни олиб келишди ва аэропортнинг ўзида мотам маросимини ўтказишди. У ерга эса фақат махсус рухсатнома орқали кириш мумкин эди.

Шундай бўлса ҳам халқ ўз севимлиларини қачон сўнгги йўлга кузатишларини билиб олганди. Аэропортдан Боткина қабристонигача бўлган йўлнинг икки томонида халқ жонли девор ташкил қилиб, ҳарбий юк машиналарда олиб кетилаётган футболчиларнинг тобутлари устига гуллар сочганди. Одамлар оқими қабристонгача давом этган. Тошкентни мотам қоплаб олганди. Кишилар кўз ёш тўкканди. Бундай манзара кўриб, баданинг музлаб кетади. Бу халқ жамоаси эди ва кўп футболчиларни ўсмирлар ўртасидаги мусобақалар пайтиданоқ яхши танирдим. Шаҳар ва мамлакат бундай шок ҳолатидан чиқиб кетиши қийин бўлди.

[Husen]

Бугун Халқаро чапақайлар куни!
Чапақайларда алоҳида ҳислати бўлади дейишади. Чапақай сифатида бу хислатни ҳали кашф қилмагандирман, шу боис бу фикрга алоҳида эътибор бермаганман. Яхишямки, Ўрта асрлар Европасида эмасмиз. Акс ҳолда, "жодугар", "шайтоннинг малайи" деб тириклай ёқиб юборишган бўлармиди?
Аммо Сиз чапақайлар ҳақида қандай фикрдасиз? Эҳтимол, ўзингизга таниш чапақайлар мисолида фикрингизни исботлаб берарсиз... Дарвоқе, табрикларни чекланмаган миқдорда исталган шаклда қабул қиламиз!