uForum.uz va O'zbek tiliga e'tibor masalasi...

[Bekmirzo]

O'zbek tiliga e'tibor masalasida uForum.uz o'rnak vazifasini o'taydi, deb aytib bo'lmaydi. Ammo, ushbu mazmunda namuna bo'lish uchun bu forumda imkoniyatlar juda ko'p. Biroq, bu imkoniyatlardan unumli foydalanilmayotganligini achinarli hol, deb o'ylayman...

Quyidagi rasmga qarasangiz, nima demoqchi bo'lganligimni tezda anglab olasiz...

1. Ushbu forumda o'zbek tilida fikr almashiladigan mavzularning barchasi "ОБРАЗОВАНИЕ" sub-forumining ZiyoNET, Ижод хусусида сўз va bo'limlarida olib boriladi.
2. Ижод хусусида сўз bo'limiga o'zbek tilida yaxshigina ta'rif berilgan-u, ZiyoNet bo'limiga bu narsa haligacha ravo ko'rilmagan...
3. Mavzularining aksariyati O'zbek tilida yozilgan bo'limning "Кутубхона" deb emas, balki hali ham Библиотеки deb nomlanib turishi forum ma'muriyatiga g'alati ko'rinmayotganiga hayronman...
4. Bu forumda o'zbek tilli ishtirokchilarning kamligini onda-sonda gapirib turamiz. Biroq, forumda mavjud o'zbek tilli ishtirokchilarning aksariyati bor joyda fikr almashib turadigan sub-forumning nomlanishida "Образование" so'zi oldidan uning o'zbek tilidagi muqobilini [Таълим] yozib qo'yish hech kimning xayoliga kelmagandek, nazarimda...


Forum ma'muriyatidan ushbu masalaga ijobiy yondoshib, kerakli choralarni ko'rishlarini iltimos qilib qolaman.

Samimiyat ila
kamina