Ajab!!!

[Maestro]

Оффтоп:

Сообщение от Bahrom

Men uchun jumboq qandaydir jonzotning ovozi, jumboq u jonzot(balki it) yerni tagiga qanday kirib qolgani edi.

Сообщение от Bahrom

Bir kun hayolimda mendan bir it ovqat so'rayotgandek bo'ldi, ovqatning ortib qolganini o'ylanib-o'ylanib ko'chaga olib chiqdim. Podezdan chiqishimda hayron qoldim, bizning podezga bir egasi yo'q it ishonch bilan qarab turibdi. Nahotki u meni masofadan boshqardi? Deb rosa kulgandim.

Жуда қизиқ... Баҳромжон, сир бўлмаса, ёшингиз нечада?

[Maestro]

Оффтоп:

Сообщение от Баходир кушаков

агар уйнинг ичида бирор нарсангни йўқотиб қўйган бўлсанг, "жин, жин ўйнаб бўлган бўлсанг жойига қўйиб қўй" десанг, жойига қўйиб қўяди.-дердилар. Кулманглар фақат, , бу гапи жуда кўп исботланган.

Баходир ака, шу гапларни жиддий айтаяпсизми? Зинҳор куляётганим йўқ... Шунчаки, жиддий гапми ёки оддий "стёб"милигини аниқлаб, шунга қараб бир хулоса чиқариб олмоқчийдим...

[Баходир кушаков]

Сообщение от Maestro

Баходир ака, шу гапларни жиддий айтаяпсизми? Зинҳор куляётганим йўқ... Шунчаки, жиддий гапми ёки оддий "стёб"милигини аниқлаб, шунга қараб бир хулоса чиқариб олмоқчийдим..

Бу бир стёб аралаш гап муҳтарам Маэстро! Аммо кўпинча ўзимда синаганман. Ростини айтсам, ҳозирга қадар шу усулда уй ичида тополмаган нарсамни қидираман. Бу ҳеч тополмаганимдан кейин, энг оҳирги вариант. Лекин топилиши факт эмас, бу менинг бунга ўта ишонишимни билдирмайди. Шунчаки агар ўшанда топилиб қолса, бир ўзимча кампирнинг гапларини эслаб жилмайиб қўяман ҳолос. Тўғри савол берибсиз Маэстро. Ёзишга ёзиб, ўзим ҳудди шу нарсани рост эканлигини исботламоқчи бўлгандай кўринган эканман. Саволингиз туфайли бироз ёритиш киритилди деб ўйлайман. Шу кунларда, шу ердаям, мана шу мавзуда суҳбат бўлиб қолди. Ишонсангиз украинлар ҳам йўқотган нарсасини топмоқчи бўлишса "Чёрт, чёрт поиграй да отдай" дейишаркан. Гапларига эътибор берсам, мендан кўра анча кучлироқ ишонишаркан.

[Баходир кушаков]

Жинларни инкор этиш динимизда дуруст эмаслигини билсам ҳам, Ўзи кечирсин деган ҳолда бу ҳолатга ўзимча психологик нуқтаи назардан ҳам ёндошиб кўрганман. Дейлик бирор нарсангизни ҳонадан излаяпсиз. Бутун фикру ҳаёлингиз ўша излаётган нарсангизни топишга қаратилган. Сиз излайверасиз, ҳатто уни кўрсангиз ҳам эътибор бермай ўтиб кетишингиз мумкин. Аҳири ўша вариантни қўллайсиз, шунда сизнинг онгингизда бошқа йўналиш бошланади, яъни сиз уни топиб олишингиз эмас, балки жиннинг сизга топиб бериши кўпроқ ҳаёлингизни қамрайди. Натижада ҳали кўрмай ўтиб кетган нарсангизга кўзингиз тушиб қолади. Яқинда бир оғайним менга:- Тинчликми? Сенга нима бўлди? Кўзимга қараб туриб ҳам бошимни қимирлатганимга жавоб бермадинг - дейди. - Узр ошна ҳаёлга берилиб қолибман - деб қўйдим. Аслидаям шундай бўлган эди. Бир ҳаёлда туриб, ошнамнинг кўзига қараб туриб ҳам уни кўрмапман. Менимча буям шунга ўҳшаш бир ҳолат бўлса керак. Бу менинг фикрим ҳолос.

[Bahrom]

Сообщение от Maestro

Оффтоп:

Жуда қизиқ... Баҳромжон, сир бўлмаса, ёшингиз нечада?

Agar yerni tagidan itning ovoziga o'xshash(balki chiyabo'ri) ovoz chiqqanida, necha yoshdaligimga qiziqsangiz, taxminan 13 yoshlarda edim. Yonimdagi itim qochib ketgan. Bu voqeyada jumoq, daydi itmi, chiyabo'rimi, yer tagiga in qursa, uning uzunligi 30 metrdan osharmikan degansavol bo'lgan o'shanda. Hech qanday jin, yoki ruh, yo yana biror g'ayritabiiy narsa deb o'ylamaganman.
Hozirda 25dan oshgan yoshim.
Insonning tabiat va hayvonot dunyosi bilan qalban bog'liq bo'lishi mumkinligini, uni xis qilganlar biladi. Xattoki temir uskunani ham xis qilish qobilyati bo'lishi kerak odamda. Agar masalan, mashinani xis qilish qobiliyati bo'lmagan odamdan, mashina ustasi chiqmaydi.

[Отабек Грузин]

Сообщение от Баходир кушаков

Ишонсангиз украинлар ҳам йўқотган нарсасини топмоқчи бўлишса "Чёрт, чёрт поиграй да отдай" дейишаркан. Гапларига эътибор берсам, мендан кўра анча кучлироқ ишонишаркан.

Мен Кореада бундай нарсани сезмадим. Бироқ шаманизм, руҳларга ишониш бор.

[Отабек Грузин]

Сообщение от Bahrom

Agar masalan, mashinani xis qilish qobiliyati bo'lmagan odamdan, mashina ustasi chiqmaydi.

Қўшиламан. Мен овқат пиширишнинг кўп усулини биламан, лекин ўзимга ёқмайди. Бошқалар ҳам унчалик мақташмайди. Бир жўрам бор, ўзи ошпаз эмас, лекин икки дона картошканиям шундай мазали қовурадики, маза қилиб ейсиз. "Агар пишираятган таомингни ҳис қила олсанг, ичингдан бир овоз қачон тайёр бўлишини сенга етказиб туради"дейди. Қабристондан келадиган овозлар ҳали унчалик ўрганилмаган. Тириклайин кўмилган одамни қабрда тирилиб кетиб бақиргани ҳақида эшитгандим.

[Баходир кушаков]

Шокиржон кўринмай кетдингиз? Анекдотларга сиз ҳам мен каби ишқибоз эканлигингизни билдим. Лекин биз анекдот айтишни эплолмадик. Одатда бирор кампанияда анекдот айтсангиз, қизиқ бўлса аввал эшитмаганлар мириқиб кулишади. Аввал эшитган, ёки унчалик кулгили бўлмаса номига кўнгил учун кулиб қўйишади, ёки умуман кулмай қўя қолишади. Анекдотлар мавзусидаги айрим укаларимиз аввал эшитган бўлса, ёки кулгили туюлмаса, қулоғингизни тагига шапалоқ тортиб юборишар экан. ("-" босишиб, ёқса "+" бос, ёқмаса индамай қўявер, тушунарли бўлаверади). Шунинг учун аралашмай қўя қолдим. Шу ҳеч минусга кўниколмадим. Жуда қўпол туюлади менга. "+" каби оддий "-" бўлса бошқа гап эди. Тагидаги изоҳи қўпол жуда. Шунинг учун ҳеч кимга "-" босмайман. Бошқа мавзуларгаям аралашиб туринг ука.

[Ustoz]

Сообщение от Баходир кушаков

Дейлик бирор нарсангизни ҳонадан излаяпсиз.

Bunaqa narsa menda juda ko`p bo`ladi, ammo bittasini aytaman. Bir kuni chashkamni yo`qotib qo`ydim (xonamda o`tirib choy, kofe ichib o`tiradigan odatim bor), har doim qo`lim ostida turadigan chashka yo`q. Rafiqamdan so`radim, birga qidirdik, topolmadik. Keyin jahlim chiqib, shkafning hamma tokchalarini qarab chiqdim, keyin (huddi bir latifadagidek) tiz cho`kib shkafning pastki eshiklarini ochib qaray boshladim. Tizzalab harakatlanayotgan odam arzimagan narsaga ham qoqilishini bilasizlar, ikki marta shkafning u tomonidan bu tomoniga harakatlanib hamma yoqni qarab chiqqanimdan keyin charchab "Uf" dedim-da oyoqlarimni uzatib shundoq qo`llarimga suyansam, o`ng qo`lim bir narsaga tegdi, ne ko`z bilan qaray-ki chashka shundoq gilam ustida mana men deb turibdi. Hudo shohid shu yerni bir necha martalab qaraganman, va shu yerdan tizzlab necha marta o`tkanman, ammo u o`sha yerda yo`q edi.

[Shokir Dolimov]

Сообщение от Баходир кушаков

Шокиржон кўринмай кетдингиз?

Хизматчилик.

Сообщение от Баходир кушаков

Бошқа мавзуларгаям аралашиб туринг ука.

Ушбу форумимизда мен аралашмаган мавзунинг ўзи бўлмаса керак .

Сообщение от Баходир кушаков

Анекдотларга сиз ҳам мен каби ишқибоз эканлигингизни билдим. Лекин биз анекдот айтишни эплолмадик. Одатда бирор кампанияда анекдот айтсангиз, қизиқ бўлса аввал эшитмаганлар мириқиб кулишади. Аввал эшитган, ёки унчалик кулгили бўлмаса номига кўнгил учун кулиб қўйишади, ёки умуман кулмай қўя қолишади. Анекдотлар мавзусидаги айрим укаларимиз аввал эшитган бўлса, ёки кулгили туюлмаса, қулоғингизни тагига шапалоқ тортиб юборишар экан. ("-" босишиб, ёқса "+" бос, ёқмаса индамай қўявер, тушунарли бўлаверади). Шунинг учун аралашмай қўя қолдим.

Анекдот масаласига келсак, форумдошлар авваламбор, латифа муаллифидан янгилик кутишади ва бу табиий, албатта. Бироқ шунда ҳам, мазмунан диний, ирқий, жинсий каби масалаларда таҳқирга йўл қўйилиши, ҳаддан ортиқ беодоблик, улар томонидан оқланмайди. Бу ҳам, форумимиз нуфузини ошиши, бачкана бўлиб кетмаслигига хизмат қилади. Мисол учун, ҳарбий ҳаётга оид латифаларим кўп рағбатлантирилган. Таъкидлаб ўтмоқчиман-ки, латифани ёзма равишда ҳавола этиш бошқа, оғзаки айтиш бошқа. У қадар кулгили бўлмаган латифани ўз ўрнида шундай айтиб бериш мумкинки, эшитганлар кулавериб, қорнини ушлаб қолади.