Bahru-bayt

[Alisher Asror]

Nolimasman, ko`zimda gar yoshlar bor,
Nolimasman , yurakda zil toshlar bor.
Odam Ato adashgan bu o`lkada,
Tangri bergan fazilat - bardoshlar bor!

Alisher Asror

[Gulchehra Ibragimova]

Рақиблар сўзига бардош берурман,
Туҳмату, ғийбатга жавоб айтурман,
Ва лекин дўстларим отса зарра тош-
Ёшимни тийолмай йиғлаб ўтурмаН

[Masud Mahsudov]

Zohid, senga – hur, manga – jonona kerak,
Jannat – sanga bo’lsun, manga – mayxona kerak.
Mayxona aro soqiyu paymona kerak,
Paymona necha bo’lsa to’la, yona kerak.

(Alisher Navoiy)

[Nigora Jumaeva]

Нима қилай айтинг, қаерга борай,
Қай кимсага бориб дардимни ёрай.
Келинг пойингизга бошимни урай,
Сизни севиб қолдим нима қилайин.

Лазиз Орзу

[Nigora Jumaeva]

Неча гуллар сўлди боғлар, боғ бўлгунча.
Неча булбул куйди зоғлар, соғ бўлгунча.
Мен бир мажнун бўлолмадим кўйларингда,
Қанча мажнун куйиб битди ўйларингда.
Ҳар не бўлсин ҳикмат бордир очиқ, ойдин.
Буни англай била олсам, чиқдим лойдин.
Агар қолмоқ истасам, гар лойларингда,
Куйиб битгум дўзаҳдаги жойларингда.
Умид билан дуо этдим, қўлим очиқ.
Ҳатто тикан санчиб кўрдим, кўзим очиқ.
Асли тамбал, зўр ландовур, девонаман.
Манзилга ҳеч етолмадим, йўлим очиқ.
Абдукарим Мирзаев

[Nigora Jumaeva]

Иймон танламайди гадо деб, шоҳ деб-
Гина сақламанг, дўст, эски бир доғ деб.
Қўлимни узатдим раҳматуллоҳ деб,
Илоҳо омин, Илоҳо омин,

Носир Жўраев

[Nigora Jumaeva]

Аллоҳнинг арқонин тутаман
Бўйнимга иламан
Биламан…
Қачондир тортади.
Қўрқаман тортилган арқонда
Бошлари саждага бормаган
Бир фосиқ осилиб боради.
Дилозор бандаман.
Дилозор…
Бу дунё алмисоқ бир бозор
Бозорда мозорга айланган
Битта қалб эврилиб боради.
Мозорлар…
Уст гўзал…
Ич хароб…
Харобадан чиқиб боради
Ожиз…
Жуда ожиз бир хитоб.
Уйғониб кетаман хитобдан
Қаршимда дераза ва девор
Табассум қиламан телбадай!..

Абдукарим Мирзаев

[Nigora Jumaeva]

Мен сени севаман: момақалдироқ –
Гумбирлаб – бор-йўғим чирпирак қилди.
Севгилим – гўзалим, азизам мени –
Кўзларим йўлингда жонсарак бўлди.
Мен сени севаман, асирингман мен,
Сени борлигингнинг ўзи менга бахт.
О, қалбим, о, севгим, севгилим мени,
Биламан – бунда дард, ғаму-андуҳ – тахт.


Лазиз Орзу

[Alisher Asror]

Nadin titrar siynalar,
Nadin achchiq ginalar?
Yo`lingizga yomonlar
Sochdi sovuq iynalar!??

(Omon Matchon)

[Gulchehra Ibragimova]

Яна "Р" ҳарфими?! Майли ҳаракат қилиб кўрайлик-чи:

Рашкнинг дўзахига яна кирарман,
Бир ёмон дастидан йиғлаб юрарман,
Оҳ, ўша ёмонни яхши кўрарман,
Аҳли ишққа куйиб-ёниблар айтдим:
"Тирилдим, яшамоқ фаслимга қайтдим!" (Х.Бобомуродова)