Талабалар ижоди намуналарининг муҳокамаси - Страница 14

Tulqin Eshbekov · 08.11.2012 02:12

МУСТАҲКАМ ИЛДИЗНИНГ КЎРКАМ ЯПРОҒИ...

Ёш истеъдод соҳибаси Дилбар Райимжонованинг мақолалари республика газета-журналларида ёритилмоқда. Ижод билан бир қаторда илмий изланишлар ҳам олиб бормоқда. Дилбархоннинг журналист кадр бўлиб камол топишида “Фарғона ҳақиқати” газетасининг алоҳида ўрни бор. “Ахборот маконида ёшлар овози” тўпламида унинг “Бола кимдан тарбия олади?” сарлавҳали мақоласи чоп этилган

* * *

О, ота маконим, онажон ўлкам! Дурдоналар ичра дурдона, мен учун оламда бирдона, водий гавҳари бўлмиш гўзал Фарғонам, Фарғонажоним! Бағрингда камол топаётганимдан қанчалар бахтиёрмана! Мен, мен сен етиштирган буюк аждодларнинг муносиб фарзанди эканимдан қалбимда қанчалар фахр ҳиссини туяман-а!
Мен бугун бир оддий талаба, йўўқ-йўўқ оддий талаба эмас, талаба бўлганда ҳам сенинг нурафшон келажагинг, фаровон ҳаётинг, нурли истиқболинг ва самарали ривожинг йўлида узоқ манзилни кўзлаб йўлга отланган бир йўловчи талабангман! МЕН бугун гўзал она диёрим шаънини баралла дунёга таратишни мақсад қилган озодлик куйчисиман.
Бугун юртим жамоли ўзгача тароват касб этмоқда. Кенг ва равон кўчалар гўё келажакнинг нурафшон йўллари бардавомлигидан, мен танлаган йўл, албат, юксак мақсадлар сари йўналганидан бир нишонадир. Шаҳримиз узра қад кўтарган виқорли, замонавий бинолар қаддимиз сингари қадримиз ҳам баланд эканининг тимсолидир. МЕН шундай озод ва обод юртнинг бахтли фарзандиман.
Она! Ушбу сўз жаранглаганда, қалбимизнинг энг тубидаги жамики ҳис-туйғулар ўзгача тароват касб этади. Унинг меҳри қуёш тафтиданда иссиқ, музларнида эритишга қодир, қалби дунё кенгликлариданда чексиз, пок, эзгуликларнида яратишга қодир. Менинг онажоним эса дунёдаги барча оналардан ўзгача, бебаҳодирлар. Тақдир экан, мен ота меҳридан эрта жудо бўлдим. Отасизлик оғир дард, лекин меҳрибон онам биз учун ҳам оталик, ҳам оналик вазифасини бажариб, меҳрга ташна дилларимиз чанқоғини қондирдилар. Ширин сўзларию, ҳаётга, порлоқ келажагимизга бўлган юксак ишончлари ила дармон бўлдилар. Шундай меҳрини фарзандлари қалбига жо этган, жасорати зарҳал ҳарфлар ила битишга арзигулик онам билан умрбод фахрланаман.

Дилбар РАЙИМЖОНОВА,
ЎзМУ Журналистика факультети 3-босқич талабаси.

Ustoz · 08.11.2012 07:12

Domla uzr, hozir yaqinda, 10 daqiqa oldin, TVda Jahon Tillari Universitetining Jurnalistika fakulteti haqida gap bo`ldi, ya`ni o`sha yerda o`qiydigan bir qiz o`z she`rini o`qidi. Jahon Tillari universitetida Jurnalistika Fakulteti borligidan behabar ekanman. Shu haqda nima deysiz va sizning fakultet bilan o`sha fakultetning nima farqi bor? (Balki u yerdagisi xalqaro jurnalistikadir?)

Tulqin Eshbekov · 08.11.2012 07:12

KELAJAGI PORLOQ YURTNING BARKAMOL AVLODIMIZ

Iste’dodli yosh qalamkash Ibodatxon Niyozova 1992-yilda Toshkent shahrida tug`ilgan. 2004-yilda “Yosh suxandonlar” tanlovida bosh sovrinni qo`lga kiritgan. 2006-yilda ona tili va adabiyot fanidan bo`lib o`tgan fan olimpiadasi respublika bosqichida faxrli o`rinni olgan. Maqolalari “Hurriyat”, “Ma’rifat”, “Toshkent haqiqati”, “Hordiq”, “Charxpalak” gazetalarida yoritilgan.

* * *
Yurtimizda olib borilayotgan ko`plab islohotlarning asosini kelajak poydevorini quruvchi bugungi kun yoshlari hayotini, ularning ma’naviy olamini yuksaltirish, milliy va umuminsoniy qadriyatlar ruhida tarbiyalash hamda bunyodkor g`oyalarni ularning dunyoqarashida aks ettirish masalalari tashkil qiladi. Yurtimizda yoshlar huquqini barcha sohalarda himoya qilish maqsadida tegishli tashkiliy huquqiy asoslar to`la shakllantirib borilmoqda. Biz hozirda yurtimizning ertangi rivoji yo`lida qanday chuqur o`ylangan maqsadlarni tuzmaylik, bu rejalarni bajarish uchun yelib-yugurib harakat qilamiz. Ularning barchasini amalga oshirishga undaydigan vujudimizda shunday bir kuch borki, u ham bo`lsa yurtimizning ertangi kuniga bo`lgan ishonchimiz desak, xato bo`lmaydi. Aytish joizki, axborot asrida g`oyaviy-mafkuraviy xurujlar turli xil shakllarda avj olmoqda. U yolg`on axborot tarqatish, jamoatchilik fikrini chalg`itish, milliy ma’naviy qadriyatlarni soxtalashtirish va ular o`rniga begona qadriyatlarni singdirish, xalqning tarixiy xotirasini buzish va o`zgartirishlarda namoyon bo`ladi. Birgina noto`g`ri axborot xalqning tinchligini buzib yuborishi hech gap emas. Axborot oqimini to`g`ri yo`naltira olmaslik ham yillar davomida shakllanib kelgan ma’naviy qadriyatlarni parchalab yuborishi mumkin. Bunday ofatlardan yiroq yurishni hayotning o`zi taqozo etmoqda. Yoshlarga yaratilgan katta imkoniyatlarni ko`rib ko`z quvnaydi. Muhtaram Yurtboshimiz ta’biri bilan aytganda, ilm-u ma’rifat insonni yuksakka ko`taradi. Imkoniyatlardan unumli foydalanib, yurtimizning porloq kelajagiga o`z hissamizni qo`shsak, oldimizga qo`ygan eng katta maqsadimizni amalga oshirgan bo`lardik. Zero, yoshlarga ko`rsatilayotgan g`amxo`rlik kelajagimiz poydevorini mustahkamlash uchun asosiy omil bo`lib xizmat qiladi. Biz yoshlar haqli ravishda: “Kelajagi porloq yurtning barkamol avlodimiz!” deya olamiz.

Yurakdan sen uchun she’rlar bitamiz,
Porloq kunlaringni orzu etamiz.
Erishdik, nihoyat, bu kunlarga ham,
Kelajaging quramiz, Vatanim – Onam.

Ibodatxon NIYOZOVA

Tulqin Eshbekov · 08.11.2012 07:20

Цитата:

Сообщение от Ustoz

Jahon Tillari universitetida Jurnalistika Fakulteti borligidan behabar ekanman.

1999 йилда Ўзбекистон давлат жаҳон тиллари университети таркибида Халқаро журналистика факультети ташкил этилган. 2002-2006 ўқув йилларида мен ҳам ўша факультетда фаолият кўрсатиб, номзодлик диссертациямни тайёрлаганман.
2006 йил сентябрдан ЎзМУ журналистика факультетида фаолиятимни давом эттира бошладим, ўша йили ЎзМУда диссертациямни ҳимоя қилдим.
Бу ўқув даргоҳида ҳам журналист-кадрлар тайёрланади. Уларда кўпроқ жаҳон тилларини мукаммал ўргатади. Ижодкор кадрлар тайёрлашда иккала факультет ўртасида ўзига яраша рақобат ҳам йўқ эмас.

myu · 08.11.2012 09:53