Ҳикматли сўзлар

[Nargis]

айтган сўзим ҳожам, айтмаганим қулим, қулдор бўлмоқ афзалдир, афзал,

[Nargis]

Сообщение от Bahriddin Shayvaliev

Қачондир қаердадир қулоғимга чалинганди "Ҳаёдан сўзлайди барча шарманда!"
Қандай даҳшат, шундай эмасми?

отдан тушса ҳам эгардан тушмайди, аммо эгарсиз кирар қабрга.

[Tulqin Eshbekov]

Кўнглида заррача кири бор одам бирор яхши мақсадга эриша олмайди!

[barlos]

Таълим фақат сўз ва ўргатиш билангина бўлади.
Тарбия эса амалий иш, тажриба билан бўлади. (Фаробий)

Фалокат юз берган чоғда қалтис қарорлар қабул қилишга тўғри келади (Сенека)

Ҳаддан ортиқ шодлик ҳам инсонни эзиб юборади (Сенека)

Кимдаки, ўз ёшининг руҳи бўлмаса, у шу ёшнинг барча ғам-аламларини тортишга маҳкумдир (Вольтер)

[Tulqin Eshbekov]

Ҳар кимки ҳаётдан олмаса таълим, унга ўргатолмас бирор муаллим.
(Бу ҳикматли сўзни кўп такрорлаб юраман, шу муносабат билан форумда ҳам бир бор такроран ёзишга жазм қилдим).

[barlos]

Бир ҳовуч ҳикмат:

Нима десам экан деб андиша қилишлик, нега айтдим деб пушаймон бўлишдан афзал.

Жоҳил агар тил билан донишманддан ғолиб келса ажаб эмас, чунки тош ҳам жавоҳирни синдиради.

Қудратлилик молу дунё кўплигида бўлмаганидек, улуғлик ҳам ёш кўплигида эмас - ақлдадур.

[Tulqin Eshbekov]

Сообщение от barlos

улуғлик ҳам ёш кўплигида эмас - ақлдадур.

Ақл ёшда эмас, бошда, деган мақолга монанд ҳикмат экан...

[barlos]

Сообщение от Tulqin Eshbekov

Ақл ёшда эмас, бошда, деган мақолга монанд ҳикмат экан...

Албатта, домла. Давид Юмнинг фикрича: Ҳаётни ақл эмас, одат бошқаради.

[barlos]

Тангрим, мени дўстлардан паноҳингда сақла-душманларни ўзим эплайман. (Вольтер)

Ҳалол одамни таъқиб қилиш мумкин, аммо уни шарманда қилиб бўлмайди. (Вольтер)

Одамлар баъзан ўзлари ишонмайдиган мақтовларни ҳам ёқтирадилар. (Вовенарг)

Чала билим эгаси бўлишдан кўра, билимсизлик афзалроқдир. (Ибн Сино)

[barlos]

Ҳамма хотирасидан нолийди-ю, лекин ҳеч ким ақлидан нолимайди. (Ларошфуко)

Менинг дардим шундаки, китоб ёзишга киришаман-у, у ниҳоясига етгач, ёзганларимдан уяламан. (Монтескьё)