Bahru-bayt

[Mahmud Jurat]

Сообщение от Alisher Muminov

Балки боқиб турган кўзингиз !?

***
Зорланиб дунёни мендан аядинг,
Мени аямадинг дунё дардидан.
Юрагимда кечган ҳар бир ҳаяжон,
Менга хабар ахир дунёвий сирдан.

Сенга сир керакмас, мен керак жоним,
Бу ташвиш сирларни биламан мен ҳам.
Ҳали чиқмас экан танамдан жоним,
Дунёнинг сирлари қалбимга малҳам.

Мени аямагин дунё дардидан,
Қўявер ҳисларим яйрасин ёниб.
Бу бозор дунёнинг ютиб заҳридан,
Юрак малҳами деб ичайин қониб.

Қўй, мени аяма дунё дардидан,
Оҳ-воҳлар аслида ёлғон бир садо.
Биргина жонимдир Оллоҳ маҳридан,
Қолган дардларимга мен ўзим даво.
(С)

[Gulchehra Ibragimova]

Сообщение от Mahmud Jurat

Биргина жонимдир Оллоҳ маҳридан,
Қолган дардларимга мен ўзим даво.

..Oy chiqar goh zaholi,
Do'stlar ko'pdir vafoli,
Hayot shundan safoli,
Lekin hech qachon chiqmas yodimdan
Sokin so'zlashlaring, pinhon izlashlaring.

Umr - yo'l, qayrilish ko'p,
Uchrashish, ayriliq ko'p,
Unutish, aytilish ko'p,
Lekin hech qachon chiqmas yodimdan
O'sha kulishlaring, o'sha kelishlaring...

Omon Matjon

[Nigora Jumaeva]

Гулларнинг туси бағир қонимдан,
Маст нози севгининг тонгидан.
Мен у билан айладим тараннум,
Ҳар сўзда қуёш қилур табассум

Ойбек

[Gulchehra Ibragimova]

Сообщение от Nigora Jumaeva

Ҳар сўзда қуёш қилур табассум

Muncha g'amgin bo'lmasa o'ylar,
Hijron muncha bo'lmasa uzoq,
Meni o'yla, sog'inib o'yla,
Yo'lg'iz meni o'yla intizor,
Muncha g'amgin bo'lmasa o'ylar.


Hijron muncha bo'lmasa uzoq,
Holbuki, bir qadam o'rtada.
Oramizni kim buzdi, o'zi,
Inonkim, behuda o'rtadi.
Hijron muncha bo'lmasa uzoq...


Rauf Parfi

[Masud Mahsudov]

Қалб – мeндан яширган дил дафтарингиз,
Кўнгил - Сиз қизғанган сирли тугунча.
Кўз ёш – юрагингиз ғарқ этган дeнгиз,
Орзу – ниятлардан яралган ғунча.

Жимлик – Сизни жумбоқ айлаган аср,
Табассум – чeҳрангиз абад мeҳмони.
Сабр – маликаси сиз бўлган қаср,
Сeвги – Сиз туймаган туйғу уммони.

Субҳидам – Сизни илк ўйлаганим вақт,
Оқшом – хиралашиб қолган бир хаёл.
Уйқу – мeн билмаган ўзга ҳаловат,
Бeдорлик – мeни кўп қийнаган савол.

Нур – Сиздан таралган ажиб чин ёғду,
Шаббода – сочингиз ўйнаган насим.
Мeҳр –сўзингизда яширин жоду,
Тундeк кўзингизга кeлар ҳавасим.

(c)

[Gulchehra Ibragimova]

Men seni topgandim, ammo yaxshi qol,
Sen "yaxshi qol", degil, "ko'rishguncha"mas.
Bul quyosh hali ko'p ol bo'ladir, ol,
Bul oy ham umrimga ko'p qiladir qasd.

Sen sherik bo'lmaysan endi g'amimga,
Darvoqe, hech qachon sherik qilmadim.
Xayr endi, ma'zur tut ortiq-kamimga,
Men seni Layloday seva bilmadim.

O'rtanma, bu xato mushkullaridan,
Yo rabbiy, lahzada bor orzular puch.
Men ham qaydan bilay ishq yo'llarida-
Majnun emas, Senga kelarimni duch..

Halima Xudoyberdieva

[Masud Mahsudov]

Чархпалак мисоли тўхтамас ҳаёт,
Сувдeк тарқалади бошимдан ўйлар.
Қадамлаб, тарихим этганимда ёд,
Бугуним, эртамни ютмоқда йўллар.

Симёғоч кeтидан симёғоч кeлар,
Сўқмоғу, адирлар ортимдан елар,
Далалар ўрмонга алмашавeрар –
Умримни опичиб ўтмоқда йўллар.

Бир ташвиш битар-у, яна муаммо,
Ёруғ олам ғами тугамас асло.
Манзилим қай томон биламан, аммо,
Билмам, қай томонга кeтмоқда йўллар.

Кўзим мудроқ босиб,
Бирдан уйғониб,
Ичим ғалат бўлар, тушга ишониб.
Кeлажак бахтимдeк қизариб-ёниб,
Қуёш-ла уфқларга ботмоқда йўллар

Тонг отар, кун ботар – улғаяди дил,
Орзу-ҳавасларга ошуфта кўнгил ,
Қалб айтар: “Тақдирга нe ёзса, кўнгил”
Манглайга нeларни битмоқда йўллар?

Мeни яна кутмоқда қанча йўллар?

(c)

[Gulchehra Ibragimova]

Сообщение от Masud Mahsudov

Мeни яна кутмоқда қанча йўллар?

Ruhim ko‘taradi bayroqlarini...
Dunyo kambag‘alni kamsitib, g‘ajib
Tag‘in boyitarkan boyroqlarini
Ruhim olib qo‘yar boshimdan tojni

Halima Xudoyberdieva

[Баходир кушаков]

Сообщение от мафтун

С дан келтириш шартмас

Мухтарам Алишербек!Аввало огохлантирганлигингиз учун миннатдорчилигимни ва хатоим учун узримни кабул килишингизни сурайман.Узи узбек ва рус тилларини яхши урганмаганлигим учунми,форум коидаларига яхши тушунмабман шекилли, айрим хатоларга йул куйяпман.Янги булганлигимиз учун соддалик килган булсак айбга буюрмайсизлар.Факат ОФФТОПни ёзиш шартмас эди деб уйлайман.шу ортикчадек туюлди.Яна бир бор каминани маъзур тутсинлар.Юксак хурмат ва эхтиром ила БАХОДИР.

[мафтун]

Сообщение от Баходир кушаков

Факат ОФФТОПни ёзиш шартмас эди деб уйлайман.шу ортикчадек туюлди

Сизни яқин олганимнинг ишораси сифатида ҳазиллашгандим. Оғир олманг. Аслида офф. айнан вазиятни юмшатиш, сизни бездирмаслик учун қўйилганди. Ҳечқиси йўқ, биз ҳам бошида айрим тушунмовчиликларга йўл қўйганимизда "багаж"имизни - ларга керагича тўлдириб олганмиз. Ўзингизни бегона тутиб ҳар нарсани кўнгилга олаверманг, бизда ҳали бундан қаттиқроқ "муносабатар" ҳам бўлади, қувонарлиси эса ҳаммаси самимий ва беғараз. Форумга хуш келибсиз. Ижодингизга барака тилаб Абдулазиз.