Болалар дунёсида ўзлигини топган адиб: Худойберди Тухтабоев

[Xurshid Dustmuhammad]

Демак, асарларингиз оммалашиб кетишини аввалдан мўлжалга оласиз. Бундан, оммалашмаган роман яхши асар эмас, деган хулоса чиқмайдими?

[Xudoyberdi To'xtaboyev]

Сообщение от Xurshid Dustmuhammad

Демак, асарларингиз оммалашиб кетишини аввалдан мўлжалга оласиз. Бундан, оммалашмаган роман яхши асар эмас, деган хулоса чиқмайдими?

Сиз Европа адабиётидаги мисолларни назарда тутаяпсиз, сезяпман. Шахсан мен, ўқилиши қийин, оммалашмаган улкан ёзувчилар қолдирган асарларни ҳурмат қиламан. Аммо-лекин биз ундай ёзишга одатланмаганмиз, китобхон халқимизда ундай асарларни ўқиш тажрибаси кам. Шу боис, ҳаёт хақиқатидан ижод хақиқати келиб чиқишини ҳисобга олсак, бизда асарларнинг муваффақиятини китобхонлар эътиборининг зўрлиги белгилайди. Ҳар қалай, халқ эътиборсиз қолдирганидан ўқигани яхши-да.

[Kavsar]

Бу ерда жуда қизғин суҳбат бўлибди, икки адибимиз билан. Саволлар учун ҳам ва чиройли жавоблари учун ҳам устозларга алоҳида ташаккур билдираман!

[Nigora Umarova]

Муҳтарам форумдошлар!

17 декабрь куни муҳтарам адибимиз Худойберди Тўхтабоевнинг таваллуд топган кунлари. Ўзингизнинг самимий тилакларингиз бўлса мавзуда қолдирсангиз, табрикномаларни китобча шаклига келтириб номингиз келтирилган ҳолатда 17 декабрда севимли болалар ёзувчисига элтиб бераман.

[Muhayyo Turdialiyeva]

Insonga-hayot yashash uchun bir marotaba beriladi. Bunda hamma narsa utkinchi- bolalik, yoshlik, boylik, barcha yaxshi-yomon kunlarimiz...
Hudoyberdi Tuxtaboyev bizni bolalik orzularimiz, shirin hayollarimiz, beg'ubor damlarimiz bilan bog'lay olgan yagona takrorlanmas adibimiz deb bilaman. Adibni eslashim bilan yuzlaridagi mayin samimiy tabassumlari yodimga tushadi. Tilagim umrlari uzoq, utayotgan har bir kunlari hursandchiliklarga, unutilmas onlarga boy bulsin. Imkonlari darajasida biz muxlislarni yangi asarlari bilan xursand qilsinlar deb qolaman...

[Zumrad Shadjalilova]

Сообщение от Nigora Umarova

Шу муносабат билан хаммангизларни ушбу викторинада иштироқ этишни таклиф этамиз.

[albatros]

Xalqimiz bolajon xalq deb bejiz aytishmaydi. Bizning xalqimiz bolalarni sevadi, ardoqlaydi. Xudayberdi To'xtaboyev ham ana shunday samimiy va qalbi pok inson.Hamisha bolalarni "erkalab" ular olami bilan yashaydi.Yozuvchimizning har bir bolalar uchun yozgan asarlarini o'qigan inson beixtiyor yoshlik damlariga qaytadi,go'yoki yana bola bo'lib qoladi. Ana shunday buyuk asarlar yaratayotgan Xudoyberdi To'xtaboyev bugun 79 yoshni nishonlamoqda. Tilagim ilohim bu samimiy va beg'ubor "bolalik" sizni hech qachon tark etmasin. Farzandlaringiz, nabiralaringiz, xalqingiz baxtiga omon bo'ling. "Ertak aytib bering" - deya erkalanib turgan murg'ak qalb egalariga yana yangidan yangi asarlar yozib ularni xursand qilib yuravering.IJodingiz porloq bo'lsin. Ollohdan sizga uzoq, umr, sihat salomatlik, oilaviy baxt tilayman. Tavallud ayyomingiz muborak bo'lsin.

[Masud Mahsudov]

Ҳозирги кунимизда болалар адабиётининг энг забардаст устуни эканингиз шубҳасиз... Сизнинг исмингиз, хоҳлаймизми-йўқми, бизни болаликка етаклайди, ундаги шўхликларимиз, беғуборлигимизни ёдга солади. Илтимосим - ижоддан ҳечам чарчаманг. Яратган Эгам Сизга куч-қувватни янада зиёда этсин. Шу билан бирга Сиздан ҳозирги куннинг ижодкорларига маслаҳатларингизни бериб боришингизни жуда-жуда истар эдик...

Умрингизни зиёда ва янада мазмунли бўлишида самимимй тилакларимни билдириб қоламан...

[мафтун]

Мен эртаклар дунёсидан адабиёт оламига "сариқ девни миниб" кириб келганман. Шу боис Худойберди Тўхтабоев энг севимли ёзувчиларимдан бири бўлиб қолаверади. Шеърий тўпламим босилиши билан биринчилардан бўлиб севимли адибимизга етказаман, Х.х.

Фурсатдан фойдаланиб энг эзгу ва самимий тилакларимни билдираман. Илоҳим умрингиз узоқ, ижодингиз эса янада баракали бўлаверсин.

[OmoN]

Сообщение от Nigora Umarova

17 декабрь куни муҳтарам адибимиз Худойберди Тўхтабоевнинг таваллуд топган кунлари. Ўзингизнинг самимий тилакларингиз бўлса мавзуда қолдирсангиз, табрикномаларни китобча шаклига келтириб номингиз келтирилган ҳолатда 17 декабрда севимли болалар ёзувчисига элтиб бераман.

Умрингиз узоқ бўлсин, Алиполвоним ҳам Сизнинг янгидан-янги асарларингизни ўқиб катта бўлсин.

ПС: Ўғлим Али (айиқчали тўқ сариқ рангли кийимда) Худойберди Тўхтабоевникида меҳмонда Ўша пайтда 3 ойлик эди.