Исмлар жилоси

[Tulqin Eshbekov]

Сообщение от Mahmud Jurat

Бу исмларни газеталарда кўриб халқимизнинг нақадар ўз қадри қимматига, исми ва тилига лоқайд бўлиб кетганидан ачиниб кетаман. Исмига, тилига лоқайдлик қилган киши бошқа масалаларда ҳам лоқайдлик кўрсатиши тайин. Менимча бу йўналишда баъзи бошқа давлатлар тажрибасидан келиб чиқиб қонуний, ҳатто мажбурий йўл тутиш керакми, деб ўйлаб қоламан. Ўзбек халқида исмлар йиллар, асрлар давомида ўта араблашиб улгуриб, охирги пайтларда улар секин аста руслашиб бормоқда эди. Уларни туркийлаштириш пайти келди.

Бу масалада ориятли рус халқига ҳавас қиламан. Юртимизда бирорта русча исм ҳужжатида ўзбекона оҳангда "бузиб" ёзилмаган. Айтайлик, Пушкинни ҳеч ким - Пўшқин деб ёзмайди! Навоийни эса - "Наваи", Бобурни - "Бабур" деб ёзаверадилар...

[мафтун]

Сообщение от Tulqin Eshbekov

Бу масалада ориятли рус халқига ҳавас қиламан. Юртимизда бирорта русча исм ҳужжатида ўзбекона оҳангда "бузиб" ёзилмаган. Айтайлик, Пушкинни ҳеч ким - Пўшқин деб ёзмайди! Навоийни эса - "Наваи", Бобурни - "Бабур" деб ёзаверадилар...

Гёте-чи? Гейнрих Гейне?

қайсидир тилдаги бир исмни тўғри талаффуз этиш учун ўша тилни ўрганиш зарур эмас-ку?!
Узоққа бормай ўз исмимдан мисол келтирай: араблар Абдулъазиз, яъни азиздаги А ҳарфини айн тарзида айтади. Ўзбекларда эса ё арабчани биладиганлар ё қорилар шундай талаффуз эта олади. Шунинг учун бу қадар "ҳижжалаш" тўғримас.

[Tulqin Eshbekov]

Сообщение от мафтун

Шунинг учун бу қадар "ҳижжалаш" тўғримас.

Фикрингизда жон бор. Мен бебаҳо қонунларимиз берган имкониятлардан самарали фойдаланган ҳолда миллий исмларимизни ўз ҳужжатларимизда тўғри ёзишга эришиш зарурлиги ҳақида қайғуриб ёздим.

[Ulugbeck]

Сообщение от Tulqin Eshbekov

миллий исмларимизни ўз ҳужжатларимизда тўғри ёзишга эришиш зарурлиги ҳақида қайғуриб ёздим.

Домла, бунинг учун ФҲДЁ масъул ходимлари ўз вазифаларига жиддий муносабатда бўлиши керак.

[Tulqin Eshbekov]

Сообщение от Ulugbeck

ФҲДЁ масъул ходимлари

Улар олдинги ҳужжатларга қараб ёзмоқдалар ва айрим хатоликларни ҳам шу тариқа изчил давом эттирмоқдалар... Энди фуқаронинг ўзи "ўғлимнинг ҳам фамилиясини Тахтаев ё Джабаров деб ёзиб қўйманг, Тўхтаев ё Жабборов деб тўғрилаб ёзинг!" деб талаб қилиши лозим. Унга эса қонунларимиз қалқондир!

[Mahmud Jurat]

Сообщение от Tulqin Eshbekov

Унга эса қонунларимиз қалқондир!

Қонунларимиз қалқон эмас. Бу муаммога мен ўз фарзандларимнинг фамилияларини тўғрилаб ёздиришда дуч келганман. Уларда ички йўриқнома, яъни ИИВнинг йўриқномаси бор. Бу йўриқномага асосан фамилиялар оғзаки айтилганларга асосан эмас, берилган ҳужжатларга қараб ёзилиши шарт. Тўғрилаб ёзиш учун баъзи ҳужжатлар керак бўлади, одатда одамлар буларни олиб келмайди, қарабсизки эски ҳол такрорланаверади. Улар талаб қилган баъзи ҳужжатларни олиб келишнинг тубдан иложи ҳам бўлмайди.

[Tulqin Eshbekov]

Сообщение от Mahmud Jurat

Улар талаб қилган баъзи ҳужжатларни олиб келишнинг тубдан иложи ҳам бўлмайди.

Ўзбекистон Республикасининг "Давлат тили ҳақида"ги қонуни, Фуқаролик кодекси, Оила кодексида Сизнинг манфаатларингизни ҳимоя қиладиган моддалар бор! Керак бўлса, адвокат ёллаб бўлса-да эзгу мақсадга эришса бўлади. Фақат, эринчоқлик қилмаслик керак.