Оммавий имло хатолари

[Shomurodov Shohruh]

Сообщение от Masud Mahsudov

Аха, келакакка қабилида бўлиши керак, имло қоидаларида шундай ёзилган. Агар сўз к билан тугаса, жўналиш келишиги "ка"га, қ, ғ, билан тугаса "қа" га ўзгаради. Масалан:

Хозирги имло коидаларида хам шундайми? Чунки бир эшитувдим, жуналиш келишигида факат -га кулланилади деб.

[Nigora Umarova]

Сообщение от Shomurodov Shohruh

Хозирги имло коидаларида хам шундайми? Чунки бир эшитувдим, жуналиш келишигида факат -га кулланилади деб.

Rus grafikasi asosidagi o'zbek yozuvi imlosida (qoidalarning 34-paragrafida) "g' " yoki "g" bilan tugagan so'zlarga "g" bilan boshlangan qo'shimchalar qo'shilganda, so'z oxiri va qo'shimcha boshidagi undoshlar, aytilishiga mos holda yozilishi qoidalashtirilgandi: боғ-боққа, тоғ-тоққа, тег-теккан kabi.
Lotin grafikasiga asoslangan yangi o'zbek yozuvi imlosiga ko'ra esa bunday so'zlar talaffuziga (fonetik prinsipga) ko'ra emas, morfemalarning asl holiga mos ravishda(morfologik prinsip asosida) yoziladi: bog'ga, tog'ga, sog'ga, og'gan, sig'guncha, bargga, teggan kabi.
Buning uchun yangi imlo qoidasining 37-qoidasi, "d" bandini qarang.

[Абдурашид Хундибаев]

Бугун Ўрдадаги автобус бекати стендидаги ёзувни ўқиб қолдим (фото сифати учун узр, телефонга туширилган):



Ўзим ҳам кўрсатилган сув хизматлари учун ўз вақтида ҳақ тўланиши тарафдориман, шундагина уйимизда кран жўмрагини бураганимизда сув ҳам "ўз вақтида" келади.
Лекин:
"Сув хизматини ўз вақтида тўланг?!"
Қандақ қилиб хизматни ўз вақтида тўлаш мумкин?

[myu]

Ёнилги ташийдиган машиналарда аввал рус тилида "ОГНЕОПАСНО" ёзуви буларди, хозирги кунга келиб шуни сузма-суз таржимасини учратиш мумкин "ЁНFИНГА ХАВФЛИ", мен бу сузни узбекча таржимасини тушунмадим. Шуни урнига "ЁНУВЧИ МОДДА" ёки шунга ухшаш сузларга алмаштирилса булмасмикин?

[Bekmirzo]

Сообщение от Абдурашид Хундибаев

Бугун Ўрдадаги автобус бекати стендидаги ёзувни ўқиб қолдим (фото сифати учун узр, телефонга туширилган):

Abdurashid aka,
o'sha reklama stendiga yaxshiroq qaraganingizda, bundanam battariga guvoh bo'lardingiz.

"Suv hisobgichlari" qanaqa bo'ladi?




PS: Bu stend "Qozog'iston" kinoteatri ro'parasidagi bekatda joylashgan.

[Iymandar]

Оммавий ахборот воситаларида жуда кўпинча қуйидагига ўхшаш жумлалар ишлатилади:
«Халқаро тамакига қарши кураш куни» ёки «Халқаро озон қатламини ҳимоя қилиш ташкилоти». Бу ерда «халқаро» сўзи «тамаки» ва «озон»га тааллуқли бўлиб қолмаяптими? Чунки «халқаро» сўзи «кун» ва «ташкилот» учун келган. Демак, бунинг ўрнига «Тамакига қарши халқаро/бутунжаҳон куни» ва «Озон қатламини ҳимоя қилиш халқаро ташкилоти» дейилиши тўғрироқ бўлади. Янаям қизиқроғи қуйида: «Халқаро хотин қизлар куни». Хотин-қизлар халқ аро бўлиб кетмасин-да энди!!!
Буларни филолог мутахассисларимиз керакли жойларга етказишса яхши бўларди!

[Kavsar]

Сообщение от Iymandar

Буларни филолог мутахассисларимиз керакли жойларга етказишса яхши бўларди!

Filologlar tegishli joyga murojaat qilaverib charchab qoldi. Chunki bunday xatoliklar har qadamda uchraydi. O'ylardimki reklama idoralari oldin filolog mutaxassislarni ishga olishi yoki bir narsani ommaga e'lon qilishdan oldin hech bo'lmasa ular bilan hisoblashishi kerak.

Hali bu reklama ekan, eng achinarlisi nashriyotdan chiqayotgan kitoblarning ahvoli filologlarni ranjitadi. Bularning bari beparvolik, o'z ishiga mas'uliyat bilan qaramaslikdan yoki yaxshi kadrning yo'qligidan kelib chiqadi. (imxo)

[Jamshid Begmatov]

Оффтоп:

Сообщение от Kavsar

(imxo)

Қойил-э... Шуниям ўзбекчалаштириб ташлабсиз! Аслида IMHO = In My Humble Opinion = Менинг камтарона фикримча.

[Nigora Umarova]

Сообщение от Jamshid Begmatov

Оффтоп:

Қойил-э... Шуниям ўзбекчалаштириб ташлабсиз! Аслида IMHO = In My Humble Opinion = Менинг камтарона фикримча.

Буни халқаро термин сифатида ўзбек тилига ўзлаштириб олгандик. imxo- янги ўзлаштирма ўзбекча сўз.

[Shokir Dolimov]

Сообщение от Nigora Umarova

Lotin grafikasiga asoslangan yangi o'zbek yozuvi imlosiga ko'ra esa bunday so'zlar talaffuziga (fonetik prinsipga) ko'ra emas, morfemalarning asl holiga mos ravishda(morfologik prinsip asosida) yoziladi: bog'ga, tog'ga, sog'ga, og'gan, sig'guncha, bargga, teggan kabi. Buning uchun yangi imlo qoidasining 37-qoidasi, "d" bandini qarang

Лотин имлосида битилган аксарият хабар ва мақолаларни ўқимай, ўтказиб юборганим учун бўлса керак, эътибор қаратмаган эканман. Демак, бир ҳовуч аллақандай «мутахассис»лар тилнинг асл эгаси – миллатдан сўраб-нетиб ўтирмасдан нафақат имломиз, балки тилимизнинг ҳам расвосини чиқариб юборган экан-да, а?