[Без оффтопа] Шеър азиз олам аро...

[Masud Mahsudov]

Ранжиманг, баъзида паришон,
Қўнғироқ қилишни унутсам,
Ё ўзим бўлолмай меҳрибон,
Сиздан бисёр меҳрни кутсам
Ёзмасам Сиз учун номалар,
Қалбингиз қилмасин нолалар.
Шубҳанинг юртида юрганча,
Ҳар турли ўйларга борганча,
Ранжиманг...
Азизам, кўнглингиз тўқ бўлсин,
Заррача гумон ҳам йўқ бўлсин,
Ишқ – ишонч, дегани эмасми?
Бошқалар не деса дермасми,
Ичингиз хижиллик тортмасин,
Рашк юкин эгнига ортмасин.
Ва узоқ тикилиб кўзимга,
Инонмай айтажак сўзимга,
Ранжиманг.
Кўрмайин чашмингиз ёшини,
Майдаланг хавотир тошини,
Зулматга ботмасин дилингиз,
Нигоҳлар сотмасин дилингиз,
Ўртанманг,
Ўксинманг, ёрижон,
Талпинар бир дил Сиз сори жон,
Истара, чиройга бойимсиз,
Кўкда ўн беш кунлик ойимсиз
Ранжиманг
Сиз менга жудаям кераксиз,
Кўксимни бутловчи юраксиз,
Ўтиниб худодан сўраган
Тилагим – Сиз ўша малаксиз,
Ранжиманг,
Илтимос, ранжиманг...

(c)

[Gulchehra Ibragimova]

Ярaлaнган қуш

Қaфaсдa жoн oлиб, жoн бeрaр,
Бир қушчa бeҳoлу, бeмaжoл.
Ҳaқ бўлиб тoпгaни кўп зaвoл -
Иқбoли кулмaди бaркaмoл.

Уни oтиб қўйди- чaқир кўзлилaр,
Сoтиб қўйди уни- “чирик” сўзлилaр
Уни oтиб қўйди-“ ўқи ўзгaнлaр”,
Сoтиб қўйди уни- aқли тўзгaнлaр.

У энди яримжoн, ярaдoр,
Oлaмгa бoқaди бeмaдoр.
Умиди мaжруҳмaс, қушчaнинг -
Кўксидa минг кaррa aлaм бoр.

У ҳaли ҳaётдaн енгилмaс,
Кўклaргa учaди чaрx уриб!
Ўқ узгaн ғaлaмис чиқoлмaс-
“Чиригaн қoбиқдaн бaрқ уриб”
“Қушчaнинг яшaшгa ҳaққи бoр!”

..Қушчанинг яшашга ҳаққи бор!
(с)

[Mahmud Jurat]

***
Қанча азоб чекар
Ғумбак,
То капалак бўлгунча.
Туғилмасдан урар
Юрак,
Тинмайди то ўлгунча.

Биз на ғумбак,
Азоб нени билмаймиз.
Тирик бўлиб ушбу
Юрак,
Онгли меҳнат
Қилмаймиз.

Чигиртка ҳам саратонда
Ёниб уввос солади,
Нодон инсон,
Ўйладингми,
Сендан нима қолади.

(С)

[Alisher Asror]

ОРЗУ

Кел энди ёр,
тушми ўнг орасида,
Кундуздами
ё туннинг қорасида.

Келиб ўзинг
кузларимга тақ чечак,
Баҳордан де,
майли бўлса-да эртак.

Сен сўйлагин,
тинглайин шом то саҳар,
Сўзлашларинг,
оҳ, қанча менга ёқар...

Кел энди ёр,
қишми ёз орасида,
Келиб қўнгин
кўзимнинг қорасига.

Келсанг эдинг ,
армон эшигин бузиб,
Муҳаббатдан
минг битта лашкар тузиб,

Аёғингда жонни
таслим этсам мен,
То қиёмат қулинг
бўлиб кетсам мен...


(С)

[Gulchehra Ibragimova]

Такаллуфим кутма,
Чорлама энди..
Қалбдаги илинжлар
Иложсиз тинди..

Тушлар ҳам кўрмайман,
энди ўзингни..
Соғинсам-да, ўшал
масъум кўзингни.

Чорлама!!

Қалбингдаги музлар
эригани йўқ..
Кўзларингга боқиб
нима ҳам қилдим..

Муҳаббатим оташ,
ёндиргучи чўғ
бағритош пойига
ногоҳ йиқилдим..

Чорлама..!!

(с)

[pipicron]

Чистон

Ул адолат пешвосиким, на қони, на жони бор,
Қозилик қилғайки, жонсиз, во ажаб, виждони бор.
Икки ёнда икки кафти, бахс бойлашар басма бас,
Қай бири қай ҳолда бўлса кўрсатар пайкони бор.
Қайки ерда ўз ишни қилса қилғайлар ҳавас
Хатто юлдузлар ичинда унинг ўз макони бор
Ўйлама, хеч сир синоат йўқ унинг аъмонида
Бир хисоб қилсанг Алишер, англамоқ имкони бор.

(С)

[OmoN]

Сообщение от pipicron

Ул адолат пешвосиким, на қони, на жони бор,
Қозилик қилғайки, жонсиз, во ажаб, виждони бор.
Икки ёнда икки кафти, бахс бойлашар басма бас,
Қай бири қай ҳолда бўлса кўрсатар пайкони бор.
Қайки ерда ўз ишни қилса қилғайлар ҳавас
Хатто юлдузлар ичинда унинг ўз макони бор
Ўйлама, хеч сир синоат йўқ унинг аъмонида
Бир хисоб қилсанг Алишер, англамоқ имкони бор.

Тарози

[pipicron]

Сообщение от OmoN

Тарози

Койилман! Чистонни бошка ёзаман шекили... Жавоби тиржайиб турибди.

[pipicron]

Боғ чаманни этганча мафтун,
Ошиқ дилга сочиб бир учқун,
Бахор қайтиб келди мен учун:
Лолам! Бугун сен туғилган кун!

Қиш вужудинг танлаб олган он,
Бахору, ёз хусн солган он,
Куз дунёга назар солган он:
Гулим! Бугун сен туғилган кун!

Ишқ қасрининг танхо устуни,
Висол тонги, хижрон якуни,
Ошиқларнинг синов бир куни,
Жоним, бугун сен туғилган кун!

Хусн ичра етмас тароват,
Сабр ичра етмас халоват,
Ошиқ ахли айтар саловат,
Суюклигим, сен туғилган кун!

Назм кўнмас таъриф этмоққа,
Наср боймас қалам тутмоққа,
Фурсат етди сенга етмоққа,
Достонимсан, сен туғилган кун!

Бу кун ёруғ бўлди осмоним,
Қувончларга тўлди жахоним,
Ё тангрига етди фиғоним,
Етишганим. Сен туғилган кун!

Бўсаларинг ўзгача лаззат,
Қабулингда янгича иззат,
Мухаббатдан бол олган иффат,
Суёлганим, сен туғилган кун!

Эхсон қилай юрагимдан гул,
Жоним олгин, бўлса гар мақбул,
Сенга инъом этай, эт қабул,
Мухаббатим! Сен туғилган кун!
(С)

[Aliya]

Xudoga iltijo.

Sinovlardan sarg'ayib, baxt yiqildi bemajol,
Lablardan to'kilmagan izhorlar ketdi uvol...
Qalbga zardob to'lsa ham, yo g'ururim o'lsa ham,
Bu so'nggi kun bo'lsa ham, bu so'nggi on bo'lsa ham,
Uni yana bir ko'ray...
Keyin mayli jonim ol...

Xudoyim, qismatimga nur bitsang bo'lmasmidi?!
Dard o'rniga baxt berib, shod etsang bo'lmasmidi?!
Onaning allasiga talpingan kabi go'dak,
Har on uning diydorin qo'msab urmoqda yurak.
Uni yana bir ko'ray...
Keyin, mayli, jonim ol...

Hijronida kun sanab, bardoshlarim sindilar,
Uning diydori sari nigohlarim intilar.
Yolg'izgina o'tinchim kuymasin armon bo'lib,
Ko'zlariga termulib...
Ko'zlariga termulib -
Uni yana bir ko'ray...
Keyin...
Mayli, jonim ol...