Рамазон-1432

[Shuhrat Ismailov]

Есть такая тема
http://uforum.uz/showthread.php?t=15995

Обращение к модераторам:

Прошу объединить

[AbuMuslim]

Сообщение от Timur Salikhov

Меня всегда интересовал вопрос как за полярным кругом держать уразу? Как и в летний период..так и в зимний. Кто-нибудь пояснит?

[Қутбларга ва Ойга сафар қилган мусулмон, агар сафарийликка ният қилмаган бўлса, Рамазон ойи кирди дегунча ҳар куни рўза тутиши лозим бўлади. Кундузи 24 соатдан узун бўладиган ўлкалардаги мусулмонлар, Рўза [саҳарлик ва ифтор]ларини соатга қараб тутишади. Улар, кундузи узун бўлмайдиган шаҳарлардаги тақвимлардан фойдаланишади. Агар рўза тутмасалар, кундузи узун бўлмаган шаҳарларга қайтиб келишганларида, қазосини тутишади.]

[AbuMuslim]

Сообщение от Hanso

бу вактлар адашмасам 2010 йилники.

Принт қилганда 2010 йилни кўрсатаётган экан, тўғирлаб қўйилди...

[Мухаммад Сохиб]

Сообщение от Kavsar

Assalomu alaykum, ahli forum! Kelayotgan Mohi sharifi ramazon oyi barchamizga qutlug' kelsin! Alloh bu oyda O'zi rozi bo'ladigan amallarni qilishlikni va qalban poklikka erishishimizni nasib etsin! Ezgu tilaklar bilan Kavsar bitta savol bilan murojaat qilsa. Savol: Kimda kim niyat etgan bo'lsa, ro'zadan oldin kafforat ro'zasini, ul kishiga ramazon ro'zasidan oldingi ro'za vojibmi? (Bir joyda ro'zadan oldin ro'za tutilmasligi haqida o'qib qoldim. Ammo kafforat ro'zasi niyat qilingan bo'lsa-chi?) Hadisi sharif bilan dalillagan holda aniq javob berishingizni so'rayman ahli ilm kishilaridan. Oldindan tashakkur bildirib qolaman.

Ва алайкум ассаламу!
Муборак рамазон сизга ҳам баракотлик келиб, дуои ибодатларингизни Аллоҳ мақбул қилсин!

Саволингизга жавоб берадиган бўлсак:

Абу Ҳурайра розияллоҳу анҳунинг ривоят қилишларича:
Расулуллоҳ соллаллоҳи алайҳи васаллам:«Рамазонни бир ёки икки кун илгаридан рўза билан кутиб олманг. Илло (каффорат ёки қазо) рўзасини тутиб келаётган одам бўлса рўзасини тутаверсин» - дедилар
Муттафақун алайҳ.

Демак, бундан кўринади-ки, Рамазон ойидан аввал шубҳа ила, аниқ ҳаракат қилмай "бир икки кун аввалдан рўза тутсак бўлаверади" деган ният билан Рамазон рўзасини тутмаслик лозимлиги уқтирилмоқда. Шу билан бирга айни сиз сўраган масалага рухсатни мушфиқ Пайғамбаримиз гап орасида : "Илло (каффорат ёки қазо) рўзасини тутиб келаётган одам бўлса рўзасини тутаверсин" деб айтиб кетмоқдалар.
Аллоҳ қазо рўзаларингизни даргоҳида қабул айласин!

[Kavsar]

Сообщение от Мухаммад Сохиб

Ва алайкум ассаламу!
Муборак рамазон сизга ҳам баракотлик келиб, дуои ибодатларингизни Аллоҳ мақбул қилсин!

Саволингизга жавоб берадиган бўлсак:

Абу Ҳурайра розияллоҳу анҳунинг ривоят қилишларича:
Расулуллоҳ соллаллоҳи алайҳи васаллам:«Рамазонни бир ёки икки кун илгаридан рўза билан кутиб олманг. Илло (каффорат ёки қазо) рўзасини тутиб келаётган одам бўлса рўзасини тутаверсин» - дедилар
Муттафақун алайҳ.

Демак, бундан кўринади-ки, Рамазон ойидан аввал шубҳа ила, аниқ ҳаракат қилмай "бир икки кун аввалдан рўза тутсак бўлаверади" деган ният билан Рамазон рўзасини тутмаслик лозимлиги уқтирилмоқда. Шу билан бирга айни сиз сўраган масалага рухсатни мушфиқ Пайғамбаримиз гап орасида : "Илло (каффорат ёки қазо) рўзасини тутиб келаётган одам бўлса рўзасини тутаверсин" деб айтиб кетмоқдалар.
Аллоҳ қазо рўзаларингизни даргоҳида қабул айласин!

Assalomu alaykum!
Chiroyli javob beribsiz, Alloh rozi bo'lsin sizdan...
Barchangizga mohi ramadan muborak bo'lsin yana bir bor...

[AbuMuslim]

Ислом.Уз портали ходимлари кўп йилллик анъаналарга кўра кириб келаётган Рамазон ойига бағишланган кўпгина тадбирларни режалаштирмоқдалар. Сиз азизларнинг дуоларингиз ва бевосита иштирокингиз билан уларни гўзал ва мукаммал суратда амалга оширамиз, иншааллоҳ.

Рамазон ойи режаларимиз:

1. «Рамазонни қаршилаб» (туркум мақолалар)
2. «Рамазон фазилатлари» (туркум мақолалар)
3. «Рамазон ва саломатлик» (ҳозиқ табиб маслаҳатлари)
4. «Рамазонга оид савол-жавоблар» (рўза ва унга боғлиқ фиқҳий масалалар)
5. «Рамазонда закот ва садақа» (закот ва фитр садақасига оид фиқҳий мақолалар)
6. «Рамазоннинг уч неъмати» (Раҳмат, мағфират ва дўзахдан қутулиш ўн кунликларига оид мақолалар)
7. «Моҳи Рамазон туҳфаси» (Рамазонга оид ижодий намуналар)
8. «Наврўз» радиоси орқали узатилган кундалик маърузалар (МР3 форматда)
9. «Рамазон суҳбатлари» Пойтахтимиз масжидлардан видеорепортажлар, онлайн маърузалар (аудио ва видео форматларда).
10. «Зикр аҳлидан сўранг» бўлимида янги «Рамазон-1432» саҳифаси (Ҳафтанинг ва ойнинг энг яхши саволи танлови).
11. Инфо.Ислом.Уз сайтида Рамазонга оид кундалик янгиликлар тасмаси.

Муҳтарам порталимиз мухлислари! Рамазон ойини янада фойдали ва самарали ўтказиш, севимли порталингизни янада мазмунли ва файзли қилиш, уни гўзал ва ёрқин маълумотлар билан бойитиш учун таклиф ва мулоҳазаларингиз бўлса, биз билан баҳам кўринг. Бу саъй-ҳаракатларимиз ибодатларимизнинг мукаммал ва мақбул бўлиши учун муҳим омил бўлади, иншааллоҳ.

http://info.islom.uz/content/view/2748/1033/

[Nigora Umarova]

Сообщение от Kavsar

Assalomu alaykum, ahli forum! Kelayotgan Mohi sharifi ramazon oyi barchamizga qutlug' kelsin! Alloh bu oyda O'zi rozi bo'ladigan amallarni qilishlikni va qalban poklikka erishishimizni nasib etsin!

Ezgu tilaklar bilan Kavsar bitta savol bilan murojaat qilsa.

Savol: Kimda kim niyat etgan bo'lsa, ro'zadan oldin kafforat ro'zasini, ul kishiga ramazon ro'zasidan oldingi ro'za vojibmi? (Bir joyda ro'zadan oldin ro'za tutilmasligi haqida o'qib qoldim. Ammo kafforat ro'zasi niyat qilingan bo'lsa-chi?)

Hadisi sharif bilan dalillagan holda aniq javob berishingizni so'rayman ahli ilm kishilaridan.

Oldindan tashakkur bildirib qolaman.

Assalomu alaykum.
Ro'zadan oldin kafforat (yoki nazr) ro'zasini qasd etgan kishi 3 holatdan xoli emas:
1. Ramazondan 1 kun yo 2 kun ilgari tutishni niyat qilgan.
2. Ramazondan oldinni (muayyan kunni aytmay) umumiy holda niyat qilgan.
3. Ramazondan 1 va 2 kun ilgaridan boshqa ba'zi muayyan kunlarni tutishni niyat qilgan.
Mazkur holatlarga javob quyidagicha:
1. O'sha kunlari tutishi durust emas. Chunki payg'ambarimiz bu 2 kunda tutishdan man' qilganlar. Ulamolar buning sababini kelayotgan farz ramazonga boshqa ro'zalar qo'shilib ketmasligi uchun shunday qaytariq bo'lgan deb bayon etadilar. Mazkur kunlarda tutishni nazr qilganlar boshqa kun qazosini tutib beradilar.
2. Bu holatda mazkur 2 kundan tashqari xohlagan kunni yo kunlarni tanlab tutib beradi
3. Bu holda o'zi muayyan qilgan kunni yoki kunlarni tutib beradi.
Vallohu a'lam.

Shokirbek

[Nigora Umarova]

Моҳи Рамазон ёз фаслига тўғри келганлиги учун ҳам тўҳри овқатланиш соғлиқ учун катта аҳамиятга эга. "Шарқ табобати" журналининг 2011 йил, 3-сонида иқлим ва фаслни ҳисобга олган ҳолда "Овқатланиш тақвими" келтирилибди. Бугун Ўзбекистон халқ табобати академияси раиси Муҳаммаджон Ҳамроев билан суҳбатлашиб қайтдим. Тақвим Ўзбекистон мусулмонлари идораси раисининг ўринбосари Шайх Абдулазиз Мансур томонидан тасдиқланган.
Шу кунларда тақвимни ҳам форумимизга жойлаштираман.

[AbuMuslim]

Рамазон ойида бўлган муҳим воқеалар

http://e-tarix.uz/maqolalar/496.html

[Nigora Umarova]

Саломатлик байрами муборак бўлсин!

Рамазон муқаддас ва муборак ой. Бу моҳи шарифнинг фазилатлари тўғрисида Қуръони карим оятлари ҳамда ҳадиси шарифларда кўп муҳим маълумотлар берилган.. Бу ой рўзасини мўмин-мусулмонларга фарз қилинишининг сабаб ва ҳикматларини Аллоҳ таоло Қуръони каримнинг икки калимасига жо қилиб қўйган: "шояд шу сабабли тақволи бўлсангиз" ("Бақара" сураси, 183-оят). Тафсир китобларида "тақво" сўзи ширк, куфр, гуноҳ, маънавий ва жисмоний зарарлардан сақланиш, парҳез қилиш ҳамда Аллоҳдан қўрқиш деган мазмунларда келгани таъкидланган. Демак, мазкур ояти каримада рўза тутишдан ният ва мақсадимиз, соф имонли бўлиб, Аллоҳга ширк келтирмаган ҳолда, маънавиятимизга, руҳиятимизга, танамиз ва соғлиғимизга зарарли бўлган нарсалардан ўзимизни асраб, парҳезли бўлиб, охир-оқибат Аллоҳдан қўрқиб, унинг йўлида тақволи бўлишга эришишдан иборат бўлиши зарур экан.
Илм-фан арбобларининг таъкидлашларига қараганда, инсон ўз жонини озгина қийнаб, риёзат чекиб, очлик-ташналик каби синовларни бошидан кечириш орқали мазкур мақсадларга эришишимумкин экан. Бир ой мобайнида танамизни ортиқча хилтлардан тозалаб, нафсимизни жиловлаб, риёзат ва парҳезкорликка машқ қилдирадиган бўлсак, Аллоҳ таолонинг рўзадорларга тайёрлаб қўйган ажру мукофотлари, охиратдаги мақому мартабаларидан ташқари шу дунёнинг ўзида ҳам кўп манфаат кўришимиз муқаррар.
"Шарқ табобати" журналининг рўза ойи сони учун тайёрланган "Рамазон ойида овқатланиш тақвими" сарлавҳали тавсиялар мажмуи билан танишиб чиқдим. Бу тавсиялар менга жуда маъқул бўлди. Зеро, унда айнан ояти каримада қайд этилган рўзанинг нафс тарбияси, руҳий ва жисмоний фойдаларига эришиш учун тиббий нуқтаи назардан жуда муҳим тавсиялар берилган. Агар шу тавсияларга имконияти бор рўзадорларимиз риоя қилсалар. албатта, кўзланган мақсадга эришадилар ва ажру савоб билан бирга жисмоний куч-қувват ва энг муҳими сиҳат-саломатликдек буюк илоҳий неъматга сазовор бўладилар, деб умид қиламиз.

Шайх Абдулазиз Мансур, Ўзбекистон мусулмонлари идораси раисининг ўринбосари.