[Без оффтопа] Шеър азиз олам аро...

[Aliya]

Маълумки, ўзбек тили туркий тиллар оиласига мансуб. Ўша туркий тиллар ўзаги бўлмиш соф турк тилида СЕНСИЗЛИК ва САССИЗЛИК сўзлари мавжуд экан, нега буни инкор қилишга ҳаракат қиляпсиз? Ахир мен ўз сўзимни фактлар асосида исбот қилдим-ку! Бунга кўз юмишингиз мени ҳайратда қолдирди. Лекин, негадир сизда менинг фикрларимни инкор қилиш учун асосли далилни кўрмаяпман. Ўша “бодрингкорлик” “помидоркорлик” “натижакорлик” сўзларини қаерда кўргансиз билмадим-у, мен ҳали бунақа сўзни эшитганим ҳам, бирор жойда ўқиганим ҳам йўқ. Сиз ёш ижодкорларга бу тарзда таъна тошларини отиб, АДОЛАТСИЗЛИК қилманг!

“Қаерга бормайин – ТЕНГСИЗЛИК, ўкинч,
Дунёни қизғанар одамлар мендан...
Нақадар ёлғизман, дарддошим йўқ ҳеч,
Қачон кетар экан бу ғамлар мендан...”

P/S: Юрак синиши мумкин эмаслиги ҳақида айтган фикрларингиз (пародия бўлса-да!) сизни шеърият дунёси нафосати ҳақидаги ўйларингизни нимага менгзашни билмай қолишимга асос бўлди. Юрак синиши мумкинлигига шубҳа қилар экансиз, демак, “гўзаллар киприк ўқидан камон қошларида пайкон тортиб, алп-баҳодирларнинг ЭС-ҲУШИНИ ўғирлаши” ҳам сиз учун беъмани фалсафа бўлиб туюлар?! Шеърий тарзда чиройли жавоб қайтармоқчи эдим-у, бу “вазифани” кейинги комментарийга қолдирдим.

“У ҳаётимга тўфондек кириб келди-ю, юрагимни юлиб кетди...” (Чолиқуши)

“Юрагимни синдириб, кўзларимни ёшлаб кетдинг...”

"Меn - sinuq, ko'nglim - sinuq, sabrim uyi xud yerga past,
Bilmagay holim shikastin, ko'rmagan muncha shikast." (Alisher Navoiy)

(Одноклассники.ру сайтида ҳам синган юрак кўринишидаги смайлик бор Бундан ташқари, рус эстрадаси вакилаларидан бўлган “Рефлекс” гуруҳининг “Я разбила небо” номли қўшиғи бор. Осмон синганида, юрак синмаслиги мумкинми?! 2007-2008-йилларда хит бўлган ўша машҳур қўшиқ – “Знаешь ли ты”даги сатрларни эсланг:
“Сердце его теперь в твоих руках,
Не потеряй его и не сломай...”)

[Aliya]

Сенсизликда.

Сенсизликнинг ҳар лаҳзаси асрга тенг,
Сенсизликнинг ҳар лаҳзаси ўлим қадар.
Ҳар дақиқа минг бор ўлиб соғинчингда
Ва ҳаётга қайтмоқликка руҳим чидар...

Дийдорларинг ваъдасими ширин тушлар –
Саробларга тўкиласан...
Уйғонаман...
Сенсизликнинг ҳар лаҳзаси Сендек азиз,
Гарчи Сенсиз азобларда тўлғонаман...!

Сендан кўра, Сенсизлигинг менга ҳамдард,
Сенинг каби зор йиғлатмас ёлғизликда.
Дийдоринг ҳам ғаним бўлди маҳшаргача,
Сени севиб қолдим ахир Сенсизликда...

Сенсизликнинг ҳаёллари Сендай азиз,
Сенсизликда СЕН деган бир азоб ҳис бор...
Сенсизликда Сени севиб йиғлаётган
Ўтмишингда қолиб кетган пари қиз бор...

Сени севиб қолдим охир Сенсизликда...

[Bekmirzo]

Сообщение от Tulqin Eshbekov

...
Сиз ва шоир акангиздек ҳаваскорлар бугун "юрак синди", "сенсизлик", "менсизлик", қайсидир илмий даражаси бор олима "натижакорлик", мухбирлар "бодрингкорлар" деб ёзаверсаларингиз, келгусида сизларга эргашган "ижодкорлар" учун зўр "манба" бўлади. Мана, юз йил олдин ҳам фалончи шоирлар, писмадончи олима ёзган экан... деб "манба", йўғ-е, дастак қилиб кўрсатишади...

Domla, sizga bitta savol: kelajakda To'lqin Eshbekni ham "manba", yo'g'e, dastak qilib ko'rsatadigan "ijodkorlar" yetishib chiqishiga ishonasizmi-yo'qmi?

[Nigora Umarova]

Сообщение от Shaxnoza Eshmirzayeva

Сени севиб қолдим охир Сенсизликда...

"Сенинг бахтинг шундаки, сен сенсизлик нима эканлигини билмайсан..."- деб куйланган эди бир қўшиқда.

[OmoN]

Оффтоп:

Сообщение от Bekmirzo

Gul, hidingdan simiray to'yib,
Kel, olamni yayratib bir kul.

Гулнинг ҳиди сувмиди симириладиган? Гулнинг юрганини, кулганини ҳеч кўрганмисиз? Сал сўзларга эътибор бериб ишлатайлик. (с)

[Nigora Umarova]

Сообщение от OmoN

Оффтоп:

Гулнинг ҳиди сувмиди симириладиган? Гулнинг юрганини, кулганини ҳеч кўрганмисиз? Сал сўзларга эътибор бериб ишлатайлик. (с)

Оффтоп:

Афандининг гапини эшитмаган кўринасиз, ОмоН
Бир куни пули йўқ Афанди ошхонанинг ёнига бориб нонни кабобнинг тутуннинг олдида айлантириб-айлантириб ермиш. Одамлар:
Афандим нима қиляпсиз?-деб сўрашса,
-Кабоб еяпман-деб жавоб қилган экан.
Кабобпаз бу гапни эшитиб:
-Кабобнинг пулини тўла,-деб талаб қилибди.
Афанди ёнидан кўзгуни олиб пулнинг аксини кўрсатиб,
-Ана, кўзгунинг ичидаги пулни олаверинг,-деган экан.

Шеърнинг шеърлиги "кўзгунинг ичидаги нарса"ни ундириб олишдадир.

[OmoN]

Оффтоп:

Сообщение от Nigora Umarova

Афандининг гапини эшитмаган кўринасиз, ОмоН

Яна биттаси бор. Афанди бир куни қўшнининг боғига ўғриликка тушибди. Боғбон тутиб олиб "Бировнинг боғига нега сўроқсиз кирдинг" деса Афанди ҳам бўш келмай "Ўзинг нега хотинингга ковуш олиб бермадинг!!!" деган экан.

[Nigora Umarova]

Сообщение от OmoN

Оффтоп:

...Афанди ҳам бўш келмай "Ўзинг нега хотинингга ковуш олиб бермадинг!!!" деган экан.

Оффтоп:

"Кавуш" бу ерда причём? Ёки кимнингдир "кавушини тўғрилаб қўйиш" мақсадида уни кўрсатиб ўтдингизми?

[Aliya]

Сообщение от Tulqin Eshbekov

Мисли қиччи пичаклар...


Бошингизга кўтарманг,
беҳудага дунёни!

Google qidiruvlarining natijasi shu bo'ldiki, "QICHCHI" so'zi arman tilida uchrar ekan.

"PICHAK" so'zi bo'yicha eng maqbul javob tarzida keltirganim esa:

* "пичак" Поиск слов по маске и определению: пичак Всего найдено: 1 среднеазиатский нож с прямым тупьем, широким однолезвийным клинком и круглым череном с загнутым наконечником*

So'z tuzishda xatolikka yo'l qo'ygan kimligini aniqlab oling. QICHCHI PICHAKLARdan ko'ra, MENSIZLIKlar anchayin tushunarliroq, nazarimda...
(MENSIZLIK o'rnida SASSIZLIK jumlasini ishlatishni istamadim. Ko'nglingiz oynasini hurmatsizlik ila sindirishdan istixola qilgan holda... O'zbek tili naqadar boy til axir!)

[OmoN]

Оффтоп:

Сообщение от Shaxnoza Eshmirzayeva

Google qidiruvlarining natijasi shu bo'ldiki, "QICHCHI" so'zi arman tilida uchrar ekan.

Домла икки тилда ижод қиляптилар Зуллисонайн дейилармиди