Ҳалоллик ва покликни ўзига шиор қилиб олган санъаткор-Иззатилла Ибрагимов

[Izzatilla Ibragimov]

Сообщение от Nigora Umarova

Муваффақиятсизликлар инсонни қайсидир жиҳатдан ўзининг устидан кучлироқ ишлашга, ўзига нисбатан талабчан бўлишига сабабчи бўлади. Улар улкан муваффақиятларга олиб келади. Сиз бу фикрга қандай қарайсиз?

Фикрингизга қўшиламан. Психологларнинг келтиришган статистик маълумотларига кўра, адибларгина туғма истеъдод эгаси бўлиб туғилишаркан. Буни Валеология фани ҳам тасдиқлаган. Қолган касб эгалари қилинган тинимсиз меҳнатлари эвазига муваффақиятга эришарканлар.
1989 йилларда Қозоғистоннинг Чимкент шаҳрига устозим Рустам Ғоиповнинг олдиларига, “Рустам ака, сизга шогирд тушмоқчиман”-деб борганман. Менда,- “Машҳур одамнинг ёнига бориб шогирд тушсам, машҳур бўлиб кетаман. Одамлар “Рустам Ғоиповнинг шогирди” деб мени танийди”,- деган фикр бўлган. Буни ҳозир ёнимга шогирд бўлишни истаб келадиган ёшларда ҳам кўраман. Рустам ака, “Майли, мен сенга ижро услубларини ўргатаман. Бироқ санъатда ўз йўлингни топишингнинг бир фоизи менга, қолган тўқсон тўққиз фоизи ўзингга боғлиқ. Ўзинг ҳаракат қилмасанг, ҳеч нарса бўлмайди”-дедилар. Рустам Ғоипов бизга дастлаб "Артикуляцион машқлар дарслиги"ни бериб, қандай машқ қилишим кераклигини ўргата бошладилар. Устоз ижроларида ҳам шу нарса борки, қўшиқ ижро этиш жараёнида ҳар бир товушнинг жаранги аниқ эшитилиб туриши керак. Куйланаётган жумланинг эшиттувчига тўғри етиб бориши ижро жараёнида уларни тўғри талаффуз этишга боғлиқлигини кўп таъкидлардилар. Шундай қилиб тинимсиз меҳнат орқали ҳозирги мавқега эришдим.
Ҳар бир инсон буюк нарсаларга қодир. Лекин айрим пайтда буни ҳис қилмаймиз, билмаймиз. Ҳеч қачон қила олмайман, билмайман, демаслик керак экан. Билмаган нарсасини ўрганиши, қила олмаган ишини ҳаракат қилса қилиши мумкин. Кўп ҳолларда қила олармикансан деб ишончсизлик билан қарашганида, “Қиламан!”, ”Эплай оламан!” деб ўзимни ишонтириб ишни бошлаганман ва муваффақиятга эришганман.
Инсон ҳаётда тўртта нарсани юрагига “михлаб қўйиши” керак:
1) Мақсад аниқ бўлиши керак:”Нимага қараб кетяпман, қаерга қараб кетяпман?” деган саволга аниқ жавоб бера олиши даркор;
2) Юрагидаги шижоати, ғайрати заррача сўниб қолмаслиги керак;
3) Ҳар бир нарсага инсонда кучли хоҳиш, истак бўлиши лозим.
4) Ҳар бир қилинаётган иш муҳаббат билан қилиниши керак.
Бўлмайдиган ишнинг ўзи йўқ. Ўлимдан бошқа ҳамма нарсанинг иложиси бор. Қийинчиликларни гоҳ ундоқ йўл билан, гоҳ бундоқ йўл билан енгса бўлади. Бироқ ишни ўзгалар кўрса ҳавас қилгулик даражада мукаммал қилиб қўйиш лозим.

[Nigora Umarova]

Сообщение от Bekmirzo

Оффтоп:

Shu diskdan bitta nusxani men ham bajonudil qabul qilgan bo'lardim.

Bek aka, utube.uz saytidan bemalol ko'chirib olsangiz bo'ladi. Afsuslarkim, disk taqdim etadigan bo'lsak bitta disk emas, 3-4 ta taqdim etishga to'g'ri keladi. Jami videolavhalar 4 ta diskka joylashgan.

Оффтоп:

Shuning uchun ham diskni taqdim qila olmaymiz.

[Nigora Umarova]

Иззатилла ака, атрофингиздаги инсонларга нисбатан талабчанмисиз?

[Izzatilla Ibragimov]

Сообщение от Nigora Umarova

Иззатилла ака, атрофингиздаги инсонларга нисбатан талабчанмисиз?

Баъзан қўшиқнинг мусиқаси устида ишлаш жараёнида нимадир ўхшамай қолса, мусиқани қайта-қайта ижро этишга мажбур қиламан. Бунда баъзи мусиқачиларим “дод” деб юборади. Ички овозим “Ана энди ўхшади” демагунча ўзимга ҳам , атрофдагиларимга ҳам талабни юқори қўяман. Яратаётган қўшиғимизнинг мусиқаси биллурдек жарангдор бўлиб ижро этилмагунича бу ҳол давом этаверади.
Адамлар раҳматли, -“Болам, ўзингни шундай тутгинки, ҳатти-ҳаракатингни кўрган одам ҳавас қилсин”,- дер эдилар. Ўзлари ҳам эркаклар қиладиган уй ишларини маромида бажарардилар. Бизга ҳам уқтирардиларки, кўрган одам “Бу кимнинг қилган иши,-деб сўрасалар, -Рихсивойнинг фарзандини бажарган иши”-деб жавоб қайтарса, - “Тарбиялаган отасига раҳмат”-десинлар дея.

[Nigora Umarova]

Сизнинг “Онажоним”, “Отам қабри” қўшиқларингизни мухлислар севиб тинглашади. Падари бузрукворингиз ҳамда волидаи муҳтарамангиз, улар ҳақидаги қўшиқларни яратилиш тарихи ҳақида сўзлаб берсангиз.

[Izzatilla Ibragimov]

Сообщение от Nigora Umarova

Сизнинг “Онажоним”, “Отам қабри” қўшиқларингизни мухлислар севиб тинглашади. Падари бузрукворингиз ҳамда волидаи муҳтарамангиз, улар ҳақидаги қўшиқларни яратилиш тарихи ҳақида сўзлаб берсангиз.

Адажоним Рихситилла ака ва онажоним Мунира опалар 7 фарзандни улғайтириб вояга етказишган. Менинг шу даражага етишишимга, одамлар олдида обрў-эътиборга сазовор бўлишимга уларнинг ҳалол меҳнат билан боққанликлари, берган тарбиялари сабаб бўлган. Мен иккиюзламачиликдан, бировнинг ҳақидан қўрқаман. Адамлар бизни, худога шукур ҳалол ризқ билан яшашга ва бировнинг ҳақига хиёнат қилмасликка ўргатганлар. Қўлимдан келганича шароит яратиб бераман, ўқинглар, битта касб ёки ҳунарнинг эгаси бўлинглар деб таъкидлардилар. Адамлар оддий ишчи бўлганлар, такси ҳайдардилар. Биз моддий жиҳатдан қийналиб қолмаганмиз, лекин адамлар қийналиб оилани тебратганлар-буни кўрардик. Ҳозиргача кўз ўнгимда, адамлар ишдан тунги 2-3ларда қайтардилар, эрталаб яна иш-тиним билмасдилар. Биз ҳам шу тарзда ҳалол билан ҳаромни ажратиб олганмиз. Адамлар аччиқ бўлса-да, тўғри гапни юзга айтардилар, ноҳақликка чидаб туролмасдилар. Адамларнинг шу хислатлари менга ўтган.
Қаттиқўллик адамлардан мерос бўлиб қилган бўлса, меҳрибонлик онамдан ўтган. Онажоним дунёдаги энг мунис, энг меҳрибон зотлар мен учун. Улар жуда камтарлар, ўғлим таниқли одам деб урғу бермайдилар.
Аввал “Онажоним” қўшиғини яратганимда адамлар мени эркалаб “отам” деб чақирардилар. “Отам, энди менга бағишлаб қачон қўшиқ айтасан?” - деб сўрадилар. Қўшиқнинг матнини Иброҳим Жиянов ёзиб бериб қўшиқ яратиш жараёнини бошлаб юборгандик. Шеър матнини адамларга кўрсатганимда уларга маъқул келди. Орадан бир ой ўтгач адамлар тўсатдан оламдан ўтдилар. Қўшиқ тирик оталар ҳақида бўлганлиги учун уни ўхшатиб хониш қила олмадим. Бобур Бобомуродга мурожаат қилганимдан сўнг улар “Отам қабри” шеърини ёзиб бердилар. Сўнг эса Руслан Шарипов ушбу шеърга мусиқа басталади. Руслан менга,- “Иззат, менинг ҳам отам йўқ. Кел, шу қўшиқни дуэт тарзида ижро этайлик” –деган таклифни билдирди ва қўшиқ дуэт тарзида ижро этилди.

[Nigora Umarova]

Тоҳир Маликнинг “Талваса” асарида бир математик домланинг фикрини ўқигандим. У ўқувчисига шундай дейди:
“...сен мана бу ерда турибсан. Сенинг рўпарангда учта йўл бор”икс”, “игрек”, “зет”.
“Икс”нинг бошида битта оқ шайтон турибди. У сенга нима деяпти, эшитгин: “Пул топиб ақл топмаган одамлар кўп экан, шу йўлга кир. Пул ва маишат денгизида чўмиласан. Одамлар бошингдан пуллар сочишади, аммо истаган йўриқларига солишади. Ит бўлиб вовулла, дейишса-вовуллайсан. Мушук бўлиб миёвла дейишса-миёвлайсан, кул десалар-куласан, хўрликка чидай олмасанг ҳам куласан, кулаверасан. Қалбингда фарёд, лабингда кулгу билан “раҳмат, акахон!” деб таъзим ҳам қиласан. Аммо бу хўрликка эътибор бермайсан. Энг муҳими-пулларини шилиб олсанг бас!” Оқ шайтон кимга ўхшашини билмайман.
“Игрек”нинг йўл бошида қора шайтон турибди. Унинг гаплари янада даҳшатли, эшит: “Сен эр йигитсан, шу йўлга кир, бировга эгилмайсан, аксинча, ҳамма сенга қуллуқ қилади. Ҳамма сендан қўрқиб ҳузурингда зир-зир титрайди, нимани истасанг шунга эришасан. Озодсан! Энг муҳими ҳам шу- эркин қушсан!” оқ шайтон йўлида хор бўлсанг ҳам тирик чиқасану, аммо қора шайтон йўлида ўлишинг аниқ. Буни “жиноят йўли” дейдилар...
... Энди учинчи йўл. Бу йўл бошида ҳеч ким йўқ. Кўча ҳам ғира-шира. Бу бизнинг йўлимиз, илмнинг азобли йўли. Азобли. Лекин умрнинг ҳамма лаззати шу азобда. Тиним билмаймиз. Нодон бойваччалар, ноқобиллар изсиз ўтиб кетишади ҳаётдан, бизнинг ишимиз эса мева беради.

[Izzatilla Ibragimov]

Инсон ҳаёти давомида манзилга етиб борадиган тўғри йўлни танлаб ола билиши керак. Манзилга айланиб вақтни кетказиб боришинг ҳам мумкин, манзилни аниқ белгилаб олиб ўз пайтида етиб бориш ҳам мумкин.
Ҳаёт старт ва финишдан иборат. Одам стартоват қилаётганда ўйлаб стартоват қилиши керак. Ярим йўлга етгач тўхтаб туринглар, мен орқага қайтиб бошидан ҳамма нарсани бошидан бошлайман деб бўлмайди. Финишни ақл билан ўзгартирса бўлади. Ўтиб кетган кунни қайтариб бўлмайди, келгуси кунларга эса режа тузса бўлади.

Оилани дарахтга, ота-онани дарахтнинг ўқ илдизига, фарзандларни эса меваларга қиёслайман. Дарахт илдизи ердан самарали оуқа олса, у гуркираб яшнайди, сархил мева тугади. Инсон ҳаётини ҳам шунга ўхшатса бўлади. Қийинчиликларсиз мақсадга эришиб бўлмайди. Халқимизда “Қимирлаган қир ошар” деган мақол бежизга айтилмаган.
Инсон манзилига етиши учун тўғри йўлни танлаётганда ҳалол, пок, ёлғон гапирмаслиги, бировнинг ҳақига хиёнат қилма, ўзинг учун иродали, қатъиятли бўлиши керак. Инсон ушбу фазилатларга эга бўлса одамларнинг ўзи унга интилади.
Оиламизда қатъий тартиб бор: Сенга бир иш буюрилдими, шуни аъло даражада бажар. Ада қила олмадим, деган гапинг менга ўтмайди, деган.
6-7 ёшлигимда адамлар таксопаркда машиналарини тузатаётганликларида, “Бор, уйга бориб қайноққина чой олиб кел”- деб буюрардилар. Уйимиз билан гаражнинг ораси 3 км масофада эди. Гаражларнинг, домларнинг орасидан ўтиб адамларга чой олиб борардим. Баъзан олиб келган чойим ичилмасди ҳам. Энди мулоҳаза қилиб кўрсам адамлар катталарнинг айтганини масъулият билан бажариш кераклигини, биздаги бошлаган ишни охирига етказиш керак деган қатъиятни тарбиялаган эканлар.
14-16 ёшимда бозорга тушириб “уйга у-бу нарса олиб кел” деб буюрардилар. Бу билан улар рўзғор юритишни ўргатарканлар.
Адамлар, -Ҳаромдан ҳазар қилгин, ҳалолидан сўрагин, худонинг ўзи беради”, -дердилар. Аллоҳим ҳам менга ҳар тарафлама мукаммал жуфтни ато қилган. Рафиқам уйга фақат эшитган яхши гапларини кўтариб келиб одамнинг кўнглини кўтаради. Соат 2-3 ларда қайтсам, кутиб олиб, ўтган куним ҳақида суҳбатлашиб ўтиради, эрталаб эса болаларни ўқиши ёки боғчасига кузатиб ўзи ҳам ишга равона бўлади. Уйланадиган пайтимда умр йўлдошимни биринчи марта кўрганимда юрагим жизиллаган, унда ҳаё-андиша мужассам. Одоби билан, ақли билан, ички ва ташқи гўзаллиги билан одамни ўзига ром этганди. Худойим уни атайлабдан мен учун яратиб қўйгандек.
Санъаткор бўлганда ҳам саҳнада ўзимизнинг юриш-туришимиз билан, ҳаётда эса яшашимиз билан одамларга намуна бўлишимиз керак.
Бир-икки оилага совчиликка боришганлигида санъаткор деб рози бўлишмаган ва оила қураётганимда “Мен қандай бахтли оила соҳиби эканлигимни атрофдагиларга кўрсатиб қўяман” деб ният қилганман. Шукур, ниятимга эришдим. Қайнона ва қайнотамга ўғил мақомидаман. Рафиқам олийгоҳни битирди, магистратурани тугатди, фан номзоди бўлди.
Бу борада мен бахтлиман ва санъатда ҳам, ҳаётда ҳам ўз ўрнимни топа олганман.

[Bekmirzo]

Сообщение от Nigora Umarova

Bek aka, utube.uz saytidan bemalol ko'chirib olsangiz bo'ladi. Afsuslarkim, disk taqdim etadigan bo'lsak bitta disk emas, 3-4 ta taqdim etishga to'g'ri keladi. Jami videolavhalar 4 ta diskka joylashgan.

Оффтоп:

Shuning uchun ham diskni taqdim qila olmaymiz.

Оффтоп:

LoL :D
utube.uzdan ko'chirgandan ko'ra, do'konga borib kliplari yozilgan diskni sotvolsam, ham vaqtim, ham pulimni tejayman.

PS: taqdim etsangiz, diskni sanab o'tirasizmi? O'rniga 8 ta bo'sh disk berardim. :P

[Nigora Umarova]

Сообщение от Bekmirzo

PS: taqdim etsangiz, diskni sanab o'tirasizmi? O'rniga 8 ta bo'sh disk berardim. :P

Sizni bilgan odam Bek Mirzo himmat qilyapti ekan - deb, bilmagan odam esa postingizni o'qib ko'rib forum orqali savdo-sotiq aloqalari yo'lga qo'yilgan ekan- deb o'ylashi mumkin.

Оффтоп:

Forumda bular gap sotishdan tashqari, disklarni ham sotisharkan deguvchilar ham topilib qolsa kerak balkim.

Mayli, sizga diskka yozdirtirib beraman, biroq disklaringiz kerak emas.