[Без оффтопа] Шеър азиз олам аро...

[Tulqin Eshbekov]

Сообщение от Bekmirzo

ko'zning ortidagi miyani ham ishlatganingizda

Бунақа ҳақорат қилманг-да, иним. Сўзларимизни пойинтар-сойинтар қилаётганларни мияси ишламай қолганлар гиж-гижлаяпти, деб сизни ҳақорат қилганим йўқ-ку...

Сообщение от Bekmirzo

Masud o'ylab topmagan

Бунақа мантиқсиз сўзларни ақлирасо инсон ўйлаб ҳам тополмаса керак... Бироқ, бир-бирини шунақа гиж-гижлаб турса, "юрак синиқ, ўпка синиқ" бўлиб, шу тариқа "менсизлик"лар ҳам урчиб кетаверишини эса исботлаб беряпсиз.

[Bekmirzo]

Сообщение от Tulqin Eshbekov

Бунақа ҳақорат қилманг-да, иним. Сўзларимизни пойинтар-сойинтар қилаётганларни мияси ишламай қолганлар гиж-гижлаяпти, деб сизни ҳақорат қилганим йўқ-ку...

Domla, rostdan ham siz o'ylab ko'rmasdan gap qilyapsiz. O'zingizga sezilmayotgan bo'lishi mumkin.
Nega endi sizning "Gap haqidagi gaplar"ingiz ma'noli, mantiqli bo'ladi-yu, Masudning "sukunat" so'zining sinonimlaridan biri bo'lgan "sassislik" so'zini ishlatganligi mantiqsiz va beo'xshov bo'larkan? Nazarimda, siz Masudning sizning "gaplar"ingizga nisbatan qilgan fikrlariga nisbatan o'ch olayotgandeksiz...

Бунақа мантиқсиз сўзларни ақлирасо инсон ўйлаб ҳам тополмаса керак... Бироқ, бир-бирини шунақа гиж-гижлаб турса, "юрак синиқ, ўпка синиқ" бўлиб, шу тариқа "менсизлик"лар ҳам урчиб кетаверишини эса исботлаб беряпсиз.

Domla, "sassizlik" so'zida mantiqsizlik yo'q. Masud ham bu so'zni o'z o'rnida qo'llay olgan, ya'ni, bir kupletning o'zida "sukunat" so'zini ikki marotaba qo'llashdan qochgan.

Hozirda shoirlar qo'llayotgan "mensizlik" so'zi o'rniga qanday so'zni taklif qilgan bo'lardingiz?

[Alisher Asror]

Сообщение от Tulqin Eshbekov

Бунақа мантиқсиз сўзларни ақлирасо инсон ўйлаб ҳам тополмаса керак... Бироқ, бир-бирини шунақа гиж-гижлаб турса, "юрак синиқ, ўпка синиқ" бўлиб, шу тариқа "менсизлик"лар ҳам урчиб кетаверишини эса исботлаб беряпсиз.

Мен ҳайронман, қандай қилиб олим одамга бу сўзлар тушунарсиз бўлиши мумкин!?? Бундан 600 йил аввал Атойи жаноблари юракни шишага менгзашган. Энди , шоир, юракни шиша деб, орқасидан нимага юрак синди деб айта олмайди?

[Aliya]

Аттанг! (Ҳазил шеър)

Замон келди, дея ажаб,
Сочни кестирмай ман ўлай.
Турли рангга бўяб-бежаб
Тирноқ ўстирмай ман ўлай.

Кўролмайман кўзимни ҳам,
Таний олмай ўзимни ҳам,
Тирнаб олдим юзимни ҳам,
Тирноқ ўстирмай ман ўлай.

Бор бўлсин-э нозик кўнгил!
Ҳар хафтада “чиздириб” гул,
“Маникюр”га фалон сўм пул,
Тирноқ ўстирмай ман ўлай.

Рўзғордаям чала ишим,
Хамирга ҳам келмас ҳушим.
Ҳаловатсиз ҳатто тушим –
Тирноқ ўстирмай ман ўлай.

Бой бўлди "салончи" опа,
Оппоқ юзга доғдай упа.
“Куёв бўлмиш” бўлди хафа,
Тирноқ ўстирмай ман ўлай.

Совчи бўлган холасиям,
Хафа эмиш онасиям.
Қуриб кетсин модасиям!
Тирноқ ўстирмай ман ўлай!

(Qizlar, mendan xafa bo`lmang. Bu hazil she`r Marhabo Karimovaga taqlidan yozilgan. )

[мафтун]

Сообщение от Akhmad Kodirov

Million yilda meni yaratdi hayot,
Meni so'rab qator tog'lar cho'kdi tiz.
Nahot anglamaysan, bilmaysan nahot,
Axir men bittaman, yagona-yolg'iz.

Bug'lanib qaytadan to'kiladi suv,
Quyoshdan ishorat, ko'z yorar ildiz.
Men axir ularga o'xshamaymanku,
Axir men bittaman, yagona-yolgґiz.

Har elat o'zicha atar shamolni,
Mingta ism bilan yashaydi yulduz.
Sen qaydan topasan boshqa iqbolni,
Axir men bittaman, yagona-yolgґiz.

Кечирасизлар, бу сатрлар Узбекистон халк шоири Икбол Мирзога тегишли-ку?

[мафтун]

ЎТИНЧ

Майлими, моҳчеҳра малагим,
Бир лаҳза ёдингда яшасам?
Майлими, ақалли аллаким,
Энг олис кишингга ўхшасам?

Майлими, ойданам олисим,
Заминдан кўшкингни кўзласам?
Майлими, мен—дайди бир насим,
Меҳрингни мозорин изласам?

Майлими, тегрангда кун кўриб,
Энг оғир кунингга ярасам?
Майлига, майлимни синдириб,
Майлими, майлингга қарасам?

Куйдириб қанчалар Лайлини,
Тан олмай замона зайлини,
Сўйласам кўнглимнинг майлини
Майлими?
Майлими?
Майлими…

[Aliya]

Yoding.

Nurli tushlarimni qolmayman eslab,
Yoding nigohimda saqlamoq uchun...
Ilk bahor nafasin ketdingmi izlab,
Eng yorug' tongingni anglamoq uchun?

Endi ikkimizga dunyo - g'amxona,
Endi bitta osmon ko'nglimizga tor...
Shodon tabassumlar menga begona,
Endi kunlar rangsiz...
Va tunlar bedor...

Endi hayollarning ko'chasi o'zga,
Haydalgan orzular adashar... Daydir...
Qadrim muhtoj edi shu bitta so'zga,
Na sen ravo ko'rding,
va yoki taqdir...

Sovuq shamollardan ayladim gina,
Sening sog'inchlaring olovi qayda?
Taqdir shartlariga ko'nsam jimgina
Tugarmi dil seni so'rovi?
Qayda...?

Sen ham orzuingni uchratib bir kun,
Yasharsan - Baxt kuyin tinglamoq uchun.
Men esa o'zimni unutdim bugun,
Seni nigohimda saqlamoq uchun..!

[Alisher Asror]

Йироқларни кўзлаб, ённи унутдик,
Асрлар сарҳисоб, онни унутдик,
Минг бир заҳмат чекиб давронни кутдик,
Сўроқлар қолдилар юпин-яланғоч...

Тоғдек қадлар кетди, савлатлар кетди,
Беш-тўрт чақа , молу давлатлар кетди,
Ишқда Мажнунларни Лайло тарк этди,
Сўроқлар қолдилар юпин-яланғоч...

Шижоат пасайди, ғайрат ҳам қайтди,
Дилни тўлқинлатган ҳайрат ҳам қайтди,
Мардликка эҳтиёж тинч алла айтди,
Сўроқлар қолдилар юпин-яланғоч...

Бу даврон ўтади бир куни сўзсиз,
Юлдузлар қулайди, йўқолар изсиз.
Қайдадир бурчакда ночор, кўримсиз,
Сўроқлар яшайди юпин-яланғоч...


(С)

[Masud Mahsudov]

Илтимос,
Ўтирмай хаёл пинжида,
Мeҳмон бўлиб кeтгин, майлига, зумга.
Бошим – осмон,
қилсанг қадам ранжида
Кўксимда асраган шинам жойимга.

Илтимос,
Кўз ташла, нигоҳим толган,
Қувонч ҳам, юпанч ҳам ёлғиз фироқдир.
Интиқиш танамни забт этиб олган -
Қалбимнинг ҳудуди сeнга муштоқдир.

Илтимос,
Рози бўл, мeнсиз кeчирган
Ҳижрон азобининг озу кўпига.
Кeл бирга борайлик қолиш-чун абад,
Сeнга кўрсатмаган дилим тубига

Илтимос,
ичингда боғланиб қолган
Турли тугунларни ечиб кeл, гулим.
Қўл силтаб барига,
Бор-будинг ташлаб,
Мeнинг юрагимга кўчиб кeл, гулим.

Илтимос…

(c) 2010

[Bekmirzo]

* * * * *

Derazamning yonida atir
Turar hidin taratib bir gul.

Gul, hidingdan simiray to'yib,
Kel, olamni yayratib bir kul.

Kel, bazmga cho'maylik birga,
Borliqlarni unutib butkul.


Kaminaning 2005 yildagi ijodidan, Kulmaysizlar endi