Bahru-bayt

[Gulchehra Ibragimova]

Сообщение от gofurov

Вафо килурмисан, бахорим?!

Меҳмонларинг бир-бир кетар,
сен ҳамон там-там гулсан,

Қаттол дунё,
тўғонларинг тўхтатади сал жилсам.

Уч-тўрт кунлик меҳмонга ҳам
шафқатсизлик шунчалар,

Келмас эдим,
шундай ёвуз мезбонлигингни билсам.

Халима Худойбердиева

[Sirim]

Manglayga kaft qo'yib olisga boqsam,
Edildan ko'rinar bo'ylaring, o'zbek.
Tush kabi jimirlab ming yil oqsa ham,
Noming aytar Enasoylaring o'zbek.

Nuh to'foni, demak, qismat shamoli
Kimningdir kamoli, kimning zavoli.
Sargashta kun ko'rding ohu misoli,
Shundan hamon mungli kuylaring, o'zbek.

Dili qonga to'lib, ko'zlari yoshga
Alp Tegin bir hikmat chegirdi toshga:
«Bizning qayg'umiz yo'q boladan boshqa…»
Bolangga bog'lidir o'ylaring, o'zbek.

Bir zamon olovni iloh bilgan el,
Quyoshga qarashni gunoh bilgan el.
Har bir bosqinchini qo‘noq bilgan el,
Yovga so‘qmoq bo‘lgan ko‘ylaring, o‘zbek.

Ismingni ayirib kechdi asrlar,
Xonlikni beklikka bo‘lgan ne sirlar?
Kentlarga sochilgan o‘rda, qasrlar…
Qumdan qorilganmi loylaring, o‘zbek.

Dil qo‘zg‘alsa, elni to‘xtatib bo‘lmas,
Sel qo‘zg‘alsa, gilni to‘xtatib bo‘lmas,
Zanjir uzgan qulni to‘xtatib bo‘lmas,
Tig‘ bo‘ldi har bitta mo‘ylaring, o‘zbek.

Bo‘yningdan ketgan yo‘q hali dor izi,
Qo‘y, qora kunlarning o‘chsin qorasi!
Sen borsan – temurning ulug‘ vorisi,
Osmoningga qaytdi oylaring, o‘zbek.

Katta qishloq ekan parij, london, rim,
Dalamni sog‘inib ezildi ko‘nglim.
Dunyo go‘zali – sen, qadoqqo‘l singlim,
Go‘zaldir o‘ngigan ko‘ylaging, o‘zbek.

Haftalab yo‘l qarab sarg‘aymas kumush,
Tog‘ni tolqon qildi bobomeros musht,
Tin oldi davonga boqib alpomish,
Tog‘larni qo‘pordi yoylaring, o‘zbek.

Qo‘lingni ko‘zimga suray, otajon,
Yoningda ul bo‘lib yuray, otajon,
Yaxshi kunlaringni ko‘ray, otajon,
Sovimasin qo‘lda choylaring, o‘zbek.

Onajon, havoli bog‘lar muborak,
Handalak band bergan chog‘lar muborak,
Kelin yuzidagi dog‘lar muborak,
Bug‘doylarga to‘lsin uylaring, o‘zbek.

Sumbula – to‘kinlik, to‘ylar mavsumi,
Bir qo‘zg‘alib olar bog‘bonning xumi.
Asli, bir satrdir she’rim mazmuni:
To‘ylarga ulansin to‘ylaring, o‘zbek!
I.Mirzo

Оффтоп:

Boshidagi 1,2 to'rtlik esimda qolgan ekan, odatda faqat yodimda qolganlarini qo'yardim, lekin bu she'rni to'laligicha qo'ygim keldi. Rahmat ziyouz.com!

[Mohlaroy]

Куксимга санчилар отлар дупури,
Бечора юрак хам беланар конга.
Кора камчисини тишига тишлаб,
Ана,Хижрон кириб келар майдонга.

Орага от солар баттол Айрилик
Эгарин кошига ханжарин осиб.
Шеърим панохига оламан узни,
Конталаш Дилимни багримга босиб.

[Alisher Asror]

Сообщение от Mohlaroy

босиб

Бу ерларнинг тупроғида тоши кўп,
Эгри қадам ташлаб бошдан айрилма.
Ғаним эмас , дўсти кўп , қардоши кўп,
Дўст тутингил чин йўлдошдан айрилма.

Бу ерларнинг янтоғи кўп гулидан,
Дўсти-ёри чўнтакдаги пулидан,
Мушкул ишда қўллар ўнгу сўлидан,
Сен кўз бўлсанг, паноҳ қошдан айрилма.

Йигитлари мард: айтдими - қайтмайди,
Аёллари бегона йўлатмайди,
Қўшинсига ғийбат тошин отмайди,
Сир сақлаган сирдошингдан айрилма.

Боласига ширин кулча нон тутар,
Отасига дон тўла ҳирмон тутар,
Ғарибларга ўзин қадрдон тутар,
Меҳр отлиқ бир қуёшдан айрилма.

(C)

[Gulchehra Ibragimova]

.."Аввал: "Кел-эй, қучоғимга тўл, балқ", дедилар,
Унамадинг, аёл ўзи терс "халқ", дедилар.
Ичолмагач юз ўгириб шўр, талх, дедилар,
Сен бари бир муқаддассан,
Муқаддас Аёл!

Сен дарёсан, ўпганини қирғоқ яширар,
Жуфтим бўл,-деб чопганини ҳар тоқ яширар,
Жаннатим,-деб қувонмасдан қумлоқ яширар,
Сен бари бир муқаддассан,
Муқаддас Аёл!

Асли бир бор эрмакларнинг борар ери Сен,
Росту ёлғон эртакларнинг борар ери Сен,
Асов отдай эркакларнинг борар ери Сен,
Сен бари бир муқаддассан,
Муқаддас Аёл!..

Х.Худойбердиева

[Mohlaroy]

Лахзалик севинч бор,лахзалик висол
Бош-оёк соз утган кунни билмадим.
Эртага юрагим тинар эхтимол,
Качон кайгу дули тинар билмадим.

Сувлок кечган каби изим белгисиз,
Изим куёшгами чумди билмадим,
Умр совурмокка рухсиз, севгисиз,
Асов дил кайси кун кунди, билмадим.

Бахорда кувончгул эккандим чоги,
Не боис кайгугул унди билмадим.
Каерда адашдим, кайда гунохим,
Каерга бош урай энди билмадим.

Хур-хур шабодалар,мовий чечаклар.
Зангор ой эриди, томди...билмадим.
Сертутун кундузлар,ойсиз кечалар,
Шарпалар...бир шаффоф тонгни билмадим.

Сиздан утинчим шу-бир нафас тегманг,
Гина сакламадим, кинни билмадим.
Бир гузал инсонни согингандекман,
Лекин согинганман кимни? билмадим

И.Мирзо.

[Alisher Asror]

Сообщение от Mohlaroy

билмадим

Муҳаббатим бағринг ёқиб,
Оташимда қолдингми?
Чидай олмай севдим деган
Сўзинг қайтиб олдингми?

Ишқ бир ширин. ишқ бир азоб,
Севги юки кабирдир,
Ҳар юрак ҳам кўтаролмас,
Унга оғриқ , жабрдир.

Юрагингга ишонаолсанг,
Киргил севги сайлига,
Ёнимга кел , жонимга кел,
Юргил севги сайлига...

Йўқ-са унда нима қилдинг,
Кириб кўнгил кўйига,
Ҳар кимсаким тўшак тортур,
Қараб қадди бўйига.

(С)

[Mohlaroy]

Ажаб …хол сурмагайсан куз-кузга тушмагунча,
Забонинг сузга келмас мен сузга тушмагунча.

Тушунмадим бу холинг аразми ё кибирми,
Хамрох дедим сени то йул узга тушмагунча.

Каро зулфим толасин суманга бермас эрдинг,
Бехаё малла сочин "куз-кузга" тушмагунча.

Ялтираган хар-бир тош олтин эмас, ганж эмас,
Гулзор эмас Гул ишки Наврузга тушмагунча.

Майли кетай истасанг минг сулувга суйдириб,
Дилим англамас кунглинг дилсизга тушмагунча.

Билмай утди Мохитун ишкнинг кузи курлигин,
Хиёнатнинг болтаси илдизга тушмагунча!

Ханифахон Умматкулова (Мохитун)

[Alisher Asror]

Сообщение от Mohlaroy

тушмагунча!

Анжан йироқ кўринар, то йўлга тушмагунча,
Йўл азоби сезилмас у чўлга тушмагунча.

Молингни эҳтиёт қил, қўшнини ўғри тутма!
Ўғри - ўғри саналмас бир қўлга тушмагунча.

Тоғда сакраб ўйнар сув, хатто тошни ўпирар,
Тинчимайди у шошқин то кўлга тушмагунча.

Ойлик маош демайсиз, ойлик маош нима у?
Чўнтакдаги қат-қат пул то нўлга тушмагунча.

Айтди сўзни Алишер. ҳазил куйини чалиб,
Ҳар кўйга солиб шеърни бир йўлга тушмагунча.


(С)

[Gulchehra Ibragimova]

Алла айтган биринчи бахшим менинг,
Улуғлардан улуғим-аршим менинг,
Дуолари балога қаршим менинг,
Онагинам, онажонгинам!