Bahru-bayt

[Mahmud Jurat]

Сообщение от Gulchehra Ibragimova

Сенга умр тилаб беради!

Илм истаб айладим шитоб,
Чўққиларга интилиб ўтдим.
Шафқат билмай қиларди итоб,
Соҳир ҳаёт, мен эса мужрим.

Тонг саҳарми ёки эрта кеч,
Титкиладим тинмайин шу тоб.
учратмадим бу жаҳонда ҳеч
Луғатлардан яхшироқ китоб.

[Gulchehra Ibragimova]

Бошингга оғир иш тушган кезилар
Дўстингни кимлиги шунда сезилар.
Синагил қай бири юқтирмайди гард
Қай бири номарду, қай бирлари мард.

[Mahmud Jurat]

***
Деразамни шартта очиб жим,
Шўх шамолга юзим чаяман.
Шамол ўйнар сочларим ғижим,
Қувончимдан кулиб қўяман.

Қаршимдаги қўшним шўх қизи,
У ҳам сочин офтобга ёйган.
Шўх шамолдан юмилиб кўзи,
Бўса йўллар менга хаёлан.

Манзаранинг тасвири равшан,
Чизмоқ учун йўқдир қаламим.
Қаранг жаҳон бунча нурафшон,
Бахт дегани ломми ёки мим.

Мана қушлар учиб ўтмоқда,
Қанотига ёзайинми хат.
Келинг эй дўст, умр ўтмоқда,
Етиб келди биз ҳам кутган бахт.

[Gulchehra Ibragimova]

Сообщение от Mahmud Jurat

***

Етиб келди биз ҳам кутган бахт.

Токи тирик экан, дунёда одам
Унга ҳамроҳ эрур гоҳ шодлик, гоҳ ғам
Эртан не бўлишини билмасман, аммо
Тинч ўтган ҳар кунинг албатта байрам

(А.О)

[Mahmud Jurat]

Сообщение от Gulchehra Ibragimova

Тинч ўтган ҳар кунинг албатта байрам

***
Мен ўзимни йўқотганман, ўзим йўқман,
Ўзлигимни излайвериб ҳамон сарсон.
Ўзлигимдан чиқиб кетган сайёр ўқман,
Наҳот менга ватан эрур шу Туркистон.

Алла айтиб юрагимни алдайвердим,
Забони йўқ бу юракнинг имо берса.
Атрофимда ўзи йўқлар зўр мунажжим,
Кўрмасликка олар мени улар кўрса.

Мен замонни ҳис қиламан, замонку бор,
Оёғимга тушов солиб тилим боғлар.
"Мен"сизларнинг кўкрагида яшар кибор,
Жасадсиз ҳол, ушбу кибор кўнглим доғлар.

"Мен"и йўқлар орсида мен нетайин,
Чўп ҳам эмас уларга бир тўн ярашса.
Улар бордир, майли бугун мен кетайин,
Этак қоққин бу дунёга, Маҳмуд. Яша!

[Gulchehra Ibragimova]

Сообщение от Mahmud Jurat

Этак қоққин бу дунёга, Маҳмуд. Яша!

Аҳли дарвеш ҳатто номи ҳам бўлмас,

Ҳар икки жаҳондан коми ҳам бўлмас.

Очлик оташида ёнса ҳам юз йил

Ҳеч кимдан тамаи хоми ҳам бўлмас!


Паҳлавон Маҳмуд

[Mahmud Jurat]

Сообщение от Gulchehra Ibragimova

Ҳеч кимдан тамаи хоми ҳам бўлмас!

***
Саҳролар арабсиз қолгандир балки,
Аммо Мажнун юрар саҳрода сарсон.
Кузда чирт учади дарахтнинг барги,
Гўдак тикилади бу ҳолга ҳайрон.

Ҳаммасига ҳайрон шоирнинг қалби,
Бирда у мажнундир, бирда у гўдак.
Эгнида юради шоҳлик ниқоби,
Гадода, оғзидан оқади сўлак.

Шундай гадоларла бу олам собит,
Шоирдан шоҳи бор халқдир энг буюк.
Шоҳлари санаса шоирни бир ит,
Ғурбатга юз тутар гуллаган ҳар юрт.

Саҳролар арабсиз қолмасин токи,
Мажнун ёнаверсин ҳижрон доғида,
Қалбимда юртимнинг муқаддас хоки,
Мен тинмай куйлайман юрт қучоғида.

[Alisher Asror]

Ariqdagi yalpizim,
Chechaklar tizim-tizim,
Qo`shig`im - shirin so`zim,
Bu sen bahor emasmi!?

Sayroqi qushning tonggi,
Bedonalarning bonggi,
Yoki atir gul ranggi,
Bu sen bahor emasmi!?

Olma shohida oqlik,
Yigit ko`ksida "oh"lik,
La`li , qizil duqoqlik,
Bu sen bahor emasmi!?

Kurtak yozgan, nish urgan,
Qushlar birga in qurgan,
Shirin iforlar yurgan,
Bu sen bahor emasmi!?

Chin oshig`ing Alisher,
Bunda aytdi bitta she`r.
U ko`ngliga qarab der:
"Bu sen bahor emasmi!?"

Alisher Asror

[Sirim]

Оффтоп:

Tug'ilgan kuningiz muborak, muhtaram forumdoshimiz Mahmud Jurat! Sizni yoshingizga yetkazsin bizlarni ham, sog'-omon bo'ling!
So'nggi vaqtda ushbu mavzuda faolliklari uchun shu yerda tabrikladim aybga buyurmang.

[Sirim]

Ikki buyuk shoir, ikki musofir –
Navoiy Hirotda, Qobulda Bobur.
Sizni o'ylatmasmi bu jumboq, bu sir,
Navoiy Hirotda, Qobulda Bobur

M.Yusuf