Трудности перевода - Таржима машаққатлари

[Nigora Umarova]

Сообщение от Nigora Umarova

... ёки уни ҳам билиб-билмай "бирпас"га ўхшаб қўллаймизми?

"Бирпас" сўзининг маъносини севимли шоиримиз Эркин Воҳидов билан бўлган суҳбатда сутканинг 7 дан бир қисми дея шарҳлаган эдилар. Сутканинг еттидан бир қисми бўлса 3 соатдан ортиқ вақтга тўғри келади. Алишер Навоийнинг "Лайли ва Мажнун" достонида келтириб ўтилганлгини таъкидлагандилар. "Бирпас" сўзи бугунги кунда ўз маъно хусусиятини йўқотиб "бир озгина", "бир зум" маъносида қўлланилади. Юқоридаги савол ҳам шу юзасидан келиб чиққанди.

[OmoN]

Сообщение от Nigora Umarova

"Бирпас" сўзининг маъносини севимли шоиримиз Эркин Воҳидов билан бўлган суҳбатда сутканинг 7 дан бир қисми дея шарҳлаган эдилар. Сутканинг еттидан бир қисми бўлса 3 соатдан ортиқ вақтга тўғри келади. Алишер Навоийнинг "Лайли ва Мажнун" достонида келтириб ўтилганлгини таъкидлагандилар. "Бирпас" сўзи бугунги кунда ўз маъно хусусиятини йўқотиб "бир озгина", "бир зум" маъносида қўлланилади. Юқоридаги савол ҳам шу юзасидан келиб чиққанди.

Мен ўқиган манбаада ~2 соат(туннинг 1/4 қисми)га тўғри келади деб ёзилганди. Яна бир маълумот: "ПОСТ" (қоровулликда туриш. html даги post эмас ) сўзи ҳам "пас" сўзидан олинган бўлиши мумкин экан. Яъни қоровул 2 соат давомида пойлоқчилик қилади деган маънода.

[Jamshid Begmatov]

Тилнинг бойлигини баъзан бир сўз ёки иборанинг кўп маънолилиги билан ўлчашади. Шу нуқтаи назардан, баъзи билағонлар ғарб тилларини, хусусан инглиз тилини қашшоқ деб ҳисоблашади. Аслида бу – фикр қашшоқлигининг далолатидир.

Энди инглиз тилини биладиганлар учун савол. Қуйидаги оддий жумладан нечта маъно чиқара оласиз?

I'm having a hard time coming.

[Otabek]

Сообщение от Jamshid Begmatov

Қуйидаги оддий жумладан нечта маъно чиқара оласиз?

I'm having a hard time coming.

Фақат битта маънони уқяпман, у ҳам бўлса: "Етиб боришим қийинлашмоқда"

Сообщение от Jamshid Begmatov

Шу нуқтаи назардан, баъзи билағонлар ғарб тилларини, хусусан инглиз тилини қашшоқ деб ҳисоблашади.

Афсуски, шундай.. Ҳатто айрим машҳур адибларимиз ҳам тилимизни улуғлаш асносида бошқа тилларни камситиб қўядилар.. Хорижий тилни билмай ёки юзаки билиб бундай хулоса чиқариш албатта яхши эмас. Масалан, "андиша" тушунчаси учун инглиз тилида сўз йўқми? Албатта бор - scruple. Аммо оммавий равишда ишлатилмайди, буниси тўғри. Бу менга тасодифан дуч келиб қолган сўз, Шекспирнинг тилида бундан ташқари қанча нозик сирлар бўлса керак.

[Jamshid Begmatov]

Otabek, соғлом фикрингиз учун тасанно!

[Jamshid Begmatov]

Русча "мир тесен", инглизча "small world" иборасини ўзбекчалаб нима деса бўлади? Сўрашимнинг сабаби бор.

Интернет барибир ажойиб нарса-да... Хозиргина аськада ўтирсам, россиялик нотаниш бир қиз тақиллатиб қолди. Одатда бунақа "танишув"лар порносайтларнинг рекламаси ёки бошқа қанақадир спам бўлиб чиқади. Лекин бу қиз ҳақиқатан бир савол билан ёзган экан. Севара Назархоннинг "Хаёл" ашуласини жуда ёқтириб қопти-да, таржима қилиб беришни илтимос қилиш учун ўзбекистонлик биринчи тўғри келган одамга ёзибди. Ўша одам камина бўлиб чиқибди Севарани вақти-вақти билан эшитиб тураман, лекин ўша ашуланинг сўзларига эътибор бермаган эканман. Анча мураккаб экан. Таржима қилиш уёқда турсин, тўла тушунмадим хатто. Биринчи куплетини (куплет "қитъа" дейилармиди?) қўлдан келганича экспромтом (?) таржима қилиб бердим:

Олиб қочгум сени барибир - все равно я тебя украду
Қўл узамиз дардлар бўйнидан - освободимся от объятий печали
Биз зерикдик, биз чарчадику-ку ахир - ведь нам надоело, мы устали
Бахтлар кутиб тақдир қўйнидан - ждать счастья от милости судьбы.

Мабодо, ашулани тўла ёзиб таржима қилиб беришни хоҳловчилар йўқми?

[bekww]

Сообщение от Jamshid Begmatov

Русча "мир тесен", инглизча "small world" иборасини ўзбекчалаб нима деса бўлади?

"Дунё тор" - (кўчма маънода) кутилмаган жойда учрашиб қолганда айтилади, агар масофа назарда тутилса: "икки дунё бир қадам" деб ёзилган изоҳли луғатда.

[Jamshid Begmatov]

Сообщение от bekww

"Дунё тор" - (кўчма маънода) кутилмаган жойда учрашиб қолганда айтилади

Рахмат Сўзма-сўз таржима қилишга иккилангандим.

[Otabek]

Оммавий истемол учун чиқариладиган рақамли фотоаппаратларни англатиш учун ўзбекча сўз изламоқдаман. Point-n-shoot ёки "мыльница"ни қисқагина нима деб ўгирсак бўларкан? "Совундон" жуда норасмий (мақола учун), "ҳаваскор фотоаппарат" ғализроқ чиқяпти..

[Jamshid Begmatov]

Сообщение от Otabek

Point-n-shoot ёки "мыльница"ни қисқагина нима деб ўгирсак бўларкан?

Таржима вариантлари топиш мумкин, лекин улар ўзбек тилида турғун ибора холига келгунича одамларга барибир ғалати туюлаверади. Масалан, менга "чўнтак фотоаппарати" мақбул туюляпти, лекин кимгадир ёқмаслиги мумкин...