Хожибой Тожибоев бизни тарк этди. Мангуга!

[Behzod Sulaymonov]

Сообщение от Ra`noxon Xo`jaeva

Кеча пойтахтимизнинг муҳташам “Истиқлол” саройида Ўзбекистонда хизмат кўрсатган артист, ўзининг ҳар хил кулгили латифалари билан ёшу қарининг кўнглидан бир хил жой ола олган мархум қизиқчимиз - Ҳожибой Тожибоев хотирасига бағишланган “Ҳожибой Тожибоевни хотирлаб...” номли ҳайрия-концерти бўлиб ўтди. Марҳум қизиқчимизнинг яқин дўстлари ва шогирдлари томонидан ташкиллаштирилган кечада элимиз ардоқлаган санъаткорлар, қизиқчилар ва хонандалар иштирок этишди.

"Hojiboy Tojiboevni xotirlab..." hayriya konsertida Hojiboy Tojiboevning sahnadosh do'sti, barchamiz tanidigan kulgu ustasi Obid Asomov bitta gapni ta'kidlab o'tdi: " Mundoq o'tirib o'ylasam, agarda Hoji akaning o'zlari bo'laganida boshqa bittayam xonanda va qiziqchilarga hojat qolmas edi. Shuncha xonandalar kelib navbat kutib o'tirmasdan, bir o'zlari ikki soat bemalol zaldagi muxlislarni kuldirib chiqib ketar edilar"

Haqiqattan ham Hojiboy Tojiboyev tengi yo'q kulgu ustasi edi.

[Nigora Tursunova]

Kulgu ustasi Obidjon Asomov Rahmatli Hojiboy Tojiboyevni xotirlab bir voqeani esladi: "Farg'onada to'yga Hojiboy akam bilan birga xizmatga borgandik, to'y avjiga chiqqan, xamma yeyish bilan ovora. Hojiboy akam so'zga chiqganlar, xammani diqqatini tortish kerak. Bilasizlar Farg'ona vohasida uzum ko'p bo'ladi, deyarli hamma xonadonda. Tepada uzumlar pishib yotibdi. Uzumlar gazeta bilan o'ralgan. Bir payt Hojiboy akam shunday tepaga qarab birdan "Yopiray, birinchi marta ko'rishim uzumni gazeta o'qiganini" dedilar. Butun to'yxona kulib yubordi. Shu yerda qoyil qolganman, Hojiboy akam yurgan yo'llarida kulgili gaplar to'qirdilar."