Реклама?! Жонга тегдинг-ку!

[Ulugbek Suyunov]

Сообщение от Ulugbeck

Бугун худо хохласа битта рекламадан кутуламиз!
Кайсидан, демокчимисиз? .... топдингиз! M&tvA ! Ушбу номинантларга овоз беринг ва "эхтимол" такдирлаш маросимига "катнашиб коларсиз" "балким"

қувонишингизга ҳали эрта. Чунки, анъанага биноан бу такдимот янги йил кечасида эфирга узатилади. Демак, реклманинг, иккинчи боскичи бошланади "Йилнинг сунгги окшомида йилнинг энг кутилган такдимоти - M&TVA нти утказиб юборманг. Такдимотнинг расмий банки - Алп Жамол!!!" ва хок....

[Husen]

ХАМИРТУРУШ ШОУ... ЁХУД РЕКЛАМА ҲАҚИДА АЙТАР СЎЗИМ БОР!

«Бир дарвешга қиш келяпти» десалар, у: «Титрамоққа тайёрман», деб жавоб қайтарган экан. Аччиқ бақлажонни қиров урмайди, дейишади. Келинг, анъанавийликдан бир-икки қарич чекинган янги саҳифага навбатни берайлик. Ловия ҳам ўзини ноз-неъмат санаганидек, ушбу рукн ҳам доимий саҳифалардан бирига айланиш умидида экан. Ошқовоқ гули сингари очилган саҳифага баҳо қўйиш-қўймаслик сизнинг зиммангизда.

Муҳаббат ҳовузига аҳмоқлар тушади, бироқ мени ирғитиб юборишди. Эҳ, дўстлар, нимасини айтай, ошиқ бўлиб қолдим шекилли, йўқ, юрагим гурсиллаб ураётгани ёки уйқудан қолаётганим йўқ, кундузгини ҳисобга олмаганда 15 соат ухлаяпман, шу десангиз, кейинги пайтларда оғзимдан бодим кириб, шодим чиқяпти. Бадиий тилда гапирадиган бўлиб қолдим, жумлаларим орасига ташбеҳлар бош суқиб кирмоқда, олдин лоф кўп ишлатардим, ҳозир унинг ўрнига муболағалардан фойдаланяпман. Оддий саволларни ҳам одамлардан чистон қилиб сўраяпман. Мен билан сўрашган одамларнинг шўри қурияпти, чунки икки соатлик монологимни эшитишга мажбур бўлишмоқда. Менга нима бўляпти ўзи? Ҳа, эсладим-эсладим, охирги ишлатган гапим ҳам аслида меники эмас, «ўғлимнинг баҳолари учга тушиб кетди» рекламасини эслайсизми? Ўша хомуш аёлнинг гапи экан. Демак, мендаги ўзгаришларга рекламалар сабабчи экан-да?! Кўп телевизор кўраман, тўғрироғи кўп реклама кўраман. Қайсидир олим инсоният ўлди, қотили манфаат, деганидек манфаатли ишлардан бири бўлган рекламалар кейинги пайтларда тилимизни бойишига, шеъриятга бўлган қизиқишни жонлантириш йўлида кескин ишларни амалга оширмоқда. Баъзи рекламалар ўзбек тилига ёт унсурларни текинга экспорт қилаётган бўлса, баъзиларида шеърият биринчи ўринга чиқмоқда. Дунёнинг исталган бир тилидан олинган, ҳатто талаффуз қилишимиз қийин бўлган сўзларга ҳам соф ўзбекча қофиядош сўзни топишяпти шоввозлар. Айтишларича, император Наполеон Бонапарт қарта ўйнаганида ғирромлик қилмаса туролмас экан. Мен эса тилим қичиса айтмасдан туролмайман. Хуллас...

ЮЗТА «СИЗ-БИЗ»ДАН БИТТА «ЖИЗ-БИЗ» ЯХШИ
ёхуд дадамиз ўз ёшликларини эслаб қолибдилар

«Қорнингизда йиғилса дам, шифодир...»
Узр, мисол тариқасида бўлса-да, дорини номини айтмаймиз. Унда ҳақиқий реклама бўлиб кетади. Бундай олиб қараганда топиш ҳам қийин эмас, қофияга мос битта сўз қўйсангиз кифоя, қорнингиздаги дам йиғилмайдиган бўлади-қолади. Менга ҳаммасидан кўра «тақ-тақдан хо-хогача» рекламаси ёқади. қаранг, қандай усталик билан тақлид сўзлари орқали маънони ифодалаб беришмоқда, нафақат маънони очиб беришмоқда, балки мавҳумликка ҳам жой етарли. Тагида бир гап бор деб ўйлайсиз, албатта. Демак, ақлингизни чархлаш учун ҳам қулай реклама. Лекин рекламада ўйнайдиган одамлар ғалати. Худди «Обид-А» театрининг «Реклама» ҳангомасидаги қаҳрамонлар сингари актёрликка даъвоси йўқлигини очиқ-ойдин билдириб туришади. «Туғилган кунга қачон борайлик» дейди кекса бир шифокор қизига қўнғироқ қилиб. Бечора қизни хижолатга қўймасдан олдин сўрашмайсизми?

Айниқса, чой рекламалари даҳшат. «Мен бу чойни ичиб кўрмоқчиман», дейди бир акахонимиз. Демак, бу зўр чой бўлса керак. Чунки таваккалчилик тагида бир гап бор. Кўрмай сотиб олдими, оддий чой эмас-у. Олдинроқ эфирга берилган рекламадаги Яйра опанинг салтоларига умуман гап бўлиши мумкин эмас. Наҳотки шу чой таъсирида бўлса, допинг назоратидан бир ўтказиб кўриш керакмиди?! «Божалар» гуруҳининг рекламасиям зўр чиққан-у, лекин бир нарсага ҳайронман, гўшт маҳсулотлари ҳадеб машинанинг юкхонасида ётаверса, айниб қолмасмикан, ёки музлатгичли юкхонамикан?! Ҳа майли, энди кунлар ҳам совиб қолди. Рекламаларни таржима қилишдаги камчиликлар тўғрисида кўп ва хўп гапирилган. Лекин бу глобал камчилик экан. Мана битта оддий мисол. 1964 йилда «Pepsi» компаниясининг «Жонланинг, сиз «Pepsi» қучоғидасиз» номли реклама ролиги агентлик таржимонларнинг калтафаҳмлиги туфайли немис тилига «қабрингиздан тирик чиқинг» деб, хитойчага эса «Pepsi» оталарингизни мозордан чиқаради» дея таржима қилинган экан. Ё пирай дейишдан бошқа чорамиз йўқ.

РЕКЛАМА НИМА?
ёки одамлар орасидаги фикрлар

ТАДБИРКОР: Реклама яхши нарса, агар у ўзингники бўлса.

ҲУҚУҚШУНОС: Реклама — қонун асосида рухсат этилган ягона ёлғон.

ЧЎПОН: Муҳими, эртага жала ёғадими йўқми, индинга қуёш чарақлаб турадими, шуни олдиндан билиш. Яъни, об-ҳаво маълумоти — биз учун энг яхши реклама.

РЕКЛАМА АГЕНТЛИГИ ХОДИМИ: Рекламасиз ҳаёт йўқ.

СЕРИАЛ ИХЛОСМАНДИ: Реклама — ошга тушган ҳирра пашша.

УЙҚУЧИ: Реклама — мизғиб олиш учун қулай фурсат.

ХУДБИН: Реклама — ўтмай ётган товарлар кўргазмаси.

НЕКБИН: Реклама — сифатли моллар кўзгуси.

ВОЙ ДОД!

Бир одам қоғозга ёзилган узундан-узоқ маърузасини ўқиб берарди. Қоғоз ўрамининг охиридаги ёзувсиз жойига кўзи тушган донишманд Диоген хитоб қилди: «Бардам бўлинглар, биродарлар, соҳил кўриняпти!»

Ҳамза ЁҚУБОВ тайёрлади. Парвона газетаси

[JUS]

Кеча "Ёшлар" телеканалида Телба фильмини кўрганлар бўлса, эътибор бердингизми?..., биринчи маротаба бошқача йўналишда кўрсатишди.

Оффтоп:

Кино бошлангандан охиригача реклама кутиб ўтирдим, лекин афсус...

Панох фильмини сериал қилиб беришганда (ярим соатдан), бошланганда 3-4 минутлик реклама, тугаётганда ҳам худди шундай реклама кетарди. Бу гал тўлиқ кино ичида бўлмаса-я...

Оффтоп:

хафа бўлдим

[Umida Shodiyeva]

Сообщение от JasurBek Urinboev

Кеча "Ёшлар" телеканалида Телба фильмини кўрганлар бўлса, эътибор бердингизми?..., биринчи маротаба бошқача йўналишда кўрсатишди.

Оффтоп:

Кино бошлангандан охиригача реклама кутиб ўтирдим, лекин афсус...

Панох фильмини сериал қилиб беришганда (ярим соатдан), бошланганда 3-4 минутлик реклама, тугаётганда ҳам худди шундай реклама кетарди. Бу гал тўлиқ кино ичида бўлмаса-я...

Оффтоп:

хафа бўлдим

Hech e'tibor berganmisiz ,Rossiya telekanallarida ham kino orasiga reklama roliklarini qo'shib namoyish etishadi,ammo ularni reklamalari ,bizning telekanallarimizdagi reklamalardan qandaydir jihatlari bilan farq qiladi shekilli o'zbek tomoshabinlarining nigohlari aynan shu reklamalarga ko'proq qaratilgan ,lekin nima uchundir u reklamalar bizning telekanallarmizda ham rus tillarida namoyish etilmoqda . Axir davlar tilimiz o'zbek tili emasmi ,buning ustiga o'zga davlat vakillarning ijod namunalaridan foydalangan holda -ya!

[Muhayyo Turdialiyeva]

Rossiya telekanallarida ham reklamalar soni biznikidan qolishmaydi, faqat sifatliroq.

Сообщение от Umida Shodiyeva

lekin nima uchundir u reklamalar bizning telekanallarmizda ham rus tillarida namoyish etilmoqda .

Qo'ying o'zbekchaga tarjima qib qolishsayam yana bir muammo undan ko'ra tinchgina ruschada ko'rganimiz yaxshi
(noto'g'ri tarjimadan original ruschasi yaxshide)
To'g'ri o'zbekistonda o'zbekcha reklamalar bo'lgani yaxshi...ammo bungacha bizga hali bor...

[khikmatilla]

Сообщение от Aziza Abdunabiyeva

Kecha atayin kuzatdim, bir filmni ichida berilgan reklamada 16 ta dorining va 5 marta turli realtonlarning reklamasi berildi... o'n behs minutdan keyin yana reklama berishadi...

O'zi ertalabdan kechgacha dorilarni reklamasini ko'ramizu, yana "Аптека слушает" degan ko'rsatuvam chiqibdi, Sport telekanalida.

Тўғри айтдингиз, дори воситаларининг рекламасини хаддан кўп кўришга тўғри келади. Биласизми ахир дори воситаларини фақат рецептсиз сотиладиганини реклама қилишга рухсат бўлиши керак. Бизларда эса битта дори воситаси бутун хамма кассалликларга даво деб реклама қилинади. Бунда дорига ишонч қоладими? Эртага "Пойтахт" меҳмонхонасида дори воситаси рекламаси тўғрисида учрашув бўлиб ўтади.

[Husen]

Сообщение от khikmatilla

Бугун "Пойтахт" меҳмонхонасида дори воситаси рекламаси тўғрисида учрашув бўлиб ўтади.

Тафсилотларни ўртоқлашсангиз хурсанд бўлардик.

[khikmatilla]

Сообщение от Muhayyo Turdialiyeva

Rossiya telekanallarida ham reklamalar soni biznikidan qolishmaydi, faqat sifatliroq.

Qo'ying o'zbekchaga tarjima qib qolishsayam yana bir muammo undan ko'ra tinchgina ruschada ko'rganimiz yaxshi
(noto'g'ri tarjimadan original ruschasi yaxshide)
To'g'ri o'zbekistonda o'zbekcha reklamalar bo'lgani yaxshi...ammo bungacha bizga hali bor...

Менимча Россия телеканалларидаги рекламалар умуман Ўзбекистон халқи митралитетига тўғри келмайди. Айниқса беҳаё рекламалар бизни ноқулай аҳволга солиб қўяди.

[khikmatilla]

Сообщение от Husen Tangriyev

Тафсилотларни ўртоқлашсангиз хурсанд бўлардик.

Бу асосан дори воситаларининг рекламасини врачлар орасида олиб боришни чегаралаш тўғрисидаги ССВ буйруғини тайёрлашга боғлиқ, бўлиб чет эл фирмалари ўз фикрларини бермоқчилар. Умуман бу учрашув бугун эмас эртага 15- да булади. Учрашувдан сунг маълумотларни албатта етказишга харакат қиламан.

[olim]

Сообщение от khikmatilla

Эртага "Пойтахт" меҳмонхонасида дори воситаси рекламаси тўғрисида учрашув бўлиб ўтади.

Khikmatilla (uzr shunday yozilgan ekan) aka bilishimcha siz xam shu uchrashuvda qatnashasiz. Forumdoshlar nomidan mutaxasis sifatida o'z fikrlaringizni bildirsangiz, zora dori vositalarining reklamasi tartibga kelsa.