Adabiyot, Abdulla Avloniy ta'biri bilan aytganda, har bir millatning dunyoda borligini ko'rsatadurg'on oyinai hayoti. Zero, millatning millat ekanini belgilovchi birlamchi omil - uning tili va adabiyotidir. Abdulhamid Cho'lponning adabiyot yashasa-millat yashar deyishi shundan. Binobarin, adabiyot ta'limi millatning nurli istiqbolini yaratuvchi barkamol avlod tarbiyasida alohida o'rin tutadi. Shuning uchun ham Milliy universitetga asos solingan 1918 yil 12 mayidayoq Adabiyot fakulteti ham tashkil etilgan. Bu fakultetda ma'rifatparvar ziyolilar -- professor Fitrat, Munavvarqori, G'ulom Zafariy, Mo'minjon Toshqin, Qayum Ramazon, Shokirjon Rahimiylar faoliyat ko'rsatgan.
Дальше...