Севимли шоиримиз Эркин Воҳидовдан муҳлислари учун яна бир ажойиб туҳфа! Яқиндагина ўзининг "Сўз латофати" китоби билан китобхонларни хушнуд этган шоир, яна бир янги
"ЯНГИ ШЕЪРЛАР" деб номланувчи китобини нашрдан чиқарди.
Китобда шоирнинг сўнги йилларда ёзган шеърлари (китобнинг номидан ҳам буни англаш қийин эмас), шунингдек болалик даврларида ёзган, аммо маълум сабабларга кўра эълон қилинмай қолиб кетган шеърлари, ва яна Дўрмон мушоираси туркумидан бир қатор ҳазил шеърлар ўрин олган. Китоб
"Вафо",
"Дўрмон мушоираси", ""Дафтарларда қолган сатрлар" туркумидан", "Шогирдлик ҳазиллари" каби бўлимлардан иборат.
Ҳикматларга йўғрилган, шунингдек, ҳазил-мутойиба мазмунида битилган кўплаб шеърлар барча мухлислар учун ажойиб совға бўлса ажаб эмас!
Цитата:
Тўкислик
Бутликкка не етсин,
Камликдан кўра
Инсон тўкис бўлиб юргани яхши.
Лекин Яратгандан бир бахтни сўра,
Нимангдир етмасдан тургани яхши.
Шукрона дилингга ошно бўлсину
Армоним йўқ, десанг хато бўлади.
Дунёнинг энг кўҳна фалсафаси бу:
Орзу ўлса ҳаёт адо бўлади
Эркин ВОҲИДОВ
"Янги шеърлар" китобидан
|
Древовидный вид