[Без оффтопа] Шеър азиз олам аро...

[Alisher Asror]

Соғинч...
Эшикларга миҳланган қулоқ,
Зил йўлларга қадалган кўзлар,
Кутгувчи қалб , оҳ, сергак , уйғоқ,
“Келиб қолар...” , умидли сўзлар.

Соғинч...
Юрак уриб борар нотекис,
Йўлларини тополмас - йўллар,
Оёқларда пойма-пой этик,
Ўнгу-чапдан адашар қўллар.

Соғинч...
Изтиробнинг илк ибтидоси,
Ширин ҳаёл, эзгу орзулар,
Муҳаббатнинг, балки, хатоси,
Ё Ёсуман қилган жодулар...

Соғинч...
Оналарнинг тили учида,
Оталарнинг кўксидаги тош.
Ҳаа... уларнинг дарди ичида,
Билинтирмай тўкишар кўз ёш.

Соғинч...
Ё армондан туғилганмикан,
Ёки армон унинг боласи...

(C)

[Aliya]

Qalbim seni sevib yashar.

Har tun tushlarimda seni ko`raman,
Seni his etaman.
Bilaman, baribir Sen kelishingni…

Hijron azoblari bizni ajratgan,
O`rtada sinovlar…
Sen kelding ko`rsatib chin sevishingni…

Olislardamisan – yo yaqinlarda,
Qayerda bo`lsang ham,
Ishondim, qalbingda muhabbat hayot…

Ko`nglim eshiklarin sevging-la ochding,
Sen – Yuragimdasan,
Qalbim Seni sevib yashar umrbod…

Sevgi – bir bor kelar hayot yo`lida,
Mangu qolar qalbda…
Bu yorug` dunyodan ko`z yumilguncha…

Men Seni borlig`im bilan sevardim,
Sen – yagona sevgim…
Jonim vujudimdan to uzilguncha…

… Haqiqiy muhabbat tuganmas aslo…

Sen qalbimda borsan va hech nimadan
Men qo`rqmasman aslo…
Sevgim-la jonimda ufurar hayot…

Hissimiz bo`ysunmas vaqtning hukmiga,
Bosh egmas tuyg`ular…
Qalbim Seni sevib yashar umrbod…

Оффтоп:

Ushbu she`rni o`qib, nimalarni esladingiz? O`rtoqlashishingizni iltimos qilaman!

[Nigora Umarova]

Сообщение от Aliye BlackANGEL

...Sen qalbimda borsan va hech nimadan
Men qo`rqmasman aslo…
Sevgim-la jonimda ufurar hayot…

Hissimiz bo`ysunmas vaqtning hukmiga,
Bosh egmas tuyg`ular…
Qalbim Seni sevib yashar umrbod…

Оффтоп:

Ushbu she`rni o`qib, nimalarni esladingiz? O`rtoqlashishingizni iltimos qilaman!

She'ringizni o'qib sevib yashash, seviib yashash insonga yashash uchun kuch berishini va hayotda faqat oldinga intilishi uchun omil bo'lishini his qildim. Bo'larkan-ku, pessimistik-tushkun kayfiyatda she'r yozmasangiz.

Men Seni borlig`im bilan sevardim,
Sen – yagona sevgim…
Jonim vujudimdan to uzilguncha…

Ajratib ko'rsatilgan so'z hozirgi zamon fe'lida ifoda etilsa yaxshi bo'ladi. "Sevardim" so'zi bu tugagan muhabbatga nisbatan ishlatiladi.

[Aliya]

Сообщение от Nigora Umarova

She'ringizni o'qib sevib yashash, seviib yashash insonga yashash uchun kuch berishini va hayotda faqat oldinga intilishi uchun omil bo'lishini his qildim. Bo'larkan-ku, pessimistik-tushkun kayfiyatda she'r yozmasangiz.

Ajratib ko'rsatilgan so'z hozirgi zamon fe'lida ifoda etilsa yaxshi bo'ladi. "Sevardim" so'zi bu tugagan muhabbatga nisbatan ishlatiladi.

Buni boshqacha yoza olmasdim. Bu avvaldan belgilab qo`yilgan.
Insoniyat bu sevgi bo`lganmi-yo`qmi bilmaydi, ammo, borligiga ishonadi.

Xususan, men ham bunga ISHONAMAN!

Bu she`r bilan barcha muhabbatga oshno qalblarga nimani eslatmoqchi bo`layotganimni topishga urinib ko`ring!

[pipicron]

Бир опажон укасининг вафоти хакида каттик кайгурарди. Унга тасалли беришга имкон топа олмасдим. Йиллар олий хакам дердиму, йиллар дардни яшира олмаслигини билардим. Мендан укасига атаб шеър суради. Узок вакт хеч нарса ёза олмадим. Бир кун уз опам кунгирок килиб мендан бир оз хафа булди. "Согиндим" деб хафа булиши мени жуда нокулай ахволга солиб куйди. Узимдан хам хафа булдим. Вакт топиб хабар олмаганим учун. Опалар канчалар мехрибон булишади...
Кейин куйидаги шеърни ёздам. Таниш опахонга жунатиш учун.


Қадр ўлсин, ёстиғимни хўл қилганча,
Ҳолимдан бир хабар олмай кетдинг укам.
Менинг қадрим шу қадар ҳам паст бўлдими,
Сени олган худодун сўр, қаерим кам?

Чойшабингни ювганимда доғ қолдими,
Ўйнатганда берганмидим сенга ситам?
Чақирганда кетавердинг мени ташлаб,
Шунчалар ҳам тўйганмидинг мендан укам?

Овқатингни шўр қилдимми бирор марта?
Пешонамнинг шўри ўзи етмасмиди?
Бир сўрасанг қилмадимми айтганингни,
Кетдик десанг, опанг бирга кетмасмиди?

Онам берган оқ сутига тўймадингми?
Отам қурган уйда даврон сурмадингку?
Қаёқлардан излаб кетдинг мехрларим,
Укажоним, менга қабр қурмадингку?

Илинардинг топганингни юрагимга,
Жаннатдан жой қурмок учун кетгандирсан?
Рашк қилганим етмагандек келинимдан
Орзу қилган ҳурларингга етгандирсан?

Укажоним, аразларим тошиб кетди,
Суратларинг доғ-доғ ахир ёшларимдан,
Ука бўлиб ёнгинамда турсанг эди,
Не аламлар ўтди аёл бошларимдан.

Мехрибоним, мехрим берай, тушимга кир,
Чинқираган армонларим тиним олсин.
Дуо қилай, охиратинг обод қилиб,
Қалбим тўри ёдинг билан тўлиб қолсин....


Опанг Лола номидан
Али Ал Мехр.
27 Февраль, 2009 йил.

[Nigora Umarova]

Сообщение от Aliye BlackANGEL

Buni boshqacha yoza olmasdim. Bu avvaldan belgilab qo`yilgan.
Insoniyat bu sevgi bo`lganmi-yo`qmi bilmaydi, ammo, borligiga ishonadi.

Xususan, men ham bunga ISHONAMAN!

Bu she`r bilan barcha muhabbatga oshno qalblarga nimani eslatmoqchi bo`layotganimni topishga urinib ko`ring!

Albatta, xalqda bir maqol bor-ku "Ishqsiz-eshak, dardsiz-kesak" degan.

Negadir xayolimga shoira Zebo Mirzoning satrlari keldi:

Men bibi Oysha emasman,
Hazrati Xadicha ham emasman,
Ammo
Yuragimda bitta odam bor-
Rasuldek - sevimli, xudodek - tanho.
Zebo Mirzo

[pipicron]

Мен мана шу шеър оркали нимани ифода килмокчи булганимни узим тушунаман, лекин бошкаларга хам уз фикримни етказиб бера олманми йукми деб уйлаб курмагандим. Бу форумда юриб, сизлардан оз булса хам маслахат олгим, ибрат олгим, ижодимга маслахат олгим келди. Уйлайманки, менга хам устозлик киласизлар...

[Nigora Umarova]

Сообщение от pipicron

Уйлайманки, менга хам устозлик киласизлар...

Qo'ldan kelganicha yordam beramiz. Biroq "ustozlarning o'zi ustozga muhtoj" bo'lsa-chi... Ijodkorga ustozlik qilib bo'lmaydi. She'r yozish uslubini ko'rsatish mumkin, ammo qalbini bo'ysindirish-unday emas-bunday yozgin, deb uqtirish "she'rni qolipga solib qo'yadi".

[pipicron]

Сообщение от Nigora Umarova

"she'rni qolipga solib qo'yadi"

Фикрингизга кушиламан. Мен шеър ёзишни урганмокчи эмасман, балки умумий конуниятлар, услублар, йуналишлар хакида маслахат олмокчиман. Токи шеър ёзиш экан деб кимнидир ранжитиб куймай, сузларни хайф килмай, когозни кора килмай. Бундан ташкари фикрни билдиришда куплаб камчиликларга йул куйишим мумкин. Сизлар уз нукта назарингиз ила тахлил килсангиз ва фикрингизни билдирсангиз, мен уз хатоларимни куришга урганаман ва келгусида нафакат уз фикримни, балки жамият фикрини хам эътиборга олишни урганаман. Мен уз шеърларим билан уз кунглимни олишим мумкин, лекин халкни, мухлисларни кунглига хам кириб боришни истардим.

[pipicron]

Йиғлагим келади. Сабаб номаълум.
Дод солгим келади оламни бузиб.
Жонимдан тўймадим, лекин негадир
Отворгим келади юрагим узиб.

Уришгим келади. Фақат ким билан?
Синдириб очсаму кўкрак қафасим,
Суғириб олсаму юрак бағримни
Эзғилаб ташласам ўчмай нафасим.

Қочмоқчи бўламан. Фақат қаёққа?
Бир ўзим қолсаму телба оламда
Бошимни тошларга урмасдан олдин
Яшасам бир ўзим ғаму аламда.

Жавоблар излайман йўқ саволларга:
Биргина жавобни топмадим э воҳ.
Тақдирни бошпана қилган девона
Асли ким? Ўзлигин билмаган гумроҳ.


Лекин бу шеър факат менинг оний холатимни тасвирлайди, бошкаларга дахли йук деб уйлайман. Балки кимдир бундан узига маъно олар, лекин бунга ишонишим кийин.