[Без оффтопа] Шеър азиз олам аро...

[Aliya]

Сообщение от pipicron

Етти пуштин суриштириб, кушниларни уриштириб,
Киз урнига ноз килишар юзларини буриштириб.
Куришади уйларини, молларини, куйларини,
Керак булса улчашади келин кизни буйларини.

Келин булмиш пазандами ёки эрка арзандами,
Ширин сузми, шахло кузми ёки кайсар, газандами?
Оналари савлатлими, оталари давлатлими,
Уруглари хурматлими, дастурхони иззатлими?

Оффтоп:

Qizlarni bunaqa qo`rqitmang, Alisher aka!

[pipicron]

Сообщение от Aliye BlackANGEL

Qizlarni bunaqa qo`rqitmang, Alisher aka!

Оффтоп:

Куркманг сингилжон. Бу кетишда йигитлар куркиши керак. Содда кизни топишдан кура содда йигитни топиш осон булиб колди.

[Gulchehra Ibragimova]

Дарёлар ортга қайтмас

Энди сенинг номингга шеърлар битмоқлик нечун?
Бир шуурсиз юлдуздан мадад кутмоқлик нечун?
Сўнаётган гулханнинг кулин титмоқлик нечун?
Сенсиз забун ҳолимни англагувчи комрон бўл...

Ўтли байтлар битсинлар энди менмас, ўзгалар.
Гуллар тўшаб йўлингга муштоқ кутсин ўзгалар,
Гулчеҳрангни мавҳ этиб шодон ўтсин ўзгалар,
Нажотинг кутмагайман, отилгувчи пайкон бўл...

Соғинчларинг қалбимга тиғдек ботса - ботар-да,
Кимдир маломат ўқин яна отса-отар-да?!.
Ишқ гулини бевафо хиёнатга сотар-да,
Нодони кўп дунёни поклагувчи уммон бўл...

Дарёлар ортга қайтмас, қайтар йўллар беркилган,
Бирга кечган умрга ҳажрдан чўғ тўкилган.
Энди вафо бобида ишқнинг қадди эгилган,
Кимсасиз орзуларни қўллагувчи раҳмон бўл...

(С)

[Aliya]

Dardim sig'mas dunyoga.

"Ona!" - desam, "Jon!" - der edi,
Endi "jon"lar qayda, gulim...?

("Jiyda gulim"ni tinglab...)

Ona, desam, yig’lar bo’lsa armonlar ham,
Ona, desam, ifor to’ksa rayhonlar ham,
Dardim sig’mas bu dunyoga, ko’zimda nam,
Onajonim, kim oladi dardlarimni?

Yuragiga yetmay qolib toatlarim,
Sevar yor ham tinglamasa hasratlarim,
Yuzni qaro qilib ketsa ulfatlarim,
Onajonim, kim oladi dardlarimni?

Aro yo’lda qolib, baxtga yetolmayman,
Sizsiz hayot yo’llaridan ketolmayman.
Shu so’roqning azobiga chidolmayman:
"Onajonim, kim oladi dardlarimni?"

Ishq azobi mening uchun qiynoq emas,
Hatto, oftob mehringizdek qaynoq emas,
Yo’q, maqsadim - sizga ta`na qilmoq emas,
Onajonim, kim oladi dardlarimni?

Esga olib sho’xlik - shirin damlarimni,
Artganingiz ko’zimdagi namlarimni.
Jiydalarga so’ylayinmi g’amlarimni,
Onajonim, kim oladi dardlarimni?

Bag’ringizda uxlab qolgim kelar, ona,
Allangizni yodga olgim kelar, ona.
Dunyo menga bo’lib qoldi bir g’amxona,
Onajonim, kim oladi dardlarimni?

Nahot sizni sog’inganim bilmasangiz?
Erkalatib bag’ringizga olmasangiz?
Qandoq qilay, Siz yonimda bo'lmasangiz,
Onajonim, kim oladi dardlarimni?!

[Aliya]

Meni esla...

Ko'ngling ko'zgusiga termulib bir bor
Meni o'yla bugun,
Meni esga ol...
Olis o'tmishdagi kabi baxtiyor
Qalbim shahzodasi O'zing bo'lib qol...

Kut meni muhabbat manzillarida,
Asrga cho'zilsin, mayli, lahzalar...
Shabnamda yuvilgan kokillarida
Baxt rangin yaratsin nozik maysalar...

Qishning ayozidan yaratib bir taft
Qor yanglig' orzular bag'rini yondir...
Men - g'arib, men - tashna,
Ravo ko'rib baxt,
Qalbimni kamalak rangiga qondir...

Ko'ngildan yiqilsin "g'am" degan devor,
Yolg'iz kunlar ichra Meni esga ol...
Xuddi o'shal kungi kabi baxtiyor
Qalbim shahzodasi o'zing bo'lib qol!

[Gulchehra Ibragimova]

Хато қилдинг

Сен дарёсан, деган эдинг, қуриб қолдим.
Йўл тополмай аро йўлда туриб қолдим,
Сен туфайли саробга бош уриб олдим,
Хато қилдинг, жоним бу гал хато қилдинг.

Кечир дейсан, кечиришга ҳолим етмас,
Аччиқ сўзнинг зарбалари дилдан кетмас.
Ҳақиқий мард ўз маҳвашин адо этмас,
Хато қилдинг, жоним бу гал хато қилдинг.

Айбларингни тан олмоққа келдинг кириб,
Бўш қалбимни елвизакка қўйдим бериб.
Синган кўнгил парчаларин бўлмас териб -
Жоним бу гал хато қилдинг, хато қилдинг.
(С)

[Gulchehra Ibragimova]

Қолгани гуноҳ

Бир ғариб кўнгил деманг,
Кўнглим менинг шоҳдур бегим.
Сизни ўзга тенг кўролмай,
порлаган моҳдур бегим,

Меҳри йўқ қашшоқ кўнгилдан
ўз қадрини топмайин -
Излабон етдим муродга,
кўнгил ҳам чоғдир бегим,

Зар қадрин заргар билар,
бунга эл гувоҳ бегим -
Ухламай то тонтггача -
чекканингиз оҳ бегим,

Бой бериб Гулчеҳрангизни,
кўнглингизда доғ бегим,
Иккимизнинг ўртамизда
қолгани гуноҳ бегим.

[Gulchehra Ibragimova]

Мендами гуноҳ?

Мени “гил”дан яратган Тангрим
Сизни гулдан яратдимикан?
Йўлингизга муштоқ этиб жим,
Бахтинг шу деб қаратдимикан?

Сизни нурга чарх этиб Оллоҳ,
Парвонага қилдими гувоҳ?
Қаршингизда ғунчали чечак -
Увол кетса, мендами гуноҳ?!

[Aliya]

Asira.

Sevin...
Endi sen g'olibsan!
Sindirolding -
Tiz cho'kib Men yig'moqdaman qalb ko'zgusin...
Sinig'ining har birida sening aksing,
Sendan kechmoq menga qanday ravo bo'lsin?!

Sog'inchimning sarhadlari osmon qadar,
Ammo, qalbing ko'r ko'zlari ochilmadi.
Men yoningda edim axir shom-u sahar,
Mening uchun bir soniyang topilmadi...

O'rtamizda o'shal hijron yosumani,
Sen ham yolg'on so'zlariga ishondingmi?!
Men kelgandim ko'zlaringga tiz cho'kkani,
Bir lahzalik ishqing mendan qizg'ondingmi?

Ishongandim ishqning go'zal ertagiga,
Kiprigimdan tomchiladi og'ulari...
Ko'z tikkandim nozik bahor chechagiga,
Xazonlarga ko'mildi gul kulgulari...

Sevin...
Endi Sen g'olibsan!
Taslim bo'ldim
Hijronlardan boshga kelgan sinovlarga...

[Alisher Asror]

Intizorlik

Kun issiq jazira turar shahringda,
Men bo`lsam eshiging ortida muzman.
Menga peshvoz qadam qo`ymading bahor…
Qo`rqdingmi , men qishmas shunchaki kuzman.

Sunchaki silkitib hazonlar to`kkan,
Bevatan shamolning vatanidanman,
Yuzingni ko`rishni ming asr kutgan,
Sabrning so`nmagan gulhanidanman.

Bilmading kimligim , qaramading ham,
Bir odim tashlamoq shunchalar malol…
Eshiging ortida men hamon mulzam,
Muhabbat basirmi , muhabbat uvol!?!