[Без оффтопа] Шеър азиз олам аро...

[Gulchehra Ibragimova]

Сообщение от мафтун

Кетаман бу ердан бош олиб,
Мажнунни сийлаган саҳрога.
Кетаман кўзимга ёш олиб,
Юлдузлар ватани самога...

..Кетаман,
барибир кетаман,
Шу менинг энг сўнгги қарорим.
Суймасанг суйкалиб нетаман,
Алвидо,
суюкли дилдорим!

Кетаман!!!

(С) 1994

Ажойиб! Охунжон Мадалиев куйлаган машҳур ва биз севиб тинглайдиган қўшиқ (шеър)нинг муаллифи Сиз экансиз-да?! Қойил!

[Nigora Jumaeva]

Сообщение от Gulchehra Ibragimova

Кетаман мен бошқа дунёга.

Сообщение от мафтун

Кетаман!!!

Сообщение от Masud Mahsudov

Сeндан кeтаман!

Ҳаммангиз тил бириктириб ёзганмисизлар дейман, "кетаман" деб қўрқитасизлар !!)

Ҳар элат ўзича атар шамолни
Мингта исм билан яшайди юлдуз.
Биз қайдан топаимиз сиздай шоирларни
Ахир сизлар биттасиз, ягона ёлғиз.

Ўхшатмаган бўлсам узр, чунки шоир эмасман. Чиройли шеърлар учун раҳмат!!)

[Minglar]

Сообщение от Nigora Jumaeva

"кетаман" деб қўрқитасизлар !

Ayroliq , firoqni bepul sotaman,
Ochiq yuraklarga o'zim otaman.
Sovugan dillarni yoqib, yondirib,
Mudroq muhabbatin men uyg'otaman.
Qaytaman , yoningga, albat, qaytaman!...

(C)

[Minglar]

Sevgi – sehr, uning ko’p siri,
Sehrga men maftunning biri,
Voh , yolg’izman uningsiz qolsam,
Izlab topib borgum ohiri.


(C)

[Neymdir]

Biroz ma'yus, biroz qayg'uli.
Kimga malham, kimga og'uli.
Hislardan suv ichgan misralar,
Ba'zan sodda, ba'zida quvli.

[Minglar]

Қўшиқ

Сенсиз неча ойлар тўлса на қилай!?
Кутавериб гуллар сўлса на қилай!?
Мен замоним, маконимдан айрилдим,
Дўстлар йиғлаб, душман кулса на қилай?

Айролиқ тугарми, тугаб азоблар!?
Висол онигача борми ҳисоблар!?
Кўйимизга қачон чиқар офтоблар!?
Бу саволлар бағрим тилса на қилай?

Ҳар дам Мажнун девонадек йўлдаман,
Руҳсорингни истаб саҳро-чўлдаман,
Билмам қайда, ўнгда ёки сўлдаман?
Дардим фақат Тангрим билса на қилай?


(C)

[Minglar]

Яшамоқдан чарчаб , хориб тургандим,
Аламлардан юрак толиб тургандим,
Қулаш учун жарга бориб тургандим…

Рангсиз дилга алвон бўлиб келдингиз ,
Бўш кўнгилга кулиб , тўлиб келдингиз,
Балки атай, атай билиб келдингиз…

Соғинчларда сарғайгандим , сўлгандим,
Фироқнинг заҳ зардобига тўлгандим,
Сизсиз нима бўлсам , ўша бўлгандим…

Мисли баҳор қўшиқ айтди гулзордан,
Ё бойчечак мўралади муз, қордан,
Тўкилгандек гўзал наво сетордан,

Келдингиз…


(C)

[Mahmud Jurat]

***
Баъзан қалбим қайнаб юпанч излайман
Озод юлдузларнинг даврасин кезиб.
Бирдан ғимирлайди дилда пушаймон,
Бўғзимни бўғаман ғаюрлик сезиб.

Ачитар қўлларим қонли қадоқлар,
Аскар саночида тугадими ўқ.
Бокира Марямдек гўдак ардоқлар,
Ўзи оч бир гадо, гўё қорни тўқ.

Ачинган ҳолларим айта олмадим,
Кўплашиб куйламоқ бизда урф эмас.
Қатрондан умид йўқ, ювилмас қадрим,
Сенсиз ардоқлансам мени ит емас.

Даврада бир бора уввос солмадим,
Балки бўшармиди тош қотган дийдам.
Эски у дўстларинг аслида малъун,
Эрта тонгдан олқиш куйлаб турса ҳам.

Халқим, мунисим, юртим, маконим,
Сен ҳам бир давра бўб куйлаб юборгин.
Дилингга билим ол йиғлоқи иним,
Тобелик руҳини қонига қоргин.
(С)

[мафтун]

АЛАМ

Сени яхши кўрардим,
Ҳамма яхши биларди.
Сени кутсам, теракзор
Менга паноҳ бўларди.

Севгимни тор кўчангнинг
Терак, толлари айтсин,
Мендан ўч ололмаган
Ўжар боллари айтсин,
Кампир чоллари айтсин.

«Тил текизма бу қизга
У меники бўлади.
Менда кўнгли борлигин,
Бутун қишлоқ билади».

Ҳаммасининг кўзида
Битта таъна, битта дўқ -
Келгиндига қишлоқнинг
Тушиб қолган қизи йўқ

Афсус, сен ҳам бошимни,
Ерга эгдинг охири.
Мени илмай назарга,
Кимга тегдинг охири.

Биламан энанг қайраб
Сени йўлдан урган-да:
«Бошингга урасанми,
Шоирни... бой турганда!».

Теракнинг таънасини
Тентагона ўярдим,
Энангга энасини
Кўрсатиб ҳам қўярдим.

...Сени қандай севардим,
Эҳ, ҳеч ким билмас эди.
Гўзалроқ бўлганингда
Алам ҳам қилмас эди.


(с) 1994

[Neymdir]

Сообщение от мафтун

...Сени қандай севардим, Эҳ, ҳеч ким билмас эди. Гўзалроқ бўлганингда Алам ҳам қилмас эди.

Qoyil! Maza qildim o'qib.
Iqbol Mirzoning she'riga taqlid qilib yozilgan shekilli.