Televizormi? Dilbuzarmi? Tilbuzarmi?

[Husen]

Реалити шоу, мега лойиҳа… яна қанақасидан керак?!!

Бугун телевидениеда ўз муаллифлик кўрсатувига эга бўлган ижодкорлар талайгина. Ўз даврида Ўткир Ҳошимов, Дилшод Шамс, Шухрат Армон кейинги йилларда эса Ҳайрулла Нуриддинов, Нилуфар Умрзоқова, Соат Шарипов ва бошқалар ўз дастурлари билан кенг омма эътиборини жалб қила олишган эди. Эҳтимол шу онда уларнинг айримлари ёдимдан кўтарилган бўлса минг бор узр. Қолаверса, гап бунда ҳам эмас! Яхшиси, мақсадга кўча қолай....
НТТ каналида салкам 1 ойга чўзилган рекламаси (ролик ҳам шунга яраша чўзилган-ки) дан сўнг “Супер келинчак” лойиҳасининг илк сони ниҳоят кеча эфирга узатилди. Дастлабки сонини кўрар эканман, тинимсиз тарзда реаилити-шоу, мега лойиҳа деб жар солишдан аввал ижодкорлар ушбу тушунчаларнинг мазмун-моҳиятини чуқурроқ ўрганиб кўришдимикан деган савол туғилди. Дарвоқе, луғатимизда “кўрсатув” деган чиройли сўз турганда чет эллик журналистларга тақлидан “лойиҳа” сўзини қўллаш НТТ каналида роса авж олган. Тан олайлик, соддагина ўзбек кўп маъноли “лойиҳа” сўзини эшитганда бошқа маъноларидан кўра кўз олдига кўпроқ “ҳали пишмаган”, “чаласи бор”, “ғўр” нарсаларни келтиради.
Бироз аввал хорижий телаканаллардаги “Мафия” ўйинини “Қопқон” номи остида оммага тақдим қилаётган Зайнаббегим Юнусова бу галги кўрсатувининг бошида ўз лойиҳасига “НТТ каналида ва Ўзбекистон телевидениесида янгилик” деб баҳо бериб, назаримда бироз катта кетиб қолдилар! Эҳтимол, Юнусова хоним 90 йилларда оммалашган “Иқбол” кўрсатувини кўрмагандир, Аммо яқин-яқин йилларга қадар “Ёшлар” телеканали орқали намойиш қилинган “Қизлар давраси”, “Таманно” каби кўрсатувларни нахотки кўрмаган бўлсалар!!? “Супер келинчак” лойиҳаси ўша кўрсатувлардан олинган бир чимдимгина эмасми, аслида!
Кўрсатув, узр ижодкорларнинг даъвоси бўйича айтадиган бўлсам “мегалойиҳа”нинг айнан “Супер келинчак” деб номланишини тушунса бўлади. Чунки, шу номдаги кино, шу номдаги қўшиқ роса авж олди. Зиёданинг “Супер келинчак”қўшиғи турганда кўрсатув учун алоҳида мусиқий жингллар тайёрлашга ҳам эҳтиёж йўқ.
Аммо, шундоқ ҳам келинларнинг “супер”и, “келгинди”си, “андишали”си ва бошқаларидан роса чарчаган омма учун айнан “Супер келинчак” номининг қайта ёдга олиниши чайналган сақични яна оғизга солишдек худди... қолаверса, шу номдаги фильм “ижодкор”ларининг қўлма-қўл бўлиб кетган шармандали бошқа бир “фильм”идан сўнг шахсан менда “супер келинчак” деса “қатортол остида лабига сигарет қистирган”лар ёдимга тушаверади!

[Husen]

Кўрсатувга қайтамиз. Унда икки томон бор: иштирокчилар ва экспертлар!!!
Дастлаб экспертлар хусусида. Келинлик салони очган ҳамма ҳам соҳанинг устаси бўлганида эди, қўшиқчи Канизанинг кийинишини ҳеч ким танқид қилмасди. Эртага мен ошхона очсам, энг зўр ошпаз бўлолмайман-ку, тўғрими? Экспертларнинг бири келинлик салони директори. Тўғри тушунинг, ахир кўрсатув унинг салонида олинмоқда, хомийлардан бири шу! Шундай экан, “илтимо-о-ос, мени ҳам камерага олинглааааар”
Хуллас, тушундингиз, ким чалса ўшани ноғорасига ўйнаймиз дейилади буёғи.
Салон директори қизларнинг либосига баҳо берар экан, у ҳолда таниқли дизайнер Дилмуродни таклиф қилишдан мақсад нима эди? Боз устига дизайнеримиз ҳам тоғни талқон қилгудек жасорат кўрсата олганлари йўқ. Нуқул қизларнинг қўлқопи ва тақинчоғини танқид қилганини инобатга олмаса, албатта. Соч турмаги бўйича жалб этилган экспертга эса назаримда гапиришга навбат ҳам беришгани йўқ. Бошқаларнинг фикрини маъқуллаш билан кифояланди, бечора. Тўғри-да, бошловчи холис бўлиб лойиҳани бошқариб туриш ўрнига биринчилардан бўлиб, қизларга ўзи баҳо берса, экспертларнинг фикрини ўзининг фикри томон оғдиришга уринса...
Ана энди сенсацион савол: экспертлар орасига қўшиқчи Нилуфар Усмонова қаердан тушиб қолди! Оила, рўзғор бобида қандай матонат кўрсатибдилар-ки, келинларга маслаҳат берсалар. Беихтиёр “оғзи қийшиқ бўлса ҳам....” деб бошланувчи мақол ёдимга тушди. Майли, ўзимизча хулоса қилмайлик. Эҳтимол, кўрсатувнинг кейинги сонларида у киши назаримда қўшиқчиликдан, яна ҳам аниқроғи алла айтиш бўйича баҳо берсалар ажаб эмас. Ҳар ҳолда бир эмас иккита ўғиллари бор!
Ана энди иштирокчилар хусусида. Иштирокчилар - катта ҳаёт остонасида турган, бўйи етган қизлар. Гўёки, бу кўрсатув уларни тўйга тайёрлармиш! Қоидалар эса тескари натижани кўрсатмоқда: қизларнинг ҳозирча катта ҳаётга, оила қуришга тайр эмасликларини беихтиёр фош қилиб қўймоқда. Ҳар ҳолда кўрсатувнинг илк сонидан сўнг шу хулосага келдим. Дастлабки шартга кўра қизлар ўзлари учун мос келинлик либоси ва соч турмаги олдида экспертлар ҳузурига чиқишди.

[Husen]

Жиддий разм солдим, иштирокчилар ўзбек қизлари бўла туриб, ҳаммаси фақат ва фақат елкаси кўкрагига қадар очиқ келинлик либосларини танлашди. Ўзларини малика тасаввур қилган қизлар наҳотки тўйида ёнидан қоқилган қозиқ эмас, эсли-ҳушли, ғурурли, ориятли куёв (агар шундай бўлса) туради деб ўйламасалар... Баъзилари бошига ёпинчиқ ёпишни ҳам унутди. Бир-иккитаси эса янгилик қилай деб қўлини кўксига эмас, белига қўйиб чиқди. Эшитса эди жар солардим: ҳой эрсираган қиз, келинсан, ахир, модельер эмас!!!
Эҳтимол кўрсатувни унда иштирок қилган қизларнинг оталари, акалари, укалари ҳам берилиб кўришгандир. Агар ростдан ҳам берилиб кўришган бўлса, Худо аллақаочн уриб бўлгани шу менимча!
Кўрсатув якунида бир қиз дидсиз кийинган деб топилди ва ўйиндан чиқарилди. Худдики, ҳаётининг мазмунини бой бериб қўйгандек йиғлаб юборган қизга эса мени ҳавасим келди.
Тентак қиз бундай шармандагарчликдан вақтидан чиқиб кетганингга суюнмайсанг-чи!!
Буларни ёзар эканман, мақсад бировни аёвсиз танқид қилиш орқали оёқости қилиш эмас. Шунчаки, дўст ачитиб гапиради дейишади-ку! Зайнаббегим Юнусовани шахсан танимайман, аммо унинг ҳам кун келиб сўзимиз бошида муаллифлик кўрсатувлари орқали донг таратган ижодкорлар сафига қўшилишини истаймиз, холос.
Ҳар ҳолда у NTT даги лойиҳаси учун FM тўлқинлардаги радиобошловчилигини суиъстемол қилган ҳолда тингловчилардан йилнинг энг яхши лойиҳасига номзодлик учун менинг кўрсатувимга “овоз беринг” деб ялинадиган муаллифлардан эмас.
Хулоса қиладиган бўлсак...... йўқ, яхшиси хулосани ўзингиз чиқаринг!

[мафтун]

Сообщение от Husen

Хулоса қиладиган бўлсак...... йўқ, яхшиси хулосани ўзингиз чиқаринг!

Дилимиздаги гапларни, хулосаларимизни ёзибсиз. Отангизга рахмат. Кутилмаганда курсатув лоп этиб тугаб колди. На мазмун, на мохият.

Сообщение от Husen

90 йилларда оммалашган “Иқбол” кўрсатуви

Ооо, у курсатувдаги кизларнинг билими, дунёкараши, одоб-ахлоки... Тенглаштириш хам хайф.
Тележурналист сифатида фикрларингиз учун аъло бахо дейман. яна бир бор ташаккур.

[Nigora Jumaeva]

“Супер келинчак” кўрсатувни кўрмаган бўлсам ҳам, унинг қандайлиги ҳақида тасаввур эга бўлдим.
Яқинда Зайнаббегимнинг “Қопқон” кўрсатувининг битта сонини кўриб қолдим.Тўғриси, бу кўрсатувда қандай мантиқ борлигини тушина олмадим.Қанчадан-қанча одамларнинг вақтини бекорга сарфлашдан бошқа нарса эмас.

[Nigora Umarova]

Сообщение от Nigora Jumaeva

...“Қопқон” кўрсатувининг битта сонини кўриб қолдим.Тўғриси, бу кўрсатувда қандай мантиқ борлигини тушина олмадим.Қанчадан-қанча одамларнинг вақтини бекорга сарфлашдан бошқа нарса эмас.

"Vaqtni o'g'rilash" uchun qopqondir-de

[Muhayyo Turdialiyeva]

Sizlar NTT kanalini syomkaga chaqirib kurmagansizlarda. Men ular bn 2marta ishlab dunyo dunyo bulibdiki bunaqasini kurish u yoqda tursin tasavvurimga ham sig'dirolmaganman. Qisqa qilib aytganda ushbu kanalni "chistka"qilish kerak. Tadbir bb qolsa chaqirib kuring uzingiz guvohi bulasiz...

[мафтун]

Сообщение от Muhayyo Turdialiyeva

izlar NTT kanalini syomkaga chaqirib kurmagansizlarda. Men ular bn 2marta ishlab dunyo dunyo bulibdiki bunaqasini kurish u yoqda tursin tasavvurimga ham sig'dirolmaganman. Qisqa qilib aytganda ushbu kanalni "chistka"qilish kerak. Tadbir bb qolsa chaqirib kuring uzingiz guvohi bulasiz...

Фикрларингизнинг кайсидир жойи узилиб колгандай туюлди. Чакиргунимизга кадар хам айта колинг нима гаплигини...

Оффтоп:

Аарвоке, водийда хам уларнинг тармоклари бор. якинда иккита журналистнинг суди булди... Афсус...

[Muhayyo Turdialiyeva]

Yozib bulmaydigan narsalar ham bularkan...

[Tulqin Eshbekov]

Сообщение от Muhayyo Turdialiyeva

Yozib bulmaydigan narsalar ham bularkan...

Ёзиб бўлмайдиган гапни,
Ёзиб нима қиласан?
Гар бошингга бало бўлса,
Кейин ўзинг биласан...