“Ўзбекистоннинг 7 мўъжизаси” акцияси

[Zumrad Shadjalilova]

1. Акция Fikr.uz лойиҳаси доирасида ўтказилади. Акцияда қатнашиш учун http://id.uz сервисидан рўйхатдан ўтиш керак. Унинг муҳокамаси барча сайт, форум ва блогларда олиб борилади.

2. Акциянинг давомийлиги:

· 13 апрель. Акциянининг бошланиши ва тармоқда муҳокама қилиш.

· 14 апрель. Сўровномани эълон қилиш. Сўровнома етти йўналишни қамраб олган бўлиб, “мўъжизалар” сифатида табиат, инсон, адабиёт ва мусиқа санъати асарлари, иншоатлар ва бинолар, тарихий қадамжолар, ижтимоий ҳодисалар кўрсатилган. 25 апрелда натижалар сарҳисоб қилинади.

· Сўровнома натижаларига кўра 26 апрелда Fikr.uz да муҳокама учун мавзу очилади, мавзуга изоҳ қолдириш орқали истаган шахс ўз мулоҳазасини қолдириши мумкин. Кўрсатилган иншоатнинг фақатгина номи эмас, балки нима учун айнан у кўрсатилганлиги ҳақидаги фикр-мулоҳазалар далиллар орқали инобатга олинади. Номзодларни аниқлаш 15 майда якунланади. 16-23 майда материаллар умумлаштирилиб, номинантлар рўйхати муҳокама қилинади.

· Номзодларга овоз бериш. Fikr.uz даги сўровномада биринчи еттиликнинг эълон қилиниши.

24 май – 12 июнь. 13 июнда натижалар сарҳисоби бўлади.

3. Акция муддати Акция маъмуриятининг қарорига мувофиқ узайтирилиши мумкин.

4. Сўровнома пунтлари ўзбек ва рус тилларида берилади. Номзодларга овоз тўплаш учун ўзбек ва рус тилларида мавзулар очилади, таклифлар Акция маъмурияти тарафидан тўпланади.

5. Акция таҳриррияти ZiyoNetресурс маркази ходимлари Иброҳим Ёрматов, Евгений Скляревский, Нигора Умарова, Зумрад Шоджалиловалардан иборат.

6. Акция натижалари “Ўзбекистоннинг 7 мўъжизаси” аниқлаштирилгач эълон қилинади.

7. Акция Fikr.uz сайтнинг 7 чудес Узбекистана очиқ блогида ўтказилади.

[Zumrad Shadjalilova]

Сўровнома бошланди. Фикр мулоҳазаларингизни Fikr.uz даги постда ёки шу мавзуда билдиришингиз мумкин.

[Maestro]

Оффтоп:

Сообщение от Zumrad Shadjalilova

Акцияда қатнашиш учун http://id.uz сервисидан рўйхатдан ўтиш керак.

Объектив ва субъектив сабабларга кўра, менда бундай имконият йўқ.

"Мўъжиза" деб ҳисобланиши мумкин бўлган мавзуга "иншоатлар ва бинолар"ни танлаган маъқул деб хисоблайман.

Иншоатлар:
1. Тошкент телеминораси.
2. Тошкент метроси.
3. Регистон, Самарқанд.
4. Улуғбек обсерваторияси.
5. "Тошгузар-Бойсун-Қумқўрғон" темир йўли ва ундаги кўприклар.
6. Арк, Бухоро
7. Минораи Калон

[Najmeddinov Ahmadjon]

Сообщение от Maestro

"Тошгузар-Бойсун-Қумқўрғон" темир йўли ва ундаги кўприклар.

Жорий йили “Қарши — Термиз” темир йўл линиясини электрлаштириш ишлари режалаштирилган “Тошгузар-Бойсун-Қумқўрғон” темир йўл линияси, мана тўрт йилдирки, мамлакатимиз иқтисодиёти ривожига катта ҳисса қўшиб келмоқда. Юртбошимиз мазкур қурилишга таъриф берар экан, “...бу объект биз учун нафақат стратегик муµим транспорт йўлаги, балки мамлакатимизнинг жанубий минтақаси – Қашқадарё ва Сурхондарё вилоятларини барқарор иқтисодий ривожлантириш, уларда ҳаётий аҳамиятга эга ижтимоий муаммоларни ҳал этиш, аҳоли бандлиги ва фаровонлиги даражасини юксалтиришда катта омил бўлиб хизмат қилади”, дея таъкидлаган эди. Бугун ҳаётнинг ўзи бу сўзлар нечоғли ҳаққоний эканлигини исбот этмоқда.