Кеча Тошкент вақти билан 20.10 да Халқаро Олимпиаданинг иштирокчилари ва совриндорлари Ўзбекистонга қайтишди.
Уларни кутиб олиш учун Халқ таълими вазирлигининг бир қатор мутассадди раҳбарлари, иштирокчиларнинг ота-оналари, ўқитувчилари - хуллас 100 га яқин юртодшларимиз Тошкент аэропортида жамулжам бўлишди.
Ушбу ютуқларга эришишда мураббийларнинг ҳам хизмати катта. Бахтиёр Дониёров ва Шухрат Исмоиловларни Ўзбекистон Халқ ўқитувчиси, Қоракўл 1-ИБМИ директори Тўхтамурод Жумаев қутламоқда.
Дарвоқе, журналистлар... Улар ҳар бир иштирокчидан интервью олишга шошилишди. Бугун ТВ, Радио, газета-журналларнинг бош мавзуси шубҳасиз мазкур олимпиада ҳақида бўлади. Кузатиб боринг.
Ота-оналарнинг қувончи чексиз, чунки олимпиаданинг иштирокчилари муддатидан олдин талаба деган номга сазовор бўлишмоқда.
Т.Жумаев бутун меҳнат жамоаси билан кутиб олиш маросимига етиб келди. Мазкур олимпиадада уларнинг 2 нафар иштирокчиси бронза медалларни қўлга киритди
22.07.2008 10:09
Древовидный вид