uForum хайрия тадбирлари

[Gulchehra Ibragimova]

ЭЪЛОН:

МУҲТАРАМ ФОРУМДОШЛАР!

Маълумки, юртимизга яқинлашиб келаётган Муборак Қурбон ҳайити Миллий-диний қадриятларимизни сақлаш ва улуғлаш, фуқароларимизнинг ҳамжиҳатлиги ва меҳр-оқибатларини мустаҳкалаш, барча ёрдамга муҳтож кимсалар ҳолидан хабар олиш, ёрдам бериш, уларни йўқлаш ҳамда байрам билан қутлаш айёмидир.

Шу мақсадда ZiyoNET Ресурс Марказининг ХТВ ҳузуридаги бўлими ходимлари томонидан жорий йилнинг 4 ноябрь (жума) куни соат 15-оо да Ўзбекистон Республикаси Меҳнат ва аҳолини Ижтимоий муҳофаза қилиш вазирлигига қарашли Республика "Уруш ва меҳнат фахрийлари" пансионатига боришлари ва кекса фахрийлар билан учрашув ўтказишлари режалаштирилган.

Мазкур тадбирга иштирок этишни хоҳловчилардан қуйидаги саволларимизга жавоб беришларини илтимос қиламиз:

1.Сиз ушбу тадбирга иштирок этишни хоҳлайсизми?
2.Тадбирни ўтказиш санаси ва вақти Сизга маъқулми?
3.Тадбирга қандай ҳисса қўша оласиз?
4.Яна қандай таклифларингиз бор?

Қўшимча фикр-мулоҳазалар ва таклифлар бўлса, илтимос Форумнинг ушбу бўлимида қолдиришингизни сўраймиз. Зеро, "Савоб ишни ҳар кун қилиш керак, савоб ишни ҳар ким қилиши керак".

Мазкур Пансионат ҳақида батафсил маълумот олиш учун мана бу ерга қаранг.