"Мустақил диёрнинг етук онаси баркамол авлодни тарбиялайди" мавзусида давра суҳбати

[Nigora Umarova]

Дилбар, оқила форумдош опа-сингиллар!

Барчангизга байрам арафасида бир совға тайёрлаб қўйдим.
Кўпдан бери реал ҳаётда дийдорлашмагандик. Бир пиёла чой устида ёки бир финжон қаҳва ичиб суҳбатлашишга нима дейсизлар.

Жорий йилнинг 4 август куни, соат 14-00 да UZINFOCOM марказининг мажлислар залида Ўзбекистон халқ шоираси Ҳалима Худойбердиева, Зулфия Давлат мукофотининг соҳибаси, шоира Гулжамол Асқарова, рассом, шоира, драматург Гулнора Раҳмон, артист мумтоз ҳамда миллий қўшиқларнинг моҳир ижрочиси Раъно Рўзиқулова билан юртимиз мустақиллигининг 20 йиллигига бағишланган "Мустақил диёрнинг ақлан етук онаси баркамол авлодни тарбиялайди" мавзусида давра суҳбати бўлиб ўтади.

Оффтоп:

Ўтказаётган тадбиримиз Рамазон ойига тўғри келмоқда. Бироқ гап қаҳва ёки бир пиёла чой олишда эмас, маънавий озуқа олишдадир.

Тадбирда қатнашиш истагини билдирганлар сўровномада қатнашишларини сўраймиз.
Номлари юқорида зикр этилган аёлларимизга ўз саволларингизни берасиз деган умиддаман.