Факат ва факат кизлар учун

[Nigora Umarova]

Qaynota

Qo'shiqlar ko'p dunyoda,
Goho tinglab tolmaysan.
Bir qo'shiq bor, kelinchak,
Jon deb quloq solgaysan.

…Qaynamagan qumg'onni
Sovuq suvcha qadri yo'q.
Cho'rt kesishga kelganda
Qaynotadan mardi yo'q.

Avlod uchun or ota,
Goh mehringga zor ota.
Duosida oltin bor-
Qaynota bu-qaynota.

Bir tovuqqa suv darkor,
Ham don kerak deydilar.
Damlab qo'ygan oshga ham,
Voy, non kerak, deydilar.

Qaynonamning qozoni
YOg'siz qandoq qaynaydi.
Qalampirning achchig'in
Qaynotalar chaynaydi.

Ochiq qolgan qozonning,
Qopqog'ini kim topar.
Un bo'lmasa suprada,
Shirmoy nonni kim yopar?

Qaynotalar asraydi
Oilangiz orini.
Qaytib kelmas ketgani,
Asray biling borini.

Mahmud Toir