[Лента] Online ZAKOVAT (узб)

[Lutfillo Tursunov]

Яхшиси жавобни ўзим айта қоламан, уч кундан буён қолдирилган жавоблар ҳақиқийсига деярли яқинлашмади. Савол бироз оғирроқ бўлди, шекилли...

Сообщение от Lutfillo Tursunov

Норман Бентли ўз иш жойида 4 кечаю, 4 кундузни ўтказди. Лекин унинг умуман зарур иши йўқ. Раҳбари ҳам ундан иш жойида қолишини талаб қилмаган эди. Бундан ташқари у сўнгги икки кундан бери туз ҳам тотгани йўқ, лекин бир неча қадам нарида егуликлар бор. У ўзининг иш жойидан ресторанларни ҳам кўриб турарди. Уч кун олдин рафиқаси қўнғироқ қилиб, унинг лотереядан ютганини айтганди. Уларга шу кунларда пул зарур бўлса-да, Норман ютуқни бориб олишга шошилмаётганди. Норман касал эмас ва агорафобия билан азобланмайди, ногирон ҳам эмас. У соппа-соғ, ақли жойда ва бемалол ҳаракатлана олади, очлик ҳам эълон қилгани йўқ. У Гиннес Рекордлари китобига тушиш учун оч ўтирганиям йўқ. У ёлғиз... ва айтишни унутаёзибман, Норманнинг иши бир ерда ўтириб қилинадиган вазифа. Яъни “сидячая работа за столом.” Норманга нима бўляпти ўзи? У қандай вазиятга тушиб қолган?

ТЎҒРИ ЖАВОБ:
Норман ҳарбий денгиз сувости кемасида навигатор. У хизмат қиладиган кема порт яқинидаги саёзроқ жойда ҳалокатга учраган. Сувости кемасини ва ундаги денгизчиларни қутқариш ишлари ҳозирча муваффақиятсиз чиқяпти, чунки авария қапқоғи (люк) беркилиб қолган. Норман ёлғиз, чунки экипажнинг бошқа бўлимлардаги аъзолари ҳалоқ бўлган. Егулик ва сув бир неча метр нарида - денгиз ва балиқ. Шунингдек, у ўтирган жойида перископ орқали соҳилдаги ресторанларни ҳам кўриб турибди...