Ҳикматли сўзлар

[Shokir Dolimov]

Ҳеч шубҳа йўқ-ки, устознинг ҳар бир сўзи ўз шогирди учун пурмаъно ҳикматдир. Қуйида устозларимнинг профессионаллик ва ватанпарварликка даъват этувчи айрим фикр-мулоҳазаларини келтириб ўтмоқчиман. Улар «кўринмас фронт жангчилари» бўлишгани сабабли, исмлари, ушбу ўгитларини қайси тадбирда айтишгани ёки қайси ҳужжатларда акс эттирилганлигини, таассуфки, айта олмайман. Уларнинг барчасини Устоз ва мураббийлар куни билан чин қалбимдан табриклайман

Ҳарбий унвон нечоғлик баланд экан, унвон соҳибининг профессионаллик савияси ҳам шу қадар юқори бўлиши керак.

Ҳар қандай халқ ва давлат бошидан кечирадиган фожиа, аксарият ҳолларда, унинг маънавиятига путур етишидан, онгига ёт ғоялар-у, қадриятлар сингдирилишидан ва бундай ғояларни ҳаётга татбиқ этиш учун номақбул усуллар жорий этилишидан бошланади. Бинобарин, халқнинг маънавий руҳини, ўз олдига тарихий вазифалар қўйиб, ҳал эта олиш қобилиятини ифодалайдиган маънавий хавфсизликнинг таъминланиши устувор вазифага айланиб қолади.

Ҳарбий санъат ҳеч қачон бир жойда қотиб қолмайди. Истаймиз-ми, йўқ-ми, қуролли кураш олиб боришнинг шакл ва усуллари мунтазам янгиланиб, ўзгариб бораверади. Уруш ва ҳарбий можаролар тажрибаси, фан ва техника соҳасидаги ютуқлар ҳарбий санъат ривожига туртки бериши муқаррар. Бунга тарихнинг ўзи шоҳидлик бермоқда.

Тарих, айниқса ҳарбий тарих буз учун шунчаки ҳавас, «кечаги кунга» ҳурмат эмас, у биз учун юксак маънавий руҳни шакллантириш манфаатида қўлланиладиган қудратли қуролдир.

[Nigora Umarova]

San'atning mohiyatini uning ishlab chiqarish effekti(samarasi)da ekanligini e'tirof etib, bundan esa "san'atning qiymati go'zalligida emas, balki kerakli ta'sir kuchiga ega bo'lishidadir", deya xulosa qilguvchi faylasuflar haqdirlar. Modomiki, samaraning o'zi samarali ta'sir kuchiga ega emas ekan, u hech bir ma'no kasb etmaydi. Agar sa'nat faqat ijodkorning ko'ngilxushligi uchun yaratiladigan bo'lsa, garchand u qay darajada balandparvoz, ko'tarinki ruhda bo'lmasin, undan jamiyatga manfaat kam bo'ladi: bunday asarlarning me'moriy obidalarning haybatli gumbazini yelkasida tutib turuvchi ulkan ustunlar peshtoqiga qo'ndirilgan mitti haykalchalardan farqi yo'q: zero, bu mitti haykalchalar o'zining xilma-xil ko'rinishlari, nafisligi bilan ko'zlarimizni quvontiradi, biroq ularda hech bir ijtimoiy foydali yuk, vazifa bo'lmaydi. Agar san'at kishilarni biror bir ezgi harakatga chorlamas, da'vat qilmas ekan, u bor-yo'g'i sohibi aql-intellektuallar uchun afyun bo'lib qolaveradi.

Somerset Moem

[Nigora Umarova]

Mening o'zim haqimda odamlarning nima deyishi-yu, nimani o'ylashlari ham qiziqtirmaydi. Odamlar istaganlarini o'ylayversinlar. Albatta, kimgadir manzur ekanliging kishiga yoqimli kayfiyat, rag'bat beradi, ammo yoqtirishmasa, nailoj, zorimiz boru zo'rimiz yo'q.

***
Muhtaram keksa kishi yoshlar uchun, baayni bir cho'qqidirki, uning muloqotiga noil bo'lish, bamisoli o'sha cho'qqini zabt etish kabidir.

***
Ahmoq kishi keksayib aqlli bo'lib qolmaydi.

***
Insonlarning iztirobini yengillatishga xizmat qilmas ekan, faylasufning har qanday gapi puchdir.

("Yetmish yoshimda")

***
Bir kuni mendan: "Hayotingizni qayta boshdan yashashni istarmidingiz?"-deb so'rab qolishdi. Nimayam derdim, umuman, mening hayotim juda yaxshi kechdi, aytishim mumkinki, ayrimlarga taqqoslaganda a'lo darajada yashadim. Biroq, shunday bo'lsa-da, uni qaytadan yashab ko'rishda hech bir mantiq yo'q, deb hisoblayman. Bu xuddi ilgari bir necha bor o'qib chiqilgan detektiv romanni qayta mutolaa qilish kabi zerikarli yumush bo'lur edi.("To'qson yillik yubileyimga")

Somerset Moem

[Kavsar]

Сообщение от Nigora Umarova

*** Insonlarning iztirobini yengillatishga xizmat qilmas ekan, faylasufning har qanday gapi puchdir.

Alloh rozi bo'lsin,
Shunga o'xshash bir hikmatni eslatdi, hozir.

"Qiyomatga bir kun qolganida ham, insonlarni ezgulikka chorlab, ularga hayotning go'zal ekanligini anglatib yashashdan qaytmaslik kerak". Bir ustozimiz aytgandilar buni...

[Nigora Umarova]

Сообщение от Kavsar

Alloh rozi bo'lsin,
Shunga o'xshash bir hikmatni eslatdi, hozir.

"Qiyomatga bir kun qolganida ham, insonlarni ezgulikka chorlab, ularga hayotning go'zal ekanligini anglatib yashashdan qaytmaslik kerak". Bir ustozimiz aytgandilar buni...

Kavsaroy, S. Moemning hikmatlaridagi fikrlar qaysidir jihatdan Ahmad Yassaviyning ham hikmatlarini eslatdi.

[albatros]

Baxt haqida allomar o'giti.

Baxt besabr odamlarga ko‘p narsalarni pullab qoladi-yu, sabrlilarga ularni tekinga beradi.

F. BEKON

Agar faqat baxtli bo‘lishgina maqsad qilib qo‘yilsa, bunga tezda erishish mumkin. Lekin odamlar ko‘pincha boshqalardan ko‘ra baxtliroq bo‘lishni istay-dilarki, buning deyarli iloji yo‘q, chunki aslida bizga o‘zgalarning baxti hamisha ko‘proq bo‘lib ko‘rinadi.

Sh. MONTESKYE

Agar siz o‘zingizni baxtli deb bilsangiz, baxtingizni tekshirmang: bu — nafis kapalakning go‘zalligini yaxshiroq ko‘rish niyatida uni burdalab tashlash bilan barobar.

P. MANTEGASSO

Izlaganimiz ajoyib narsa yonimizda bo‘lganligini biz doim kechikib tushunamiz.

A. BLOK

...Baxt sotilmas va kimki agar
Ter to‘kishga bo‘lolsa molik,—
Shunda tole bo‘lur jilvagar,
Shurda shodlik qilur oshnolik.

MIRZA SHAFIY

Boshqalarning baxtini o‘ylab, o‘z baxtimizni ham topamiz.

AFLOTUN

Baxtning zarur tarkibiy qismi — bu to‘g‘ri yashayotganingga, ortingda xudbinlik, qallob-lik, makkorlik, zararkunanda-lik va yana shunga o‘xshash boshqa bir razilliklar yo‘qligiga qat’iy ishonishingdir.

A. S. MAKARENKO

[Shokir Dolimov]

У ёки бу мавзу муҳокама қилинаётганида рафиқам доно халқимизнинг турли мақол ва нақлларни қистириб ўтиш устасидир. Кеча кечқурун телефон орқали онаси билан аллақайси бир қариндошининг хатти-ҳаракатларини «атиги» ярим соат муҳокама қилар экан, мен муқаддам эшитмаган, ўтирган жойимда ҳайрон қолдирган қуйидаги учта нақлни ишлатди:

Кўрга кўрсатиб, карга эшиттириб қоч;

Лайлакка тенг келаман деб, чумчуқ човини йиртиб олибди;

Отга таққа қоқилаётганида эшак ҳам оёғини кўтарган экан.

[Kavsar]

"Ayollar, erkaklarga berilgan Allohning omonati. Omonatni sog'-salomat asrash kerak".

Ustoz Tohir Malik.

"Imon - insonga beriladigan, ammo yo'qotib qo'yish xavfi bo'lgan saodat. Uni nol nuqtaga olib bormaslik kerak."

Ustoz Tohir Malik.

Оффтоп:

Nigora opa, haliyam uchrashuvdagi taassurotlar bilan yuribman. ))
U yerda aytilgan shu ikki hikmat bir umr yodimdan chiqmasa kerak. Juda yoqdi menga ustozni fikrlari.

[Nigora Umarova]

Сообщение от Kavsar

Оффтоп:

Nigora opa, haliyam uchrashuvdagi taassurotlar bilan yuribman. ))
U yerda aytilgan shu ikki hikmat bir umr yodimdan chiqmasa kerak. Juda yoqdi menga ustozni fikrlari.

Буни билиб Сиз учун яна бир шундай учрашув ташкил этдик, сингилжоним.

[Nigora Umarova]

Сообщение от Kavsar

"Imon - insonga beriladigan, ammo yo'qotib qo'yish xavfi bo'lgan saodat. Uni nol nuqtaga olib bormaslik kerak."

Ustoz Tohir Malik.

Менга муҳтарам ёзувчимизнинг инсоннинг иймонини кардиограмма чизиқларига ташбеҳ қилишлари ёқди.

Инсон ҳаёт экан унинг иймонланиш даражаси кардиограмма чизиқлари сингари гоҳ юқорига кўтарилиб, гоҳ пастга тушиб инсон иродасини чиниқтиради.
Ҳеч биримизга умримиз сўнгида шайх Санъондек кетиш насиб этмасин...
Тоҳир Малик