Bahru-bayt

[Masud Mahsudov]

Қалбга сиғмай олам дардлари,
Баъзан чуқур ўйга толаман
Жуда хомуш бўлган пайтларим,
Болалагим эслаб қоламан.

Эслайман-у, ичимда бир жой,
Жиз этади.
Ўртанади жон.
“Оймома” дeб аталган эй, ой -
Қаердасан, қайда, болажон?

Зумга бўлса ҳам ўша дамга,
Бўлар эдим жон-жон дeб қайтган.
Баъзан кeтсам эди қувилиб,
Қувламачоқ ўйнаган пайтга.

Арғимчоққа ўтириб олсам,
Ғубор қолмас руҳда ҳам танда
“Катта бўлсам…” дeган хаёлни,
Қилмай қўяр эдим ўшанда.

Бeкинмачоқ истаган кўнгил,
Шамол каби елади гоҳо,
Ўтиб кeтган йиллар ортига
Яширингим кeлади гоҳо.

Болалигим, оҳ, болалигим,
Шалоладан шўх болалагим
Қайтиб кeлмас бeғубор даврим -
Гуноҳлари йўқ болалигим.

Кeтиб қолдинг жуда ҳам эрта,
Энди сeни қайдан топаман?
Сeнинг билан қилган орзуни,
Бугун ғамлар билан ёпаман.

Катталикни қилмагин тилак;
Охири йўқ ўйлаган ишинг.
Бири тугаб-тугамай яна,
Бошланади бошқа ташвишинг.

Қалбга сиғмас бўлса дардларим,
Болалигим эслаб қоламан...


(c)

[Gulchehra Ibragimova]

Нигора, фақат, ўзимиз қопмиз-да, давом этамизми иш ичида*? Нимагадир бошқа ижодкорлар Сиримми ўзиям қочиб кетишдими, дейман. Майли ўзимизга қопти-да:

Неча кун-ки йўқ оромим,
Келолмайман ҳушимга,
Онажоним кечалари
Кириб чиқар тушимга.

Қўлларида оқ елпиғич,
Ой нурида ялтирар.
Бери кел, деб Онажоним,
Қошларига чақирар..

[Sirim]

Оффтоп:

Pichirlashmang, baribir eshitilayapdi

Rayhon, xidlaringni yo'llarimga sep
Kut meni har oqshom ko'kka oy chiqqan.
Faqat yig'lamagin aybim nima? - deb
Aybing - onang seni chiroyli tuqqan!

M.Yusuf

[Gulchehra Ibragimova]

Сал шошиб қўйибмиз-да, узр Масъудбек ижод қилаётган экан, болалагини қўмсаб..Энг шоҳ даврни..Ажойиб шеър..болалик дамларга етакловчи, ёдга солувчи..

[Alisher Asror]

Rahm qil aftodalarning holina,
Hech kerakmasmu sango bir savob,
Yor savol etsaki "holing nadur?"
Xasta Fuzuliy, na verursan javob?

(Fuzuliy)

[Alisher Asror]

Ikki kishi barobar yozibmiz-da... Bugun juda bahs qizidi , hammalaringga qoil!

[Gulchehra Ibragimova]

Нима бунча, инсоф қилинг ижодкорлар,
Альфавитда "Н" ва "Р" ми билганингиз?
Шеър қопимда қолмабди-да "Н"га шеърлар
Сезилмоқда буни атай қилганингиз..
(Ҳазил шоир "Жўқий")

[Nigora Jumaeva]

Зулфлариким икки ёндин тарқамиш,
Ҳар бири бир жон олурга ҳалқамиш.
Ёқа остидан кўрингай холлари,
Ё менинг ошиқлигимни пайқамиш.
Сочлари тунга қаролик ўргатиб,
Ой нурини юзларига чайқамиш.
Мен уни кўкракларимда асрасам,
Ул мени киприкларида сақламиш.
Беллари бордир қамишнинг белидай,
Нола қилгум мен мисоли найқамиш

СирожиддинСаййид

[Alisher Asror]

Zuhro yilduz ko`rin tezroq oy botdiku,
O`tkinch bir tuman to`xtab o`tib ketdiku.
Ko`rolmasdan to tonggacha yo`q oromim,
Ko`rsat endi yuzlaringni diloromim.

(qo`shiqdan)

Baribir yana "M" xarfi bo`lib qolyapdi... Men bir hazil she`rimni topib oldim, o`qib ko`ringlarchi...

KAYF
(Itga hasrat)

“Har kecha qarorgohim ostona tong otguncha…”
(Haziniy)


Ko`ppak kelgin yonimga
Birga aroq ichaylik,
Oro kirgin jonimga,
Odamlardan kechaylik.

Sen bilasan tilimni,
Tushinasan ne desam,
Bag`rinnga bos gulimni,
Yarmini ye ne yesam.

Odamlardan topmagan
Mehr bilan qaraysan,
Kezi kelsa poyimdan ,
Yuzimgacha yalaysan.

Ko`ppak kelgin yonimga
Birga aroq ichaylik,
Tegib ketgan jonimga
Dunyosidan kechaylik.

Hoy ulfatlar ! Hayr-xo`sh,
Kel ol, Sharik,nasibang.
Ostonaga berib to`sh ,
Men tugatay qasidang.

Alisher Asror

[Masud Mahsudov]

Сообщение от Alisher Asror

Z
Baribir yana "M" xarfi bo`lib qolyapdi... Men bir hazil she`rimni topib oldim, o`qib ko`ringlarchi...

KAYF
(Itga hasrat)

“Har kecha qarorgohim ostona tong otguncha…”
(Haziniy)


Ko`ppak kelgin yonimga
Birga aroq ichaylik,
...

Uzr, albatta, lekin men yuqoridagi "Kayf" she'ringiz bilan mushoira o'rtasida hech bog'liqlik topa olmadim...