Куёв бошқа миллатдан ёки ўзга диндан бўлса-чи?

[Jamshid Begmatov]

Бугун эрталаб ўзи ўзбекистонлик, лекин ҳозир АҚШда яшовчи Фейсбукдаги таниш қизлардан бири шундай савол ёзиб қолди: “Should you let the guy you like know about your attraction?”. Яъни, бир йигитни ёқтирсангиз, унга бу ҳақида гапириш керакми, деб сўраяпти. Лекин мен кўтармоқчи бўлган мавзу бу эмас. Саволга жавоб берганлардан бири билан (у ҳам кўчиб кетган ўзбек) қуйидагича “бахслашиб” қолдик (исмини қисқартириб юбордим):

АА: u must immediately ))) (яъни, дарҳол айтиш керак, демоқчи)
АА: kofir bo'lsa ko'rasiz mandan lekin!!!
Jamshid Begmatov ‎@AA Хайвондан фарқи бўлмаган мусулмондан кўра ҳақиқий инсон бўлган "кофир" афзал, IMHO.
АА: sizning fikringiz ham yashashga haqli, ko'p gap eshakka yuk. Men bu gapni aytganimni sababi qancha qancha o'zbek, musulmon qizlari ajnabiy kofirlarga tegib ketyapti, afsus.
Jamshid Begmatov: Нимаси афсус? Баҳтли бўлса бас, шундай эмасми?
AA: Shunday emas. Nima degani u "baxtli bo'lmoq"?
Jamshid Begmatov: Ҳа... Юқоридаги гапингиз тўғри, кўп гап эшакка юк
AA: bo'ptida bo'lmasam, nimaga gapirdingiz unda? Qanday qilib kofir haqiqiy inson bo'la oladi? Ma'nili gapingiz bo'lsa gapiring, bo'lmasa gapirmang manga uka, asablarim chatoq, yuz-xotir qilib o'tirmayman.
Jamshid Begmatov: Бунақа асабни даволатиш керак, "ака", мусулмонман деб кўкракка уриш ўрнига Соғ-омон бўлинг.
AA: kim ko'kragiga urdi???? Siz o'zi nimaga burningizni tiqyapsiz mani gaplarimga? Sog'-omon bo'ling emish, bitta urib tishingni sindirib qo'yaman, bilvolasan kim davolanishi kerakligini so'tak! bu qiz manga singlimdek, shuning uchun man o'zim aqlim yetganicha maslaxat berdim, sandan so'rab o'tiradigan holim yo'q!
Jamshid Begmatov: Ҳақиқатда, ақлингиз етганича маслаҳат берибсиз
AA: muncha tirjayasan, qanaqa hezimsan sani o'zi, poshel nafig uje a...

Ўйланиб қолдим. Кўп миллатли, кўп маданиатли жамиятмиз, деб бонг урамиз. Лекин этник жиҳатдан аралаш оила қуришга қизларимиз қандай қарайди? Йигитлар-чи? Ота-оналар-чи? Келинглар, фикр алмашайлик. Менинг фикрим юқоридаги мулоқотдан аён.

[Shokir Dolimov]

Сообщение от Jamshid Begmatov

Jamshid Begmatov ‎@AA Хайвондан фарқи бўлмаган мусулмондан кўра ҳақиқий инсон бўлган "кофир" афзал, IMHO.

Онги, дунёқараши, интеллектуал салоҳияти ер остига ётқизилган канализация қувурлари сатҳидан ҳам паст даражада шаклланган алкаш мусулмон эридан умр бўйи эшакдай калтак еб, рўшнолик кўрмаган, оилавий ҳаёти дўзах қийноқларидан кўп фарқ қилмайдиган аёлларимиз йўқ эмас. Бундай аёлга қараб, йиллар оша қутурган махлуқнинг қули сифатида яшаб, азоб-уқубат тортганча ўтиб кетгандан кўра, бир бечора кофирни бахтли қилгани яхши эмасми, деган фикрга бораман. Тағин билмадим, эҳтимол ушбу сўзларим ўша аёлга янада даҳшатлироқ эшитилар.

[Aaz]

Сообщение от Shokir Dolimov

Онги, дунёқараши, интеллектуал салоҳияти ер остига ётқизилган канализация қувурлари сатҳидан ҳам паст даражада шаклланган алкаш мусулмон

Сообщение от Jamshid Begmatov

...bitta urib tishingni sindirib qo'yaman, bilvolasan kim davolanishi kerakligini so'tak! bu qiz manga singlimdek, shuning uchun man o'zim aqlim yetganicha maslaxat berdim, sandan so'rab o'tiradigan holim yo'q!
..muncha tirjayasan, qanaqa hezimsan sani o'zi, poshel nafig uje a...

[Nargiza Saidova]

Сообщение от Shokir Dolimov

Бундай аёлга қараб, йиллар оша қутурган махлуқнинг қули сифатида яшаб, азоб-уқубат тортганча ўтиб кетгандан кўра, бир бечора кофирни бахтли қилгани яхши эмасми, деган фикрга бораман. Тағин билмадим, эҳтимол ушбу сўзларим ўша аёлга янада даҳшатлироқ эшитилар.

тугрику-я, лекин турмуш кураётганда хеч кайси аёл махлукнинг турмуш уртоги буламан деб фикр килмаса керак. Буни факат турмуш курсатади. Уз миллати ва дини вакилини танлашда кизлар хар холда ичкилик гунохлигини билиб тарбия курган инсонга турмушга чикяпман деб уйлашади. Узга миллат ва дин вакиллари орасида ичкиликка ружу куйганлар, уз аёлини урадиганлар сони хам как эмас. Буни олдиндан 100 фоизга кандай килиб билса булади? Бошка миллат вакиларига тегиб, кейин эса холимга вой деганларнинг сони кам эмас (шу форумдами, бошкадами карис миллат вакилларига теккан кизлар додини укигандим)

[Anvar Atakhanov]

Сообщение от Shokir Dolimov

алкаш мусулмон

Кани бу ерда логика?:-) Бунака булиши мумкинмас хам алкаш хам мусулмон. "Алкаш узбек" десангиз тугрирок буларди.
Олдин мусулмон ким, кофир ким фаркига бориб кейин бунака мавзуларни очсак яхши буларди. ИМХО канешна.

[Shokir Dolimov]

Сообщение от 3dman

Кани бу ерда логика?:-) Бунака булиши мумкинмас хам алкаш хам мусулмон.

Ўша мантиқни топа олмай, баъзан бошим қотади. Намозни канда қилмай, арақдан ҳам бош тортмайдиганлар бўлар экан.

[Jamshid Begmatov]

Сообщение от 3dman

Олдин мусулмон ким, кофир ким фаркига бориб кейин бунака мавзуларни очсак яхши буларди.

Гапни чала ташламай давом эттиринг бўлмаса... Ким экан мусулмон-у, ким кофир ИМХОингиз бўйича? Сиз албатта ҳеч қайси алкашни, ўғрини, бесоқолбозни ва ҳ.к. мусулмон эмас деёлмайсиз. Калима келтирган ҳар ким мусулмондур.

[Anvar Atakhanov]

Сообщение от Jamshid Begmatov

Сиз албатта ҳеч қайси алкашни, ўғрини, бесоқолбозни ва ҳ.к. мусулмон эмас деёлмайсиз. Калима келтирган ҳар ким мусулмондур.

Куп яшанг! Мана шуни аниклаб олайлик деяпман. Алкашга (алкаш булиши шарт эмас) арок ичиб улган кишига жаноза укилмайди дейилади, нимага? Бесоколбозни охирати куйган дейилади, нимага? Шуларни аниклаб олишимиз керак...

[Jamshid Begmatov]

Сообщение от 3dman

Алкашга (алкаш булиши шарт эмас) арок ичиб улган кишига жаноза укилмайди дейилади, нимага? Бесоколбозни охирати куйган дейилади, нимага? Шуларни аниклаб олишимиз керак.

Балки булар ҳақида алоҳида мавзу очиш керакдир... Мен гаплашмоқчи бўлганим - турли миллат ва турли дин мансублари орасидаги никохлар.

[Shokir Dolimov]

Сообщение от Jamshid Begmatov

Мен гаплашмоқчи бўлганим - турли миллат ва турли дин мансублари орасидаги никохлар.

Синфдошларимдан бири муддатли ҳарбий хизмати давомида ошпазлик қилган. Ҳарбий қисм командирининг улфатлари, шу жумладан, оила аъзоларига ош дамлаб юриб, қизи билан яқиндан танишиб қолган. Уйланган. Хотинини Фарғона вилоятига олиб келган. Синфдошимнинг ота-онаси одатимизга кўра катта ҳовлида алоҳида уй ажратиб беришган. Фақат бир қизли бўлишганлари, тилимиз, урф-одатларимизни деярли тўла-тўкис ўзлаштириб олганига қарамай, жувон, назаримда, шароитларимизга ҳеч кўника олмади шекилли, юртига қайтиб кетди. Эр-хотин ўртасида, тушунишим-ча, ортиқча гап-сўз бўлмаган. Орадан 25 йил ўтган бўлишига қарамай, ҳанузгача телефон алоқаси орқали мулоқот қилиб туришади.