Қизиқарли маърифий мақолалар

[AbuMuslim]

Ассалому алайкум... ҳурматли форумдошлар... бу мавзуда турли хил сайтлардан, турли хил қизиқарли ҳамда фойдали бўлган мақолалар ҳақида хабар қилиб турсак...

Ўзим бошлаб бераман : )
(расмни босинг)

[Behzod Saidov]

Сообщение от AbuMuslim

Ўзим бошлаб бераман : )
(расмни босинг)

Босдим. Хато чиқди. Умуман олганда бирор жойга жўнатишдан олдин у ерда бизни нима кутиши ҳақида қисқа бўлсада маълумот қолдирилса яхши бўларди.

[Shokir Dolimov]

Сообщение от Behzod Saidov

Умуман олганда бирор жойга жўнатишдан олдин у ерда бизни нима кутиши ҳақида қисқа бўлсада маълумот қолдирилса яхши бўларди

Берай-ми бу саволни, бермай-ми, деб ўйланиб қолдим. Охири «Сўраганнинг айби йўқ», деган нақл ёдимга тушиб, сўрашга аҳд қилдим. Гап шундаки, тонг саҳар уйғониб, ишга дунё янгиликларидан бохабар бўлиб бориш мақсадида, диванимнинг бир томонидаги телевизорни, иккинчи томонидаги компьютерни ёқаман. Айтмоқчиман-ки, ҳали бет-қўлимни ювмаган бўламан. Шу ҳолатимда Сиз ҳавола этган расмни босиб, ундаги улуғ зотларнинг исмлари ва муқаддас китоблардан келтирилган цитаталарни ўқисам, гуноҳ иш қилган бўламанми?

[AbuMuslim]

Босдим. Хато чиқди. Умуман олганда бирор жойга жўнатишдан олдин у ерда бизни нима кутиши ҳақида қисқа бўлсада маълумот қолдирилса яхши бўларди.

Расмдаги линкда хато қилиб қўйибман, узр

Обращение к модераторам:

(модераторлардан илтимос, биринчи постдаги расм линкини таҳрир қилиб беринглар...)

[Ustoz]

Men ko`zoynak taqaman. Ilgari (hozir emas) yuz-qo`llarimni yuvmagunimcha hatto ko`zoynagimni ham taqmasdim Hozir esa (ko`zoynakni taqib olaman) yuz-qo`llarimni yuvmagunimcha birorta narsaga qo`llarimni urmaslikka intilaman. Mana shu odat tusiga kirgan. Gunoh yoki gunoh emasligini bilmayman. "O`zingizcha fatvo berishdan ehtiyot boinglar" deb o`rgatgandilar Anvar qori aka.

[Bahrom]

Сообщение от AbuMuslim

Ассалому алайкум... ҳурматли форумдошлар... бу мавзуда турли хил сайтлардан, турли хил қизиқарли ҳамда фойдали бўлган мақолалар ҳақида хабар қилиб турсак...

Ўзим бошлаб бераман : )
(расмни босинг)

AJOYIB JAVOB )))))
Balki siz bilmasdan xato qilgandirsiz, lekin bu oddiygina mo'jizaga e'tibor bering, xudoning qudrati bilan shu rasmga bossak hech narsa chiqmayapti, demak sizning
Vanga kim? degan savolingizga javobni xudo hazil qilib berib qo'yibdi, ya'ni HECH KIM!
Bu narsaga e'tibor bersalaring tushunasizlar
ZO'R JAVOB SHU YERDA ASLIDA! )))))))))))))
Ya'ni odamlar mehnat qilmasdan qanaqadir yengil yelpi yo'llarga intilmasdan, yaxshisi hamma qatori mehnat qilib, intilib birovga malol bo'lmaydigan inson bo'lish kerak ekan.
Osmondan pul yog'masligi aniqku ))) Odam ertasini bilmasligi ham aniq, bunaqa shov shuvlarni bazilar biznes uchun qilishadi)))

[Muhammad Ismoil]

Қуръони карим
таржимаси хусусида

Қуръони каримнинг ўзбек тилига ўгирилиши Оллоҳ таолонинг ўзбек халқига улуғ иноятларидан бири бўлди.
Бу ─ мустамлакачилик зулмидан эндигина бош кўтарган, жаҳолат зимистонидан адолат гулистони томон собитқадамлик билан кўкрак кериб келаётган заҳматкаш ва мардонавор халқнинг энг зарур, энг юксак ва бир лаҳзага бўлсин кечиктириб бўлмас тилаги ва хоҳиши эдиким, авваломбор мустамлакачиликнинг заволи ва талофатларини, мустақилликнинг иқболи ва шарофатларини чуқурроқ ва кенгроқ англаб етмоғи, одамнинг олам аро, диннинг дунё аро ўрнини ҳамжиҳатлик ва донишмандлик билан белгилаб олмоғи учун ниҳоятда мунтазир эди. Ва улар ўзларига беқиёс суянчиқ ва ҳарқандай ғанимдан миллион бора қудратлироқ бўлган тенгсиз азамат эгаси Оллоҳни топдилар ва унга таяндилар ва ундангина мадад кутдилар.
Энди улар бу фоний ва ғафлат дунёсида ким дўст, ким душман эканлигини, нима учун дўсту, нима учун душман эканлигини, ҳар қандай даҳрий жамиятда бўлгани сингари, бир – бирларининг ожиз ақлларини раҳнамо этиб эмас, ўзларини Яратган, ва дунёдаги энг тўғри энг адолатли, энг саодатли, энг баракали калом эгаси бўлмиш Парвардигори оламнинг оятларини раҳнамо этиб билиб олдилар. Ундаги кўрсатмаларни дастуриламал деб билдилар. Оллоҳнинг каломи инсоният учун, инсониятнинг яралишидан ҳам, яъни Оллоҳнинг уларга ҳаёт бахшида этганидан ҳам улуғроқ. Чунки, куфрда, итоатсизликда, осийликда яшагандан кўра, яшамаслик яхшироқдир. Яшашнинг асл моҳияти – тўғри йўлда яшашни ўрганмоқдир. Йўқса одамзот ўзининг энг муқаддас нарсалари – онги, тафаккури, қалби, жони борлигини ва улар ҳаммаси унга омонатга берилганлигини, ва булар учун у ҳамиша маъсул, ва буларнинг ҳар бири учун келажакда жавоб беришини, бу фоний дунё ҳаёти нари борса юз йил давом этишини, сўроқ – жавоблар эса бир неча минг йиллар давом этишини, ва мана шу жараёнга инсон ўз ҳаётининг ҳар бир лаҳзасида, ҳар бир сониясида, ҳар бир кунида тайёрланиб, тарбияланиб, ақоидни таниб бориши лозимлигини унутиб қўйиши ҳеч гап эмас экан. Ва ўша заҳоти, қиёмат қойим юз бериши муқаррар бўлган, рўзи маҳшарни унутиб энг катта хатога йўл қўяр эканмиз. Биз бу кунга тадорик кўрмай, дўзах азобини олдини олмай, куну – тунимизни асл ватанимиз, яъни отамиз Одам атонинг диёри, бир кун қайтишимиз шарт бўлган беҳад латофатли мўъжизавий мафтункор макон – жаннати ризвонга қайтмоққа шайланмай энг катта хатога йўл қўяр эканмиз.
Шу билан бирга мана шу ҳаётнинг ўзида бахтли – саодатли, пок ҳалол, хотиржам ва осойшта яшашни, илм эгаллашни, тараққиётга эришишни, инсоннинг улуғ фазилатлари, илоҳий ҳикматларини кашф этишни, инсон истеъдодининг ҳайратдан танг қолдирар даражадаги қудратли имкониятларини, йўл – йўриқларини билолмай ғафлат водийсида тентираб юрар эканмиз.
Аждодларимиз эришган буюк ғалабаларнинг сири – асрори, хазинаси, қулфи – калити қаерда, қайси манбадан эканлигини билолмай сарсон – саргардон юрар эканмиз. Ахир юртдошимиз Имом ал – Бухорий ҳазратлари, Абу Али ибн Сино, Абу Райҳон Беруний ҳазратлари бу китобни, яъни Қуръони каримни етти ёшида ёд олган ва мана шу китоб уларни инсониятнинг энг қудратли алломаларига айлантирган, қолаверса ўзбек миллати эришган барча маънавий муваффақиятлар, ғалабалар, зафарлар мана шу китоб шарофати туфайли эканлиги, бугун осмондаги офтобдай равшан бўлди-ку? Миллатимиз маънавий озуқа оладиган жонбахш замин – Қуръони каримни худди этни тирноқдан ажратиб олмоқчи бўлгандай, етмиш йил уриндилар, қуёш юзига парда тортдилар.
Неча асрларки миллатимизга меҳрибон бўлиб келган Худо, яна бошимиз узра меҳр ва муҳаббат ҳидоятини ёйди.
Неча асрларки оламга довруқ ёйиб келган миллатимиз яна оламга юз бурди, яна олам халқлари билан тенглашди, буюк давлатлар қаторидан муносиб ўрнини топди.
Ер юзи можароларга тўлиб турган бир пайтда тинчликни сақлаш, инсониятнинг зийнати бўлмиш – маърифат чироқларини ёқиш, инсоният бошига гултож бўлгувчи санъат дурдоналарини яратиш йўлини танлади. Бугун биз дунёни кузатар эканмиз, қўлимизда энг мукаммал тарози бор – бу Қуръони каримдир. Энди бирор давлат сиёсати, бирор олчоқнинг маккорона уйдирмаси кўзимизни шамғалат қилолмайди. Оммавий ахборот воситалари, интернет, сунъий йўлдош алоқалари ривожланган бир пайтда ким оқу – ким қора эканлиги, қайси давлат, қайси мамлакат ким қандай адолат ва қандай адоват билан машғуллиги яққол намоён бўлмоқда.
Бугунги кунда Қуръони карим энг кўп ўқиладиган, инсониятнинг деярли учдан бир қисми иқтидо қиладиган, ва Ер шари узра хитоб қилиниши сониянинг миллиондан бир қисми бўлган оз фурсатда ҳам тинмайдиган мукаррам ва муаззам китобдир. Уни мадҳ этиш, унинг буюклигини таърифлаш учун Ер юзидаги жаъмики уммонлар сиёҳ бўлганда ҳам, Ер юзидаги жаъмики дарахт ёғочлари қалам бўлганда ҳам, осмондаги жаъмики булутлар қоғоз бўлганда ҳам жуда – жуда озлик қилади.
Шу сабабли, Тангрининг то қиёматгача бирор сатрига заха етказмай омон сақловчи қудратли каломи – Қуръони каримни таърифлашга ожизлигимизга минг бора иқрор бўлган ҳолда, ҳолис ниятимиз бор – йўғи, ушбу каломни ўзбек тилига ўгирган, таржимонлик бобида юксак салоҳият эгаси эканлигини кўрсатган, ўзбек тилининг нақадар жилвакор, нақадар бой, нақадар ҳашаматли ва нафосатли эканлигини, бир сўз билан айтганда, Қуръон каримнинг залворли оятлари юкини кўтаришдай қудратга эга эканлигини кўрсатган, аллома, Алоуддин Мансурга ушбу улуғ Рамазон ойи муносабати билан ўз миннатдорчилигимизни билдирмоқ, Оллоҳ таолодан ижодий ишларига ривож, хонадонларига файзу – барака, ўзларига соғлик – саломатлик сўрамоқдир.
Ишларингиздан Оллоҳ рози бўлсин, ва ҳамиша ўз ҳифзу – химоятида омон сақласин!

[Sparc]

Сообщение от Muhammad Ismoil

Бу ─ мустамлакачилик зулмидан эндигина бош кўтарган, жаҳолат зимистонидан адолат гулистони томон собитқадамлик билан кўкрак кериб келаётган заҳматкаш ва мардонавор халқнинг энг зарур, энг юксак ва бир лаҳзага бўлсин кечиктириб бўлмас тилаги ва хоҳиши эдиким, авваломбор мустамлакачиликнинг заволи ва талофатларини, мустақилликнинг иқболи ва шарофатларини чуқурроқ ва кенгроқ англаб етмоғи, одамнинг олам аро, диннинг дунё аро ўрнини ҳамжиҳатлик ва донишмандлик билан белгилаб олмоғи учун ниҳоятда мунтазир эди.

Совет даврини нуқул қора бўёқлар билан чаплаш шартмикан, айнан шу даврда ўзбек адабиёти, санъати, илм-фани ривожланиб, буюк шоир, ёзувчи, публицист, олимлар, санъат арбоблари етишиб чиқди.

Сообщение от Muhammad Ismoil

Чунки, куфрда, итоатсизликда, осийликда яшагандан кўра, яшамаслик яхшироқдир.

Халқ совет даврида сиз айтаётган "куфрда, итоатсизликда, осийликда" яшамаган, деярли ҳар бир оилада Қуръони Карим бор эди.

Сообщение от Muhammad Ismoil

у фоний дунё ҳаёти нари борса юз йил давом этишини, сўроқ – жавоблар эса бир неча минг йиллар давом этишини, ва мана шу жараёнга инсон ўз ҳаётининг ҳар бир лаҳзасида, ҳар бир сониясида, ҳар бир кунида тайёрланиб, тарбияланиб, ақоидни таниб бориши лозимлигини унутиб қўйиши ҳеч гап эмас экан. Ва ўша заҳоти, қиёмат қойим юз бериши муқаррар бўлган, рўзи маҳшарни унутиб энг катта хатога йўл қўяр эканмиз. Биз бу кунга тадорик кўрмай, дўзах азобини олдини олмай, куну – тунимизни асл ватанимиз, яъни отамиз Одам атонинг диёри, бир кун қайтишимиз шарт бўлган беҳад латофатли мўъжизавий мафтункор макон – жаннати ризвонга қайтмоққа шайланмай энг катта хатога йўл қўяр эканмиз.

Муболаға қилдингиз, мавлоно.

Сообщение от Muhammad Ismoil

қолаверса ўзбек миллати эришган барча маънавий муваффақиятлар, ғалабалар, зафарлар мана шу китоб шарофати туфайли эканлиги, бугун осмондаги офтобдай равшан бўлди-ку?

Шу жойда бироз фактлар келтирсангиз жоиз бўларди.

Қуръонни ўзбек тилига таржима қилиниши буюк иш.
Лекин бу ишни буюклигини кўрсатиш учун қора бўёқлар ва муболағаларни ошириб юбориш шарт эмас.

[AbuMuslim]

Сообщение от Sparc

Совет даврини нуқул қора бўёқлар билан чаплаш шартмикан, айнан шу даврда ўзбек адабиёти, санъати, илм-фани ривожланиб, ди.

Совет даври қора қон ранги билан булғанган бўлса ва унинг башараси қора бўлса - қора дейиладида...

Советлар бизларни босиб олмаганида Ўзбек адабиёти, санъати, илм-фани ривожланмас эдими?
Буюк шоир, ёзувчи, публицист, олимлар, санъат арбоблари етишиб чиқмасмиди?

Сообщение от Sparc

Халқ совет даврида сиз айтаётган "куфрда, итоатсизликда, осийликда" яшамаган, деярли ҳар бир оилада Қуръони Карим бор эди.

Балки Қуръон карим баъзи уйларда, деворларда "осилиб" тургандир... аммо уни жуда кам одам ўқир эди... на ўқишни билар эди... мен уни ҳали ҳаётларида дастуруламал қилган ё қилмаганликлари ҳақида гапирмайман...
Собиқ мустабид тузуми даврида баъзи мансабдор шахслар ўз ота-оналарининг жанозаларига қатнашишларидан қўрққан... "дин афюндир" деган жамият мафкураси кўпларни залолат батқоғига ботириб ташлаган...
Надежда Крупская тузган ва ўқилиши "хавфли" саналиб, ман қилинган китоблар орасида Қуръони карим ҳам бор эди... Тарих уйидан арабча матндаги китоб чиққани учун қатоғон қилган минглаб одамлар борлигини СССР деган бобига қора харфлар билан ёзиб қўйган...

[Masud Mahsudov]

Сообщение от AbuMuslim

Совет даври қора қон ранги билан булғанган бўлса ва унинг башараси қора бўлса - қора дейиладида...

Советлар бизларни босиб олмаганида Ўзбек адабиёти, санъати, илм-фани ривожланмас эдими?
Буюк шоир, ёзувчи, публицист, олимлар, санъат арбоблари етишиб чиқмасмиди?

Исломда ўтган одамнинг орқасидан ёмонламаслик тавсия этилади... Фақат ибрат тариқасида марҳумнинг камчиликларини кўрсатиш мумкинлиги талқин қилинади.

Таъбир жоиз бўлса, мен ўтиб кетган давр ҳақида ҳам салбий фикр айтмаган бўлар эдим, аксинча, унинг яхши томонларини гапириб, камчиликларини бугунги кунда тузатишга интилган бўлардим.

Сиз тош отаётган ўша "машъум" йилларда бизларнинг ота-оналаримиз, яқинларимиз ўсиб улғайган, таълим олишган, ризқини теришган... Шукр, уларнинг аксарияти ҳалол ва харомнинг фарқини яхши билишади, эътиқодимизнинг моҳиятини тушунишади, унга амал қилишади...

Хусусан айтганда эса, мен яшаётган ҳудудда масжидлар ўша даврда ҳам бўлган, қуръонни тушуна олишмаса-да, ўқий олишган, қироат қилишган (Умуман олганда, ҳозирги кунда ҳам Қуръонни ўқиб, таржима қиладиганлар унча кўп эмас...)

Шукр, мустақиллик туфайли юқорида таъкидланган нарсаларга катта имконият яратилди, бироқ бу билан тарихимизга лой чаплаш керак эмас, деб ўйлайман. Нима бўлганда ҳам, барчамизни тўғри йўлдан адаштирмасин...