Men jismonan sog'lomman deya olasizmi?
 

Hozirgi zamon talabi bizni unchalik ham jismoniy mashqlarni bajarishga undamayapti.Shuning uchun ham ko'p o'quvchilar maktabda bo'lib o'tayotgan JISMONIY TARBIYA darslariga unchalik ham ko'p e'tibor berayotgani yo'q.Buning oqibatida sog'lom avlodni kelajakka yetishtirib berish ba'zi muammolarni keltirib chiqarmoqda.Buni oldini olish uchun o'qituvchilarni bolalarni komil inson qilib tarbiyalashga undash kerakmi? Yoki boshqa yo'li ham bormi:naughty:

San o'zini sog'lom deb o'yliysanmi?

Саломатлик ҳақида ҳар ким ўзи ўйлаш керак (ёш болаларни ҳисобга олмаганда). Агар чиндан бақувват бўлишни истасангиз, бир йил ичида штангани ётиб кўтариш (жим лёжа) машқида 100 кг.ни бемалол кўтара олиш имконига эгасиз. Елкада 120 кг.ни кўтариб ўтириб тура олишингиз мумкин. Фақат бунинг учун ҳафтасига уч марта, белгиланган дастур бўйича тер тукишингиз керак бўлади. (Эрталаб туриб 1-2 км. югуришни ҳам унутмаслик керак).
Агар хоҳловчилар бўлса, бодибилдинг машқларини форум иштирокчиларига тақдим этишим мумкин.

"Сураб бергунча уриб бер" деган экан машойихлар.

Қанийди Body-Building залларини ҳам тавсия қилсангиз ёки чегирма асосида қатнашишга имтиёзли равишда амалий ёрдам берсангиз :).

Ҳурматли Lutfillo, сизнинг маслахатингиз қисман тўғри, чунки топикстартер ва унинг оғайниларининг ўртача оғирликлари 40 кг. Сизнинг обрўйингиз болалар ичида ўта баланд, маслахатингизга қараб машқлар бажарганида майиб бўлиб қолмасин.

Чегирмали заллар бўлса ўзимам йўқ демасдим :)

Мен топикстартер 16 ёшлардан каттароқ бўлса керак деб ўйлагандим. Агар шу ёшдан кичик бўлсалар яхшиси оммавий спорт турлари орқали ўзини чиниқтириб боргани маъқул.
Бодибилдинг спорт тури билан 16-18 ёшдан катталар шуғуллангани яхши. Агар топикстартер ва унинг оғайнилари 16 ёшдан катта бўлсаю, вазни бор-йўғи 40 кг. атрофида бўлса, спортзалга боришни маслаҳат берган бўлардим. Чунки бу ёш - болаларнинг айни жисмонан ривожланадиган вақти ҳисобланади. Залга бориш дегани шу заҳотиёқ ўз вазнидан юқори оғирликни кўтариш дегани эмас. Зарур бўлса, бугун 1 кг гантел билан машқларни бошлайди ва бир ойдан кейингина 2 кг.га ўтилади ва ҳоказо.
Кўпчилик ёшлар залга бориши билан ўзини Шварценеггердай ҳис қила бошлайди ва ўз билганича нималардир қилиб, оқибатда ҳеч қандай натижага эриша олмайди. Чунки уларда бу спорт бўйича билим йўқ. Кўпчилик ёшлар заллардаги тренерлардан маслаҳат сўрашга, бошқа болалар олдида енгил юк кўтаришга уялади. Лекин ҳар бир бошловчи билиши шарт: ҳамма, шу жумладан, Шварценеггер ҳам илк машғулотларини енгил тошлардан бошлаган. Бу жараённи ҳар бир спортчи босиб ўтган, шунинг учун залга борганда бошқаларни "ҳайратда" қолдириб, оғир юк кўтариш керак эмас. Ҳаммаси вақти келиб амалга ошади ва ўша орзу қилинган 100 кг ҳам бошингиз устида ўйнаб туради. Фақат бунинг учун тинимсиз чиниқиб бориш ва албатта, тартибга риоя этиш талаб қилинади. Бодибилдинг шунчаки тош кўтариш машқи эмас, у чуқур назарияга эга спорт тури.
Мен форумдошларимизга ана шу назария тўғрисидаги мулоҳазаларимни билдириб ўтиш ниятидаман. Ушбу спорт тури билан шуғулланишдан аввал, албатта, назарий жиҳатларини ўрганиш, унга амал қилиш зарур ва бу фақатгина фойда беради.

Мавзунинг мактаб бўлимида очилганлигига эътибор бермаган эканман.
Бу ҳақда
яхшиси алоҳида мавзу очаман.

Biz nafaqat jismoniy sog'lomlikni balki barcha jihatdan sog'lomlikni ham o'ylab ko'rsak bo'lardi!!! Chunki faqat jismoniy sog'lomlikdan barkamol inson bo'lish qiyin! Mavzuni "Men sog'lomman deya olasizmi?" deb ochgan maqul bo'lardi,shunda bavzu kengroq ma'lumotlarni o'z ichiga olgan bo'larmidi,tag'in bilmadim!!!