Ҳайит дастурхони таомлари
 

Ҳурматли форумдошлар!

Ушбу мавзуда Ҳайит дастурхонига тортиқ қилинувчи таомларнинг расмларидан ҳавола қилсангиз.

Эътиборингизга фақатгина ҳайит дастурхонига тортиқ қилинадиган "Ун толқон"нинг тайёрланиш жабҳаларини ҳавола қиламан.
Карим Маҳмудовнинг "Ўзбек таомлари" китобида унинг тайёрланиш жабҳалари умуман бошқача берилган. Мен тайёрлашни ўрганган "Ун толқон"им эса тамоман бошқа технологияда тайёрланар экан.

"Ун толқон"ни тайёрлаш учун бизга ғалвир керак бўлади. (Ғалвир элакнинг йирик тишлиги ҳисобланади).

https://img.uforum.uz/images/gigcqag6995263.jpg

Ўсимлик ёғи доғланади.

https://img.uforum.uz/images/fexhpih4931355.jpg

https://img.uforum.uz/images/uopctub6105864.jpg

Сўнг тоғорага солиниб, тенг баробарида қайнатилиб совутилган сут қўшилади.
Биз 0,5 литр ёғга, 0,5 литр сут миқдорида олдик. Шунда 4 кг ун толқон қилинди.

https://img.uforum.uz/images/gknsmyn4017973.jpg

Эланган ун солиниб қумоқ-қумоқ шаклида хамир қорилади.

https://img.uforum.uz/images/awqrnbq2881874.jpg

https://img.uforum.uz/images/zsuafoq9558462.jpg

Хамир ғалвир тешигидан ўтказилади.

https://img.uforum.uz/images/rtsyrux6486566.jpg

Урвоқ шаклига келтирилади.

https://img.uforum.uz/images/wclzsjk5086741.jpg

Қизиб турган қозонда қизартириб қовурилади.

https://img.uforum.uz/images/dwlyihu4881261.jpg

Қовуриб бўлингач дастурхонга совутиш учун ёйилади.

https://img.uforum.uz/images/fnrrgnu8971232.jpg

Сўнг яна бир бора ғалвирдан ўтказиб олиниб, таъбга кўра шакар солиниб, ҳайит дастурхонига тортиқ қилинади.

барака топинг

Тасанно! Биринчи таом дастурхонга тортилди, энди иккинчи ва учинчиларини кутамиз...

"Бўғирсоқ, қуштили, зангза, чак-чак, деганларидек"-денг... :)
Бизда -Тошкентда чин арафа куни 7 та қўшнига косада ош ва унинг устига турли пишириқлар қўйиб тортиш одати мавжуд.
"Ун толқон" асосан маъракаси бор хонадонларнинг ҳайит дастурхонига қўйилади, ейилса тайёрлаган одамига савоб бўлади деган мақсадда. Шу жиҳатдан у тансиқ таом ҳисобланади. Толқонни дастурхонга ликобчага солиб тортаётганда устига албатта парварда ёки бурама қанд қўйилади.

Демак, аксариятининг таъмини тотиб кўрганмиз, лекин зангзани умуман эшитмаган эканман. Балки, воҳада бошқа номда аташар. Мазкур таомнинг қандай тайёрланиши тўғрисида "икки оғиз" айтиб ўтсангиз...

П.с. Керакли тошнинг оғирлиги йўқ :)

Айтиш эмас, кўрсатиб ўтишга тўғри келади, шекилли.
Бу йилги Рамазон ҳайитида уни тайёрлаш иш режамизда йўқ эди, лекин. Майли, бир уриниб эртага расмларини жойлармиз. :)

Насиб этса, албатта. Лекин, талабгор биргина камина бўлса, Сизни уринтириб қўяманми, дея хижолатдаман...

П.с. Савоб ишни ҳар ким, ҳар куни қилиш керак (с) :)

Зангзанинг хамири худди "Патир бўғирсоқ"ники каби тайёрланади. Хамир тингач чилвирсимон қилиб чўзма лағмон каби чўзилади. Сўнг қизиб турган ёғда қовуриб олиниб, таъбга кўра қанд упа сепилади.

https://img.uforum.uz/images/erwsexv2385589.jpg

https://img.uforum.uz/images/kgpnslb5579483.jpg