Оффтоп:

Цитата:

Сообщение от Tulqin Eshbekov (Сообщение 361513) Чиндан-да мушриклар бирор яхшиликка ярамаган! Фақат, буюкларнинг бебаҳо асарларини бадном қилишган. "Таврот" ва "Авесто"дан тортиб мустабид тузум даврида "Ўткан кунлар"гача мушрикларнинг жаврини тортганлар

Домла, кечирасиз-у "Авесто" ўзи оташпарастларнинг китобимасмиди?

Факультет ишига аралашиш нотўғрилигини биламан. Лекин, эртага бизнинг фарзандларимиз газеталарда айнан шу талабаларнинг мақолаларини ўқиб, телевизорларда шу талабалар тайёрлаган лавҳаларни томоша қилишади. Агар шифокор ёки бошқа касб эгаси нўноқ бўлса бунинг иложи бор. Бошқа мутахассисга борса бўлади. Лекин журналистни танлай олмаймиз-ку. Шуни ҳисобга олиб аралашишимизни тўғри тушунасиз деган умиддаман.

Бу саволингизга 2001 йилда "Шарқ" нашриётида чоп этилган "Авесто" китобидан тўлақонли жавоб топишингиз мумкин.

"Авесто" ўзбек халқининг энг нодир, муқаддас китоби! Бу нодир китоб яратилганига 3000 йил тўлиши муносабати билан наинки Ўзбекистонда, ҳатто бутун дунёда катта тантаналар ўтказилди. Сиз албатта ўша китобни топиб ўқинг. Тополмасангиз, ўзим ёрдам бераман.
Иккинчи таклифингиз жуда маъқул. Фақат, ишга бошқача ёндошишни таклиф этмоқчиман. Яқинда газетанинг навбатдаги сони тайёр бўлгач, Сизни, қадрли Бекмирзони, Ҳусенжонни ва яна жонкуярлик қилишга бел боғлаган форумдош дўстларимни журфакка таклиф этмоқчиман. Марҳамат, фикрлашайлик! Бу фақат яхшиликка, эзгуликка хизмат қилади, деб ўйлайман.
Иккинчиси, талабаларимиз учун асосий ва каттароқ амалиёт ҳамда маҳорат мактаби - республика газета-журналлари, телерадио таҳририятлари ҳисобланади.
"Журналист" ўқув газетаси бошланғич зина. Уни атай талабаларнинг ўзларига ташлаб қўяман. Марҳамат, қўлидан келганича тайёрласин, излансин, бу йўлда ҳатто хато қилсин. Менинг вазифам - ўша хатоларини кўрсатиш, тузатиш, ижодий маҳорат сирларини ўргатиш!
Битта ниятим, талабаларимизда мазкур форумимизга қизиқиш уйғотиш ва бу форумни ҳам "Интернет журналистикасининг маҳорат мактаби"га айлантириш эди. Бу ният қанчалик амалга ошиши аввало форум саҳифаларида аҳллик, ҳамфикрлилик муҳитини яратиб олишимизга боғлиқ.
Битта хавотирга соладиган ҳол: форумимизни фақат Тошкентда кузатишмайди. Дунёнинг у бошида ҳам ойнадек эканини ажойиб форумдошимиз Масъуд Маҳсудов исботлаётганидан ҳар гал ҳаяжонга тушаман.
Демак, ёзаётган ва эълон қилаётган нарсаларимиз, ўзаро муомала маданиятимиз ҳам дунё кўзгусига яраша бўлишини истардим. Жонажон Миллий университетимиз, ўзбек журналистларининг катта авлодини камолга етказган факультетимиз юзига интернет орқали лой чапламасдан, аввало шу даргоҳга келиб, ҳар қандай муаммони дўстона ҳал этсак, деб баҳслашдим. Наздимда, форумдош дўстларим тўғри қабул қилдилар.
Ҳар сешанба, жума кунлари тушгача албатта шу факультетда бўламан.
Марҳамат, факультетимиз Сизларга мунтазир!

"Авесто" мохиятини чукуррок ургансак, унда диний мавзудан кура купрок миллий фалсафамиз илдизларини курамиз. Бу ноёб асарнинг асосий гояси - эзгу фикр, эзгу сўз, эзгу амалга каратилган. Купгина таълим муассасаларида хам бу нодир асар чукур ургатилмокда.
Домла айтган китоб аввалида Юртбошимизнинг "Авесто" хакидаги ибратли фикрлари, сунгра таникли олимлар Нарзулла Жураев ва Тилаб Махмудовларнинг асар тахлилига багишланган кенг камровли маколалари берилганки, уларни эътибор билан укиган киши бир олам таассурот олади.

Китоб ўқиганнинг зарари йўқ. Юртимизда "Авесто"нинг 2700 йиллигининг 2001 йилда нишонланганлиги ҳам тарихда ислом динигача аждодларимизнинг кўпчилиги зардуштийлик динининг қонун-қоидаларига амал қилганликларидадир. Avestoda yozilgan Zardusht pandlaridan ҳам у-бу нарса бўлади, бироқ шуни ёддан чиқармайликки, бугунги кунда "Авесто" тили ўлик тил.
Ойгулой, ўқимоқчи бўлсангиз профессор Ҳомиджон Ҳомидийнинг "Авесто пандлари" ("Ўзбекистон" нашриёти, 2003 йил) ушбу китоб ва зардуштийлик дини ҳақида маълумотлар бор.
Бундан ташқари 10-синф, академ. лицейларнинг биринчи босқичидаги адабиёт дарсида "Авесто" исломгача бўлган туркий адабиёт ва илк уйғониш давридаги туркий адабиёт" бўлимида ўрганилади. "авесто"даги дунёқараш мифологик дунёқарашга асосланган.

Обращение к модераторам:

Nigora Umarova, балки "Авесто" хакидаги хабарларни алохида мавзуга кучирарсиз.

Нега энди 2700 йиллиги деб нотўғри талқин қиляпсиз? Ахир, 3000 йиллиги кенг нишонланган, бу борада матбуотда кўп маълумотлар ёритилган эди-ку? Ҳатто, ўша китобнинг 358-бетида шундай жумла келтирилган:
"Энг мўътабар, қадимги қўлёзмамиз "Авесто"нинг яратилганига 3000 йил бўляпти,- деди Президентимиз Ислом Каримов тарихчи олимлар билан учрашувда.- Бу нодир китоб бундан XXX аср муқаддам икки дарё оралиғида, мана шу заминда умргузаронлик қилган аждодларимизнинг биз авлодларига қолдирган маънавий, тарихий ҳужжатдирки, уни ҳеч ким инкор этолмайди".


Қаердан олдингиз бу гапни? "Авесто" тили ўлик тил, деб ёзишга асосингиз борми? Қайси манбада шундоқ ёзилган?
Эътиборингизга "Авесто"дан бир парча келтираман:

"Мамлакатни бузадир палид,
Ҳам лафзсиз тубан каззоблар.
Юзлаб аблах муттаҳамлардан,
Баттар нобуд айлайди улар -
Яхшиларни, хайрлиларни".

Хўш, ушбу шеърда қайси сўз "ўлик" бўлиб туюлди? Тушунмадим...

«Авесто» хакида узок даврлардан буён турлича бахс-мунозаралар булган. Бу борадаги куп саволларга 2001 йилда “Шарқ” нашриётида 5000 нусхада чоп этилган салмокли китоб – «Авесто»дан мухтасар жавоблар топиш мумкин.
Китоб аввалида берилган маълумотларда «Авесто» яралганига 3000 йил булгани хакида маълумотлар берилади. Китобни мутолаа килар экансиз, унга сузбоши ёзган Нарзулла Жураев ва сунгги суз ёзган Тилаб Махмудовларнинг маколаларида хам бу ноёб асар яратилганига 3000 йил тулгани куплаб олимларнинг фикрлари, ноёб манбалар билан исботланади.
«Авесто» айнан кайси тилда ёзилгани хакида Тилаб Махмудовнинг фикрлари уринлидир: «Авесто»нинг тили хакида хам фаразлар куп. Яъни, мидия тилида, бактрия тилида, авесто тилида, сугдиёна тилида ва хоказо тилларда ёзилган деган тахминлар учрайди. Бу тилларни бутунлай улик тил дейиш хам канчалик уринли ё ноурин эканлигига хакида тилшунос ва тарихчи олимлар ойдинлик киритгани маъкул. Факат шу нарса аёнки, бугунги узбек тилимизнинг тарихий илдизлари ана шу даврда яшаган бобокалонларимиз, кадим аждодларимиз сузлашган уша тилларга бориб такалади.
Нима булганида хам бугунги узбек китобхонлари уни Аскар Махкам таржимасида укиш бахтига мушарраф булмокда.
Нигора опанинг «Авесто» яратилганига 2700 йил тулгани хакидаги фикри хам асосли. Куп китобларда шундай ёзилган.
Домламизнинг фикри эса айнан «Авесто» китобидаги фикрларга асосланган.
2000 йилда республикамизда «Авесто» яратилганининг 2700 йиллиги кенг нишонланган ва бу борада ёритилган куплаб маколаларда, телевидение оркали берилган интервьюларда бу ноёб асар пайдо булганига хатто 3000 йилдан ошгани, у дастлаб халк огзаки ижоди тарзида пайдо булгани хакида маълумотлар берилган.
Менимча, бу масалада ортикча бахслашишдан кура она тилимизда нашр этилган «Авесто»нинг узини укиб, маънавий дунёмизни бойитганимиз маъкулдир.

To'lqin aka Eshbekov,
odamni shunchalar ham uyaltirasizmi-a?
Prezident Karimovdan keltirilgan iqtibosda "bo'lyapti" deyilmoqda, "bo'ldi" emas. Siz nega Respublika Prezidentining gapini bu yerda noto'g'ri talqin qilyapsiz?

Xo'sh, sizningcha "Avesto"ning 3000 yilligi keng nishonlangan bo'lsa, bunga atigi bitta bo'lsa ham rasmiy manba keltira olasizmi?

Mana, men Nigora Umarovaning gapini tasdiqlaydigan rasmiy manba keltiraman:
Bu xabar 2007 yil 2 noyabr kuni Prezident devoni Matbuot xizmati tomonidan ham e'lon qilingan: http://www.press-service.uz/ru/news/...vnyie_partnery

Oliy va o'rta-maxsus ta'lim vazirligi Matbuot xizmati adashsa ham, Prezident devoni Matbuot xizmati adashmasa kerak-a, To'lqin aka?


Iddaoingizni asoslash uchun "Avesto"ning O'zbek tiliga qilingan tarjimasidan parcha keltirgach, albatta tushunmaysiz-da qaysi so'z "o'lik" ekanligini...
Masalan, oddiygina "muttaham" so'zining Islom dini bilan birgalikda arabchadan kirib kelganligi xayolingizga kelmadimi?

Uyat! uyat...