Йил воқеаси...
 

Йил поёнига етмоқда…Умримизнинг яна бир довони ортда қоляпти! Хўш, ортга назар ташлаб, сарҳисоб қилгудек бўлсак тарозининг қай палласи оғир келади? Ютуқларми ва ёки йўқотишлар?!! 2009 йил Сиз учун айнан қандай воқеа-ҳодисалари билан ёдингизда муҳрланиб қолмоқда? Саволлар жўнгина...Демак, Сизнингча

1. Ҳаётингизда 2009 йилнинг энг муҳим воқеаси...
2. Ўзбекистон ҳаётида 2009 йилнинг энг муҳим воқеаси...
3. Дунё ҳаётида 2009 йилнинг энг муҳим воқеаси...

Фикрларингизни ўртоқлашинг....Сўз сизга!!!

Ҳусен Тангриев, сизга гап йўқ. Ташкилотчилик лаёқатингиз мақтовга сазовор.
"Дўппини бошдан олиб" йилни сарҳисоб қиладиган бўлсак...
07.07.09 да мана шу форумга аъзо бўлгандим. Худога шукур насибам қўшилган экан сизлар билан кўришдим. Ўшанда менга форумдошлар қандай аъзо бўлгансиз, олдин форумни кузатиб юрганмисиз дейишганди. Йўқ кўрдиму, маъқул бўлди аъзо бўлдим деб қўя қолдим. Энди эсласам Гугледан М. Юсуф шеърларига поиск бериб, юфорумга кириб қолган эканман. Форумдагиларни ҳеч бирини олдин танимасдим. Фақат pipicron Алишер Иргашев билан олдин йўқолиб кетган ўзигабекда форумдош эдик.
Форумга аъзо бўлиб, ҳаётнинг, турмушнинг, адабиётнинг янги янги қирраларини кашф қилдим. Ўйлаб гапирадиган, қунт билан бехато ёзадиган бўлдим. (ўзимни назаримда)
Куни кеча иш пайтимда кўнгилсиз воқеа содир бўлди. Бир киши келиб "ред" сим карта борми деди. Ёнимда паспортим йўқ, илтимос беринг жуда зарур эди, бир марта одамгарчилик қилинг деб ялинди. Майли деб ҳужжатсиз бериб юборувдим. Бир пасдан кейин дўконни МҲХ босди. Ўша киши уларни одами ва синаш учун юборилган экан.
Иккита йигит кириб ҳужжатини кўрсатди-да биз фалон ташкилотданмиз ўрнингиздан қўзғалманг. Ҳеч нарсага тегманг дейишганда, калламга ғалати бир фикр келди. Мана шу вазиятда Маэстро нима қилган бўларди деб ўйлабман :smile: :smile:...
Демак форум ҳаётимнинг қайсидир бўлагига айланишга улгурибди деб ўйладим.

Мен йил воқеаси деб юфорумга аъзо бўлганимни айтсам бўлади. :smile:

1.Ҳаётимда йилнинг муҳим воқеаси магистратурани битириб, магистрлик даражасидаги дипломни қўлимга олганим бўлди.
2. Ўзбекистон ҳаётида бу йил муҳим ва эсда қоларли воқеалар жуда ҳам кўп бўлди. Мисол учун "Ўзбекистон" халқаро анжуманлар саройининг очилиши, Тошкент шаҳридаги Амир Темур хиёбонининг янгича қиёфа касб этиши, хуллас бундай мисолларни кўплаб келтириш мумкин.
3. Дунё ҳаётида афсуски қайғу билан ёдга олинадиган воқеа- барчамиз учун севимли бўлган машҳур поп қироли Майкл Жексоннинг ўлими бўлди, менимча.

1. Мени таниганлар йил воқеаси деб уйланганини айтса керак деган хаёлда бўлишлари мумкин. Аслида ундай эмас... Йил бошида иш жойимни ўзгартирганим (касбимни эмас), умрим бино бўлиб ўйлаб ҳам кўрмаганим – форма кийишим, кичик сержант деган унвону инспектор деган лавозимни қўлга киритишим бир қарашда сенсация эмас! Аммо, иш жойимнинг, меҳнат жамоамнинг, кундалик тартиб-қоидаларнинг кутилмаган даражада ўзгариши мен учун ҳақиқий йил воқеаси эди! Маъсулиятни англаш., вақтни қадрлаш, интизомли ва жиддий бўлиш талаб этиладиган янги меҳнат шароитида Мен ўзимни ўзгартиришга маҳкум эдим. Буни қанчалик уддалаяпман, Худо билади... Лекин, қўлимдан нимадир келиши мумкинлиги ҳақидаги ишонч секин-аста ортиб боряпти! Менга ана шу натижанинг ўзи етиб ортади! Хуллас, ZiyoNETни тарк этганим мен учун ҳам аянчли, ҳам қувончли Йил воқеаси бўлди!

2. Мамлакатимиз ҳаётида Йил воқеаси деб шубҳасиз, май ойидаги Хонобод воқеаларини, Анвар қорига бўлган тажовузни, Мисрдаги жаҳон чемпионатида ёш футболчиларимизнинг иштироки, режиссёр ва актриса билан боғлиқ беҳаё роликлар можароси, “Божалар” фожеаси, Эргаш Каримовнинг вафоти, пластик карточкаларнинг кенг жорий этилиши ва бошқа ижтимоий-иқтисодий воқеа-ҳодисаларни тилга олиш мумкин.
Аммо, жамиятни қалқитиб юборган воқеа шахсий хулосамга кўра режиссёр ва актриса билан боғлиқ беҳаё роликлар можароси бўлди. Гап бузуқлик ҳақида эмас, аксинча, жирканч воеанинг кутилмаган даражада оммага ёйилиши, қўл телефонларининг оммавий ахборот воситаси сифатида тус олиши, беҳаё мавзуни пана-пастқам жойларда эмас, балки бутун омма ўртасида, аёлу эркакларнинг бирдек муҳокама қилиши бугунги маънавий даражамизни катта сўроқ остига олди!

3. Дунё ҳаётида ҳам 2009 йил бир қатор воқеа-ҳодисаларга бой бўлди. Таъкидланганидек, Майкл Жексоннинг вафоти дунё аҳлини ларзага солди. Аммо, мен учун Йил воқеаси Обаманинг Мисрдан туриб дунё мусулмонларига қилган мурожаати бўлди. Унинг маърузаси Ғарб ва Шарқ муносабатларини бироз бўлса-да ойдинлаштириб берди, хусусан Ислом динига нисбатан шаклланиб қолаётган совуқ муносабатни бироз бўлса-да илиқлаштирди.
Эҳтимол, бундан-да муҳим ҳодисалар ҳаёлимдан кўтарилгандир. Эсимизга соларсиз, балки...

Йил вокеаси бундан 2-3 ой аввал, аниқроги 2009 йил 10 октябрда содир бўлди. (No comment)

1) Мен учун йил воқеаси ўзим орзу қилган Туркияга саёҳатим бўлди.
2) Ўзбекистон учун йил воқеаси менимча энди рўй беради. 27 декабрдаги сайловларни назарда тутяпман. Халқ учун хизмат қиладиган депутатларни сайлаймиз деб умид қиламан.
3) Дунё учун эса Барак Обаманинг Оқ уй раҳбари бўлиши бўлса керак. Энди АҚШ "демократия ўрнатиш" баҳонасида бошқа давлатларнинг ишига бурнини суқмаслигига, тўғрироғи босиб олмаслигига умид қилгандим. Лекин Афғонистонда умуман бўлмаслиги керак бўлган ҳарбий қўшинининг сонини орттириши барча умидларимни пучга чиқарди.
ПС: Мен учун поп қироли Майкл Жексондан кўра Вячеслав Тихонов (Штирлиц)нинг ўлими кўпроқ қайғули бўлди.

Man akamni topdim. :)

Ҳозир йиғлаб юбораман
хурсандлигимдан... :)

1. Yil haqiqatda juda antiqa bo'ldi, oldingi yillarga nisabatan chunki o'zimga o'ta qadrli bo'lgan narsamni yilning boshida yo'qotdim (1-yanvar), darbadarlikda vodiyni kezib yurdim, ohiri o'zimga undanda qadrli insonlarni topdim, ular bilan tanishdim ilojini qilib yuz ko'rishdim, shu ham bir baht. Husen aka sizzi hayotizda tubdan o'zgarish bo'lgan yaqqol bilinib turibdi (oila), hamisha sog'-omon bo'ling. Jecksonga kelsak afsus shunday odam dunyoni tark etgani yomon bo'ldi, yoshliklarimizda juda unga o'hshab o'ynagimiz kelib oynakka qarab olib ertalabdan kechgacha...
2. Respublikamiz uchun haqiqatda har yilgiday juda katta o'zgarishlar bo'ldi, ayniqsa qishloq joylarda juda katta o'zgarishlar bo'lmoqda, qishloqlarda katta-katta qurilishlar bo'lmoqda, otam zamonidan qob ketgan uylarning o'rnini endilikda hashamatli, o'ziga hos uylar qurilmoqda, qurib bitirildi, shaharlarni chiroylariga chiroq qo'shuvchi zamonaviy talablarga javob beruvchi binolar qurildi...Va nihoyat qishloqlar ham o'ziga yarasha chiroy ochmoqda...