"Ko'z tegdi"
 

Oldin xech ishonmas edim, "ko'z tegadi" kabi gaplarga.
Institutda forma, ya'ni kastum shim, oq ko'ylak, galstuk larni umuman kiymayman, nafaqat institutda.
Shunchaki oddiy kiyinaman, xech kimni nazariga tushmaydigan qilib.
4 kursda, ishga taqsimot marosimiga kastum shim ko'ylak galstuk kiyish majburiy ekanligini, eshitib, no iloj, shu kuni, shkafimdan o'zimga yarashadigan kasum-shim kiyib, galstuklar taqib, chiroyli bo'lib, yaxshi kayfiyatlar bilan institutga bordim.
Bu marosim aktovy zalda o'tkazilardi. Aktovy zalga kirishim bilan, qizlarni nazari menga tusha boshladi, bir nimalarni pichirlashar edi bir birilari bilan.
Borib joy egalladim. Marosim boshlandi. Ma'lum bir vaqt o'tgandan keyin, negadir, ma'zam qochdi, chiqib ketgim keldiyu, lekin qanaqa bo'lar ekan, deb o'zimni ushlab turdim, zo'rg'a, aksiga olib bizni guruximizni eng oxirida chaqirishdi.
Bir amallab uyga etib oldim. Kastumimni echishim bilan. Shu zaxotiyoq, xech narsa bo'lmaganday bo'lib ketdim. Juda qiziq.

Shundan so'ng chiroyli kiyinishdan qo'rqib qoldim. :biggrin:
Ko'z tegadi bed qo'rqaman.

Ba'zida besabab boshim o'g'rib qolsa, "o'qitilgan" choy damlab ichsam, tuzalib ketaman.

Shu kabi voqealarni qanday tushunish mumkin ?

Йўқ, бу "кўз тегиш" эмас. Шунчаки кучли ҳаяжонланиш асорати бўлса керак. Ўзингиз кўникмаган ишни қилганингиз асабингизга таъсир қилган, яъни назарингизда ҳамманинг эътибори сизда, ҳамма сиз ҳақингизда гапираётгандек туюлаверган, натижада асаб толалари ўзларини қўярга жой тополмай қолган. Бу эса бош оғриғини келтириб чиқарган.
"Кўз тегиши"нинг асорати анча оғир бўлади. Кейин ҳар кимдаям "кўз билан уриш қобилияти" бўлмайди. Сизга ҳаётий мисоллар келтираман:

Ҳақиқатда "кўзи" бор кишини танийман.
Бир сафар у киши узумзори билан ёнма-ён боққа ўтибди. Қўшни боғда ҳамқишлоғи зўр иштиёқ билан ток (узум навдаси) кўмаётган экан. "Э, ҳорманг. Жуда шашт билан ишга киришибсизку, эртагаёқ бутун боғингизни кўмиб қўясизов" дебди. Буни қарангки, ҳалиги ток кўмган киши кечки пайт уйига қайтаётганида кўчада бир мошина итини уриб юборибди. Йўл ўртасида ғингшиб ётган итни кўтариб четга оламан деганда, ит ўз эгасининг қўлини тишлаб ташабди. Шундай қилиб, узумзор кўмувсиз қолибди.

Иккинчи мисол. Бир сафар ҳалиги "кўзли" киши дурадгор усталар олдидан ўтибди. Станокда ишлаётган устанинг ишини бироз кузатгач, "Э қойил, жуда зўр чиқяпти" дебди. У кетиши билан орадан беш дақиқа ўтар-ўтмас, уста ўзининг бир бармоғидан айрилибди.

Учинчи мисол. Ўша машҳур "кўз билан отувчи" акамиз бир кишига айтибди: "Ҳозир анов ерда иккита қўйингизни кўрдим, зўр семиртирибсиз". У кетиши билан "каромати"ни яхши билган ҳамқишлоғи ўғлига "Югур қўйларнинг олдига" дебди. Ўғли югуриб борса, ҳалиги икки қўй оёғи осмонда, ўлиб ётибди экан...

Мана буларни "кўз тегиш" деса бўлади.

Xa, Lutfillo Tursunovning gaplariga qo'shilaman, haqiqatdan ham siz o'zingiz bilmagan holda miyaga "topshiriq" bergansiz, o'zingiz odatlanmagan kiyimda go'yoki hammaning nazari sizga yomon ta'sir qilishiga miyani ruhan tayyorlagansiz!!!
Lekin, men "ko'z tegish" , "irim-sirim" yana shunga o'xshagan narsalarga ishonmayman. :naughty:

xayajonlanish odatim xam yo'q, ommani oldida bemalol xarakat qilaman ...,

tuyilish va tuyulmaslikni farqlay olaman :)

Demak, bu xali xolvasi ekanda :)


:) inson o'ziga o'zi yomonlik tilashi mumkin emas, bo'lganidek, unaqa fikrlar xayolda yo'q edi. Aksincha xammani qoyil qoldirishni juda yaxshi ko'raman.


Fikrlaringiz uchun, baribir raxmat.

Шунинг учун айтдимда - "кўз тегиш"дан шунчаки бош оғриғи билан қутилиш қийин. Унинг оқибатлари анча жиддий бўлади. Ва яна такрорлайман - ҳар ким ҳам "кўз билан уриш" "қобилияти"га эга бўлмайди.

Ko'z tekkan bo'lishi ham mumkin. Ko'z tekkanda darhol g'usl qilib, duolar o'qiladi.

Kim "o'qigan" u choylarni? Har hil issiq-sovuq qiluvchilardan, azayimxonlardan extiyot bo'lish kerak. Aks xolda kishi dinida xatar ko'radi...

Har qanday kishiga hatto o'zining ko'zi tegishi mumkin.

Irim-sirimlarga ishonmaslik kerak. Lekin ko'z tegishi - bu bor narsa!

ва кўзмунчоқ, тумор ва шунга ўхшаган нарсалар бундан ҳимоя қила олмайди.

Қизлар сизнинг чиройли кастюмингиз ёки чиройли башарангизни эмас, балки бошқа нарсани гаплашишгандир.
Шунча халойиқни орасида сиздан бошқа йигитларам бордир?
Одатда, қизлар билан билан бундай ҳолатлар тез-тез содир бўлиб туради. Чунки улар ғийбатни яхши кўришади.
"Чиройли кастюм шим кийсам", кўз тегади деб юрадиган йигитдан келажакда ниманиям кутиш мумкин.
УятЭЭЭ...

Men shunchaki misol keltirdim, gap bu erda men xaqimda emas.

lekin qiziqib ko'rar edim :)
masalan ?