uForum.uz
Страница 1 из 3 1 23
Показывать 40 сообщений этой темы на одной странице

uForum.uz (https://uforum.uz/index.php)
-   Школы (https://uforum.uz/forumdisplay.php?f=409)
-   -   Париж-Италиянинг пойтахти ёхуд бизда география дарси ўтилмайдими? (https://uforum.uz/showthread.php?t=6705)

Samariddin 22.10.2008 10:49
Париж-Италиянинг пойтахти ёхуд бизда география дарси ўтилмайдими?
 
Мен кўча-кўйда,мактабларда,олий ўқув юртларида ўқувчи ва талабалар суҳбатлашиб шунга амин бўлдимки,уларнинг аксариятининг география фанидан саводхонлик даражаси "ноль"га тенг.Масалан,улар бирор мамлакат ҳақида гапираётиб,унинг қаерда жойлашганлиги,қандай халқлар яшаши,қандай имкониятларга эгалиги тўғрисида умуман тасаввур қилишолмайди.Бошқа мамлакатларни қўятурайлик,ўз юртимиз ҳақидаги билимлари ҳам жуда саёз.
Бунинг сабаблари нимада? Бизда география фани аллақачон "иккинчи даражали фан"га айланиб қолганми? Балки ўқув дастуридан бутунлай чиқариб ташлаш керакдир?Ундан кейин таниқли қизиқчимиз Ортиқ Султонов айтгандай:"билмайсанми ахмоқ,Париж Италиянинг пойтахти-ку" деб юраверамиз.

Husen 22.10.2008 11:23
Сентябр - география фани ойлиги

Халқ таълими вазирлигининг 2007 йил 18 январдаги "Умум-таълим муассасаларида фан ойликларини ўтказиш тўғрисида"ги 16-сонли буйруғига асосан умумтаълим муассасаларида ўтган ўқув йилида ўтказилган "Фан ойликлари" яхши самара берди. Бу ҳақда яқиндагина бўлиб ўтган ўқитувчиларнинг анъанавий август кенгашларида ҳам алоҳида эътироф этилди. Шу боис барча педагогик жамоаларда 2008-2009 ўқув йилида ҳам "Фан ойликлари"ни кўнгилдагидек ўтказиш режалаштирилди. Янги ўқув йилининг дастлабки ойи эса география фанига бағишланади.

Махаллий матбуот сахифаларидан олинди

Автобусдаги сухбатдан: Андижон кайси вилоятга карарди? :shok:

Maestro 22.10.2008 11:57
Цитата:
Сообщение от Husen Tangriyev (Сообщение 147372)
Янги ўқув йилининг дастлабки ойи эса география фанига бағишланади.
Хе, менинг фарзандларим ўқийдиган мактабда бу ҳақда хатто эшитишмаган бўлишса ҳам керак... Ҳар ҳолда, бирор бир тадбир ўтказилганини эшитмадим. Лоақал 1 дона глобус бўлмаган мактабда "география ойлиги" ўтказишга уялишгандир.

Оффтоп:
"Ҳиндистоннинг пойтахти - Покистон!" (радиоўйиндаги саволга талаба (!) тингловчининг берган жавоби).

JUS 22.10.2008 13:09
Хозирда купчиликдан Бразилиянинг пойтахти каер деб сурасангиз, Рио Де Женейро деб жавоб беришади. Купчиликдан эшитганимдан сунг баъзан уйлаб коламан, хакикатдан хам Рио Де Женейроми деб. Нахотки укитувчилар шунака ургатишаётган булишса.:shok:

Lutfillo Tursunov 22.10.2008 22:21
Цитата:
Сообщение от Samariddin (Сообщение 147363)
Бизда география фани аллақачон "иккинчи даражали фан"га айланиб қолганми?
Оффтоп:

Хозирги кунда география фанининг нима кераги бор: шундогам ёшларимиз Россияю Корея, Козогистону Туркияда "сайр" килиб юришибдику! :)

Dilmukhammad Kayumov 23.10.2008 10:05
Цитата:
Сообщение от Lutfillo Tursunov (Сообщение 147535)
Цитата:
Сообщение от Samariddin (Сообщение 147363)
Бизда география фани аллақачон "иккинчи даражали фан"га айланиб қолганми?
Оффтоп:

Хозирги кунда география фанининг нима кераги бор: шундогам ёшларимиз Россияю Корея, Козогистону Туркияда "сайр" килиб юришибдику! :)
Оффтоп:
Agar shu yurtning iqlimi, aholisi, urf-odati va madaniyatini oldindan bilsa buni hech qanday zarari yuq-ku, buni geografiya fani oz bulsa ham urgatadi.

Nigora Umarova 23.10.2008 11:42
Мактабда укиб юрган кезларимизда географиядан турли хил викторина саволлари бор китоблар нашр эттириларди. "Кизикарли География" китоби оркали бир-биримизга савол берардик.
Бугунги кунга келиб бу нарсани курганим йук, афсусларким...
Авваламбор укувчини фанга булган кизикишини ошириш учун кизиктирувчи омилни яратиб бера олишимиз керак.

JUS 23.10.2008 13:25
Цитата:
Сообщение от Lutfillo Tursunov (Сообщение 147535)
Оффтоп:

Хозирги кунда география фанининг нима кераги бор: шундогам ёшларимиз Россияю Корея, Козогистону Туркияда "сайр" килиб юришибдику! :)
Оффтоп:
:127: Шунинг учун хам география фанини укитиш сусайиб кетганда.
Канийди ундан бошка 200 дан зиёд давлатларни хаммасини кезиб чикишни ва уларнинг турмуш тарзини урганиб чикишни имкони булганда. География номи таг-туги билан йук булиб кетармиди.:187:

Husen 23.10.2008 14:47
География фани ўқитувчисининг тилидан тайёрланган бир қатра:

Цитата:
География фанига эътибор жуда катта. Ислоҳотларни аввало фаннинг номини ўзгартиришдан бошладик - жўғрофия! Дарсларни ўтишда ҳам ноаънанавий усуллардан фойдаланудирмиз. Масалан, ҳар доим ёнимда олиб юрадиган, бурунғи йиллардан қолғон Глобусни болаларнинг олдига ташлайдирман-да, "Қани менга ер шаридан Санкт Петрбурғни топинглар-чи" дейман!
Глобус 30 та боланинг қўлида талаш бўлмаслиги учун, ҳар бир партадаги ўқувчилар ихтиёрига глобусни 2 минутдан бериб қўядурман. Топса топди, тополмаса глобус кейинги партага ўтадир. 15 та партани глобус айлангунга қадар ярим соат ўтади. Ниҳоят дарс сўнггига қадар, ҳеч ким бу шаҳарни топиб беролмайдур. Мен эса яна бир соат дарсни амаллаб ўтказиб олганимдан хурсанд бўлиб, чиқиб кетадурман.
Ўқувчилар тополмаслиги аниқ. Сирини айтайми, каминанинг глобуси шўролардан қолмиш, шу боисдан бу шаҳарнинг номи ҳам эскисинда ёзиб қўйилгандир - Ленинград. Санкт Петербург деган ном харгиз йўқдир. Мана буни дарс ўтишнинг интерфаол усули деса бўладир!

Maestro 23.10.2008 15:15
Оффтоп:
Цитата:
Сообщение от Husen Tangriyev (Сообщение 147696)
Сирини айтайми, каминанинг глобуси шўролардан қолмиш, шу боисдан бу шаҳарнинг номи ҳам эскисинда ёзиб қўйилгандир - Ленинград. Санкт Петербург деган ном харгиз йўқдир.
Муҳтарам ҳамкасб! Ажойиб саволинғизни барбод қилодурғон бир ҳавф хусусинда Сизни огоҳ этмоқликни жоиз топдим... Ул ҳам бўлса - ўқувчилардан бири "Мана Ленинград - ҳозир Санкт Петербург" дейиши мумкин. Бул ҳолатда зинҳор ўзинғизни йўқотманг! Сизға бир сирни очадурмен: "Шунчалик биладурғон бўлсанг - Словакия, Черногория, Сербия, Чехия юртларини топ!" денг. Шояд билмаса... Агар бундан ҳам наф чиқмаса - "Косово"ну топсун!
Қарабсизки, бир амаллаб нафақага етуб олурмиз, мавлоно!
Насиб айласа, навбатдаги номаларда олтинчи океан хусусунда услубий тажриба алмашурмиз!
;-)

Nigora Umarova 23.10.2008 15:16
Цитата:
Сообщение от Husen Tangriyev (Сообщение 147696)
География фани ўқитувчисининг тилидан тайёрланган бир қатра:

Цитата:
География фанига эътибор жуда катта. Ислоҳотларни аввало фаннинг номини ўзгартиришдан бошладик - жўғрофия! Дарсларни ўтишда ҳам ноаънанавий усуллардан фойдаланудирмиз. Масалан, ҳар доим ёнимда олиб юрадиган, бурунғи йиллардан қолғон Глобусни болаларнинг олдига ташлайдирман-да, "Қани менга ер шаридан Санкт Петрбурғни топинглар-чи" дейман!
Глобус 30 та боланинг қўлида талаш бўлмаслиги учун, ҳар бир партадаги ўқувчилар ихтиёрига глобусни 2 минутдан бериб қўядурман. Топса топди, тополмаса глобус кейинги партага ўтадир. 15 та партани глобус айлангунга қадар ярим соат ўтади. Ниҳоят дарс сўнггига қадар, ҳеч ким бу шаҳарни топиб беролмайдур. Мен эса яна бир соат дарсни амаллаб ўтказиб олганимдан хурсанд бўлиб, чиқиб кетадурман.
Ўқувчилар тополмаслиги аниқ. Сирини айтайми, каминанинг глобуси шўролардан қолмиш, шу боисдан бу шаҳарнинг номи ҳам эскисинда ёзиб қўйилгандир - Ленинград. Санкт Петербург деган ном харгиз йўқдир. Мана буни дарс ўтишнинг интерфаол усули деса бўладир!
Цитата:
Bu Kalvak mahzumning xotira daftaridanmu, taqsir?

Nigora Umarova 23.10.2008 15:31
Цитата:

Jahon xaritasiga o'zgartirish kiritishning qanday yo'llari bor, bilasizmi? Ha, to'g'ri, bir mahallar buning uchun urushlar qilingan, qonlar to'kilgan. Lekin hozir zamon unday emas. xaritaga o'zgartirish kirituvchi bolaning otasi baquvvat bo'lsa bas. Tushunib turgandirsiz, "baquvvat" deganda biz cho'ntakni nazarda tutyapmiz...
Bo'taqulning o'g'li Toyloq maktabni bitirib, uni oliy ma'lumotli qilish fikriga tushdi. Test degani sal osonroq desa, cho'ntakni zirillatib yuborar ekan. Nima qilsin, farzandi aziz, o'qishi undan aziz, dedi-yu, xarajatlarga chidadi.
Toyloq ham gapdongina bola edi. Ammo bu imtihonlarda gapdonlikning sirayam iloji yo'q. Toyloqqa qiyin savollar tushmadi. Birinchisi: "Fransiyaning poytaxtini aniqlang. Javoblar: Moskva, Pekin, Parij". Toyloq "Birinchi javob hamisha to'g'ri bo'ladi", deb eshitgan edi. Shu javobni tanladi. va Moskva o'n ming dollar evaziga Fransiyaning poytaxtiga aylandi. Napoleon dod deganicha qolaverdi. Ishning shunaqa oson hal bo'lishini bilganida axmoq bo'lib urush qilib yurarmidi!

Nigora Umarova 23.10.2008 15:40
Цитата:
Ikkinchi savol: "Uganda qaysi qit'ada joylashgan: Yevropa, Afrika, Osiyo". Toyloqning marhamati bilan Uganda Afrikani tark etib< shu zaylda Yevropaga ko'chchdi. Yaxshiki birov uning qo'liga yozuvsiz (ya'ni kontur) xarita berib, Ugandani shu Yevropaga joyla, demaydi. Degandami, Fransiyami yoki Germaniya xaritadan o'chib ketgan bo'larmidi. Toyloq Hindistonning poytaxtini Amerika deb belgilagach, Afrikani Qrim yarimoroliga joylashtirdi-da, imtihonlardan a'lo baholar bilan o'tdi. Bu bilimlar evaziga to'g'ridan to'g'ri diplom berib yuborilsa ham bo'lardi-ku, ammo kamtarlik yuzasidan o'qishni lozim ko'rishdi.

Nigora Umarova 23.10.2008 15:51
Цитата:
Bu o'tgan yilgi voqea. Bir yil davomida Toyloq o'qishda katta yutuqlarga erishdi. Hatto tarixiy shaxslar tarjimai holiga aniqliklar kiritdi. Uning olib borgan ilmiy izlanishlari natijasida Kolumb 1917 yilda Buxoroda tug'ilgani va Samarqandni kashf etgani ma'lum bo'ldi. Jahon xaritasini to'la o'zgartirishga esa ulgurmadi. Hozircha Avstraliya, Svetsiya, Albaniya o'z joyida turibdi., hali yana to'rt yillik o'qish bor. Ungacha xarita ko'radiganini ko'rar, balki ungacha Angliyaning poytaxti Braziliya degan mavzuda dissertatsiya ham tayyor bo'lib qolar. Ayrim mamlakatlarni esa mars xaritasidan izlab toparmiz. O'n ming dollar hisobiga shuncha o'zgarishlar qilinsa yaxshi-ku, deysizmi? Shoshilmang, o'n ming birinchi imtihon uchun, ya'ni xamir uchidan patir edi. Keyingilarini Xudo bilmasa biz bilmaymiz.
Azizlar, ko'rganingizdek, Jahon xaritasiga o'zgarishlar kiritish uncha qiyin ish bo'lmay qolgan. Agar sizning ko'nglingizda ham shunday istak bo'lsa, iymanib chetda turmang. Cho'ntakni qappaytiring-u, otni suring. Qani olg'a!

Tohir Malik

JUS 23.10.2008 16:08
Футбол буйича Европа чемпионати. Кушним билан финал учрашувини томоша килиб утирибмиз. Футбол уйнашни билмасада, футболга жудаям ишкибоз. Лекин кайси жамоага фанатлик киляпганини узи билмайди. Ушанда Португалия ва Грецияни уйини эди. Уйин ярмида, эх... мани камандам чикомадида деди, кайси жамоа эди десам Камерун дейди. Ха энди кургиликда деб индамай томоша килиб утирсам, улганни устига тепган килиб угли гап бошлаб колди. Камерунни Парагвай чикариб юбордими деса буладими. Ана энди томоша бошланди, ота бирдан охирги марта Италия А сериясидаги уйинларни бирини курган экан, шарт шуни богладида, йук Парагвай Милан билан бир гурухда эди дедию, гол булди. Улай агар бу гап сузларни эшитиб утириб, кузим телевизорда булса хам, гол кандай урилганини курмай колдим.

OmoN 23.10.2008 16:15
Цитата:
Сообщение от JasurBek Urinboev (Сообщение 147742)
Футбол буйича Европа чемпионати. Кушним билан финал учрашувини томоша килиб утирибмиз. Футбол уйнашни билмасада, футболга жудаям ишкибоз. Лекин кайси жамоага фанатлик киляпганини узи билмайди. Ушанда Португалия ва Грецияни уйини эди. Уйин ярмида, эх... мани камандам чикомадида деди, кайси жамоа эди десам Камерун дейди. Ха энди кургиликда деб индамай томоша килиб утирсам, улганни устига тепган килиб угли гап бошлаб колди. Камерунни Парагвай чикариб юбордими деса буладими. Ана энди томоша бошланди, ота бирдан охирги марта Италия А сериясидаги уйинларни бирини курган экан, шарт шуни богладида, йук Парагвай Милан билан бир гурухда эди дедию, гол булди. Улай агар бу гап сузларни эшитиб утириб, кузим телевизорда булса хам, гол кандай урилганини курмай колдим.
Оффтоп:
Асабларингизга тасанно. Агар урнингизда мен булганимда иккаласини хам кувиб чикарар эдим. Менимча дунёдаги энг кийин иш футболни тушунмайдиган одам билан футбол куриш булса керак.

Lutfillo Tursunov 23.10.2008 18:17
Оффтоп:
Цитата:
Сообщение от Dilmukhammad Kayumov (Сообщение 147591)
Agar shu yurtning iqlimi, aholisi, urf-odati va madaniyatini oldindan bilsa buni hech qanday zarari yuq-ku, buni geografiya fani oz bulsa ham urgatadi.

Оффтоп:

Бизникиларга, биринчидан, иқлимнинг фарқи йўқ. Битта футболкада сибирга кетаётганлар қанча. Икки-уч йил юриб, "бу ёқлар зўр экан" деб бутунлай қолиб келаётганлар қанча. Аҳолисига келсак, биздан тез мослашадигани йўқ. Бугун ўзбегу эртага "чукча" бўлиб турганлар қанча. Ҳеч қийинчиликсиз маҳаллий аҳолига қўшилиб кетишади, хавотир олманг. Урф-одатинику бир йил ичида қойиллатиб ташлашади: никоҳсиз уйланиш дейсизми, самагонлардан ичиш дейсизми, таниш-билишини қул қилиб пуллаш дейсизми, хуллас, бир пасда "ўша ернинг одами"га айланаётганлар қанча. Маданият ҳақидаку гапирмай қўяқолай.
Албатта, юқорида саналганларни уддалай олмаётган "қобилиятсизлар" ҳам бор. Уларга эса у ерларда "кун йўқ". Шунинг учун улар тезда ортига қайта қолишяпти.
Яна бир тоифа кишилар борки улар чет элга чиқишдан аввал, яхши таълим-тарбия олишган, айниқса, ўз халқи, ватанига ҳурмат билан ўсиб-унганлардир. Улар учун эса борадиган жойининг аҳолиси, урф-одати ва маданияти оддий бир нарса. Шусиз ҳам йўлини топиб, ишини ортиғи билан бажариб кетаверишади. Камига ўзининг аслида кимлигини ҳам кўрсатиб қўяди. Лекин бу тоифадагилар саноқли.
... Уч йилча аввал бир талабани учратгандим, қишлоқдан чиққан йигит, мактабни аълога битириб, олийгоҳга ўқишга кирган, кейинчалик Австралияда ўқишни давом эттирган. Орадан бор йўғи уч йил ўтган бўлса-да, у йигитни ўзбек деб бўлмайди. Ўзбек тилини зўрға (ёки атайлаб) инглизча акцентда гапиради. Ҳаракатлари ҳам ғалати. "Наҳотки, шу боладан эрта-бир кун давлатимиз, халқимиз наф кўрса" деб ўйлагандим ўшанда...
Бунчалик тез ўзгаришимизга сабаб нима экан?

OmoN 23.10.2008 23:37
Оффтоп:
Яна бир тоифалар укишга бориб уша ернинг географиясини "чукуррок" урганиш учун колиб кетади

Ulugbek Suyunov 24.10.2008 10:25
Assalomu alaykum Forum qatnashchilari! Sizlarni qiziqarli fikirlarimgizni o'qib chiqdim. Maktabimizda fan oyligi munosabati bilan geografiya fanidan ochiq darslar bo'ldi, o'qituvchilarimiz ma'ruzalar qilishdi va tuman miqyosida olimpyada o'tkazildi. Menimcha o'zgarish bo'lsa kerak.

Nigora Umarova 24.10.2008 10:50
Цитата:
Сообщение от Ulugbek Suyunov (Сообщение 147885)
Assalomu alaykum Forum qatnashchilari! Sizlarni qiziqarli fikirlarimgizni o'qib chiqdim. Maktabimizda fan oyligi munosabati bilan geografiya fanidan ochiq darslar bo'ldi, o'qituvchilarimiz ma'ruzalar qilishdi va tuman miqyosida olimpyada o'tkazildi. Menimcha o'zgarish bo'lsa kerak.
1.Yaqin yillarda geografiya faniga oid viktorina savollari chop etilgan kitoblar chiqqanmi?
2. Geograffiya fanida dars o'tishning innovatsion texnologiyalari asosida qanday usul va uslublardan foydalanmoqdasizlar?
3. Ma'ruzalar mavzusi qanday?
4. Geografiya fanini o'qitish masalalari va metodikasi bo'yicha geografiya o'qituvchilariga yordam sifatida biror bir jurnal nashr etiladimi?

JUS 24.10.2008 13:43
Цитата:
Сообщение от Ulugbek Suyunov (Сообщение 147885)
Assalomu alaykum Forum qatnashchilari! Sizlarni qiziqarli fikirlarimgizni o'qib chiqdim. Maktabimizda fan oyligi munosabati bilan geografiya fanidan ochiq darslar bo'ldi, o'qituvchilarimiz ma'ruzalar qilishdi va tuman miqyosida olimpyada o'tkazildi. Menimcha o'zgarish bo'lsa kerak.
Оффтоп:
Kechirasiz, siz geografiya o'qituvchisimasmisiz? Agar shunday bo'lsa yuqoridagi postlarni o'qib yig'lab yuborgandirsiz-a?
Shablon gaplarni nima keragi bor-a....

Цитата:
Сообщение от Nigora Umarova (Сообщение 147890)
1.Yaqin yillarda geografiya faniga oid viktorina savollari chop etilgan kitoblar chiqqanmi?
2. Geograffiya fanida dars o'tishning innovatsion texnologiyalari asosida qanday usul va uslublardan foydalanmoqdasizlar?
3. Ma'ruzalar mavzusi qanday?
4. Geografiya fanini o'qitish masalalari va metodikasi bo'yicha geografiya o'qituvchilariga yordam sifatida biror bir jurnal nashr etiladimi?
Оффтоп:
Bunday ma'lumotlarni siz bilmasangiz, oddiy tuman, qishloqlardagi o'qituvchilar qayerdan bilsin. Qolaversa Ulugbek Suyunov geografiya o'qituvchisi emasga o'xshaydi.

Sherzod Shermatov 24.10.2008 14:12
Цитата:
Сообщение от Samariddin (Сообщение 147363)
география фани аллақачон "иккинчи даражали фан"га айланиб қолганми? Балки ўқув дастуридан бутунлай чиқариб ташлаш керакдир?
Бизда билмадимку, лекин адашмасан АҚШда чиқариб бўлишган ўқув дастуридан. Шунгаям ўртача америкалик бошқа давлатлар пойтахти тугул ундай давлатлар борлигини билмайди.

АҚШда ўқиб юрган пайтларимда "бу ердагилар Ўзбекистонни билмас экан" деб Аргентиналик курсдошимга хасрат қилиб турсам "хеч хафа бўлмасанг бўлади, буларни аксарияти яқинда мустақил бўлган Ўзбекистон тугул Аргентина қаердалигиниям билмайди" деди. Тағин у оддий одамлар ҳақида эмас АҚШнинг энг нуфузли университетларидан бирида ўқийдиган ва ишлайдиганлар ҳусусида айтаётган эди...
Оффтоп:
Бу университетни Катта Буш, Клинтон, Кичик Буш (отасини хурмати эвазига) битириб чиқишганлигини инобатга олсак 5та Президентлик давридан бери шу университет талабалари АҚШни бошқариб келаяпти...Уларга эса Географияни ўрганишдан кўра уни ўзгартириш осонроқ бўлиб қолаяпти:naughty:

Nigora Umarova 24.10.2008 14:14
Цитата:
Сообщение от JasurBek Urinboev (Сообщение 147951)
Оффтоп:
Bunday ma'lumotlarni siz bilmasangiz, oddiy tuman, qishloqlardagi o'qituvchilar qayerdan bilsin. Qolaversa Ulugbek Suyunov geografiya o'qituvchisi emasga o'xshaydi.
To'g'ri geografiya o'qituvchisi bo'lmaganim uchun ham so'rayapman. Qaysiki fanning o'qitilishida fikr almashuvchi vosita-gazeta, jurnal, kitoblar mavjud bo'lsa, o'sha fanning o'qitilishida samaradorlik bo'ladi.

Nigora Umarova 24.10.2008 14:17
Цитата:
Сообщение от Sherzod Shermatov (Сообщение 147977)

Оффтоп:
Бу университетни Катта Буш, Клинтон, Кичик Буш (отасини хурмати эвазига) битириб чиқишганлигини инобатга олсак 5та Президентлик давридан бери шу университет талабалари АҚШни бошқариб келаяпти...Уларга эса Географияни ўрганишдан кўра уни ўзгартириш осонроқ бўлиб қолаяпти:naughty:
Оффтоп:
Бу кетишда биз хам якинда "Нима бупти бизга Америка.."(шеърдан) даражасига етиб коларканмиза-де...

JUS 24.10.2008 14:29
Цитата:
Сообщение от Sherzod Shermatov (Сообщение 147977)
бу ердагилар Ўзбекистонни билмас экан
Качондир кулогимга чалинганди, Америкда бир Америкалик Узбекистонликдан, Where are you from? деб сураганда у киска килиб Uzbekistan деб инглизча охангда жавоб берган ва у Америкалик буни русча гапиряпти деб уйлаган. (из Пакистан) Узи аслида эса Узбекистонни умуман эшитмаган ва билмас хам экан.:187:

Ulugbek Suyunov 24.10.2008 15:47
Цитата:
Сообщение от JasurBek Urinboev (Сообщение 147951)
Оффтоп:
Kechirasiz, siz geografiya o'qituvchisimasmisiz? Agar shunday bo'lsa yuqoridagi postlarni o'qib yig'lab yuborgandirsiz-a?
Shablon gaplarni nima keragi bor-a....
To'g'ri men geografiya o'qituchisi emasman. Lekin bu yerda bo'layotgan gaplarni hamkasblarim o'qib xursand bo'lishmasa kerak deb o'ylayman:cray: Shu o'rinda ota-onalar ham bolalarini bilimi bilan qiziqsa yaxshi bo'lardi.(Bu gapim hamma ota-onalarga tegishli emas.)

Nigora Umarova 24.10.2008 16:07
Нима булганда хам География фани мактабдаги иккинчи даражали фан булиб колмаслигини хохлардим. Ахир асримиз бошларида жадидлар узлари жорий этган таълим тизимига бекорга "Улка жугрофиёси", "Россия иклими жугрофиёси" каби фанларни киргизишмагандир...
Бу фанни хам инновацион технологиялар асосида кизикарли килиб утиш мумкинлигининг гувохи булганман.
Тошкент шахридаги 327-мактаб укитувчиси Дилбар Ёкубова компьютер технологиялари асосида 6-синф укувчиларига шундай кизикарли дарс утиб берганки, бу дарсни санъаткорона утилган дарс деб бахолаш мумкин эди, холос.
Дарс жараёнида укитувчи Power-Point асосида яратилган такдимотлардан, интернетдаги маълумотлар, анимациялардан мохирона фойдаланганди.

Ulugbek Suyunov 24.10.2008 16:18
Yaxshi Lekin bizni maktabimizda kompyuter yo'q. Shuning uchun o'qituvchilarimiz ko'rgazmali qurollardan, xaritalardan keng foydalanishadi.

Nigora Umarova 24.10.2008 16:23
Цитата:
Сообщение от Ulugbek Suyunov (Сообщение 148043)
Yaxshi Lekin bizni maktabimizda kompyuter yo'q. Shuning uchun o'qituvchilarimiz ko'rgazmali qurollardan, xaritalardan keng foydalanishadi.
Бирор утилган очик дарсни ёритиб бера оласизми? Укитувчининг дарс утиш махорати укувчилар учун кургазмали курол була олади.
Бугунги кундаги пед.технологияга асосан эса, укитувчи факатгина укувчининг билимларини тугри йуналтира оладиган шахс- укитувчи кузатувчи, укувчилар эса дарсни бошкарувчилар сифатида катнашишлари керак.
Дарсларни кузатиб, узингиз учун бирор янгилик олгандирсиз?
Дарс утувчи кандай усул ва услублардан фойдаланди?

Husen 25.10.2008 09:48
Цитата:
Сообщение от Nigora Umarova (Сообщение 147714)
Цитата:
Bu Kalvak mahzumning xotira daftaridanmu, taqsir?
Аввал қолдирган ҳазил битикларимиз хар холда автобиографик хусусиятга эга эмас. География ўқитувчимиз собиқ ҳарбий зобит - Нурулло Яҳёевдаги қаттиққўллик боисми бу фанга нисбатан ҳеч қачон синфимизда иккинчи даражали мунособат шаклланмаган. Қолаверса, ўқитувчимиз дарсни жуда қизиқарли ташкил этарди. Бир куни ўртага савол ташлаб қолдилар.
-Қайси мамлакатда армия йўқ?
Ҳамма билган давлатларини айтишни бошлади, кимдир Ватикан дейди, кимдир Саудия Арабистони дейди. Хуллас, жавоб топилмади. Кейин ўқитувчимиз саволга озгина енгиллик киритди.
-Ўша давлат номида русчада "суяк" деган сўз ҳам бор.
Хуллас, ҳамма харитани қидириб, ниҳоят "кост" сўзи билан боғлиқ давлат номини айтдик. Бу давлат Коста Рика экан. Хуллас, шу-шу Коста Рика билан боғлиқ ушбу маълумот ҳеч қачон эсимдан чиқмаса керак.
Бугунга келиб, мавжуд ижтимоий аҳволдан келиб чиқиб, ўқувчиларнинг жамиятдаги воқеа-ҳодисаларга мунособатини шакллантиришда бу саволни энди озгина бошқача тарзда ҳам бериш мумкин. Айтайлик, Ўзбекистондан аёл-қизлар траффик қилинадиган 11 мамлакатнинг бири қайси?
Натижада ўқувчилар қайси мамлакатда ватандошларимиз кўпроқ одам савдоси қурбони бўлишаётгани ҳақидаги маълумотни ҳам билиб оладилар.
Мамлакатимиз фуқаролари ҳуқуқи топталаётган давлатлар орасида Коста Рика ҳам борлиги дастлаб эшитганимда мени жуда таажжубга солганди. Ушбу бу ерга қаранг

Оффтоп:
Дарвоқе, география ўқитувчимиз ҳақида. Репититорлик ҳам қиладиган ушбу педагог шунчаки абутириентларни география факултетларига тайёрлаш билангина кифояланиб қолмади. Қадамни каттароқ босиб, тарих фанидан ҳам ёшларни кириш имтиҳонларига тайёрлай олишини амалда исботлади. Биргина, 2008-2009 ўқув йилида 12 нафар шогирдлари Республика Олий божхона институтига қабул қилинди.

Samariddin 25.10.2008 10:19
Цитата:
Сообщение от Husen Tangriyev (Сообщение 148132)
Мамлакатимиз фуқаролари ҳуқуқи топталаётган давлатлар орасида Коста Рика ҳам борлиги дастлаб эшитганимда мени жуда таажжубга солганди.]
Қизиқ,нима учун Коста Рикага,балки бу сохта ҳисоботдир.

Nigora Umarova 27.10.2008 16:35
Хакикатан хам сентябрь ойи "География фани буйича фан ойлиги" деб эълон килинган ва "Маърифат" газетасининг 2008 йил 27 август ойида фан ойлигини утказиш буйича тавсиялар берилган экан.
Бу фан ойлигини утказилиши деярли сезилгани йук. Сабаби "Маърифат" газетасини кузатиб шу фан юзасидан на бирор дарс ишланмаси ёки синфдан ташкари утказиладиган тадбир ишланмаларига дуч келдим.
Газетадаги тавсиялар эса укитувчининг бажариши керак булган кундалик ишлари асосида берилган.

Nigora Umarova 27.10.2008 16:43
"Таълим муаммолари" журналининг 1-сонида "Географик таълим кандай булмоги лозим?" деб номланувчи маколани укиб колдим.

Унда географик таълимни миллийлаштириш масалалари кутарилибди. XXI аср географияси айнан инсониятнинг баокарор ривожланишига хизмат килувчи хамда табиат билан жамият конунларини уйгунлаштирувчи фан тарикасида шаклланмоги максадга мувофиклиги баён этилган.

Lutfillo Tursunov 27.10.2008 16:46
Цитата:
Сообщение от Nigora Umarova (Сообщение 148557)
Хакикатан хам сентябрь ойи "География фани буйича фан ойлиги" деб эълон килинган ва "Маърифат" газетасининг 2008 йил 27 август ойида фан ойлигини утказиш буйича тавсиялар берилган экан. Бу фан ойлигини утказилиши деярли сезилгани йук. Сабаби "Маърифат" газетасини кузатиб шу фан юзасидан на бирор дарс ишланмаси ёки синфдан ташкари утказиладиган тадбир ишланмаларига дуч келдим. Газетадаги тавсиялар эса укитувчининг бажариши керак булган кундалик ишлари асосида берилган.
Бу ойлик ҳам "Йўл ҳаракати хафсизлиги ойлиги"га ўхшаш бўлса керак-да... Ўтказилди нимаю, ўтказилмади нима?!

Nigora Umarova 27.10.2008 16:48
Барча фанларга ухшаб география фани хам умумий урта таълим мактабларида боскичма-боскич олиб борилади.
1-синфда - Атрофимиздаги олам;
2-синфда- Атрофимиздаги олам;
3- синфда- Табиатшунослик;
4-Синфда - Табиатшунослик

Бошлангнч синфларда "Табиатшунослик" фанини утиш оркали "География" фанига оид билимларга пойдевор куйилади.

Nigora Umarova 27.10.2008 16:53
Цитата:
Сообщение от Lutfillo Tursunov (Сообщение 148564)

Бу ойлик ҳам "Йўл ҳаракати хафсизлиги ойлиги"га ўхшаш бўлса керак-да... Ўтказилди нимаю, ўтказилмади нима?!
Асосийси- фан укитувчилари фан ойликлари утказилиши якунига хакида туман вилоят таълим марказларига (3 кун муддатда), вилоят таълим марказлари Республика таълим маркази фан булими мутахассисларига (1 хафта муддатда) хисобот топширсалар булгани...

Nigora Umarova 27.10.2008 17:07
Географик таълимни тугри йулга куйиш учун узлуксизлик, узвийлик тамойилларига, ягоналик ва табакалашганлик коидаларига амал килган тарзда ривожлантириш максадга мувофикдир.
Урта таълимнинг:
5-синфида- География алифбоси
6-синфида- Табиий география
7-синфида - Ижтимоий-иктисодий география;
8-синфида - Узбекистон географияси
9-синфда - Геоэкология(географик экология)
Академик лицейларда:
I- боскичида - Амалий география
Касб-хунар коллежларининг:
Педагогик таълим йуналишида- Географияни укитиш методикаси
Гуманитар таълим йуналишида- Маънавий-маърифий география. Улкашунослик
Иктисодий таълим йуналишида - Иктисодий география, Ишлаб чикариш кучларини жойлаштириш, Минтакавий иктисодиёт
Хукукий таълим йуналишида- хукукий геграфия
Хизмат курсатиш ва сервис таълим йуналишида- Туризм географияси, Табиий сервис, рекрацион география
Кишлок хужалик таълим йуналишида- Кишлок хужалик географияси, Тупроклар географияси, Биогеография ва бошкалар.

Lutfillo Tursunov 27.10.2008 17:12
Цитата:
Сообщение от Nigora Umarova (Сообщение 148567)
Асосийси- фан укитувчилари фан ойликлари утказилиши якунига хакида туман вилоят таълим марказларига (3 кун муддатда), вилоят таълим марказлари Республика таълим маркази фан булими мутахассисларига (1 хафта муддатда) хисобот топширсалар булгани...
Ҳисоботларам 10 йилдан буён бир хил бўлса керак :)

Maestro 27.10.2008 17:25
Оффтоп:
Цитата:
Сообщение от Nigora Umarova (Сообщение 148577)
Географик таълимни тугри йулга куйиш учун узлуксизлик, узвийлик тамойилларига, ягоналик ва табакалашганлик коидаларига амал килган тарзда ривожлантириш максадга мувофикдир.
Шунақанги қўрқинчли жумлаларни ёзаяпсиз-ки, ўқиган одамнинг (айниқса, география ўқитувчиларининг) капалаги учиб кетса керак...

Nigora Umarova 27.10.2008 17:28
"Асоссиз фандан воз кечса булади" Абу Райхон Берунийнинг хикматли гаплари бор. Бирок география фаниниг асоси бор ва бу фанни укувчиларимизнинг мукаммал билишлари кушни давлатларининг иктисодиёти билан танишишлари учун асос була олади.
Бугунги кунда бу фанни аудио-визуал воситалар билан кизикарли килиб утса булади. Дарс бериш ва уни тугри ташкил этиш эса факат ва факат укитувчининг махоратига боглик. География фани укитувчиси нафакат геграфияга оид билимлар билан чекланиб колиши, балки фалсафий, табиий, табиий-ижтимоий, социал. иктисодий, сиёсий, хукукий, аник ва техник фанлар билан узвий равишда таълим жараёнини-дарсни олиб боришлари керак.


Текущее время: 16:01. Часовой пояс GMT +5.
Страница 1 из 3 1 23
Показывать 40 сообщений этой темы на одной странице

Powered by vBulletin® Version 3.8.5
Copyright ©2000 - 2025, Jelsoft Enterprises Ltd. Перевод: zCarot
OOO «Единый интегратор UZINFOCOM»