Халқаро фан олимпиадалари ва мусобақалари/Международные предметные олимпиады и соревнования
 

Хабарингиз бор, хар йили математика фанидан дуне микёсида Халкаро олимпиада утказиб келинади. Нуфузли анжуманда бир неча йилдан бери Узбекистонлик укувчилар хам фаол катнашиб, 20 га якин кумуш ва бронза медалларни кулга киритишган. Мазкур йилда 49-маротаба утаётган Халкаро Олимпиадага бу гал 10-22 июль кунлари Испания пойтахти Мадрид шахри мезбонлик килди. Дунёнинг 100 га якин давлатларидан 540 дан ошик иштирок этган укувчилар орасида Узбекистон шарафини 6 нафар ёшларимиз муносиб химоя килишди. Кизик тарафи шунда-ки, терма жамоадаги ажратилган уринларнинг асосий кисмини Коракулдаги 1-ИБМИ укувчилари кулга киритишган эди. Нихоят, кеча натижалар аник булди. Олимпиаданинг расмий сайтидан олинган маълумотларга кура, терма жамоамиз вакиллари 4 та бронза медалларни кулга киритишди. Шерзод Сафаров, Диёра Салимова, Алишер Эшонкулов, Фарход Хайдаров каби иктидорли укувчилар юртимизга бронза медаллар билан кайтишмокда. Олимпиада совриндорлари ва иштирокчилари бугун Узбекистонга кайтишади. Шу мунособат билан Тошкент аэропортида уларни кутиб олиш маросими хам утказилади. Батафсил маълумотларни бериб борамиз.

https://img.uforum.uz/images/7576986.jpg

Олимпиаданинг расмий логотипи

Терма жамоамиз мураббийлари
https://img.uforum.uz/images/1790235.jpg- Бахтиёр Дониёров
https://img.uforum.uz/images/3089670.jpg- Шухрат Исмоилов
https://img.uforum.uz/images/5026568.jpg - Фуркат Салимов

Олимпиада иштирокчилари

https://img.uforum.uz/images/3799643.jpg- Шерзод Сафоев
https://img.uforum.uz/images/6320631.jpg - Диёра Салимова
https://img.uforum.uz/images/5887473.jpg - Алишер Эшонкулов
https://img.uforum.uz/images/3815323.jpg- Элбек Курбонов
https://img.uforum.uz/images/7291442.jpg- Аброр Пирнапасов
https://img.uforum.uz/images/7135653.jpg- Фарход Хайдаров

https://img.uforum.uz/images/2904821.gif

Математика буйича юбилей 50-Халкаро Олимпиада келгуси йил Германиянинг Бремен шахрида утказилади.

Олимпиада манзаралари
Мадрид. 2008йил июль
https://img.uforum.uz/images/481592.jpg
https://img.uforum.uz/images/6101573.jpg
https://img.uforum.uz/images/3595742.jpg

Энг қизиғи, ушбу хабар ҳали Ўзбекистоннинг бирон газета-журналида берилмаган. Халқ таълими вазирлиги, УзА нинг сайтида ҳам бу мавзуга оид гап йўқ. Демак, янгиликни биринчи бўлиб, UForum.uz оммага тақдим килмокда. Тезкорлик барибир яхши-да!!! Дарров, ўз сайтимга жойлаштирдим.

Участник↑ [♀♂] З1↑ З2↑ З3↑ З4↑ З5↑ З6↑ Итог↓ Рейтинг↑ Рейтинг (%)↑ Награда↑
Sherzod Safoyev 7 7 0 4 0 0 18 186 65,36 Бронзовая медаль
Farhod Haydarov 7 7 0 4 0 0 18 186 65,36 Бронзовая медаль
Diyora Salimova 7 7 0 4 0 0 18 186 65,36 Бронзовая медаль
Alisher Eshonkulov 7 7 0 4 0 0 18 186 65,36 Бронзовая медаль
Elbek Kurbonov 3 4 0 4 0 0 11 320 40,26
Abror Pirnapasov 1 6 0 4 0 0 11 320 40,26
Результаты команды 32 38 0 24 0 0 94 33 66,7 Б, Б, Б, Б

Кеча Тошкент вақти билан 20.10 да Халқаро Олимпиаданинг иштирокчилари ва совриндорлари Ўзбекистонга қайтишди.
https://img.uforum.uz/images/7708080.jpg
Уларни кутиб олиш учун Халқ таълими вазирлигининг бир қатор мутассадди раҳбарлари, иштирокчиларнинг ота-оналари, ўқитувчилари - хуллас 100 га яқин юртодшларимиз Тошкент аэропортида жамулжам бўлишди.
https://img.uforum.uz/images/2277335.jpg
Ушбу ютуқларга эришишда мураббийларнинг ҳам хизмати катта. Бахтиёр Дониёров ва Шухрат Исмоиловларни Ўзбекистон Халқ ўқитувчиси, Қоракўл 1-ИБМИ директори Тўхтамурод Жумаев қутламоқда.
https://img.uforum.uz/images/372891.jpg
Дарвоқе, журналистлар... Улар ҳар бир иштирокчидан интервью олишга шошилишди. Бугун ТВ, Радио, газета-журналларнинг бош мавзуси шубҳасиз мазкур олимпиада ҳақида бўлади. Кузатиб боринг.
https://img.uforum.uz/images/9548806.jpg
Ота-оналарнинг қувончи чексиз, чунки олимпиаданинг иштирокчилари муддатидан олдин талаба деган номга сазовор бўлишмоқда.
https://img.uforum.uz/images/1540937.jpg
Т.Жумаев бутун меҳнат жамоаси билан кутиб олиш маросимига етиб келди. Мазкур олимпиадада уларнинг 2 нафар иштирокчиси бронза медалларни қўлга киритди

Аслида Коракулдаги 1-ИБМИ қошида бирорта университет очса ҳам бўлади. Чунки ушбу мактаб битирувчилари университет талабаларидан ҳам кучлирок деб ўйлайман. Мактаб директори Тўхтамурод Жумаевга эса аллақачон қаҳрамонлик унвонини бериш керак эди. Ҳар қалай чекка бир туманда республикадаги энг кучли ёш математикларни тайёрлайдиган ўқув масканини ташкил этиш ўз-ўзидан бўлмайди... Уларга ҳар қанча миннатдорчилик билдирсак шунча оз. Мамлакатимизни дунёга танитаётганининг ўзи ҳар қанча эъзозга, эътиборга лойиқ.

Олимпиада совриндорларини кутиб олиш маросимидан тайёрланган батафсил фоторепортаж билан танишинг

Халкаро олимпиада иштирокчилари Тошкентда

Bu tengdoshlarimga HAVAS QILAMAN...

Ўзбекистон вакиллари 1997 йилдан бери мазкур Халкаро олимпиадада иштирок этиб келишмокда. Олимпиадада юртдошларимизнинг муваффаккиятли иштироки мамлакатимизда таълим сохасида амалга оширилаётган ислохотларнинг ўзига хос меваси деб биламан. Мазкур олимпиадаларнинг Ўзбекистон буйича маъсул шахси, мутасадди рахбарлардан бири сифатида шуни ишонч билан айта оламан-ки, келгуси йили Германияда бўлиб ўтадиган 50-юбилей олимпиадада бундан-да яхши натижалар кўлга киритилади.

O'quvchilarimizga keyingi Xalqaro Olimpiadalarda yana ham yuqori o'rinlarni olishiga tilakdoshman.

BARCHA QATNASHCHILARIMIZGA OMAD YOR BO'LISHINI CHIN DILDAN TILAB QOLAMAN!!!!!!!!

Бу йил математика фанидан Халкаро Олимпиада 50-бор юбилей тарзида Германиянинг Бремен шахрида утказилади. Хўш, мазкур нуфузли тадбирга мамлакатимиз терма жамоасида қай даражада тайёргарлик кўрилмоқда? Форумимизда терма жамоа мураббийи Шухрат Исмоилов ҳам мунтаззам иштирок этиб келмоқдалар. Бу ҳақида у кишидан маълумотлар кутиб қоламиз.

Oltinlarni kutib qolamiz!

Сизга шуни маълум қиламанки, 50 - Халқаро Математика Олимпиадаси (50-ХМО) 2009 йил 10-22 июл кунлари Германиянинг Бремен шаҳрида бўлиб ўтади. Олимпиадада 100 дан ортиқ давлат жамоалари иштирок этиши кўзда тутилган:
http://www.imo-official.org/year_reg.aspx
Германиянинг Таълим ва Фан Вазири, олима-аёл Аnnette Shavan мазкур нуфузли олимпиадада Ўзбекистон жамоасини иштирок этишга расмий таклиф қилди.
Халқаро Математика Олимпиадасининг асосий мақсади иқтидорли мактаб ўқувчиларни рағбатлантириш ва уларнинг математика фанига қизиқишини кучайтиришдан иборат.
Командага танлов икки босқичдан иборат бўлган.
1) Вилоятларда Ипак йўли халқаро олимпиада топшириқлари асосида 200 га яқин иктидорли ўқувчилардан 14 таси танлаб олинди.
2) Тошкент шаҳрида 14 та танлаб олинган ўқувчилардан 6 таси танлаб олинди.
Ўзбекистонлик ўқувчиларни 50-ХМОда муваффақиятли иштирок этиши билан боғлиқ бўлган зарурий ташкилий ишлар амалга оширилиб, ундаги вазифалар Ўрта махсус, касб-ҳунар таълими Маркази ҳамда Халқ таълими Вазирлигининг қўшма буйруғида белгиланди.
Мазкур буйруққа асосан 6 та ўқувчи, иккита жамоа раҳбаридан иборат бўлган делегация жунатилиши режалаштирилган.
Шу 6 та ўқувчи махсус тайёргарлик кўришди.
Команда таркиби:
1 Diyora Salimova 3 курс Самаркандский академический лицей при институте экономики и сервиса
2 Abror Pirnapasov 11 Каракульский лицей №1 для одаренных учащихся Бухарской области
3 G’ulomjon Abdurashitov 11 Каракульский лицей №1 для одаренных учащихся Бухарской области
4 Azizkhon Nazarov 10 Каракульский лицей №1 для одаренных учащихся Бухарской области
5 Jasurbek Bahramov 2 курс Баявутский профессиональный колледж сельского хозяйства Сырдарьинской области
6 Ibrokhimbek Akramov 2 курс Самаркандский академический лицей при институте экономики и сервиса
Улар хакида маълумот (расмлари билан)
http://www.imo-official.org/year_reg_team.aspx?code=UZB
сайтида жойлаштирилган.
Айтиш жоизки, Diyora Salimova Испанияда бўлиб ўтган 49-ХМО да иштирок этиб, бронза медалига сазовор бўлган.
У Зульфия мукофотини совриндори, 2008 йили Москвада бўлиб ўтган СНГ ва Балтия давлатлари олимпиадасининг ғолиби, 2008 йилда бўлиб ўтган Ипак йўли халқаро масофавий олимпиадаси бронза медали эгаси.
Бу қизимизга эътиборингизни қаратмоқчиман.
11 июл куни жамоаларнинг раҳбарлари ва германиялик олимларидан таркиб топган Халқаро ҳакамлар ҳайъати иш бошлайди. Улар мусобақага таклиф қилинган масалаларни тубдан ўрганиб чиқиб, овозга қўйиш йўли билан 6 та масалани танлайдилар, баҳолаш мезонларини тасдиқлайдилар ва матнларни иштирокчиларнинг она тилларига таржима қиладилар. Масалалар математиканинг геометрия, алгебра ва сонлар назарияси, комбинаторика соҳаларидан танланган бўлиб, улар ностандарт характерга эга бўлди. Халқаро экспертлар фикрига кўра бўйича бу йили олимпиада топшириқлари ўта мураккаб бўлиши кутилмоқда.
14 июл куни олимпиаданинг очилиш маросими, 15-16 июл кунлари эса бевосита математик мусобақа бўлиб ўтади. Унда ҳар куни 4,5 соат вақт ичида 3 та масалани ечиш кўзда тутилган. Ҳар бир масаланинг тўлиқ ечимига 7 балл ажратилади. 17-18 июл кунлари жамоаларнинг рахбарлари ўз ўқувчиларининг ишларини тасдиқланган баҳолаш мезонлари негизида кўриб чиқадилар ва халқаро экспертлар олдида ҳимоя қиладилар. Умумий келишувдан кейингина ўқувчиларнинг ишлари баҳоланади.
Натижалар 19 июл куни халқаро хайъат йиғилишида тасдиқланади.
Ғолиблар 21 июл куни ёпилиш маросимида тақдирланадилар.

Оффтоп:

Олимпиада натижалари хақида 20 июл куни терма жамоанинг PR-директори дўстимиз Хусен Тангриев хабар берадилар.

Шухрат ака, шу ўринда яна бир мулоҳаза. Ҳар йили олимпиада натижалари эълон қилингач, бизда бироз янглиш хулосалар чиқарилади. Айтайлик, ўтган йили ўқувчиларимиз бронза медалларини қўлга киритишганида, матбуотдаги аксарият хамкасбларимиз ўзбекистонлик ёшлар 3-ўринни қўлга киритишди деб шов-шув қилишди. (Бўрттириш миллий журналистикамиз табиатига хос, начора!) Ваҳолангки, умумжамоа ҳисобида Ўзбекистон учинчи ўринда эмас, аксинча 33 ўринда эди.
Мамлакатимизнинг олимпиададаги иштирокчиларини қўшни давлатларники билан солиштирадиган бўлсак, қозоғистонлик ўқувчилар шу пайтга қадар 8 та олтин, 14 та кумуш ва 34 та бронза медалларни қўлга киритишган. Ўзбекистонда эса бу рақамлар 0, 3, 18 ни ташкил қилади.
Савол шуки, ҳар йили олимпида иштирокчиларин "Ғалаба муборак" деб кутиб оламиз! Аслида ғалаба дейишга қанчалик ҳаққимиз бор? Шунчаки, иштирок этишгани билан муборак этсак мантиққа тўғри келармиди деб ҳисоблайман. Сизнингча олтин медалларни қўлга кирита олмаётганимизнинг сабаблари нимада?

Haqiqatdan ham. Men ham avvaliga mavzuni sport haqida deb o'ylabman, to'g'risi.

Хотиржам бўлинг, Хусен.
Бундай саволни бошқа (айниқса, олимпиадада яқиндан бери қатнашган) давлатлардан илмий рахбарларига берганман, жумладан Сиз қайд қилган Қозоғистондан ҳам.
Хеч қандай буртириш йук! ОАВ вазиятни туғри баҳоламоқдалар. Халқаро олимпиадалар низомларига кўра бронза медални қўлга киритган ўқувчи жаҳонда расмий учинчи ўринни эгаллаган ҳисобланади.
Медаллар билан энг купи билан 50 фоиз қатнашчилар тақдирланиши белгилланган, бунда медаллар қийматга қараб 1:2:3 нисбатда тақсимланади.
Халқаро математика олимпиадаси - бу шаҳсий мусобақа. Давлатлар орасида рейтинг эса норасмий характерга эга. Халқаро олимпиадасида медал олиш - жуда мушкул иш. Топшириқлар ўта қийин. Ғалабага қозониш учун уқувчига кўпи билан 3-4 йил вақт ажратилган, бу даврда ўқувчи болалик қувончларидан маҳрум бўлади, тинмай шуғулланади.
Барча давлатларда ҳам биз сингари медалларни қўлга киритган ўқувчилар худди спортчилардек қўллаб-қўвватланади. ОАВ лар турли пресс-анжуманлар, учрашувлар, тадбирлар уюштирадилар.
Йирик илмий марказлар олимпиада ғолибларидан ҳабардор.
Хаттоки, терма жамоаси аъзоси медал олмаса ҳам, жахоннинг нуфузли университетларда стипендиялар билан таъминланади.
Бунга битта мисол.
2005 йилда биз Мексикада бўлиб ўтган олимпиадада иштирок этмаганимиз маълум. Шунга қарамасдан, уша йилдаги терма жамоамиз аъзоси бу йили Ориф Иброгимовни Германиянинг Якобс Университети магистратурасига ўқишга таклиф этилган ва унинг укиши билан боглиқ харажатларини мазкур университет зиммасига олган.
Бошқа давлатлар ўқувчилари бундай имтиёздан самарали фойдаланишмоқда.

Биз атиги 10 та олимпиадада иштирок этиб, нисбатан ёш жамоа ҳисобланамиз. Халқаро экспертлар фикрига кўра бизнинг давлатимизда медаллар олиш прогресси жуда яхши кетмоқда.
Масалан, кўп йилдан бери иштирок этган Қозоғистон
http://www.imo-official.org/country_....aspx?code=KAZ
ёки Туркия http://www.imo-official.org/country_....aspx?code=TUR
билан солиштиринг.
Шунинг учун жаҳон миқёсида обруимиз баланд.
Жойларда халқаро олимпиадага тайёрлайдиган тажрибали тренерлар сонини кўпайтириш лозим.
Хозирги кунда талаб даражасидаги тажрибали тренер битта - Отамурод Кучкоров (Тошкент).
Хозирги пайтда ёшлардан собиқ олимпиадачилар Умид Рахмонов (Тошкент), Жамшид Расулов (Самарқанд), Уткир Болтаев(Тошкент) тажрибалари ортаяпти.
Бундан ташқари ҳозирга қадар иктидорли ўқувчилар, математика ўқитиш чуқурлаштирилган синфлар ва мактаблар ўқувчилари учун мўлжалланган ўқув қулланмалар, олимпиада масалаларни ечиш усуллари тизимли баён этилган ўзбек тилидаги манбаалар жуда кам. Агар яхши китоблар Республикамиздаги ҳар бир мактабга бир нусхада етиб борса, математика фани бўйича иқтидорли ўқувчиларнинг сони кўпаяди, уларни математика олимпиадаларидаги фаолиятининг сифат ва самарадорлиги ҳамда рақобатбардошлигини ошади.
Республика фан олимпиадасининг барча босқичларини уюшган ҳолда ўтказиш ва такомиллаштириш, уларнинг савиясини халқаро математика олимпиадасига яқинлаштириш лозим.
Юқоридаги муаммоларни фақат олимпиада билан бевосита шуғулланган математиклар ҳал қила олади.
Агар ғолибларни мониторинг қилсак, деярли барча ғолиб-олимпиадачилар математика факультетларига ўқишга кирмаяпти. Нархоз, Дипломатия каби «нуфузли» ОТМ ларни битириб, бошқа соҳаларда фаолият кўрсатаяптилар. Айримлари ишсиз.
Ҳозирги пайтда таълимни ривожлантиришга қаратилган тадбирлар ичида Республика фан олимпиадасининг барча босқичларини уюшган ҳолда ўтказиш ва такомиллаштириш, ўқувчиларнинг ҳар томонлама истеъдодларини, фанларга бўлган қизиқишларини, қобилиятларини ривожлантириш, ўқувчиларни нуфузли халқаро олимпиада ва мусобақаларда муваффақиятли иштирок этишини таъминлаш ишлари бошланди.
07.08.2008 йил Ўзбекистон Республикаси Вазирлар Маҳкамасининг
173-сонли “Айрим фанлар чуқур ўрганиладиган давлат ихтисослаштирилган
умумтаълим муассасалари фаолиятини такомиллаштириш тўғрисида” қарори ёш иқтидорли математиклар сонини кўпатиришга, янги авлод қўлланмаларнинг яратилишига замин яратади.
2008 йил 13 октябрда Вазирлар Маҳкамасининг 226-сон «Ўзбекистон иқтидорли ёшларини тақдирлаш ва моддий рағбатлантириш тўғрисида” қарорида Республика (1-ўрин) ва халқаро (1 — 5-ўринлар) танловлар ва мусобақаларнинг индивидуал турларида ғолиб чиққан академик лицейлар, касб-ҳунар коллежлари ва умумтаълим мактабларининг битирувчилари олий таълим муассасасига тест синовларисиз ва қўшимча имтиҳонсиз қабул қилиниши, белгиланган миқдорда пул мукофотларини олиниши кўзда тутилган.
Фикримча, математика олимпиадалари ғолиблари учун номатематика йўналишларга ўқишга кириш имтиёзларни чегаралаш керак. Бу нарса қарорга зид эмас.
Шунинг учун мен яқин йилларда олтин медал олишимизга ишонаман.

Вақт, эътибор ажратиб батафсил жавоблар ёзганингиз учун миннатдорчилик билдираман. Ишонамизки, бу йил ўқувчиларимиз олтин медаллар билан Ватанга қайтишади.
Терма жамоамиз вакилларига яна бир карра омад ва зафарлар тилаб қоламиз.

1999 йили Аргентинада бўлиб ўтган олимпиадада ҳам қатнашмаганмиз :(

Сиз бироз адаштиряпсиз, чамамда. Аргентинада 1997 йилда бўлиб ўтган. 1999 йили олимпиада Руминияда ўтказилган ва илк бора унда Ўзбекистон иштирок этган. Умумжамоа ҳисобида биринчи иштирокдаёқ 59 ўринни эгаллаган вакилларимизнинг энг юқори кўрсаткичи 2001 йилда қайд этилган - ўшанда АҚШда бўлиб ўтган олимпиадада Ўзбекистон 27 ўринни забт этган. Дарвоқе, Аргентинага бориш ҳам қочмас, 2012 йилда олимпиадага ушбу давлат мезбонлик қилади. Келаси йил эса узоққа боришга ҳожат йўқ, олимпиада шундоққина қўшнимиз - Қозоғистонда ўтказилади.

Оффтоп:

Ёрқин эсимда қолганининг сабаби, 1999-2001 йилларда олимпиадада синфдошим Умид Раҳмонов кетма-кет 3 маротаба иштирок этган ҳамда бронза ва кумуш меддларни қўлга киритган эди. Мен эса бўлажак мухбир сифатида бундан фойдаланган холда вилоят ва туман газеталарида шу мавзудаги мақолаларни кўпайтириб, гонорар ва мукофот пуллари ҳам ишлаб олган эдим. Ўроқда йўқ, машоқда йўқ - хирмонда ҳозир деб шуни айтишса керак-да! :icon_wink:

https://img.uforum.uz/images/6775218.jpg
https://img.uforum.uz/images/9269826.jpg

Менимча, бу ўзбек-турк лицейлар укувчилари эди. Улар Руминияга бориш учун тайёргарлик курганлар.
Уша йили терма жамоани шакллантириш учун Республика танлов олимпиадаси утказилган бўлса ҳам, турк лицейлари рахбарияти уни бойкот қилишган.
Шунинг учун олимпиадага саралаб олинган команда борди.

Шухрат ака билан юқорида бўлиб ўтган суҳбат (таҳрирланган шаклда) "Германия билимдонларни чорлайди" сарлавҳаси остида "Маърифат" газетасининг 2009 йил 15 июль №56 сонида чоп этилди.

Бугун ўқувчиларимиз Германияда олимпиада масалаларини ечишга киришдилар. Мусобоқа ўзининг энг қизғин палласида. Келинглар, яна бир карра ўқувчиларимизга омад ва зафарлар тилайлик!

Шуниси қизқки, бошқа фанлар бўйича ҳам Ҳалқаро олимпиядалар борми? Уларда ҳам ёшларимиз иштирок этишоқдами?

Ҳа, бор! Аммо, математика олимпиадаси каби нуфузли деб айта олмайман. Масалан, химиядан Халқаро Менделеев олимпиадасини олайлик. Хабарингиз бордир, ўтган йили 17 та давлат вакиллари иштирокидаги ушбу мусобақа Тошкентда ўтказилганди.
Саволингиз юзасидан бошқа форумдошлар ҳам фикр билдирса мамнун бўлардик.

Мени кўпроқ биология, география, физика каби табиий фанлар қизиқтиради. Бизнинг ўқувчилар шу фанлардан халқаро олимпиадаларда иштирок этсалар мақсад мувофиқ бўлар эди.

Оффтоп:

Математикларга барибир нобель мукофоти берилмайди :) (хазил)

Демоқчиманки, бошқа фанларга нисбатан ҳам болаларни қизиқишини уйғотиш керак. Шундоқ ҳам, математика таълим тизимида биринчи ўринда туради. Аслида ундай бўлмаса ҳам, бизда шундай қараш бор.

Эшитган эдим, фақат олимпиада МДҲ орасида ўтказилмасмиди? Яхши химиклар давлатимиз учун ҳар доим керак бўлган.

50 XMO natijalari
 

Hozir juri quyida natijalarni tasdiqladi
1 Diyora Salimova 3 курс Самаркандский академический лицей при институте экономики и сервиса - 24 ball, kumush medal
2 Abror Pirnapasov 11 Каракульский лицей №1 для одаренных учащихся Бухарской области - 16 ball, bronza medal
3 G’ulomjon Abdurashitov 11 Каракульский лицей №1 для одаренных учащихся Бухарской области - 12 ball
4 Azizkhon Nazarov 10 Каракульский лицей №1 для одаренных учащихся Бухарской области - 16 ball, bronza medal
5 Jasurbek Bahramov 2 курс Баявутский профессиональный колледж Сырдарьинской области - 5 ball
6 Ibrokhimbek Akramov 2 курс Самаркандский академический лицей при институте экономики и сервиса - 12 ball, fahriy yorliq

Komanda 23 iyul kuni soat 21.00 da Toshkent aeroportiga qunad`ilar.

Ютуклар билан барча укувчиларимизни ва устозларимизни муборакбод этамиз!!! Юртга ёруг юз билан кайтишаётганларидан мамнунмиз. Кутиб олиш маросимидан репортаж ва батафсил маълумотларни такдим этиб борамиз!

Ушбу йил ўтказилган ва ўтказилаётган халқаро фан олимпиадалари рўйхати. Уларда Ўзбекистоннинг иштироки юзасидан форумдошлар маълумотларини ўртоқлашса мамнун бўлардик.

Olimpiada qatnashchilari litsey o'quvchilari ekan.Olimpiada qatnashchilarining yoshi cheklanganmi?Yoki kattaroq insonlar ham qatnashsa bo'ladimi?

O'quvchi yoshi 20 dan kichik bo'lib, u oliy ta'lim yurtida o'qimasligi lozim.