Мактабларда пул йиғилиши тўғрими?
 

Ассалому алайкум...
Хурматли биладиганлар айтингларчи, мактабларда турли хил сабабларга кўра пул йиғилиши қонунийми, тўғрими?

Мана ўқув йили бошидан:

1. Мактаб фондига
2. Синф фондига
3. Фаррошга
4. Обунага (ҳар ой йиғишади)
5. Синфни таъмирлаш учун...
6. Мактабни таъмирлаш учун
7. ва хк.

мана бу ерда шу тўғрисида гап бўлувди.
http://uforum.uz/showthread.php?t=14707

Cалом.
Ота-оналар мактабни хар томонлама ривожлантириш учун моддий томондан ҳомийлик қилиб турилса ёмон бўлмайди.

Lekin ota-onalarning homiyliklarini yuqorida aytib o'tilgan majburiy to'lovlarga aylantirib yubormaslik kerak.

Қонунийми-йўқми билмадим. Лекин бу нарсага эҳтиёж бор.
1. Мактаб фондига: Мактабнинг айрим ҳаражатларини ким қоплайди? Масалан: Янги парталар келганда мардикор олиб келиб ташиттиришади. Директор уларга қайси маблағдан тўлаши керак? Ёки иситиш тизими ишдан чиқди. Тезда таъмирланмаса болалар совуқда қолади. ХТБга мурожаат қилиб, тегишли ташкилотларга пул ўтказиб, улар келиб тузатгунча баҳор келади-ку.
2. Синф фондига: Ҳар бир синфнинг ўз ҳаражатлари бор. швабра, супурги, пол латта, деразага парда, ...ларни синф раҳбари ўз пулига олмайди-ку...
3. Фаррошга: Фаррош текинга ювмайди. Ёки ўқувчилар ўртасида навбатчиликни ташкил қилиш керак.
4. Обунага (ҳар ой йиғишади) : бунисига мен ҳам қаршиман.
5. Синфни таъмирлаш учун...: хонавайрон синфда ўқимаслик учун таъмирга ҳам пул йиғилади.
6. Мактабни таъмирлаш учун: коридорлар, спорт заллари ҳеч қайси синфга тегишли эмас. уни таъмирлашга эса пул керак.
Тўғри ёмон бўлмайди. Лекин ҳомийлик қила олмайдиганлар ҳам бор.
Ихтиёрий тўлов десангиз ҳеч ким бермайди. Шунинг учун сумма шундай ўрнатилиши керак-ки ҳеч кимга оғирлиги тушмасин.

Nega endi o`qituvchilardan yig`iladigan pul haqida gapirmayapsizlar? Agar bermasak palon idora paloncha jarima solib ketadi, palonchiga bermasak erta-indin komissiyadan boshimiz chiqmaydi va hakazo va shu kabilar. Palon idora British Councilning diskini nusxa olib yaqinda bizga 5000 so`mdan o`tkazdi, qizig`i shunda-ki shu diskni men UzTEA o`tkazgan seminarda tekinga olgan edim. Ular mualliflik huquqini oyoq osti qilib undan nusxa olib majburiy sotishgani kamlik qilganiday, yana qandaydir hech kimga kerakmas qog`ozlarni ham ming so`mga o`tkazishdi, va bahona shu-ku "Buni biz qilmayapmiz bu yuqori idoraning buyrug`i". Arzimagan qog`ozlardan nusxalar olib 5 - 6 barabar qimmat sotishadi :) Shunaqa yo`llar bilan tirikchilik qilib o`zicha odamman deb yurganlar ham bor.

Оффтоп:

Қайси идора, аниқ гапириб ўтинг?! У идора ким эканки сизни мажбурлаб олдирди. Агар тўғри келган идора сизга шундай қилган бўлса, сиз ҳақиқий ....., шантажчи экансиз :)

Қайтараман, қандай қоғозлар, аниқ кўрсатиб, изоҳлаб кетинг гапингизни?!

Оффтоп:

Ustoz номига доғ тушуриб, шундай гапларни гапириб юрган, Сизга ачиниб кетяпман. Шунақа йўлларни қилаётган одам олдида жииимгина турасизда, кейин бу ерга чиқиб, юқори ташкилот, вой у ер, вой бу ер деб, аю-ханноз соласиз. Шунчалик гапга уста, ковлашни яхши кўрадиган одам экансиз, нега муаммони жойида ҳал қилмаймиз! :(

Агар Ustoz уша жойни узида шу муаммони кутарсалар, у кишини ёмон куришади ва юкори ташкилотни буйругини бажармаяпсанми деб коралашади, хамма хам "кел шу 5-4 сум пулни деб узимни пастга ураманми" деб тортишавермайди, муаммони гапириб утган билан хал булиб коларканми(ёки хал килишга ёрдам беришарканми). Бунака нарсалар хамма жойда борку.

Ўқитувчилар қандай аҳволда эканлигини, уларни пул йиғишга нима мажбур этаётганлигини мактаб муҳитида нафас олган, бугунги кунда дарс бераётган одам билади.

Ustozга қанақа қоғозлар сотишганини билмадим. Лекин мен қуйидаги нарсаларнинг сотилганини тасдиқлашим мумкин. Мени бемалол қуруқдан-қуруқ гап сотишда айблашингиз мумкин. Чунки барибир исботлаб беролмайман. Буларни ростдан ҳам сотиб олганлигим тўғрисида қўлимдан на чек бор на бошқа ҳужжат. Ҳеч кимга ҳеч қанақа даъвоим ҳам йўқ. Шунчаки Жасурбек учун для информации ёзяпман.
2010-2011 ўқув йили бошида.
1) Дарс таҳлил дафтари (нархи уже эсимда йўқ)
2) Синф журнали - 1000 сўм
3) Синф бурчагига ёпиштириладиган рейтинг жадвали (нархи уже эсимда йўқ)
4) Фан бўйича иш плани. 5-6-7 синф учун. Ҳаммасига 7 минг сўм. 1 ойдан кейин янги мактаб кутубхонасига янги иш плани келган (буниси текин).
2009-2010 ўқув йили бошида.
1) пед.юклама дафтари (судоку бошқотирмасига ўхшаган дафтар) (нархи эсимда йўқ)
2) Дарс таҳлил дафтари (нархи эсимда йўқ)
3) Синф раҳбарлик дафтари (нархи эсимда йўқ)
4) Синф бурчагига ёпиштириладиган рейтинг жадвали (нархи эсимда йўқ)
Рўйхатдаги нарсаларнинг ҳаммаси ХТБдаги айрим ходимлар томонидан (ХТБ томонидан эмас айнан айрим ходимлар томонидан) "сотилган". Олинган нарсаларнинг номи тўғрилигаям гарантия йўқ. Номларини эсимда қолганича ёздим.
Ҳар хил театру циркларга сотиладиган билетлар ҳақида:
ХТБдан мактабда билетлар келади. Нархи 2000-3000 сўм. Директор уни синф раҳбарларига тарқатади. Синф раҳбари билетларни синфдаги ўқувчиларга сотиб пулини йиғиб бериши керак. Пулини йиғиб бериш шарт эмас. Синй раҳбарининг маошидан ушлаб қолинаверади. Энди савол: агар синфда ҳеч ким билетни сотиб олмаса ўқитувчи нима қилиши керак?
Театр ва цирк томошаларига қарши эмасман. Лекин бу мажбурий бўлмаслиги керак. Агар мажбурий бўлса пуллик бўлмаслиги керак. Это все конечно ИМХО.
Шундай холларда Ustozга нима қилишни таклиф қиласиз/маслаҳат берасиз?
ПС: Прокуратура ёки бошқа органларга жалоба қилиш мумкинлигига ўзлариниям калласи етади.

Тўғри, 5-6 минг деб асаб бузишга ва "пасткаш"деган номни олишга арзимайди.
Биласизларми, баъзан ҳалоллик-ҳалоллик деймиз-у, бироқ...
Ўқитувчи пул йиғганида ўз фойдасини ўйлаб эмас, ишлаш жараёнида керакли шарт-шароитни яратиш учун пул йиғади. Ахир озода, иссиқ, ҳар тарафлама қулайликларга эга хонада кимни дарс ўтгиси келмайди?!..

ОмоН келтириб ўтган рўйхат бу иш жараёнида керак бўлган канцелярия буюмларининг айримларинигина рўйхати. Муаллим ўз устида ишлаши учун янги чиққан адабиётларни ҳам мунтазам ўқиб бориши керак. Агар замон билан ҳамнафас бўламан деб уларни сотиб олмоқчи бўлса, унинг пули етмас-о-ов. Сабаби эса китобларнинг қимматлиги.
Биласизми, ўқитувчи ота-оналарнинг фарзандини билим олаётганидан қониқтириши учун хорижий давлатларнинг адабиётларини, методик тавсияларини ўқиб бориши керак. Бироқ қани бунга вақт, қани бунга имконият?!.. Янги пед. технологиялар ҳақидаги Россияда чиққан бир китоб ўртача 50-60 минг турса. Буни устига қоғозбзлик билан бўладиган асаббузарликлар...

Пул йиғилишига қарши эмасмиз... аммо нега бу нарсалар "тўғри ташкил" қилинмаган, яна бир икки савол туғилади...

1. Давлат синфларни таъмир қилиш бермаяптими?
2. Давлат мактабларни таъмир қилмаяптими?
3. Давлат фаррошга маош бермайдими?
4. Обуналар мажбурийми?
5. Ўзбекистонда ўрта таълим олиш пулликми?



Кўнгилдан чиққан ҳомийлик бошқа нарса, аммо ўзингизни қарздордек хис қилиб кимдир айтган вақтида айтган пулини "бериб" юборишингиз бошқа нарса...


Албатта муаммолар борлигидан хабаримиз бор... аммо назаримда сўнги вақтлардаги пул йиғишлар муаммони бартараф этиш учун эмас балки бу ҳам ўзига яраша "бизнес" бўлиб қолдими дейманда...


p.S
Йиғилаётган пуллардан қочаётганимиз йўқ... аммо шу нарсаларнинг ҳуқуқий (қонунийлигини) таърафини билиб қўйсак ёмон бўлмас эди...

Опажон, бу гапингиз тўғри, лекин бу ўқитувчининг шахсий муаммоси ва манфаати (узр лекин бу ҳақиқат). Лекин мен юқорида келтириб ўтган рўйхат мактаб иши учун керак. Ўқитувчининг манфаати учун эмас. Масалан синф журналига пул тўлашдан бош тортса журнал ололмаслиги мумкин. Закон талашиб текинга ҳам олар. Лекин, текинга олгунича 1-2 ой ўтиб кетади. 1-2 ойлик маълумотни вақтинчалик журналдан янги журналга кўчириб чиқишга кетадиган вақтчи? Арзимаган 1000 сўмни деб ҳеч ким бундай қилмайди.

Кўп нарсалар шу арзимас бўлиб кўринган нарсалардан бошланади...

Фикрингизга эътироз билдирмадим, шекилли.

Ота-оналардан пул йиғиш ҳам дастлаб 5 сўмдан бошланган.
Эсимда бор, мактабда ўқиб юрганимзда (3-синфдалигимизда) комиссия келганида ўқитувчимиз бизни "тайёрлагандилар": Пул йиғасизларми деб сўрашса, йўқ деб жавоб беринглар, деб. Аслида эса, ремонтга ўша пайтда ҳам пул йиғиларди.

Мураббийлар нега қонун бузилаётганини, ўқувчи ва ўқитувчиларнинг хақ ва ҳуқуқлари бузилаётганини кўриб ҳуқуқубузарликларни кўрмаётгандек гўё... жим турса ҳам майлига эди, аммо уларга шерик бўляптиларку кўпчилиги...

2 йил олдин аёлим мактабга ишга кирди. Синф беришди. Синфхона қуп-қуруқ. Уни безатиш учун синф фондидан фойдаланмоқчи бўлди. Синф фонди ҳали тўла йиғилмагани учун (ўқув йили бошида) ўз ҳисобимиздан ҳаражат қилмоқчи бўлдик.
1) Парда. 15 метр. 3000 сўмдан.
2) Карниз (15 метр) нархи эсимда йўқ.
3) Карнизни қотириш учун шуруп, пробкалар
4) Эшик учун қулф (17 мингга олгандим)
5) Доскани маҳкамлаш учун шуруп, пробкалар
6) Давлат рамзлари
7) Фанга тегишли плакатлар, баннерлар ва уларни қотириш учун шуруп ва пробкалар
8) Кийим илгичлар (24 минг)
9) ...
Янаям ишчи кучи текинга тушди :) Пардани бир ўқувчисининг ойиси тикиб берди (тикувчилик цехи бор экан). Дурадгорлик ишларини мен бажардим. Дам олиш кунимни мактабда ўтказдим. Эшик ҳам, доска ҳам, қийшайган парта-стуллар ҳам тузатилди. Синфхона чиройли бўлиб қолди.
Тўпланган синф фонди кетган ҳаражатларни қопламади ҳам (муҳими бу эмас). Энг асосийси ўқувчилар чиройли жиҳозланган синфда ўтирадиган бўлди.
Қиссадан ҳисса: ўқитувчи синф фондини ўз фойдаси учун тўпламайди.
Сиз кўрмаяпсизми? Нега ҳисобни ўзингиздан бошламайсиз? Ё бирон марта фарзандингизга билет ёки фонд учун пул бермаганмисиз? Ёки пулни бериб шикоят билан чиққанмисиз? Нега энди ҳар доим айбни аввало муаллимлардан қидиришимиз керак?

Бизлар ўқиган мактабларда ҳам ахвол шу эди... Ёлғончиликни мактабдан ўргатишлари одамни хафа қиладида...

Нега энди шахсий муаммоси ва манфаати бўларкан?
Ўқитувчи синф журнали ёки тўлдирув қоғозларини иши учун олади. Бу ундан ҳеч қандай манфаатдор бўлмайди.

Бу ҳол янгилик эмас. Мактабга янги келган ўқитувчига ҳар доим таъмирланмаган, жиҳозлари ишдан чиққан хонани беришади(Бу ҳам бир синов бўлса керак-да).
Мактабда эндигина иш фаолиятимни бошлаганимда синф хонамни ота-оналарим билан бирга таъмирлагандим.
Кўргазмали қуролларни эса ўқиш жараёнимда тайёрлаганман.

Хаммаси секин секин уз изига тушиб кетади :)

1. Давлат синфларни таъмир қилиб бермаяптими?
2. Давлат мактабларни таъмир қилмаяптими?
3. Давлат фаррошга маош бермайдими?
4. Обуналар мажбурийми?
5. Ўзбекистонда ўрта таълим олиш пулликми?

Илтимос шу саволлар ҳам жавобсиз қолиб кетмасин...


Мен бу борада қилган мардликларингизни хурмат қиламан, аммо айтингчи шу нарса тўғрими?

Урганиб кетасизлар денг? :)

Қаердаги қайси мактабда?

Сиз юқорида кўрсатиб ўтганингизни барчасини ҳозир Бухоро ва Наманган вилоятидаги холис мактаблардан сўраб кўрдим. Бу нарсалар учун ҳеч қандай пул йиғилмайди, ўзлари ҳам сотиб олишмайди. Ҳаммаси бепул келади ва бепул ишлатишади. Ўйламанг, қўрққанидан айтмаган деб, Бухорода Беҳзод онасидан ман 2 та мактабдаги 2 опамдан сўрадим, тўғрисини айтинглар деб. 100 % жаоб бераман гапимга, керак бўлса телефон рақамларини ҳам бераман.

Мен Ustoz дан, сиздан ва сиз қатори ҳамфикрлардан чек талаб қилмаяпман. Чунки биламан, "ҳимматингизни чеки йўқ". Лекин нега мен билган мактабларда бошқача-ю, сизлар билган актабда бошқача? Мана шунга ойдинлик киритмоқчиман.

Нима сабабдан сотиб олиши кераклигини, нега пул йиғиш кераклигини, керак бўлса кимнинг буйруғи ва қайси сонли буйруғи, нечанчи санадаги буйруғи, сотиб олишининг ва сотаётган одамнинг манфаати тўғрисида сўраш шунча қийинми, шунча гап ёзган одамга?

Калласи етса, борсин, арз қилсин. Қонуний ҳал қилсин! Бу ерда гапни ичакдек чўзавермасдан. Бу ҳолатни мен ОДДИЙГИНА ҒИЙБАТдан бошқа нарсага ўхшатолмаяпман. :(

Maktablarda pul yig'ilishi to'g'risida
 

Men o'zim o'qituvchi.
3 hafta bo'ldi, bizdan pulyig'dilar 2000 so'mdan sababi maktab stol, stullarini tuzatish ko'pchilik norozi bo'ldi va pul bermaymiz deb pul brerishmadi. Endi sizga savol. Pul berish kerakmi yo'qmi?

Пуллик мактаблар ҳам бор-ку?!
Ота-оналар ойига 90 минг ёки ундан ортиқ пул тўлайдиган.
Бир нарса бор. Масалан маҳалламизнинг кўчас юриб бўлмайдиган аҳқолда бўлса, маҳалладошлар пул тўлаб кўчамизни таъмирлатамиз. Чунки "Ўз уйингни ўзинг асра" деган шиор остида боқимандалик кайфиятидан қутулганмиз. Бироқ мактабга келсак...
Фарзандларимиз қандай мактабда ўқиши барибирми?

[MOD]Жасурбек!
Сўзларни қизишмай бошқачароқ айтишнинг иложи борми? ;)
[/MOD]

Бу жиддий муаммо ва бу муаммо устида бахс қилиш ҳеч ҳам ғийбат эмас...
Қонуний йўл билан ҳал қилса бўлади... аммо яна "крайний" ўқитувчи бўлиб қоладида... таёқ унинг бошида синади... ҳолбуки унинг айб бўлмасада...

1. Давлат синфларни таъмир қилиб бермаяптими?
2. Давлат мактабларни таъмир қилмаяптими? 1,2 - маълум бир вакт оралигида давлат томонидан мактабларни жорий, урта, тулик таъмирлаш дастури булади, шунга кура таъмирланади.Лекин хар укув йили йили якунида укитувчилар уз синф хоналари учун укувчилардан пул йигиб таъмирлашади, узлари эса мактабдаги коридор,зал ва шунга ухшаган жойлар учун пул туплашади.(биз томонларда шунака)
3. Давлат фаррошга маош бермайдими? - беради
4. Обуналар мажбурийми? - йук, лекин мажбуран обуна килдирилади.
5. Ўзбекистонда ўрта таълим олиш пулликми? - текин, (пулликлари хам бор)

1.2. Давлатимиз ва ҳукуматимиз мактаблар таъмирига пул ажратади, бир қанча мактаблар реконструкция қилинди.
Баъзан мактаб таъмирига ажратилган пуллар мактабгача тўлиқ етиб келмаса керак. Бу саволга жавоб беришга ожизман, чунки махсус текширув ўтказмаганман ва мактаб директори эмасман.
3. Мактаб фаррошга маош белгилаган, бироқ баъзан "ўлик жон" сифатидаг фаррошлар фаолият олиб боради, яъни фаррошнинг ҳужжати юритилади, бироқ ўзи ишламайди.
4. ТХТББдан кутубхоначиларга мажбурий қилиб белгиланиб берилади. Кутубхоначи эса буни мактаб раҳбари ёрдамида синф раҳбарларига юклайди. Обуна нафақат ўқувчиларга, балки ўқитувчиларга ҳам мажбурийдир.
5. Ватанимизда Ўрта таълим олиш бепул қилиб белгиланган.
Кўз юммаслигимиз керакки, аста-секин хусусий мактаблар ҳам пайдо бўлмоқда. Уларда таълим олиш пуллик.

У деса бу дейсизлар, бу деса у дейсизлар. Нимани хоҳлаяпсизлар ўзи? Аниқ биргина гапни айтингчи менга!

Ўша юқори ташкилот сиз истаган нарсани амалга ошириши учун, бирор жойга мурожаат қилишингиз керакми ёки шу ерда ҳал бўладида деб ўтираверасизми?

Муаммо деб бирингиз бир нарсани бошласангиз, муаммо деб яна бирингиз бошқасини. Юқорида таъкидлаганимдан бошқа нима бу?

Сабаби Сиз билган мактаблар ва ХТБлар билан мен билган мактаб/ХТБларнинг бошлиқлари/масъул шахслари бошқа. Ойдинлик кирдими?
Сўраш қийин эмас. Керакли жавобни олиш қийин.
Но комментс...
Бу ишни тўғри деб ҳисобламаганимда қилмаган бўлардим. Бир синф бола жиҳозланан синфда ўқишини таъминлашнинг қаери нотўғри?
ОК. Айтаман. Айтадиганларим фақат мактаблардаги пул йиғилишига тегишли.
1) Халқ таълими вазирлиги ва тегишли бошқарма ва бўлимлари ходимларини назорат қилишсин. Ноқонуний пул йиғадиган ходимларини ишдан ҳайдасин.
2)Мактаб/синфларни таъмирлашга, фаррошга маблағ ажратилишини таъминласин ва қандай ишлатилишини назорат қилсин.
3)Ўқитувчилар иш фаолияти учун керак бўладиган журналлар(юқорида номларини санаб ўтдим)нинг текинга берилишини таъминласин (фақат Сиз биладиган холис мактаблардагина эмас балки бутун Республикада).
ПС: Балки бу ишлар аллақачон қилингандир. Лекин бу мавзуда ёзилганларга қараганда баъзи муаммолар бор.
Ана айтдим. Юриш Сиздан.

Умумтаълим мактабларида обуна мажбурий эмас. Ўқитувчи ва ўқувчиларга фойдали деб топилган нашрлар обуна учун тавсия этилади, холос. Лекин бу мажбурий эмас.

Ҳа именно. Тавсия этилади. Ҳеч ким вазирлик томонидан "ҳамма обуна бўлсин" деб мажбур қилинади деётгани йўқ.

Чиндан ҳам ТАВСИЯ ЭТИЛАДИ. Сабаби, нашрлар бор фақат ўқитувчилар учун мўлжалланган: уларда педагогнинг иш режасидан тортиб, низом, методик тавсия, дарс ишланмалари, тестлар берилади.
Булар:
1. "Маърифат"
2. "Учитель Узбекистана" ва бошқа ТАЪЛИМ журналлари. Бундан ҳар 5 нафар ўқитувчи 1 дона обуна бўлади.

Қолгани узиздан колар гап йук, оддий арифметика....
Ўқитувчи ўз устида ишлаши, янгилклардан хабардор бўлиши лозим. Айнан мана шу жиҳатдан услубан фойдали нашрларга обуна бўлинади.
Қолганларига танлаш имконияти ўзида....

:)
ПС: Модератор опа, биламан фақат смайлик билан пост қолдириш мумкин эмас.

Ҳақиқатда ачинрали ҳол, шундай смайликлар борки, мингта сўздан таъсирлироқ....