"Mahallada duv duv gap" filmidagi ba'zi holatlar o`zbek mentalitetiga to`g`ri kelmaydi
 

Misol uchun: Umarning otasi (Arslon aka oldiga bo`lg`usi kelini Umida (yengil kavaleriya)ning borishi, qo`lidan ovqatini yulib olishi, BULARNING BARISI UMARNING OTASI EKANLIGINI BILA KO~RA Qilishi; Qaysi o`zbek qizi o`z qaynotasining oldiga borib qo`lidan tovog`ini yulib oladi??? Bundan boshqa yana Azimjonning Moskvada onasidan beruxsat uylanishi.

-Ha chidasang o`lasanmi?

Onasi bechoraning bu xabarni eshitganda qanchalik qiynalishini chi...

Bu filmdagi ba'zi holatlar o'z davridagi goyaviy qarashlar bilan sug'orilganligi...
Bu filmni mahorat bilan tasvirga olinganini tan olgan holda, bu filmni goyaviy asoslarini to'liq qayta ko'rib chiqish kerak deb o'ylayman va fikrlaringizni kutib qolaman.

Har bir film o'z davrining g'oyaviy qarashlarini, siyosatrini aks etadi. Agar filmni boshidan qarab chiqilsa, uni qaytadan suratga olishga to'g'ri keladi. Natija esa... natija "O'tkan kunlar" filmini ikkinchi bora suratga olagndek bo'lmasmikan?

"Mahallada duv-duv gap"ni qaytadan suratga olgandan ko'ra, hozirda inkubatordan chiqayotgan o'zbek filmlarini jilovlasa, epaqaga keltirsa, foydasi aaaancha-muncha ahamiyatli bo'lardi...

Filmda rejissyor mahorati, aktyorlar mahorati, yozuvchi-ssenarist mahorati uyg'unligi uning barcha g'oyaviy illatlarini yuvib ketadi.

Filmdagi ishonish qiyin bo'lgan voqealar: Oyposhshaxon(Maryam Yoqubova)ning devor oralig'iga sig'may qolishi, Arslon aka(Rahim Pirmuhammedov)ning obedlanish jarayoni, to'yda "kelin qochib ketdi" sahnasi, Lutfixonimning "Lift deganlari shu bo'lsa kerak-da" gaplari o'ta bo'rttirish bilan berilgan.

Лекин юқорида санаб ўтилган камчиликларига қарамай бу фильмни қайта-қайта кўришдан зерикмаймиз...

Ayniqsa undagi Manas Leviyev tomonidan bastalangan musiqani tinglash maroqli.

[MOD]Mavzuning ochilishiga nima turtki bo'ldi?[/MOD]

Agarda g'oyaviy jihatdan qaraydigan bo'lsak, o'sha davrlarda yaratilgan "Xo'ja Nasriddin Buxoroda", "Xo'ja Nasriddinning sarguzashtlari", "Alisher Navoiy", "Sen yetim emassan", "Toshkent - non shahri", "Tohir va Zuhra" filmlaridan ham illat topsak bo'ladi.
O'zi shundoq ham "Mirzo Ulug'bek", "Osiyo ustida bo'ron", "Dorbozlar" filmlari ekran yuzini ko'rmayapti. Osha davrlardagi filmlardagi aktyorlar mahoratiga tan bermay iloj yo'q.
Bu filmlar o'zbek madaniyatining ma'naviy xazinasi hisoblanadi.

Fikrizga qo'shilaman, bu kino siyosiy maqsadlarni ham o'zida aks ettirgan. Masalan, kino boshida milliy , baland bo'lmagan hovli-uylarni qoralab, yerga urvoradi.Qurilish ishlarini targ'ibot qilishni boshqacha usuli bo'lganmikan bu?

Agar masalani bu tarafdan baholaydigan bo'lsak, u holda Soib Xo'jayev va Baxtiyor Ixtiyorovlar o'ynagan "Yor-yor" filmida ham shunday g'oya bor.

To'g'riku-ya, lekin boshidan oxirigacha bir xil qiziqish bilan emas...
Biz yana "Ivan Vasil'yevich kasbini o'zgartiradi" filmini ham qayta-qayta ko'rishdan zerikmaymiz...

Аввал "Махаллада дув-дув гап"га ухшаган бирорта фильм ишлаб чикишсин, кейин юкорида номи зикр этилган фильм хакида бирор фикр билдирса ярашади. Тушунмадим, нима учун бунака мавзуни очилганини.

"Mahallada duv-duv gap" filmining aynan qaysi lavhasi sizga zerikarli tuyuldi?
"Ivan Vasilyevish o'z kasbini o'zgartiradi" filmiga ham fayzbek taklif etgan jihatdan yondoshdigan bo'lsak, unda ham o'zbek mentalitetiga mos kelmaydigan jihatlarni topish mumkin.

Фильмдаги воқеалар Ҳамид Олимжон майдонида эски маҳаллалар бузилаётган ва янги кўп қаватли бинолар қурилаётган жойда олинганлиги ҳақида ўқигандим.

Mahallada duv duv gap filmida shu davrdagi o`zbek mentalitetiga xos qadimiy udumlarimiz, milliyligimizni sindirishga qaratilgan yashirin g`oyalar bor. Misol : Hovlidan dom avfal degan g`oya, yoshlar ota-ona ruxsatisiz turmush qurishi mumkin degan g`oya, ota-onaning orzu umidlarini toptash shaxsiy maqsadlarda (konservatoriya emas konserva zavodida Sayyora) OTA-ONAGA HURMATSIZLIK elementlari bor!

Bu filmni qayta ko`rib chiqish emas, uni o`ta darajada ideallashtirib yuborish kerak emas.

Обращение к модераторам:

Bu mavzu ochish g`oyasi asli mendan chiqdi.

Оффтоп:

Bekmirzo. Sizning fikringiz???

Umuman filmlarda sevgi uchun kurash g`oyasiga ehtiyotkorona yondashish zarur. Oldi-qochdi filmlarning ko`pchiligida shu narsa namoyon bo`ladiki "nima qilib bo`lsa ham ikki yosh bir-biriga erishishi lozim'' Ko`pni ko`rgan ota-ona munosabati bir tiyin.

Sayyoraning otasi qizining konservatoriyadagi yigit bilan uchrasishiga "demokratik" qarashi, go`yoki "qizini tushunishi"...


Umida "Mening ham onam bo`lganida men ham uni hurmat qilardim, lekin sizga o`xshab qo`rqmasdim".... Bu bilan nima demoqchi?

Onalar har doim o'z farzandiga sirdosh bo'lib kelishgan. Farzand otasiga aytishga botina olmaydigan narsalarini onasi orqali otasiga bildirgan. Umida Umarga mana shuni bildirgan.

Бу филмни ўта идеаллаштириб юборилгани ҳақида мен бирор асос топа олмадим. Қаердан чиқди бу фикр?

Аслида "Маҳаллада дув-дув гап"ни таҳлил этиш учун алоҳида мавзу очилиши шарт эмасди. Бу ҳақда Kino va tomashabin o'rtasidagi masofa yaqinmi yoki uzoq?! мавзусида фикрлар юритилган. Мунозаралар ўша ерда давом эттирилса ҳам бўларди.

Уйимизнинг тўрида бир гилам илинган. Кўримсизгина, ранггни униққан, бу ҳам етмагандек, бир чети озгина куйган ҳам. Шунга қарамай, қадрлашади - бувимдан қолган! Ўрнига янги шоҳона Эрон гиламларидан оссак уйимизни чиройини очади.
Ҳовлимизда қари тут дарахти бор. Пишиқчилик пайти ҳаммаёқ шира, тутлар тўкилган. Хазонрез кезлар эса сарғайган барглардан ҳовли кунига 2-3 марта тозаланади, ғирт оворагарчилик! Аммо, тутни чопиб, ўрнига фойдалироқ дарахт экишгани йўқ - чунки у бобомдан қолган-да!
Лекин, оиламизда ана шу дарахт ва гиламдан бирон киши нолиганини эслолмайман!
Мумтоз кинематография дурдоналаридан камчилик топиб, нолиётганлар уйларидаги бирон бир кўхна матоҳни (бор бўлса!) кўз олдларига келтирсалар, яхши бўларди!

Бу кетишда ҳар бир фильмни таҳлил этишимиз асосида кинога баҳишланган бўлим ҳам очилса ажаб эмас. :)

Чети куйган, куя еган, униққан деб ташлаб юборса бўлади, деб ўйлайди четдаги одамлар...
Кесиб ташланса яхшигина ўтин бўлади дейишади баъзилар...

Чунки бу нарсалар кимгадир матоҳ, кимгадир ғўла бўлиб туюлса-да, оила аъзоларингиз учун қадрли қадрият. Ватанни севиш уйдаги ҳар бир буюмни севишдан бошланади.

Aynan bunday g'oya yo'q. "Sinch yoki paxsa devorli uylar kuchli zilzilaga chidolmadi. Zilziladan omon qolganlar ham ancha eskirib ketgan, ularning o'rnida endi birato'lasiga yangicha, ko'p qavatli uylar qurish kerak", degan tashviqot va buni tomoshabinga yetkazish g'oyasi bor. Ya'ni - shahar ko'rinishi yangilanishga muhtoj. Filmda ko'ringan hovli uylarning birortasi ham binoyidekkina emas, hammasining devori nurab yotibdi...
Toshkent zilzilasidan keyin Toshkentdagi qurilishlar bilan izma-iz butun O'zbekiston bo'ylab shahar joylar va rayonlar markazlarida domlar qurish keng ko'lamda boshlab yuborilgan. Va bu juda to'g'ri ish bo'lgan.

Bunday g'oya yo'q filmda. Aksincha, har bir yigit va qiz o'zi uchun umr yo'ldoshini o'zi tanlash huquqiga ega, degan g'oya bor. Bu g'oya esa siz aytgan g'oya bilan bir xil emas. Agar siz aytgan g'oya filmda ilgari surilgan bo'lganida, farzandlarining tanlovidan norozi bo'lgan ota-onalar film oxirida ham noroziligicha qolishi kerak edi...

Xullas, tanqidlaringizning ba'zilarida jon bor, ammo, aksariyatida yetarlicha asos yo'q, nazarimda...

Demak, sizning gapingizga ko'ra, filmni ideallashtirsa bo'ladi qandaydir darajada, shundaymi? ;)

Ээээ, нималар деяпсизлар! Ахир бу кинокомедияку! Кинокомедияда уша "енгил кавалерия" марсдан тушган агент булиши хам мумкин, ЦРУ агенти булишиям мумкин. "Менталитетимизга тугри келмайдиган" эмиш. Хозир тилимга зур гап келдию лекин форумда айтолмайман.

Битта кўришли "хонтахта" фильмларидан кўра савияси юқори, давр синовларидан ўтган фильм.

Ассалому алайкум! Хурматли форумдошлар камнамо булганим учун узр. Тугри айтингиз давр синовларидан утган фильм. Кино санъатининг дуру-гавхари хам деса булади. Гоявий масалага келсак-бу уша даврни, керак булса тузумни талаби эди.Буни хеч ким инкор этолмайди, уша даврда кимда-ким филь ишлагандаям, бунга карши боролмасди.

Fikringizga qo'shilaman
 

Sizni fikringizga qo'shilaman bu fimda O'zbek hovlilaridan "XRUSHYOVKA"larni ustin qo'yish va o'zbek millatini bir muncha kamsitilgan...

Toppa to'gri
 

Balli men bu filmni chiqitga chiqarib tashlash kerak demayapman, faqat biz ko'p martalab tamosha qilgan filmimizni, bazi bir tamonlari haqida so'z yuritishni maqul ko'rdim. menga esa asli "Maftuningman" filmi yoqadi...

Хурматли Fayzbek ака, айтингчи хозирги пайтда ишланаётган анча-мунча кинолардан "улса улиги" ортик эмасми бу фильмни.

Holisb yondashganingiz uchun rahmat
 

Men sizni fikrlaringizni qo'llab quvvatlaymanu lekin, bu filmlar bilan MAhallada duv duv gap filmi orasida
goyaviy tafovutlar bor, masalan filmda uchta toy kuliminatsion nuqta, lekin aktyorlar va rezissyorlar mahorati to'g'ri goyaviy illatlarni qisman yopgan...
Ammo asosan ko'pgina inson ongiga tasir qiluvchi goyalar mavjud.

hammaga rahmat
 

Shoshayotganim uchun hammaning ham fikrlariga javob yoza olmadim, uzr, Hozirgi kundagi filmlar orasida yaxshi filmlar yoq deyotganlarga bazi bir filmlarni atab o'tmoqchi edim; "Chashma", "Yo'l bo'lsin", "Sevginator-2' va boshqa filmlar ko'rsa arzigulik menimcha..., lekin baribir "Mahallada duv duv gap" filmida bizni o'zbek mentaliletiga to'g'ri kelmaydigan elementlar ko'p...
bulerni ertaga batafsil keltirib o'taman.

(mevali darahtga tosh otiladida)
 

Fikringizga qisman qo'shilaman, lekin men nima demoqchiman, filmlarimiz davr ba yillar zarblariga chidaydigan va faqat bir millat emas dunyo halqlarini maftun qiladigan muhabbatni tasvirlashini hohlardim masalan "Tohir va Zuhro" filmidek. Nima dedingiz.

Hurmatli Fayzbek,

"Mahallada duv-duv gap" filmida bizni o'zbek mentalitetiga to'g'ri kelmaydigan elementlarni sanab o'tganingizdan keyin, sizdan "Maftuningman" filmidagi bizni mentalitetga to'g'ri kelmaydigan elementlarni ham sanab o'tasiz, degan umiddaman. :)

Ushbu ma`lumotlar orqali MAHALLADA DUV-DUV GAP filmining muxlislari juda ko'pligi aniqlandi. Aktyorlar mahoratiga gap yo`q. G`oya zo`r tanlangan. Film necha yillik sinovlardan muvaffaqiyatli o`tib kelmoqda. Bu yerda gap faqat "hamma joyda ham kamchilik bor", " oyning yuzida ham dog` bor" demoqchimiz. Umuman bu kamchilik ham deb bo`lmaydi. U davrdagi adabiyot, san'at sohasida aynan shu g`oyalarni targ`ib qilish majburiyati qo`yilgan. Filmlar, kitoblar albatta biror bir g`oyani targ`ib qilish uchun yaratiladi ko`pincha.


Ommmaviy ongni boshqarish, yashirin g`oya haqida ma'lumotlar olishni istasangiz "DUX VREMENI" (DAS ZEIGSEIT) hujjatli filmini ko`rishni tavsiya qilaman.

Ман сизга тушунмадим, "Махаллада дув-дув гап" фильмининг баъзи кисмларини менталитетга тугри келмаслигини гапираяпсизу, "Севгинатор-2"ни куришга тавсия килаяпсиз. Мантик кани? Севгини намоён килиш качондан бери узбек менталитетига тугри келадиган булиб колди?

Fayzbek, siz mavzudan chetlashib ketdingizmi deb o`ylayman. Kalavaning uchini yo`qotib qo`ydik.

Hozirgi qo`ziqorinday paydo bo`layotgan filmlar (menimcha) MAhallada duv-duv gap filmi bilan solishtirishga ARZIMAYDI. Men shaxsan ularni ko`rib o`tirishga vaqtimni qizg`anaman, saviyasi past deb o`ylayman.


To`g`ri yaxshi filmlar(menimcha) ham bor misol uchun VATAN.

LUTFULLO TURSUNOVNING 21.12.2009 dagi fikrlari