Айрилдик...
Айрилдим – тақдирга кўндим,
Кўксимга қадалди “ҳижрон” деган ўқ.
Мен... Сени қалбимнинг тубига кўмдим!
Сен... Мени бир кун ҳам унутганинг йўқ!

Қийналади юрагим,
Ошиққанча сeн томон,
Хаёл исканжасидан
чиқа олмай ўртанар.
Қиймаланди юрагим,
Ҳижронлардан шу замон
Ва… жимликнинг сасидан
Сокинликни ўрганар.

Тимдалайди юрагим
Ичларимни тинмасдан,
Кeнг дунёни истайди,
Тор жойига сиғмасдан.
Ўз ўрнида урмасдан,
Чиқиб юрса, қанийди.
Сeндаги ярмисидан
Аҳвол сўрса, қанийди.

Ийманади юрагим,
Айтолмайин гапини,
Ахир кимга очарди,
Дарди тўла қопини?
Хўрсинади, уф тортиб,
Ҳар бир олган нафасда.
Булбул ҳам сайролмайди
Тутқунликда – қафасда.

Индамайди юрагим -
Гунг бўлиш ҳавасмиди?
Ҳисларини оламга,
Жар солса, бўлмасмиди?
Тилин ютган; бир маром
Йўрғалайди бeчора.
Балки сабр кeракдир,
Йўқ бошқа йўл, начора.

Талпинади юрагим,
Сeнга атаб борини.
Кўришгунча кун санар,
Фақат айтмас зорини.
Баъзан ўйларга чўмиб,
Ёролмасам кўксимни,
“Ёлғиз эканман” , дeя
Гулим, асло ўксинма.

Асли, юрагим – сeнсан,
Мeҳринг - ҳаёт риштаси,
Кўнглим боғин эгаси,
Эркаси, фариштаси.

Ҳeч қийналма, юрагим…

(c)

Мени қайғу ичра кетсанг-да ташлаб,
Умрим қувончига йўл бўшатди у...
Сен-чи, бахтлимисан – кўнгил ўғриси,
Менсиз бир зум шодон яшолмадинг-ку?!

Умрим баҳорлари чорлар самога,
Орзу қанотида учиб кетаман.
Сен эса...
Бахт тилаб –
Бахтинг ортидан,
Ёлғизликлар ичра қолиб кетасан...!

Эгасини топадиган гап:

Наҳотки, юрак тимдаласа, индамаса...ё талпинса...Эй, Шоир, "юракни синади", дедингиз, индамадим.."тинади", дедингиз индамадим.., ёзиб-ёзиб қолавердим..http://uforum.uz/images/icons/icon7.gif

Бир билсам фақат сиз эмас, "казо-казо" лар ҳам "синди юрак" деб ёзибди. Энди бу сўзлар қайдан чиқди? "Адабиётга таъсир қилмайдими бу ўхшатишлар", деган бўлар эди албатта "бировлар"..ўқиб, аммо уқмай!http://uforum.uz/images/icons/icon7.gif

Мен эса Беҳзод Фазлиддиннинг ушбу шеърини шу ерда келтиришни маъқул кўрдим, ижозатингиз билан:

Юрагим минг битта жойидан синди,
Қачон бошланади Руҳимнинг тўйи?
Фақат битта таскин: ажабмас, энди
Мени одам қилса эртанинг ўйи...("Сен қачон гуллайсан", Т,Меҳридарё, 2008)

Буёғини яна “бировлар” давом эттириши мумкин.. “Руҳнинг тўйи”??!...Қанақасига....ахир..??!http://uforum.uz/images/icons/icon7.gif

Нега бу ғам-куйиш, нега сўнгсиз мунг?
Худо кўрсатган йўл— бандасига ўнг.
То имкон бор экан, айла истиғфор,
Тавба қабул бўлмас ғарғарадан сўнг.

Адашмасам муаллифи-Шукур Қурбон.

Гул япроқлар тўшаб йўлингга,
Изларингга сажда қиламан.
Энг бахтиёр кунингда сенга
Юрагимни ҳадя қиламан.
Оқ қоғозга ёзиб сен учун
Энг самимий тилакларимни.
Шодликларга тўлдирай бугун
Руҳинг, қалбинг - юракларингни...
Ҳаётимга айланганинг рост,
Жоним ичра жоним бўлганинг.
Юрагимга жойланганинг рост,
Томиримда қоним бўлганинг.
Тўлдиролсам кўнглингни нурга,
Ташаккурлар айтма, шарт эмас!
Тилакларим, қалбим ўрнига
Бир табассум қилиб қўйсанг бас!
Табассум-ла кўзларинг кулса,
Кўзларингга сажда қиламан.
Севгинг учун гар керак бўлса,
Ҳаётимни ҳадя қиламан!

Оффтоп:

Olisdagi Yolg`iz begonamning tavallud kuniga yozganim - tabrik she`rim... :(

Не сирларнинг маконидирсиз?
Сизда қайси фаришта кўнгли?
Иболарга яширинган қиз,
Кўзларингиз бунчалар мунгли?

Куз таъсирин ўтказмиш юзга,
Тунни ташлаб ўтинг кундузга,
Шудринг тушмиш кипригингизга,
Кўзларингиз бунчалар мунгли?

Оғридими ичингиз ногоҳ? –
Маъюсликка бурканган нигоҳ,
Не бўлсаям қилингиз огоҳ,
Кўзларингиз бунчалар мунгли?

Чеҳрангизда гарчи табассум,
Ботинингиз йиғларми сим-сим?
Узоқларга термулганча жим,
Кўзларингиз бунчалар мунгли?

Ўрин борми озгина арзга?
Малҳам айланг юраги дарзга,
Қарашингиз берингиз қарзга,
Кўзларингиз бунчалар мунгли?

Чашмингизнинг икки соҳили,
Ёмғирларнинг бўлмиш дохили.
Андуҳингиз недир охири?
Кўзларингиз бунчалар мунгли?

Ўйингизга тушиб кетсайдим,
Ўзим бирла меҳр элтсайдим,
Жиндек қувонч ҳадя этсайдим,
Кўзларингиз бунчалар мунгли?

Боқишингиз бу қадар ғамгин,
Кўзларингиз бунчалар мунгли?

(c)

Оффтоп:

Аламларда куйган кўнглим кулдек тўкдим пойига,
Алишмади хиёнатдан юзлари доғ ойига...

Bu she`ringiz aynan men uchun yozilgan shekilli... ;) Men ham yuragi singanlardan biridirman, ehtimol... :(

Энди ҳаёлларнинг кўчаси ўзга,
Ҳайдалган орзулар адашар... Дайдир...
Қадрим муҳтож эди шу битта сўзга,
На y раво кўрди,
Ва ёки тақдир...

Ишқ азоби ёқар дилни,
Бағрим куюк сезмайсиз.
Юрагимни оёқ ости
Тупроқлардан изланг сиз...