Индамай қўлимга қалам оламан,
Ёзаман кўнгилда нималар бўлса...
Элчидан - оқ байроқ кўтариб олган,
Тошбақа - юмшоқдан оламан бўса.

(С)

Тошбақа - юмшоқдан оламан бўса.

***
***
Араб келди бинни бўлдинг,
Дин талашиб жинни бўлдинг,
Ўрис келди ов вов дединг,
Ҳалол ҳаром қўшиб единг,
Ўз қалбингга боқгин турким.

Тарих қати қасирғалар,
Бу жангларда овозинг бор,
Келиб кетди не дарғалар,
Бўлди баъзан дунё ҳам тор,
Шажарангда қолгин турким.

Массагету манас эдинг,
Бажноқ бўлган талас эдинг,
Тегин, амир, хон ҳам бўлдинг,
Кушон, Турон қумга тўлдинг,
Ягона турк бўлгин турким.

Имлода ҳам илғор эдинг,
Алифбега ағдар дединг,
Энасойда изинг қолган,
Келди юзинг қизил ҳолга,
Бир имлода бўлгин турким.

Қачонгача як бўласан,
Турон бўлиб қолсин номинг,
Шу замондан чиқсин сасинг,
Бут бўлади шунда нонинг,
Сен замонга мос бўл турким.

Имло дегин, талашмагин,
Замон бугун интернетда.
Тил топишда адашмагин,
Уят деган қалбда, бетда,
Олға босгин собит турким.

Ўтди Лутфий, ўтди Собир,
Асли ватан ҳаммага бир,
Қайта қайта санаб бир бир,
Дарғаларни санаб ўтгин,
Унутмагин ўзинг турким.

Афросиёб Тур ўғлони,
Алпомишинг қайда қолди.
Ватан деса тикган жонни,
Бугун элинг майда молли,
Қани, кенг феъл бўлгин турким.

Тонглар отмас Тўмариссиз,
Амазондай полвон қизсиз,
Мард майдонлар нега ҳиссиз,
Тарихку танг асли сенсиз,
Уни қўлга олгин турким.

Хон ҳам чиқсин манасдай бир,
Чиқмас асли ўрисдан пир,
Пир деб ата дунёни бир,
Доно бўлсин ҳар бир кампир,
Қизни ҳурмат қилгин турким.

Ипак эди йўлинг кеча,
Карвон ўтди неча неча,
Интернетдан очгин дарча,
Сен ҳам ясаб ойдан кулча,
Бугун йўллар очгин турким.

Қонунларинг қаймоқ бўлсин,
Асосида Ясо қолсин,
Тафаккуринг тираб туркга,
Замонсозлик йўлинг бўлсин,
Сен демократ бўлгин турким.

Карвонга “Ҳайт” дейиш одат,
“Ҳорма” демоқ белга мадад,
Жонинг борда жонбоз бўлгин,
Келди муддат кучга тўлгин,
Сен ҳам суянч бўлгин турким.

Мен ҳам куйиб ният ёздим,
Ният билан битмайди иш.
Мана салкам ўтди ёзим,
Ҳадемай тез келади қиш,
Номга содиқ қолгин турким.
(С)

Domla, boshqa mavzuda bu she'rni qo'yibsiz, yana takror aytsangiz, kalom rangsizlashmaydimi?...

Оффтоп:

Umuman olganda, turkmi, arabmi, habashmi, yaponmi, grekmi - eng avvalo imonli, insofli, boshqalarga yordami tegadigan, odamiy inson bo'lish kerak... Bir xalqni ulug'lash bilan boshqa xalqni kamsitishga yo'l qo'yadigan olqish yoki madh - chin insoniy fazilatdan yiroq bir narsadir

[MOD]Domla Mahmud Jurat!
Aynan bir she'rni "She'r aziz olam aro", "Dildagi satrlar", "Bahru bayt"da qoldirish joizmikan? "Dildagi satrlar"dagi shu sh'erni o'chirib tashlagandim. Gazeta yoki jurnalning turli ruknlarida aynan bir narsa chop etilmaganidek, fiorumda ham aynan bir matnni qayta-qayta chop etish mumkin emas.[/MOD]

Маъюс нигоҳ билан ойнага боқиб,
Хаёл дарёсида бeтиним оқиб,
Ўйчан бўлсангиз-да, хабарим ўқиб,
Шу онда мeн учун бир куласизми?

Ҳижрондан гул каби сўлган юракка,
Бир уриб, бир урмай қўйган юракка,
Орзу умидларга тўлган юракка,
Мeҳмонга чақирсам, Сиз кeласизми?

Айбга буюрмайсиз, сўраб кeлдим нур,
Ва Сизга ягона илтимосимдур:
То тирик эканман, қўлингизга шу
Қалбим омонат бeрсам, оласизми?

Сиз бирла монанддир ўзимга отим,
Ғазалим, шеърларим, битмас баётим,
Жумлаи жаҳоним,
Гўзал ҳаётим
мазмунин эканингиз биласизми?

(c)

Индамади... мен сўрмадим ҳолини,
Нари кетди... мен ортидан бормадим.
Узоқлашди... юрак тушди узилиб.
Чопдим. Елдим. Учиб ҳам етолмадим...

(C)

Учиб ҳам етолмадим

***
Майу майхонадир бу эски олам,
Ғаму дардхонадир ҳар битта дил ҳам,
Гул бериб, ўт қўйиб ёқса ҳам уни,
Озод, шод, хуш яшаб ўтмайди одам.
***
Мароқнинг “М”иси йўқ излаб ўтдим мен,
Бахт деган сўзни деб музлаб ўтдим мен,
Ароғу меҳнатдан бахт тополмадим,
Айбим шу боримни сўзлаб ўтдим мен.
***
Мен ёмон, нетайин камчилигим бор,
Мукаммал одамнинг ўзи йўқ зинҳор,
Ҳаммага бирдайин ёққан одам йўқ,
Мен бунга аминман минг бору ҳазор.
***
Мен жимлик истаган жойда ҳаяжон,
Сокинлик қидирсам қаршилар довул,
Бағрингдан жой бергил дунё аяжон,
Шаҳарга сиғмадим, қувлади овул.

(С)

[MOD]Komiljon!
Bahru-bayt qoidasiga muvofiq so'nggi xabardagi she'rning misrasi qaysi tovushd tugagan bo'lsa, keyingi she'rni shu harfda boshlash kerak. Shu sababli xabaringiz o'chirildi.[/MOD]

...Лаълинг ғамидин кўнглум эрур ғунчалари қон,
Гулбарги тарим, хоҳ инон, хоҳ инонма,

Заҳри ғами ҳажрин, мени ўлдур--ғами етди,
Эй лаб шакарим, хоҳ инон, хоҳ инонма.

Машраб (Лутфий ғазалига ёзилган)

Айрилиққа мени кузатма, бебахт,
Аста-аста кетгум унга пиёда.
Энди аста-аста кўникмоғим шарт.
Осмонсиз дунёга,
Ерсиз дунёга...

Усмон Азим