Баъзида кўнглимнинг айтганин қилдим,
Ҳамда бир ҳикматни англадим, билдим.
Подшоҳ кўзи тўймас давлатга, тахтга,
Аёл зоти кўнмас яримта бахтга.

Ҳа, тўғри буни шоирмиз ушбу шеърда янаям чиройлироқ ифода этибдилар:

..Майли, уни бошланг тақдир чўлига,
Майли, дучор этинг турмуш дўлига,
Майли, зарлар сочманг юрган йўлига
Майли, гул туткизманг ҳар кун қўлига-
ЛЕК, БЕФАРҚ ҚАРАМАНГ АЁЛ КЎНГЛИГА..

Арабча “аёл” сўзи — ”оила” калимаси билан ўзакдош. Эски тилимизда “оила аъзолари” тушунчаси “аҳли аёл” бирикмаси билан ифодалангани шундан.
Чиндан ҳам оиланинг файзу баракаси кўп жиҳатдан аёлга боғлиқ. Халқимиз бекорга аёлларимизни “уй бекаси”, “хонадон фариштаси” деб улуғламайди.

Аёлига ширин сўз айтиш, меҳр кўрсатишга йўл қўймаган "ғурур" - ғурур эмас! ;)

"Ўз завжасини севолмаган эр аёллар шаънига фисқу фасод тўқишдан нарига ўтолмайди. Завжасини севиш учун эркакка ҳар онда, ҳар куни ўзидан кечишдек жасорат керак, ўзга аёлларни севиш учун эса оддий бир нигоҳ, оддий майлу истак кифоя."

Виктор Алимасов

Ўша нигоҳ ўз жуфти ҳалолига умрбод муҳрланиб қолса, нур устига аъло нур-да! :)

Муаллиф ўзбек кирил алифбоси тартибида санаб чиқишга уринган кўринади-ю, қўлидан келмабди. Бунинг устига, алифбомизда йўқ ҳарфларни қўллабди. Умуман айтганда, ушбу маълумот фойдадан холи эмас, назаримда. Ҳаёт сўқмоқларида кимлар билан учрашиб қолмайди киши? :)

Севги изҳори қайси тилда ижро этилмасин,самимий бўлсагина бирор маъно касб этади,акс ҳолда носамимий севги изҳори,бу бир ҳиёнатдек гап.
Бир йигит,бир қизни севиб қолиб анчагача ортидан юрди.Аҳири айтишга жазм қилиб ,қиз ишҳонасидан чиқиб бекатда турганида,қизнинг ёнига келиб гаплаша бошлади.Йигит шўрлик анчадан бери қизни севишини,уйланмоқчи эканлигини айтиб қизнинг қўлини сўради.Қиз эса унчалик писанд қилмагандек,йигитга:-Бирор ерда ишлайсизми?Машинангиз борми?Агар сизга тегсам мени боқа оласизми?-деб савол берган эди,йигит ҳали жавоб беришга улгурмай,уларнинг рўпарасига бир "мерседес-бенс"тўҳтади.Қиз машина томон юрар экан йигитга:-Менга мана бунқанги машинаси бор йигилар кўпроқ ёқади,ҳафа бўлмайсиз- деб,машинанинг эшигини очиб олди ўриндиққа ўтира бошлади.Машинани ҳайдаб келган йигит:-Яхши қиз,мен сиз учун тўҳтаганим йўқ,орқангизда турган анави йигит учун тўҳтадим,мен унинг ҳайдовчисиман-деди.Энди қизнинг ҳолатига баҳо бериш ўзингизга ҳавола муҳтарам форумдош.
Юқоридаги 87 тилда севги изҳорини ёзган дўстимиз,яна ўша 87 тилда "БАХТ БОЙЛИКДА ЭМАС"деган иборани ҳам ёзиб қўйганларида,менимча фойдадан ҳоли бўлмас эди.Очиғи биз ҳам ёшликда севгининг дунё тилларида қандай айтилишига қизиққан эдик,насибни қаранг,бугун шу қизиқишимизга жавоб олдик,раҳмат.

Куни кеч кино ижодкорларимизнинг "Бахт сароблари" фильмини кўрдим, шу кинода айнан бахт бойликда эмаслиги асос қилиб олинган.